Month: December 2021

“Парис-2024” олимпийн эрхийн төлөөх шинэ мөчлөг эхлэх гэж байгаа тул IJF буюу Олон улсын жүдо бөхийн холбоо барилдааны дүрэмд хөгжлийн хэрэгцээнд нийцүүлэн өөрчлөлт оруулжээ. Цар тахлын нөхцөл байдлын улмаас Парисын олимпийн мөчлөг гурван жил үргэлжлэх тул жүдо бөхийг хамгийн сайн хэлбэрээр үзүүлэхийн тулд шүүгчийн шүүлтэд өөрчлөлт оруулж, шинэ нөхцөл байдал, шинэ бэлтгэлжилт шаардлагатай болсныг илтгэлээ.

Олон улсын жүдо бөхийн холбооны спорт хариуцсан захирал Владимир Барта “Бид улс бүрээс дүрэмд нэмэлт, өөрчлөлт оруулах санал, зөвлөмжийг хүлээн авлаа. Олон улсын жүдо бөхийн холбоо хайртай спортоо шинэчлэхийн тулд түншүүдийн саналыг авч шаргуу ажиллаж байна. Эдгээр шинэ дүрмүүд 2022 оноос эхлэн 2024 оныг дуустал хэрэгжиж эхэлнэ. Дүрмийн зарчим нь тамирчдыг болон спортыг бүхэлд нь хамгаалахын зэрэгцээ жүдо бөхийг илүү эрч хүчтэй, олон нийт, хэвлэл мэдээллийн байгууллагуудын сонирхлыг татахуйц болгоход чиглэгддэг” хэмээжээ.

Засгийн газрын өнөөдрийн ээлжит хуралдаанаар залуу уран бүтээлчдэд мөнгөн шагнал олгохоор шийдвэрлэв.

Тодруулбал, Барток Кабалевский-Прокофьевын нэрэмжит төгөлдөр хуурчдын уралдаанд тэргүүн байр эзэлсэн Монгол Улсын Консерваторийн Сонгодог хөгжмийн мэргэжлийн сургуулийн сурагч Т.Найрсаг, Н.Саруул, Э.Энх-Ундрал нарт тус бүр 19 сая, хоёрдугаар байр эзэлсэн мөн сургуулийн сурагч Б.Аялгуу, Ж.Танан, Б.Хатунгаа, А.Мандалноров нарт тус бүр 14 сая, гуравдугаар байр эзэлсэн мөн сургуулийн сурагч Э.Есүй, Ө.Оюу, Э.Энхлүүн нарт тус бүр есөн сая төгрөг олгоно.

Мөн Бүгд Найрамдах Чех улсад зохиогдсон Косианы нэрэмжит олон улсын залуу хийлчдийн уралдаанд гуравдугаар байр эзэлсэн Монгол Улсын Консерваторийн Сонгодог хөгжмийн мэргэжлийн сургуулийн сурагч Т.Есүйд есөн сая төгрөг олгохоор шийдвэрлэв.

Уран бүтээлчдэд олгох мөнгөн шагналыг Соёлын сайдын төсвийн багцаас гаргана.

Засгийн газрын ээлжит хуралдаан 2021 оны 12 дугаар сарын 31-нд болж, дараах асуудлуудыг хэлэлцэн шийдвэрлэлээ.

Айл өрхийн эрчим хүчний төлбөрийг 2022 оны зургадугаар сар хүртэл төрөөс хариуцна
Орон сууцны айл өрхийн сард хэрэглэх 250 кВт.цаг хүртэл, гэр хорооллын айл өрхийн сард хэрэглэсэн 350 кВт.цаг хүртэл цахилгаан эрчим хүчний төлбөрийг 2022 оны нэгдүгээр сарын 1-ний өдрөөс 2022 оны тавдугаар сарын 31-ний өдрийг дуусталх хугацаанд төрөөс хариуцна. Үүнд шаардагдах санхүүжилтийн эх үүсвэрийг нийгмийн хариуцлагын хүрээнд уул уурхайн төслүүдээс санхүүжүүлэхээр шийдвэрлэлээ.

Замын-Үүд дэх дундын бүсээс тээвэр логистикийн талбай хүртэл богино тээврийг нэгдсэн зохион байгуулалтад оруулна
Коронавируст халдварын хариу арга хэмжээг эрчимжүүлэх, “Омикрон” хувилбараас урьчилан сэргийлэх, эрүүл мэндийн тусламж, үйлчилгээний бэлэн байдлыг хангах, Монгол Хятадын хилийн Замын-Үүд-Эрээн автозамын боомтын улсын хилийн шугам дахь чингэлэг солилцох талбайгаас Замын-Үүд дэх гаалийн хяналтын талбай хүртлэх чингэлэг тээвэрлэлтийн үйл ажиллагаа, үнийн өсөлтийг тогтворжуулах хүрээнд нөөцийн махны хэмжээг нэмэгдүүлэхэд шаардагдах нийт 8.6 тэрбум төгрөгийг Засгийн газрын нөөц сангаас гаргана.
Замын-Үүд дэх дундын бүсээс тээвэр логистикийн талбай хүртэл богино тээврийг нэгдсэн зохион байгуулалтад оруулах, түүнд шаардагдах зарим санхүүжилтийг шийдвэрлэсэн байна.

