Month: June 2022

Монгол Улс болон Америкийн Нэгдсэн улсын хооронд дипломат харилцаа тогтоосны 35 жилийн ойн хүрээний цуврал арга хэмжээний нэг хэсэг болох АНУ-ын цэргийн жазз хөгжмийн хамтлаг Монголд энэ сарын 26-наас долдугаар сарын 2-ны хооронд Улаанбаатар, Дархан хотод тоглоно.

Уг жазз хамтлаг 11 хүний бүрэлдэхүүнтэй аялах бөгөөд Япон улсад байрладагаар нь Япон дахь АНУ-ын цэргийн жазз хөгжмийн хамтлаг гэдэг бөгөөд эдний хувьд Монгол Улсад анх удаа зочилж байгаа юм. Өмнө нь Элчин сайдын яамны шугамаар 2009 онд АНУ-ын Цэргийн Үлээвэр хөгжмийн хамтлаг ирж байв.

Тоглолтыг Ц.Намсрайжамын нэрэмжит Монгол Улсын Филармонид “Баян Монгол” чуулгын Big Band, дуучин H. Наранбаатар (Наагий), Ц. Хулан нарын хамтаар зохион байгуулахаар төлөвлөөд байна. Бүх тоглолтууд олон нийтэд нээлттэй бөгөөд үнэ төлбөргүй явагдах аж.

Аялан тоглолтын хуваарийг танилцуулж байна.

Хэзээ: Зургадугаар сарын 26-ны Ням гаригийн 18:00 цагаас Монгол Улсын Филармонид (Бүртгүүлэх холбоос: https://forms.gle/qSqv5XN2PPMRPtZy7)

Хэзээ: Зургадугаар сарын 28-ны Мягмар гаригийн 18:00 цагаас Дархан хотын “Залуучууд театр”-т

Хэзээ: Зургадугаар сарын 30-ны Пүрэв гаригийн 18:00 цагаас Ногоон нуур цэцэрлэгт хүрээлэнд

Хэзээ: Долдугаар сарын 02-ны Бямба гаригийн 18:00 цагаас Мишээл цэцэрлэгт хүрээлэнд тоглогдоно.

Уул уурхай, олборлох салбараас 2022 оны эхний 5 сарын байдлаар улсын төсөвт 1.4 их наяд төгрөг татвар, хураамж хэлбэрээр төвлөрүүлсэн тухай салбарын яамнаас мэдээлэв. Үүнийг задлаад үзвэл

Маргааш өдөр ихэнх нутгаар, нэн ялангуяа говийн аймгуудаар хурц нартай аагим халуун өдөр болох тул хэт халалт, наршихаас сэрэмжтэй байхыг хүүхэд багачууд, өндөр настан, жирэмсэн эмэгтэйчүүддээ Ус, цаг уур, орчны судалгаа мэдээллийн хүрээлэнгийн анхааруулж байна.

Зургаадугаар сарын 25-29-нийг хүртэлх цаг агаарын урьдчилсан төлөв:

• 25-нд баруун, төв, зүүн аймгуудын нутгийн зарим газраар, 26-нд төв, говь, зүүн аймгуудын нутгийн зарим газраар,
• 27-нд говийн аймгуудын нутгийн зүүн хэсэг, зүүн аймгуудын нутгийн зарим газраар бороо,
• 28-нд нутгийн зүүн өмнөд хэсгээр бороо, дуу цахилгаантай аадар бороо орно.

Салхи ихэнх хугацаанд секундэд 5-10 метр, борооны өмнө түр зуур ширүүснэ. 25-нд нутгийн хойд хэсгээр, 26-нд нутгийн зүүн хагаст бага зэрэг сэрүүсэж, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Идэр, Тэс, Эг, Үүр, Тэрэлж голын хөндийгөөр шөнөдөө 3-8 градус, өдөртөө 17-22 градус, Их нууруудын хотгор болон говийн бүс нутгийн баруун өмнөд хэсгээр шөнөдөө 15-20 градус, өдөртөө 32-37 градус, говийн бүс нутгийн зүүн өмнөд хэсгээр шөнөдөө 12-17 градус, өдөртөө 27-32 градус, бусад нутгаар шөнөдөө 8-13 градус, өдөртөө 21-26 градус дулаан байна.

Харин зургаадугаар сарын 27-ноос ихэнх нутгаар халах аж.

Түүнчлэн өнөөдрийн байдлаар Туул, Онон, Балж, Хэрлэн, Халх, Улз, Ховд зэрэг голууд үерийн түвшнийг 5-50 см даван тус тус хүчтэй үерлэжээ.

