Коронавируст халдварын нөхцөл байдлын талаарх Эрүүл мэндийн яамны ээлжит мэдээллийг хүргэж байна.
Сүүлийн 24 цагт 3726 хүнээс халдвар илэрлээ.
Эдгээрийн:
Мөн ковидын нэн хүнд хэлбэрээр долоон хүн нас барлаа. Нийт нас баралт 944 боллоо.
Сүүлийн цагт 3177 хүн эдгэрч, эмнэлгээс гарлаа. Мөн нийт 14829 хүн хэвтэн эмчлүүлж буйгаас 2260 нь хүүхэд 471 нь жирэмсэн эх байна. Одоогийн байдлаар нийт 42785 хүүхэд халдвар аваад байна.
Хөнгөн атлетикийн эрэгтэйчүүдийн 100 метрийн тэргэнцэртэй уралдаанд олон улсын хэмжээний мастер П.Энхманлай өрсөлдөж долоон тамирчнаас долоодугаарт орлоо. Тэрээр энэхүү тэмцээнд 15.97 оноо хүртэж, улсын рeкорд амжилтыг шинэчлэн тогтоолоо.
Эрэгтэйчүүдийн 100 метрийн уралдаанд Тайландын тамирчин Понгсакорн Паео түрүүлж, хоёрдугаарт Саудын Арабын тамирчин Абдулрахман Алкураши оржээ.
П.Энхманлай 2018 оны Жакартагийн Азийн пара наадамд энэ төрлөөр наймдугаар байр, 200 метрийн төрөлд долоодугаар байр, 400 метрийн төрөлд есдүгээр байр эзэлж байсан.
П.Энхманлай нь
Коронавируст халдварын нөхцөл байдлын талаарх Эрүүл мэндийн яамны ээлжит мэдээллийг хүргэж байна.
Сүүлийн 24 цагт 3726 хүнээс халдвар илэрлээ.
Эдгээрийн:
Мөн ковидын нэн хүнд хэлбэрээр долоон хүн нас барлаа. Нийт нас баралт 944 боллоо.
Сүүлийн цагт 3177 хүн эдгэрч, эмнэлгээс гарлаа.
Есдүгээр сард хур тунадас Их нуруудын хотгороор олон жилийн дунджаас бага хур тунадас орох бол нутгийн зүүн өмнөд хэсгээр дунджаас ахиу хур тунадас орох төлөвтэй байна.
Баруун зүгийн нутгаар нэг болон хоёрдугаар арав хоногийн дунд үеэр ихэнх нутгаар хур тунадастай байгаа боловч нэгдүгээр арав хоногийн сүүлч, хоёрдугаар арав хоногийн эхээр болон гуравдугаар арав хоногийн ихэнх хугацаанд харьцангуй хур тунадас багатай байх төлөвтэй байна. Харин бусад нутгаар сарын эхний хагаст энэ сард орох хур тунадасны ихэнх хувь орох магадлал өндөр байгаа бөгөөд сарын сүүлийн хагаст хур тунадас харьцангуй бага байх магадлалтай.
Иймд хур тунадас багатай хугацаанд малчид тариаланчид хадлан бэлчээрээ бэлтгэж, тариа ногоогоо хураан, өвлийн бэлтгэлээ хангахыг зөвлөж байна.
Газар тариалан бүхий нутгуудад есдүгээр сарын цаг агаарын урьдчилсан мэдээгээр агаарын дундаж температур Сэлэнгэ, Хэнтий, Дорнод, Сүхбаатарын нийт, Төвийн хойд хэсгээр дунджийн орчим бусад нутгаар дунджаас дулаан байсан бол хур тунадас ихэнх нутгаар олон жилийн дунджийн орчим байхаар байна. Сарын эхний хагаст хур тунадасны ахиу орох магадлалтай байна. Харин сарын сүүлий хагаст хур тунадас багатай харьцангуй таатай байхаар байна.
Энэ жил газар тариалан бүхий нутгаар хур тунадас олон жилийн дунджаас ахиу орсон ч тавдугаар болон зургадугаар сард тариалан бүхий ихэнх нутгаар олон жилийн дундаас сэрүүн, долдугаар сард дунджийн орчим байсан нь таримал ургамлын үе шат оройтоход нөлөөлсөн.
Иймд үе шат оройтож байгаа хирээр тариа хураалтанд зарцуулах хугацаа богиносож байгааг харгалзан үзэж, цаг агаарын тааламжтай үеийг ашиглан, үр тарианы болцоос хамаарч ангилан хадалт болон шууд хураалтыг хугацаа алдалгүй хийхэд онцгойлон анхаарна уу.
