Month: January 2023

Нийслэлийн цагдаагийн удирдах газрын Хүний нөөц, сургалтын хэлтсээс нийслэл хотод ажиллуулах олон нийтийн цагдаагийн сонгон шалгаруулалтад оролцох иргэдийг өнөөдрөөс бүртгэж эхэллээ. Бүртгэл хоёрдугаар сарын 3-ны өдрийг хүртэл үргэлжилнэ. Сонгон шалгаруулалт Цагдаа, дотоодын цэргийн сургалтын нэгдсэн төвд зохион байгуулагдана. Олон нийтийн цагдаагаар ажиллах хүсэлтэй иргэд өөрийн харьяа оршин суугаа газрын Цагдаагийн газар, хэлтэст холбогдох материалыг бүрдүүлж өгөх аж.

ТАВИГДАХ ШААРДЛАГА:

• Улаанбаатар хотын харьяа байх /түр оршин суух бүртгэлтэй байх/
• Бүрэн дунд болон түүнээс дээш боловсролтой
• 20 нас хүрсэн /эрэгтэй, эмэгтэй/
• 168 см-ээс дээш өндөртэй
• Биеийн зөв хөгжилтэй
• Цэргийн алба хаасан бол давуу тал болно
• Урьд өмнө ял шийтгэл эдэлж байгаагүй. / гэмт хэрэг, зөрчилд холбогдож байгаагүй/
• Биеийн ил харагдах хэсэгт шивээс, нүүрэнд илэрхий сорви, мэс заслын оёдолгүй байх

БҮРДҮҮЛЭХ МАТЕРИАЛ:

• Олон нийтийн цагдаагаар ажиллахыг хүссэн өргөдөл
• Ял шийтгэлийн лавлагаа
• Төрийн албан хаагчийн анкет
• Гурван үеийн түүх /өөрийн төрсөн эцэг эх, эхийн эцэг, эхнэр /нөхөр/ -ийн гэсэн найман хүний намтрыг өөрийн гараар дэлгэрэнгүй бичих
• Иргэний цахим үнэмлэхийн хуулбарыг нотариатаар баталгаажуулсан байх, цахим үнэмлэхгүй бол лавлагаа авсан байх
• Боловсрол, мэргэжлийн диплом, гэрчилгээний хуулбарыг нотариатаар баталгаажуулсан байх
• Хорооны Засаг даргын тодорхойлолт
• Ажиллаж, суралцаж байсан бол тухайн сургууль, ажлын газрын тодорхойлолт
• Хөдөлмөр, нийгмийн даатгалын дэвтэр
• Зураг 4*6 хэмжээтэй гурван ширхэг, 2*3 хэмжээтэй зураг гурван ширхэг байна.

Нийслэлийн нийтийн тээврийн хүртээмжийг нэмэгдүүлэхээр парк шинэчлэл хийж байгаа.

Энэ хүрээнд БНХАУ-аас авч буй 100 автобус Эрээний хил дээр ирснийг албаны эх сурвалж мэдээлэв. Хэрэв гааль дээр ямар нэг асуудал үүсэхгүй бол 2023 оны нэгдүгээр сарын 10-ны өдөр Улаанбаатар хотод авчирч, энэ сарын 15-наас үйлчилгээнд явуулж эхлэх аж.

Харин үлдсэн 124 автобусыг хоёрдугаар сард багтаан оруулж ирэхээр төлөвлөжээ.

Энэ онд нийтийн тээврийг сайжруулах, парк шинэчлэл, паркийн бүтээн байгуулалтад зориулж, улсын төсөвт 340 тэрбум төгрөгийг тусгасан билээ.

Нийслэлийн удирдах ажилтнуудын шуурхай зөвлөгөөн өнөөдөр боллоо.

Энэ үеэр “Багануур дүүрэгт өвөлжиж байгаа Төв аймгийн Баяндэлгэр сумын малчин Б-гийн малд халдварт өвчний шинж тэмдэг илэрсэн дуудлагаар арванхоёрдугаар сарын 29-нд дээж авч шинжлүүлэхэд бог малын мялзан өвчин оношлогджээ. Иймээс дүүргийн Засаг даргын захирамжаар хорио цээрийн дэглэм тогтоох ажлыг зохион байгуулж байгаа юм” хэмээн нийслэлийн Онцгой байдлын газрын дарга, хурандаа Л.Дашням хэллээ.

Мөн “2023 он гарснаас хойш өнөөдрийн байдлаар объектын гал түймэр 87, аврах ажиллагааны 15, малын гоц халдварт өвчний нэг, нийт 103 удаагийн дуудлагатай байгаа нь өнгөрсөн оны мөн үетэй харьцуулахад 20.9 хувиар буурсан үзүүлэлт” гэсэн

Төв аймгийн Сэргэлэн сумын Хөшиг багийн “Манзуширын хийд” гэдэг газар 2023 оны нэгдүгээр сарын 1-ний өдрийн 11:00 цагийн орчим иргэн Г, О нар Богдхан уулын оргил Цэцээ гүний чиглэлд алхахаар явжээ.

Гэвч буцах замдаа төөрч, иргэн О-ын бие нь өвдөж явж чадахгүй болсон тухай дуудлагыг мөн өдрийн 18:50 цагт онцгой байдлын алба хүлээн авсан. Тухайн хоёр иргэний байршлыг “What3words” аппликэйшнээр тодорхойлсноор тус аймгийн Онцгой байдлын газрын Эрэн хайх, аврах салбарын алба хаагчдыг очиход тухайн хоёр иргэн байгаагүй тул эрэн хайх ажиллагааг эхлүүлжээ.

Эрэн хайх ажиллагааг зохион байгуулах явцад иргэн Г өөрөө уулнаас эсэн мэнд бууж, “Цэцээ гүн” амралтын газар ирсэн тухай нэгдүгээр сарын 2-ны 00:01 цагт тус аймгийн Онцгой байдлын газарт мэдэгдсэн бөгөөд иргэн О-ын цогцсыг 00:44 цагт “Өгөөмөрийн-Ам” гэдэг газраас олж, Цагдаагийн байгууллагад шилжүүлэн өгсөн гэж Онцгой Байдлын Ерөнхий Газраас мэдээллээ.