Month: June 2022

Categories
мэдээ нийгэм

Монголбанк энэ жил 24 тонн алт худалдаж авна DNN.mn

Монголбанк өчигдөр /2022.06.21/ гадаад валютын дуудлага худалдаагаар цахим талбарт 45 сая ам.долларыг 3120.99 төгрөгийн ханшаар нийлүүлжээ.

Гадаад валютын албан нөөц энэ оны дөрөвдүгээр сард 3314.8 сая ам.доллар байсан бол тавдугаар сард 3126.3 сая ам.доллар болсон гэж Монголбанкнаас мэдээлсэн.

Энэ нь өмнөх сараас 5.69%, оны эхнээс 31.05%, жилийн өмнөхөөс 35.92%-иар буурсан үзүүлэлт юм.

Төв банкны валютын нөөцийг бүрдүүлэхэд алтны салбар чухал нөлөөтэй байдаг. Монголбанк өнгөрсөн жил 20.9 тонн үнэт металл худалдаж авсан. Энэ жилийн хувьд 24 тонн алт худалдаж авах хүлээлттэй байгаа бөгөөд 20-24 тонн үнэт металл гэдэг нь 1-1.2 тэрбум ам.доллараар нөөцийг нэмэгдүүлнэ гэсэн үг.

Тэгвэл Монголбанк 2022 оны тавдугаар сард 2,152.0 кг үнэт металл худалдан авч, оны эхнээс өссөн дүнгээр 6 тонн үнэт металл худалдан аваад байна. Энэ нь өмнөх оны мөн үетэй харьцуулбал 14 хувиар буурсан үзүүлэлт байна.

Categories
гадаад мэдээ

Орос улс Хятадын хамгийн том нефтийн нийлүүлэгч боллоо DNN.mn

Украины дайнаас үүдэлтэй хориг арга хэмжээний улмаас Москвагаас хямд үнээр түүхий нефтээ Бээжинд худалдаж буй. Улмаар Орос улс нь Хятадын хамгийн том газрын тос нийлүүлэгч болoв. ОХУ-ын нефтийн импорт өнгөрсөн оны мөн үеэс 55 хувиар өсч, тавдугаар сард дээд амжилт тогтоожээ. Энэ үзүүлэлт нь Саудын Арабыг даван гарч Хятадын хамгийн том нийлүүлэгч болсон гэдгийг илтгэв. Цар тахлын хязгаарлалт болон удааширч буй эдийн засгийн эрэлт хэрэгцээ багассан ч Хятад улс нь Оросоос нефть худалдан авахаа нэмэгдүүлэв.

Үүний нэг илрэл нь хоёрдугаар сард Хятад, Оросын удирдагч нар хоёр улсын найрамдалт харилцаанд хязгаар байхгүй гэж мэдэгдсэн юм. Украины эсрэг хийсэн дайны улмаас Европын болон АНУ-ын худалдан авагчид Оросын эрчим хүчнээс татгалзаж байгаатай холбогдуулан Хятадын компаниудын худалдан авалт нэмэгдсэн. Тэр дундаа улсын боловсруулах үйлдвэр Синопек, төрийн мэдлийн Жэнхуа Ойл зэрэг компаниуд Оросын түүхий нефтийн худалдан авалтаа сүүлийн саруудад нэмэгдүүлсэн байна. Хятадын Гаалийн ерөнхий газрын мэдээлснээр, өнгөрсөн сард тус улс руу Зүүн Сибирийн Номхон далайн хоолойгоор нийлүүлсэн хэмжээ болон далайгаар тээвэрлэсэн нийлүүлэлтийн хэмжээ нийтдээ 8.42 сая тонн болжээ.

Өмнө нь Хятад улс Саудын Арабаас 7.82 тонн нефть худалдан авч байсан юм. АНУ, Их Британи гуравдугаар сард Оросын нефтийг хориглоно гэж мэдэгдсэн. Энэ нь барууны орнууд Украины түрэмгийллийн эсрэг эдийн засгийн хариу арга хэмжээг эрчимжүүлж байгаатай холбоотой. Мөн Европын холбоо нь Оросын хийнээс хамааралтай байдлаа зогсоохоор ажиллаж байна. Гэхдээ Оросын газрын тосны орлого аль хэдийн багасаж эхэлсэн бөгөөд Европын бусад орнууд эрчим хүчний өөр эх үүсвэр хайх эрэл нь амжилттай өрнөж байна.