Энэ намрын ургацад эрсдэлийн үнэлгээ хийсэн бөгөөд ажлын хэсгийн дүгнэлтээр 5, 6 дугаар сард өдөр шөнийн температурын хэлбэлзэл ихтэй, хүйтэн сэрүүн байсан, 6, 7 дугаар сард аадар хэлбэрийн хур тунадастай, шөнөдөө сэрүүн байсан зэрэг нь таримлын өсөлт хөгжилтөд сөргөөр нөлөөлж улмаар болц оройтох шалтгаан болсон гэж дүгнэлээ.
Мөн “Ковид-19” цар тахлын үед хилийн бүсэд үүссэн нөхцөл байдлын улмаас зарим төрлийн ургамал хамгааллын бодис, бордооны нийлүүлэлт тасалдаж улмаар таримал ургамал өвчин, хортонд өртөх явдал гарч хураан авах ургацын хэмжээнд сөргөөр нөлөөлж болзошгүй байгаа юм.
Түүнчлэн ургац тогтоох үеэр нийт хураах талбайн 30 хувь нь сүүн болцын төгсгөл, аарцан болцын эхний үед, 10 хувь нь сүүн болцын төгсгөлд байгаа нь ургац хураалтын ажилд хүндрэл учруулж болзошгүй тул хураах арга технологи, техникийн бэлэн байдал, ажиллах хүн хүчний асуудалд онцгой анхааран ажиллаж байна.
1. Ургац хураалтад нийтдээ 1041 комбайн, 220 гаруй үтрэм, 1178 ширхэг хөдөө аж ахуйн машин, техник тоног төхөөрөмж ажиллах бөгөөд техник засварын ажил 80 гаруй хувьтай явагдаж байна.
2. ОХУ-аас үр тариа хураах өндөр хүчин чадлын 50 гаруй комбайныг ХААН банкны санхүү, түрээсийн үйлчилгээгээр нийлүүлсний зэрэгцээ Беларусь Улсын Засгийн газрын хөнгөлөлттэй зээлийн эх үүсвэрээр ногоон тэжээл бэлтгэх зориулалттай 60 иж бүрдэл, төмсний 30 иж бүрдэл, хүнсний ногооны 20 иж бүрдэл техник, тоног төхөөрөмжийг ургац хураалтаас өмнө нийлүүлж, хүсэлт гаргасан иргэн, аж ахуйн нэгжид хөнгөлөлттэй нөхцөлөөр олгохоор ажиллаж байна.
3. Улсын хэмжээнд үр тариа хадгалах 523 мянган тоннын багтаамжтай төмөр бетон элеватор байгаагаас Хөдөө аж ахуйг дэмжих санд 182 мянган тонн, хувийн хэвшилд 341 мянган тонн нь ашиглагдаж байгаа бөгөөд элеваторуудын ариутгал, засвар үйлчилгээ хийгдэж буудай хүлээн авахад бэлэн болоод байна.
4. Улаанбаатар хотод төмс, хүнсний ногоог хямд үнээр борлуулах, ногоочдын борлуулалтыг дэмжих зорилгоор Нийслэлийн Захирагчийн ажлын албатай хамтран 9 дүүргийн 24 байршилд томоохон хэмжээний төвлөрсөн цэг байгуулан ажиллаж байгаагийн зэрэгцээ дүүрэг, хороо, хорооллын дунд төмс, хүнсний ногооны борлуулалтыг чөлөөтэй явуулах боломжийг олгож хэрэгжилтийг зохион байгуулан ажиллаж байна.
2021 ОНЫ ЕСДҮГЭЭР САРЫН ЦАГ АГААРЫН УРЬДЧИЛСАН МЭДЭЭ
Баруун аймгуудын нутгаар. Энэ сард агаарын дундаж температур нийт нутгаар ОЖД–аас дулаан, хур тунадас Увсын нутаг, Завханы баруун, Ховдын зүүн хойд, Говь–Алтайн баруун хойд хэсгээр ОЖД–аас бага, бусад нутгаар дунджийн орчим байна. Нэгдүгээр арав хоногийн эхэн, хоёрдугаар арав хоногийн дунд үе, гуравдугаар арав хоногийн сүүлчээр агаарын температур өмнөх үеэсээ 3–5°С–аар сэрүүснэ. Харин хоёрдугаар арав хоногийн эхээр ихэнх нутгаар 5–10°С-аар дулаарна.
