Month: March 2023

Засгийн газрын ээлжит хуралдаан 2023 оны гуравдугаар сарын 7-нд болж, Хүн амыг эрт илрүүлэг, үзлэг, шинжилгээ, оношилгоонд хамруулах үйл ажиллагааг эрчимжүүлэх, эрүүл мэндийг дэмжих төвүүдийг ходоодны уян дурангийн аппаратаар нэмэлтээр хангахыг Эрүүл мэндийн сайд С.Чинзориг, Сангийн сайд Б.Жавхлан, аймаг, нийслэлийн Засаг дарга нарт үүрэг болголоо.

Мөн оюутан, суралцагчдын эрүүл мэндийн даатгалын хамрагдалтыг нэмэгдүүлэх, эрт илрүүлэг, үзлэг, шинжилгээ, оношилгоонд хамрагдах боломжийг бүрдүүлэх чиглэлээр хамтарч ажиллахыг Боловсрол, шинжлэх ухааны сайд Л.Энх-Амгаланд, эрүүл мэндийн салбарын цахим системийн хэвийн найдвартай үйл ажиллагаа явуулахад техник, хангамжийн бүрдэл, тасралтгүй бэлэн байдлыг ханган ажиллахыг Цахим хөгжил, харилцаа холбооны сайд Н.Учралд, хүн амын эрүүл мэндийн боловсролыг дэмжих салбар хоорондын хамтарсан цогц арга хэмжээний төлөвлөгөө боловсруулж танилцуулахыг Эрүүл мэнд болон Боловсрол, шинжлэх ухааны сайд нарт тус тус даалгав.

Мөн “Шүд” арга хэмжээний төлөвлөгөө боловсруулах, Нүүр, ам судлалын үндэсний төв байгуулах асуудлыг судалж Засгийн газрын хуралдаанд танилцуулахыг салбарын сайдад үүрэг болгов.

Улаанбаатарын цагаар 2023 оны гуравдугаар сарын 9-ний үүрийн 03:00 цагаас АНУ-ын Төрийн нарийн бичгийн дарга Энтони Блинкен, АНУ-ын Тэргүүн хатагтай Жилл Байдены хамт жил бүр болдог Олон улсын эмэгтэйчүүдийн хатан зоригийн шагнал гардуулах ёслолыг Цагаан ордонд зохион байгуулж, 2023 онд тус шагналыг хүртэх болсон 11 бүсгүйн бахдам зориг, хүч чадал, манлайллыг өргөмжлөн шагнал гардуулна.

Шагнал гардуулах ёслолыг www.state.gov цахим хуудсаар шууд дамжуулна.

Бригадын генерал Г. Болор нь Монгол Улсын зэвсэгт хүчинд 30 орчим жил зүтгэхдээ бусад эмэгтэйчүүдэд саад бэрхшээлийг давж шинэ үүд хаалга нээсэн олон шинэ замналын анхдагч болсон гавьяагаараа энэ шагналыг хүртэж байна. 2022 оны гуравдугаар сарын 18-нд Монгол Улсын зэвсэгт хүчний анхны эмэгтэй бригадын генерал цолтон болсноор Болор ахин нэг анхдагчийн эзэн болсон юм. Тэрээр 2010 онд Төв Африкийн Бүгд Найрамдах Улс болон Чад Улсад, 2013 онд Өмнөд Судан Улсад тус тус НҮБ-ын Төлөөлөгчийн газрын ажилтан болон Энхийг сахиулах ажиллагаанд томилогдсон анхны эмэгтэй штабын офицерээр ажиллаж, эмэгтэй алба хаагчид энхийг сахиулах ажиллагаанд оролцоход учирдаг янз бүрийн саадыг багасгахад өөрийн хичээл зүтгэлээрээ үлгэрлэсэн юм Одоо Бригадын генерал Болор Монгол Улсын Зэвсэгт хүчний жанжин штабын Сургалт, бэлтгэлийн газрын даргаар ажиллаж, Монгол Улсын Зэвсэгт хүчний бүтэц, зохион байгуулалт, үйл ажиллагааны бүхий л салбарт жендэрийн тэгш байдлыг хангахад хувь нэмрээ оруулж байна.