Ус, цаг уур, орчны судалгаа мэдээллийн хүрээлэнгийн Гадаргын усны судалгааны хэлтсээс “Ойрын өдрүүдэд зүүн аймгийн зарим нутгаар түр зуурын аадар бороо орох тул тухайн хугацаанд орсон хур борооны эрчимжил хэмжээнээс шалтгаалан гол мөрний усны түвшин богино хугацаанд огцом нэмэгдэх, хуурай сайр, гуу жалгаар уруйн үер буух нөхцөл бүрдэх тул дээрх гол мөрний сав дагуу суурьшиж нутаглаж буй малчид, аялж, амарч зугаалж яваа ард иргэдийг үерийн аюулаас болгоомжтой байна” гэдгийг нэмж анхааруулав.

“И-Монгол” академийн баг Баян-Өлгий аймагт ажиллаж байна. Тус аймгийн нутгийн захиргааны 13 байгууллагын 52 үйлчилгээг цахимжуулав. Үүний дотор, Баян-өлгий аймаг дахь Хилийн цэргийн 0165-р ангиас олгодог Алтай таван богд руу явах зөвшөөрлийг цахимжуулаад байна.

Улсын хэмжээнд зургаадугаар сарын 20-ны өдрийн байдлаар нийт 139,555 тонн шатахууны нөөцтэй байгааг Уул Уурхай, Хүнд Үйлдвэрийн Яам(УУХҮЯ)-наас мэдээлэв.

Тодруулбал,

• А-80 шатахуун 12,090 тонн,
• АИ-92 шатахуун 48,998 тонн,
• АИ-95 шатахуун 4,950 тонн,
• Дизель түлш 70,621 тонн байна.

Харин Улаанбаатар хотод АИ-92 шатахууны 25, АИ-95 шатахууны 43, Дизель түлшний 25 хоногийн буюу хэвийн нөөцтэй байгаа юм.

Манай улс он гарсаар нийт 813.2 мянган тонн газрын тосны бүтээгдэхүүн импортолжээ. Үүнд

• А-80 шатахуун 18.2 мянган тонн,
• АИ-92 шатахуун 273.7 мянган тонн,
• АИ-95/98 шатахуун 13.8 мянган тонн,
• Дизель түлш 405.3 мянган тонн,
• онгоцны түлш 25.2 мянган тонн,
• бусад 77.1 мянган тонн байна.

Сүхбаатар аймгийн Эрдэнэцагаан сумын нутаг аймгийн төвөөс зүүн зүгт 350 км, сумын төвөөс зүүн зүгт 150 км-т орших Хадын булаг багийн Лаг хэмээх газарт хээрийн түймэр гарчээ.

Түймрийн тухай дуудлагыг Онцгой байдлын газар зургаадугаар сарын 20-ны 18:00 цагт хүлээн авсан байна. Дуудлагын дагуу тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар анги, Дорнод аймгийн Онцгой байдлын газрын Халхгол сум дахь Гал түймэр унтраах, аврах 62 дугаар ангийн алба хаагчид, Эрдэнэцагаан сумын Засаг даргын Тамгын газар, Дорнод аймгийн Матад сумын Засаг даргын Тамгын газрын ажилтнууд ажиллаж, 22-ны 02:13 цагт цурамд оруулсан мөн өдрийн 05:20 цагт түймрийг бүрэн унтраасан хэмээн ОБЕГ-аас мэдээлэв.

Үндсэн хуулийн Цэцийн Дунд суудлын хуралдааныг ирэх долоо хоногийн лхагва /2022.06.29/ гарагт хийхээр товлоод байна.

Энэ удаагийн хуралдаанаар Монгол Улсын Үндсэн хуулийн Цэцэд хандаж гаргасан нэр бүхий иргэдийн мэдээллүүдийн хэлэлцэнэ. Тодруулбал, Хөдөлмөрийн тухай хууль /Шинэчилсэн найруулга/-ийн 92 дугаар зүйлийн зарим заалт Үндсэн хуулийн холбогдох заалтыг зөрчсөн эсэх тухай маргааныг хянан хэлэлцэхээр болжээ.

Засмал замын дугуйн насанд хүрэгчдийн УАШТ маргааш эхэлнэ. Улаанбаатар-Чингис хаан ОУНБ, Улаанбаатар-Төв аймгийн Алтанбулаг сум чиглэлийн зам дээр гурван өдөр үргэлжлэх тус тэмцээний зөвхөн тамирчдад олгох мөнгөн шагналын хэмжээ 7.5 сая төгрөг бөгөөд Монголын бүх л шилдэг тамирчид хурд хүчээ сорьсон сайхан тэмцээн болох нь. Манай дугуйчид энэ онд засмал замын дугуйн Азийн АШТ-д өндөр амжилт гаргасан билээ.

Энэ жилийн Улсын аваргын Ерөнхий ивээн тэтгэгчээр “ДөДэЦэ” ХХК буюу Монголын дугуйнм холбооны Удирдах зөвлөлийн гишүүн ОУХМ Ж.Даваасамбуу ажиллаж, шагналын сан болон холбогдох бусад зардлыг дааж байгаа аж.