Залуу уран бүтээлчдэд мөнгөн шагнал олгоно
Барток Кабалевский-Прокофьевын нэрэмжит төгөлдөр хуурчдын уралдаанд тэргүүн байр эзэлсэн Монгол Улсын Консерваторийн Сонгодог хөгжмийн мэргэжлийн сургуулийн сурагч Т.Найрсаг, Н.Саруул, Э.Энх-Ундрал нарт тус бүр 19 сая, хоёрдугаар байр эзэлсэн мөн сургуулийн сурагч Б.Аялгуу, Ж.Танан, Б.Хатунгаа, А.Мандалноров нарт тус бүр 14 сая, гуравдугаар байр эзэлсэн мөн сургуулийн сурагч Э.Есүй, Ө.Оюу, Э.Энхлүүн нарт тус бүр есөн сая төгрөг олгоно.
Мөн Бүгд Найрамдах Чех улсад зохиогдсон Косианы нэрэмжит олон улсын залуу хийлчдийн уралдаанд гуравдугаар байр эзэлсэн Монгол Улсын Консерваторийн Сонгодог хөгжмийн мэргэжлийн сургуулийн сурагч Т.Есүйд есөн сая төгрөг олгохоор шийдвэрлэв.
Уран бүтээлчдэд олгох мөнгөн шагналыг Соёлын сайдын төсвийн багцаас гаргана.

Товч мэдээ
· Мэдээллийн “МОНЦАМЭ” агентлагийг Монгол Улсын Ерөнхийлөгчийн Тамгын газарт шилжүүллээ.
· Монгол Улсын засаг захиргаа, нутаг дэвсгэрийн нэгж, түүний удирдлагын тухай хууль (Шинэчилсэн найруулга)-тай бусад хууль тогтоомжийг нийцүүлэх зорилгоор боловсруулсан Бүсчилсэн хөгжлийн удирдлага, зохицуулалтын тухай хуульд өөрчлөлт оруулах тухай, Хот, суурин газрыг дахин хөгжүүлэх тухай хуульд өөрчлөлт оруулах тухай болон бусад хуульд нэмэлт, өөрчлөлт оруулах тухай хуулийн төслийг хэлэлцээд УИХ-д өргөн мэдүүлэхээр тогтлоо.

Засгийн газрын Хэвлэл мэдээлэл, олон нийттэй харилцах газар

Улаанбаатар хотод 2021.12.31-н болон 2022.01.01, 2022.01.02-ны өдрүүдэд 9 суурин цэгт 9 багийн 36 эмч, ажилтан ажиллаж, иргэдийг дархлаажуулахаар төлөвлөжээ. Иргэд өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 10:00-18:00 цаг хүртэл ажиллана.

БНСУ-ын Ерөнхийлөгч асан Пак Гын Хэ төрийн тэргүүн Мүн Жэ Иний үзүүлсэн тусгай өршөөлөөр баасан гарагт суллагдсан талаар “Yonhap” агентлаг мэдээллээ.

Авлигын хэргээр 57 сарын турш хоригдсон Пак Гын Хэ Сөүл хотын эмнэлэгт хэвтэж байхдаа өршөөх бичгийг хүлээн авсан бөгөөд тэрбээр мөр, нурууны архаг өвчнөө эмчлүүлж байгаа юм.

Өдгөө 69 настай Ерөнхийлөгч асан 2019 онд мөрний мэс засалд орсон ба ирэх оны хоёрдугаар сарын 2 хүртэл эмнэлэгт хэвтэх төлөвлөгөөтэй байжээ.

БНСУ-ын Хууль зүйн яам шинэ жилийн баярыг тохиолдуулан өршөөл үзүүлэх хүмүүсийн жагсаалтад Пак Гын Хэ орсон талаар долоо хоногийн өмнө мэдээлсэн билээ.

Пак Гын Хэ авлигын хэрэгт холбогдсоны улмаас 2017 онд албан тушаалаасаа огцорч, хожим нь түүнд 22 жилийн хорих ял оноож, түүнээс хойш өөрт оноосон ялыг эдэлж байсан юм.

Хөх ордны мэдээлснээр, Пак Гын Хэгийн биеийн байдал муудаж байгааг харгалзан үзсэний дүнд өршөөл үзүүлэхээр шийдвэрлэсэн байна.

Хөвсгөл аймаг дахь Эрүүгийн цагдаагийн алба бод мал хулгайлсан гэмт хэргийг илрүүлжээ. Тодруулбал, тус аймгийн харьяат П, Д, Б, Т нар бүлэглэн энэ оны 12 сард Түнэл, Төмөрбулаг, Арбулаг сумын нутаг дэвсгэрээс 22 тооны бод малыг тээврийн хэрэгсэл ашиглан хулгайлсан байна. Тус гэмт этгээдүүдийг айлын өвөлжөөн дээр малыг нядалж байх үед нь баривчилжээ. Иймээс малчид, иргэдийг малаа хулгайд алдсан тохиолдолд яаралтай Цагдаагийн байгууллагад хандахыг анхаарууллаа.