Монгол Улс дахь АНУ-ын ЭСЯ Олон улсын эмэгтэйчүүдийн хатан зоригийн шагнал хүртсэн 11 эмэгтэй манлайлагчийн нэг Бригадын генерал Ганболдын Болороор бахархаж байна. Энэ шагнал бол АНУ-ын Төрийн нарийн бичгийн даргаас энх тайван, шударга ёс, хүний эрх, жендэрийн тэнцвэр, эрх тэгш байдлыг хангах, охид, эмэгтэйчүүдийн эрх мэдлийг хамгаалах үйлсэд өөрийн амь насыг эрсдэлд оруулан байж онцгой хатан зориг, хүч чадал, манлайлал үзүүлсэн дэлхийн өнцөг булан бүр дэх эмэгтэйчүүдэд олгодог хамгийн нэр хүндтэй шагнал юм. Болорын болон шагнал хүртсэн бусад эмэгтэйчүүдийн түүх дэлхийн охид, эмэгтэйчүүдийг жендэрийн саад бэрхшээлийг сөрж, тэгш эрхийг ханган илүү гэрэлтэй ирээдүйг цогцлооход урам зориг төрүүлэх байх хэмээн би найдаж байна.
Монгол Улсын зэвсэгт хүчний анхны эмэгтэй бригадын генерал цолтны хувьд Болор генерал зөвхөн эрчүүд авдаг уламжлалтай байсан цэргийн цолыг эмэгтэй офицер авах үүд хаалгыг нээж, мөн мөрдөст бүсгүйчүүд НҮБ-ын энхийг сахиулах ажиллагаанд алба хаах жимийг эхлүүлсэн юм.
Би болон манай хамт олон 3-р сарын 8-нд Вашингтон хотноо Цагаан ордонд болох Олон улсын эмэгтэйчүүдийн хатан зоригийн шагнал гардуулах ёслол дээр Бригадын генерал Болор Төрийн нарийн бичгийн дарга Энтони Блинкен, Тэргүүн хатагтай Жилл Байден нараас уг шагналыг гардаж авах мөчийг цахимаар үзэхийг догдлон хүлээж байна.
Элчин сайд Ричард Буанган

Хатан зоригт эмэгтэйчүүд илүү сайхан ертөнцийг цогцлоох урам зоригийг бидэнд өгдөг билээ. 17 дахь жилдээ зохион байгуулагдаж буй Төрийн нарийн бичгийн даргын нэрэмжит Олон улсын эмэгтэйчүүдийн хатан зоригийн шагнал нь энх тайван, шударга ёс, хүний эрх, жендэрийн тэнцвэртэй, эрх тэгш байдлыг хангах, эмэгтэйчүүдийн эрх мэдлийг хамгаалах үйлсэд өөрийн амь насыг эрсдэлд оруулан байж онцгой хатан зориг, манлайллыг үзүүлсэн дэлхийн өнцөг булан бүр дэх эмэгтэйчүүдийг шагнадаг. 2007 оноос хойш дэлхийн 80 гаруй орны 180 гаруй эмэгтэйд Төрийн департаментаас уг шагналыг гардуулсан байна. АНУ-ын дипломат төлөөлөгчийн газрууд өөрсдийн суугаа орноос тус бүр нэг эмэгтэйг нэр дэвшүүлдэг бөгөөд Төрийн департаментын ахлах албан тушаалтнууд эцсийн шатны шалгаруулалтыг хийж баталдаг аж. Шагналын талаарх илүү дэлгэрэнгүй мэдээллийг https://www.state.gov/secretary-of-states-international-women-of-courage-award/ хуудаснаас авна уу.

Олон улсын эмэгтэйчүүдийн хатан зоригийн шагнал гардуулах ёслолын дараа Бригадын генерал Г. Болор хоёр долоо хоногийн хугацаатай IVLP буюу Олон улсын зочин манлайллын хөтөлбөрт оролцон Америк дахь өөрийн мэргэжил нэгтнүүдтэй уулзах юм. Тэрбээр Кливланд болон Лос Анжелес хотуудаар зочилж, салбарын мэргэжил нэгтнүүдтэйгээ холбоо тогтоон дэлхий даяарх охид эмэгтэйчүүдийг хүчирхэгжүүлэх өөрийн төлөвлөгөө, санал санаачлагаа хуваалцана.

Олон улсын зочин манлайллын хөтөлбөр нь АНУ-ын Төрийн департаментын мэргэжлийн солилцооны голлох хөтөлбөр бөгөөд хөтөлбөр нь бусад улс орны салбар салбарын манлайлагчид АНУ-д богино хугацааны айлчлал хийн тус орны түүх, соёлтой танилцахын сацуу Америк түншүүдтэйгээ урт хугацааны харилцаа холбоог хөгжүүлэхэд чиглэдэг.