Categories
мэдээ энтертаймент-ертөнц

“Squid Game” цувралын шинэ бүлэг хийгдэнэ DNN.mn

“Netflix” компанийн уран бүтээл болох “Squid game” нь цацагдаад дөрөв хонохдоо үзэгчдээс 560 оноо авч тус платформийн хамгийн өндөр оноотой к-драма болж байсан түүхтэй. Тус рекордыг өмнө нь 428 оноотой “Sweet Home” драма эзэмшиж байсан.

Харин киноны нэгдүгээр бүлэг нь есөн ангитай бөгөөд 2021 оны есдүгээр сарын 17-нд нээлтээ хийсэн. Харин хоёрдугаар бүлэг нь 2023 онд нээлтээ хийнэ гэсэн албан бус яриа олон нийтэд цацагдаад байсан юм.

Тэгвэл 1.65 тэрбум цагийн үзэлт авсан алдарт цуврал “Squid Game” киноны үргэлжлэл хийгдэхээр болсон байна. Тус цуврал нь нийт есөн ангитай бөгөөд “Netflix”-ийн зүгээс хэдийн гол дүрийн жүжигчдийг танилцуулж эхлээд байгаа билээ.

Categories
мэдээ нийгэм

Бусдын тээврийн хэрэгслээс 1.2 тэрбумын үнэт эдлэл хулгайлжээ DNN.mn

Бусдын тээврийн хэрэгслээс үнэт эдлэл хулгайлсан этгээдүүдийг шуурхай илрүүлж, дайчлан баривчилжээ.

Энэ талаар СХД-ийн Цагдаагийн газрын гуравдугаар хэлтсийн мөрдөн байцаах хэлтсийн тасгийн мөрдөгч М.Жанчив “Зургаадугаар сарын 20-21-нд шилжих шөнө Сонгинохайрхан дүүргийн 12 дугаар хорооны нутаг дэвсгэрт иргэн Б-ийн эзэмшлийн тээврийн хэрэгслээс 1.2 тэрбум төгрөгийн үнэ бүхий үнэт эдлэл хулгайд алдагдсан талаарх дуудлага мэдээлэл манай хэлтэст бүртгэгдсэн.

Дуудлагын дагуу албан хаагчид шуурхай мөрдөн шалгах ажиллагаа явуулсны үр дүнд урьд өмнө нь энэ төрлийн гэмт хэргээр ял шийтгэл эдэлж байсан 22-31 насны есөн этгээд үйлдсэн болохыг гурван цагийн дотор илрүүлэн, олж тогтоон дайчлан баривчилсан. Одоогоор шалгалтын ажиллагаа үргэлжилж байна” гэлээ.

Хохирогч “Гэмт этгээдүүд биднийг сарын өмнөөс дагасан байна. Бидэнтэй адил үнэт эдлэл худалдан борлуулдаг хүмүүст хэлэхэд, ийм этгээдүүд олон хоногийн өмнөөс хаана юуг тавьж, хэнтэй уулзаж байгааг маань хүртэл судалж, бүлгээрээ дагаад явж байдаг юм байна. Тиймээс маш болгоомжтой, сэрэмжтэй байгаарай гэж хэлье” хэмээлээ.

Иймд иргэд их хэмжээний бэлэн мөнгө, үнэ бүхий эд зүйлсийн талаарх мэдээллээ бусдад өгөхгүй байх, хадгалах, тээвэрлэлтийн аюулгүй байдлыг хангаж, хулгайн гэмт хэргээс урьдчилан сэргийлэхийг Цагдаагийн ерөнхий газраас анхаарууллаа.

ВИДЕО:

Categories
мэдээ нийгэм

БЗД-ийн 26 дугаар хороонд 640 хүүхдийн сургуулийн шав тавигдлаа DNN.mn

Хүн ам ихээр төвлөрсөн Баянзүрх дүүргийн 26-р хороо улсын нэг сургуультай боловч тэр нь хаанаа ч хүрэлцдэггүй, мөн улсын цэцэрлэггүй.

Тиймээс УИХ-ын гишүүн Б.Энхбаяр, Нийслэлийн Засаг дарга Д.Сумъяабазар нар дээрх асуудлаар удаа дараа хамтран ажиллаж, газрын асуудлыг шийдэн, тус хороонд 640 хүүхдийн хүчин чадалтай сургуулийн барилгын шавыг өнөөдөр тавилаа.

Энэ үеэр УИХ-ын гишүүн Б.Энхбаяр “Улаанбаатар хотын хамгийн нягтаршил ихтэй, хүн ам, сургуулийн насны хүүхэд олонтой хороо бол 26-р хороо. Сургууль, цэцэрлэгийн хүрэлцээ хамгийн их тулгамддаг асуудал. Дээд шүүх хүртэл явж байж газрын асуудлыг шийдэж, өнгөрсөн оны аравдугаар сард 2022 оны төсөвт сургуулийн хөрөнгө оруулалтыг тусгасан.

Сургуулийг 10 тэрбум гаруй төгрөгийн хөрөнгөөр хоёр жилийн хугацаанд барина. Баянзүрх дүүргийн хэмжээнд 10 гаруй сургууль, мөн энэ тооны цэцэрлэг шаардлагатай байгаа. Дүүргийнхээ иргэдтэй уулзахад сургууль, цэцэрлэгийн хүртээмжийг байнга хөнддөг. 2024 онд манай дүүргийн хүн 400 мянгад хүрнэ. Монгол Улсын нийт хүн амын 10 хувь нь Баянзүрх дүүрэгт амьдардаг. Гэтэл хөрөнгө оруулалт нь 20 мянган хүнтэй аймагт өгч байгаагаас 10 дахин бага байна.

Нийслэл төдийгүй орон нутгаас сонгогдсон УИХ-ын гишүүд нэгдэж Улаанбаатар хотын хөгжлийн асуудал эрхэлсэн Түр хороо байгуулж, Нийслэл Улаанбаатар хотын эрх зүйн байдлын тухай хуулиа шинэчлэн баталж, хотын хөгжлийн асуудлаар хүчээ нэгтгэн ажиллаж байна. Үүний үр дүнд Улаанбаатар хотын хөрөнгө оруулалтын төсөв 40 тэрбум байсныг 400 тэрбум болгож, 10 дахин нэмэгдүүлж чадсан. Үүний ялагч нь Улаанбаатар хотын иргэд.

26 дугаар хороонд дахиад 2-3 газар байгаа ч эрх мэдэлд ойр хүмүүс авчихсан байдаг. Энэ хүмүүстэй шүүхээр дамжуулан “зодолдож” байгаа. Нийслэлийн Засаг дарга, Нийслэлийн Боловсролын газар гурван шатны шүүхээр явж, удаан хугацааны тэмцлийн үр дүнд сургууль барих боломж бүрдлээ. 25 дугаар хороонд Замын цагдаагийн 10 давхар оффис барих гэж байсныг Хотын дарга болиулж, цэцэрлэг барихаар газрын асуудлыг шийдсэн.

Замын цагдаагийн журмын хашаанд 240 хүүхдийн цэцэрлэг ирэх сард ашиглалтад орно. Сул газруудад ногоон байгууламж, эсвэл сургууль, цэцэрлэг байгуулна” хэмээлээ.

Баянзүрх дүүргийн 26-р хороонд сургуулийн насны 11 мянга орчим хүүхэд байдаг ч ганц л сургуультай учраас хүүхдүүдийн олонх нь харьяаллын бус сургуульд сурдаг. Харин дээрх 640 хүүхдийн сургууль ашиглалтад орсноор энэ тооны хүүхэд харьяаллын бус сургуульд сурах шаардлагагүй болж, энэ хэрээр түгжрэлд эерэг нөлөө үзүүлэх юм.


Нийслэлийн Боловсролын газрын Ерөнхий боловсролын сургуулийн барилга, хөрөнгө оруулалтын мэргэжилтэн Э.Баярмагнай “26 дугаар хороонд энэ онд 920 хүүхдийн сургууль, 330 хүүхдийн цэцэрлэг ашиглалтад орно. Мөн “Монгол тэмүүлэл” сургуулийн байр ашиглалтад орно” гэв.


Тус 640 хүүхдийн сургуулийг улсын төсвийн хөрөнгө оруулалтаар “Golden light” групп барих юм.

Тус группийн ерөнхий захирал С.Алтангэрэл “Манайх 2009 оноос үйл ажиллагаа явуулж эхэлсэн. 70 орчим төсөлд ажилласны 50 орчимд ерөнхий гүйцэтгэгчээр ажилласан. Орон сууц, үйлдвэр, үйлчилгээ, эмнэлэг, оффисын гэх мэт олон төрлийн барилга барьсан туршлагатай. Сургуулийг 2024 оны зун ашиглалтад оруулах гэрээтэй. Хэрэв хөрөнгө оруулалтын асуудлыг шийдвэл 2023 онд ашиглалтад оруулна. Барилга нь зоорийн нэг давхар, дээшээ гурван давхар. Газрын нөхцөл байдлаас шалтгаалаад 640 хүүхдийн хүчин чадлаас илүүг барих боломжгүй. Хоёр спорт заал, гадна талбайг төлөвлөсөн” гэлээ.