Монгол Улсын хэвлэл мэдээллийн байгууллагууд PasPress@usembassy.mn хаягаар хандан дэлгэрэнгүй мэдээлэл эсвэл манай шагналтантай ярилцлага хийх хүсэлтээ явуулж болно. Та бүхнийг мөн нийгмийн сүлжээн дээр #IWOC2023 болон #WomenOfCourage хаштагийг дагаж шинэ мэдээлэл авахыг уриалж байна.

Сүүлийн гурван жилийн амьд цэцгийн импортын мэдээллийг Гаалийн Ерөнхий газраас мэдээллээ.

Энэ оны эхээр манай улс 967,870 ширхэг амьд сарнайг 634 мянган ам.доллароор импортолжээ. Тухайлбал,

• БНСУ-аас 348
• БНХАУ-аас 899,689
• Нидерландаас- 67,833 ширхэг цэцэг импортолсон байна.

Харин өнгөрсөн 2022 оны тухайд 3.2 сая ам.долларын цэцэг импортолж байсан бол 2021 онд 1.6 сая ам.долларын цэцэг авч байжээ.

Амьд цэцэг импорт /2021.01.01-2023.03.06/

Эх сурвалж: Гаалийн ерөнхий газар

Эрүүл мэндийн сайд С.Чинзориг мэдээлэл хийлээ. Тэрээр “Урьдчилан сэргийлэх эрт илрүүлэх үзлэг оношилгоонд хамрагдсан нийт иргэдийн 64.8 хувь нь 0-17 насны хүүхэд, үлдсэн 30 орчим хувь нь 18 аас дээш насны иргэд хамрагдсан байна. Насанд хүрэгчдийн дунд хоол боловсруулах замын өвчин, амьсгалын замын өвчин, зүрх судасны өвчин хамгийн өндөр эрсдэлтэй гарсан байна. Дараагаар нь шээс бэлгийн зам, дотоод шүүрэл бодисын солилцооны өвчин зонхилж байна. Нийт иргэдийн дунд илэрсэн өвчин эмгэгийн 86.5 хувийг эдгээр өвчин эзэлж байгаа юм.

0-17 насны үзлэгт хамрагдсан нийт хүүхдийн 61.5 хувьд нь шүд цоорох өвчин илэрсэн нь байна. Ялангуяа 6-17 насны хүүхдийн шүд цоорох өвчний тархалт 83 хувьтай гарсан нь өндөр үзүүлэлт бөгөөд дэлхийн дунджаас 2 дахин өндөр үзүүлэлт болоод байгаа юм. Мөн насанд хүрэгчдийн багагүй хувьд шүд цоорох өвчин илэрсэн. Иймд 2024 оноос эхлэн Шүд төсөл хэрэгжүүлж нийт хүн амаа амны хөндийн эрүүл ахуйн байдлыг сайжруулах, шүдний цооролтоос урьдчилан сэргийлэх арга хэмжээ авна. Үүнээс гадна өрх болон сумын эмнэлэг дээр түшиглэн хүүхдэд фторт түрхлэгт үнэгүй түрхэх үйлчилгээ үзүүлнэ. Фторт түрхлэг түрхэх нь хүүхдийн шүд цооролтыг багасгадаг гэсэн эмнэл зүйн арга бий. Үүнд шаардагдах санхүүжилтийг ЭМД-ын сангаас гаргах нь зүйтэй гэж үзэж байна.

Шүдний өөр нэг тулгамдсан асуудал байгаа нь 330 сумын 30 сумд нь шүдний тоног төхөөрөмж, эмч ажиллаж байгаа явдал юм. Үлдсэн 300 суманд шүдний анхан шатны тусламж үйлчилгээ үзүүлэх тоног төхөөрөмж эмч байхгүй тул бий болгохоор ажиллана.

Мөн хэрэгжүүлэхээр төлөвлөж буй нэг ажил бол дотооддоо мэс засал гүйцэтгэх байр нэмж барих юм. Сүүлийн жилүүдэд эмч нар чадвартай болж бөөр, элэг зэрэг эрхтэн шилжүүлэх мэс засал амжилттай хийж байна. Гэвч байрны багтаамж байхгүй учир өнөөдөр зөвхөн нэгдүгээр эмнэл дээр элэг шилжүүлэн суулгах хагалгаанд орохоор 103 хүн байна. Эдгээр иргэд мэс засал хийхэд орны хүртээмж болоод хагалгааны өрөөний багтаамжаас хамаараад 2 жил орчим хүлээхээр байгаа юм. Иймд хагалгаа хийх байр нэмж барина” гэлээ.