Categories
мэдээ цаг-үе

Гашуунсухайт-Ганцмод боомтод автомат удирдлагатай тээврийн туршилтыг эхлүүлэхийг үүрэг болгожээ DNN.mn

Гашуунсухайт-Ганцмод боомтод автомат удирдлагатай тээврийн туршилтыг долдугаар сарын 5-ны дотор эхлүүлэхийг Ерөнхий сайд өнөөдөр холбогдох хүмүүст үүрэг болгожээ.

Автомат удирдлагатай тээвэрлэлтийг хийснээр тус боомтод нүүрсний экспорт урьдчилсан байдлаар 10 сая тонноор нэмэгдэх тооцоололтой байгаа аж.

Цаашид автомат удирдлагатай тээврийг Шивээхүрэн-Сэхээ болон Хангимандал боомтуудад хэрэгжүүлэхээр төлөвлөжээ.

Мөн “Нүүрсний үнэ дэлхийн зах зээл дээр өндөр байгаа энэ үед манай улс нүүрсний экспортыг богино хугацаанд яаралтай нэмэгдүүлэх шаардлага бий. Иймд автомат удирдлагатай нэмэлт тээвэрлэлт нь нэгэн шинэ гарц болж байна” хэмээн Засгийн Газрын Хэвлэл Мэдээлэл, Олон Нийттэй Харилцах Газрын ажилтан О.Бямбагэрэл хэллээ.

Categories
мэдээ цаг-үе

ЗГ: ​Дотоодын агаарын тээвэрлэгчдэд бага хүүтэй, хөнгөлөлттэй зээл олгоно DNN.mn

Хуваарьт нислэг гүйцэтгэж буй дотоодын агаарын тээвэрлэгчдийн 2022 оны нэгдүгээр сарын 01-ний өдрөөс арванхоёрдугаар сарын 31-ний өдрийг хүртэлх хугацаанд хамаарах агаарын навигацийн үйлчилгээний хураамжийг Монгол Улсын 2022 оны төсвийн тухай хуулиар улсын төсөвт төвлөрүүлэхээр баталсан навигацийн үйлчилгээний орлогод нөлөөлөхгүй байхаар зохицуулалт хийж, чөлөөлөх, цаашид навигацийн үйлчилгээний орлогоос татаас олгох тогтолцоо бүрдүүлж, хэрэгжүүлэхийг Зам, тээврийн хөгжлийн сайд Л.Халтар, Сангийн сайд Б.Жавхлан, Иргэний нисэхийн ерөнхий газрын дарга С.Мөнхнасан нарт даалгалаа.
Олон улсын эрх зүйн зохицуулалттай зөрчилдөхгүй, дотоодын агаарын тээвэрлэгчдийн агаарын навигацийн үйлчилгээний хураамжийг чөлөөлж, цаашид хөөрөлт, буултын навигацийн орлогоос татаас олгосноор агаарын тээвэрлэгчдэд олон улсын шинэ чиглэл нээх, жуулчин тээврийн нислэгийг нэмэгдүүлэх, орон нутгийн нислэгийг сэргээхэд нэн чухал дэмжлэг болох бөгөөд цаашлаад нислэгийн тийзний үнэ буурах, жуулчны урсгал нэмэгдэхэд эергээр нөлөөлнө гэж үзэж байна.
Мөн аялал жуулчлалыг дэмжих зорилгоор МИАТ ТӨХК-ийн Франкфуртын чиглэлийн энэ оны 6-9 дүгээр сард хийх нэмэлт 17 нислэгт олгох 4,7 тэрбум төгрөгийн татаасыг Засгийн газрын нөөц сангаас гүйцэтгэлээр нь хянаж, санхүүжүүлэхийг даалгалаа.
МИАТ компанийн нислэг үйлдвэрлэл, үйл ажиллагааны менежментийг сайжруулж, өрсөлдөх чадварыг нэмэгдүүлэн эдийн засаг, санхүүгийн бие даасан, тогтвортой байдлыг хангуулан ажиллахыг холбогдох сайд, дарга нарт үүрэг болголоо.
Хуваарьт нислэг гүйцэтгэж буй дотоодын агаарын тээвэрлэгчдийн (МИАТ ТӨХК, “Аэромонголиа” ХХК, Хүннү Эйр ХХК, Изинис Эйрвэйс ХХК) үйл ажиллагааг тогтворжуулахад хэрэгцээтэй 145 тэрбум төгрөгийн бага хүүтэй, хөнгөлөлттэй зээлийн эх үүсвэрийг “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хүрээнд олгох нэмэлт нэг их наяд төгрөгийн зээл олголтын гүйцэтгэлтэй уялдуулан, батлагдсан хүүгийн татаасын хэмжээнд багтаан шийдвэрлэхээр боллоо.

Categories
мэдээ цаг-үе

“Цементийн үнийг барих асуудлыг ярьсан ч тээвэрлэлтийн асуудал саад болж байна” гэв DNN.mn

Засгийн газрын хуралдаанаар хэлэлцсэн асуудлын талаар Барилга хот байгуулалтын сайд Б.Мөнхбаатар мэдээлэл хийлээ.

Тэрбээр “2021 оны зургаадугаар сараас эхлээд өссөн үнийн өсөлт барилгын салбарт олон сорилтыг авчирсан. Улсын төсвийн бус эх үүсвэртэй болон төсөл арга хэмжээний давхцал зэргээс шалтгаалан 31 төсөл арга хэмжээ хасагдаж, 2022 оны тавдугаар сарын 12-ны өдрийн байдлаар 1,222 төсөл арга хэмжээний жагсаалтыг эцэслэсэн. Зургаадугаар сарын 15-нд 271 төсөл арга хэмжээг хасуулахаар холбогдох сайд нар мэдээллээ өгөөд байна. Миний хувьд нэгтгэх үүрэгтэй. 851 төсөл арга хэмжээг нэгтгээд компани тус бүрээр дүнг нь гаргасан.

524 төсөл арга хэмжээн дээр магадлал хийсэн. 327 төсөл арга хэмжээ магадлалыг ирүүлээгүй. Барилгын компаниуд зургаан сарын хугацаанд зураг төсөл дээрээ магадлал хийлгэхийг мэдэж байгаа.

Гадаа зогсож байгаа барилгачдын зовлонг ойлгож байна. 524 төсөл арга хэмжээнд магадлал хийхэд 270 орчим тэрбум төгрөгийн үнийн зөрүү гарч ирж байна. Уг асуудлыг УИХ-д өргөн барина. Үнийн зөрүүг улсын төсөвт суулгах асуудлыг ярьж эхэлнэ.

Зарим барилгын компаниудаас тээвэр, цалингийн асуудлыг бодохгүй байна гэж хандаж байгаа. Бидэнд хөнжлийнхөө хэрээр хөлөө жийх л тоо хэмжээ бий.

Нэг тэрбум 999 сая төгрөгийн дүнтэй Соёмбо цэцэрлэгт хүрээлэнгийн төсөл арга хэмжээг хариуцаж байгаа компани бий. Тухайн компанийн үнэ 460 сая төгрөгөөр өссөн байна. Баянхонгор аймагт хүүхдийн сургууль барьж компанийн өртөг нэг тэрбум төгрөгөөр өссөн.

Зарим нэг компаниуд барилгын ажил гүйцэтгэх үнийн дүнгээ өсгөж орж ирж асуудал үүсгэж байсан. Тухайн төслүүдийн ихэнх нь 2021 оноос өмнө авсан. 781 барилгын материалын үнийн өсөлтөөр магадлалыг хийсэн.

Барилгачдын цалинг зайлшгүй нэмэх ёстой. Гэхдээ яг энэ цаг үед бүх асуудлыг нэг дор шийдэх боломжгүй. Барилгын материалын үнийн өсөлттэй холбоотой асуудлыг тооцлоо. Барилгын компаниудад хөнгөлөлттэй зээл олгох боломжгүй. Эдийн засгаа том өнцгөөр нь харах хэрэгтэй.

Цементийн үнийг сүүлийн хоёр жил өсгөөгүй. Дотоодын үйлдвэрлэлийг тавхан хувиар өсгөж ажиллаж байсан. Цементийн үнэд тоног төхөөрөмжийн элэгдэл нөлөөлж байгаа. Томоохон үйлдвэрүүд тулгамдаж буй асуудлаа ярьж байна. Тухайлбал, МАК буталбарын үйлдвэрийн тоног төхөөрөмжөө оруулж чадахгүй, Эрээн дээр гацаад байсан.

Хөтөлийн цементийн үйлдвэрийнхэнтэй ярьсан. Уг үйлдвэрт засвар хийж байгаа энэ сарын 20 гэхэд ашиглалтад оруулна гэдгийг хэлээд байна. Цементийн үйлдвэрлэгч нартай уулзаж үнийг барих асуудлыг ярьсан ч тээвэрлэлтийн асуудал саад болж байна” гэв.

Categories
мэдээ нийгэм

“Монгол Дархан-2022” үзэсгэлэн болно DNN.mn

“МОНГОЛ ДАРХАН -2022” Монголын Уран Зургийн Галерей ирэх сарын 01-нээс 07 өдрийг хүртэл (7 хоног) хугацаанд үргэлжилнэ. Тус үзэсгэлэн зохион байгуулагдахтай холбоотойгоор Монгол Уран дарханы Түмэн эрдэнэс нэгдсэн холбооны удирдах зөвлөлийн гишүүд мэдээлэл хийлээ.

Монгол дархны уламжлалт өв соёл, өнөөгийн хөгжил дэвшлийг, уран дархчуудын үнэт металл, эрдэнийн чулуугаар урласан орчин үеийн бүтээлүүдийг дотоод, гадаадын хэрэглэгчдэд өргөнөөр сурталчлах, уран дархчуудыг урласан бүтээлүүдээр нь нүүр тулан учруулж харилцан туршлага солилцуулах, хэрэглэгчдийг уран дархчуудтай уулзуулж эрэлт хэрэгцээг нь судлах, түүнчлэн уран дархчуудын өмнө тулгамдаж буй асуудлыг шийдвэрлэхэд төр, төрийн захиргааны төв байгууллага, Соёлын яам, холбогдох байгууллагуудтай хамтран ажиллах зэрэг олон талын ач холбогдолтой үзэсгэлэн болно.

Тус үзэсгэлэн 7 хоногийн туршид үргэлжлэх бөгөөд дараах цогц арга хэмжээнээс бүрдэж байна үүнд:

1.Шилдэг бүтээл шалгаруулах, Монголын Улсын Ерөнхийлөгч шагнал гардуулах ёслол

2.Уран дархчуудад төрийн дээд одон, медаль, бусад шагнал гардуулах


3. Монголын уран дарханы ахмад болон залуу үеийнхний уулзалт

4.Монгол уран дарханы сор болон бүтээлүүдийн дуудлага худалдаа

5.Хүндэтгэлийн хүлээн авалт
6. Уран дархчуудын бүтээгдэхүүний худалдаа зэрэг үйл ажиллагаа болно

Categories
мэдээ цаг-үе

ЗГ: Оюу толгойн хэлэлцээг ажил хэрэг болгох ажлын хэсгийг шинэчлэн байгууллаа DNN.mn

Засгийн газрын ээлжит хуралдаан өнөөдөр /2022.06.22/ болж байна. Хуралдаанаар гаргасан шийдвэрүүдийн талаар сайд нар мэдээлэл хийж байна.

Энэ үеэр Оюу толгойн хэлэлцээний үр дүнг бодит ажил хэрэг болгох үүрэгтэй ажлын хэсгийн бүрэлдэхүүнийг шинэчлэн байгуулсан талаар мэдээллээ. “Оюу толгой” төслийн хөрөнгө оруулагч талтай Засгийн газар урт хугацааны хэлэлцээ хийж, тодорхой агуулгууд дээр тохироод байгаа билээ.

Тэгвэл шинэчлэн байгуулсан тус ажлын хэсэгт:

  • Хууль зүй, дотоод хэргийн сайд Х.Нямбаатар
  • Гадаад харилцааны сайд Б.Батцэцэг
  • Сангийн сайд Б.Жавхлан
  • Байгаль орчин, аялал жуулчлалын сайд ББат-Эрдэнэ
  • Уул уурхай, хүнд үйлдвэрийн сайд Г.Ёндон
  • Эрчим хүчний сайд Н.Тавинбэх нарын сайд нар багтжээ.

Үүнээс гадна:

  • Хууль зүй, дотоод хэргийн дэд сайд Б.Солонгоо
  • “Эрдэнэс Оюу толгой” ХХК-ийн Гүйцэтгэх захирал Н.Цэрэнбат
  • ХЗДХЯ-ны Төрийн нарийн бичгийн дарга П.Сайнзориг нар багтсан байна.