Нэгдүгээр арав хоногийн эхэн, хоёрдугаар арав хоногийн дунд үе, гуравдугаар арав хоногийн сүүлчээр ихэнх нутгаар хур тунадас, зарим газраар нойтон цас орно. Салхи зарим газраар 12–14 м/с, зарим үед түр зуур 16–18 м/с хүрч ширүүсч болзошгүй.
Төвийн аймгуудын нутгаар. Энэ сард агаарын дундаж температур Сэлэнгийн нутаг, Төв аймгийн ихэнх нутгаар ОЖД-ийн орчим, бусад нутгаар дунджаас дулаан, хур тунадас ихэнх нутгаар дунджийн орчим байна. Агаарын температур, хур тунадасны явцыг (Зураг 9)–д харуулав. Нэгдүгээр арав хоногийн эхэн болон сүүлч, хоёрдугаар арав хоногийн дунд үе, гуравдугаар арав хоногийн сүүлчээр агаарын температур өмнөх үеэсээ 4–6°С–аар сэрүүснэ.
Нэгдүгээр арав хоногийн эхэн болон сүүлч, хоёрдугаар арав хоногийн дунд үе, гуравдугаар арав хоногийн сүүлчээр ихэнх нутгаар хур тунадас орно. Салхи түр зуур 12–14 м/с, зарим үед түр зуур 16–18 м/с хүрч ширүүсч болзошгүй.
Зүүн аймгуудын нутгаар. Энэ сард агаарын дундаж температур ихэнх нутгаар ОЖД–ийн орчим, хур тунадас Сүхбаатарын нутгаар ОЖД–аас ахиу, бусад нутгаар дунджийн орчим байна. Нэгдүгээр арав хоногийн эхэн болон сүүлч, хоёрдугаар арав хоногийн дунд үе, гуравдугаар арав хоногийн сүүлчээр агаарын температур өмнөх үеэсээ 3–5°С–аар сэрүүснэ.
Нэгдүгээр арав хоногийн эхэн болон сүүлч, хоёрдугаар арав хоногийн эхэн болон дунд үе, гуравдугаар арав хоногийн сүүлчээр ихэнх нутгаар хур тунадас, зарим газраар нойтон цас орно. Салхи зарим газраар 14-16 м/с, зарим үед түр зуур 18–20 м/с хүрч ширүүсч болзошгүй.
Говийн аймгуудын нутгаар. Энэ сард агаарын дундаж температур ихэнх нутгаар ОЖД–аас дулаан, хур тунадас Өмнөговь, Дорноговийн нутгаар ОЖД–аас ахиу, бусад нутгаар ОЖД–ийн орчим байна. Нэгдүгээр арав хоногийн дунд үе, хоёрдугаар арав хоногийн эхэн болон сүүлч, гуравдугаар арав хоногийн сүүлчээр агаарын температур өмнөх үеэсээ 3–5°С–аар сэрүүснэ.
Нэгдүгээр арав хоногийн дунд үе, хоёрдугаар арав хоногийн эхэн болон сүүлч, гуравдугаар арав хоногийн сүүлчээр ихэнх нутгаар хур тунадас орно. Салхи түр зуур ширүүсч 14–16 м/с хүрэх, зарим үед 18–20 м/с хүрч ширүүсч болзошгүй
Хичээлийн шинэ жил эхлэхтэй холбоотой нийслэлд 900 гаруй, орон нутагт 1300 гаруй цагдаагийн алба хаагч эргүүлийн үүрэг гүйцэтгэж ажиллана гэж Цагдаагийн ерөнхий газрын Олон нийтийн аюулгүй байдлыг хангах албанаас мэдээллээ.
Хүүхдүүдийг гэмт хэрэгт өртөхөөс урьдчилан сэргийлэх зорилгоор цагдаагийн байгууллагаас ямар ажил зохион байгуулж байгаа талаар тодруулахад Нийтийн хэв журам хамгаалах, олон нийтийн аюулгүй байдлыг хангах албаны Урьдчилан сэргийлэх ажил хариуцсан мэргэжилтэн, цагдаагийн дэслэгч Ж.Эрдэнэцэцэг дараах хариултыг өглөө.
Тэрээр, “Оюутан, сурагчдын хичээл эхлэхтэй холбогдуулан Цагдаагийн байгууллагаас “Хичээл эхэллээ” нэгдсэн арга хэмжээ зохион байгуулж байна. Тус ажлын хүрээнд цагдаагийн алба хаагчид их, дээд болон ерөнхий боловсролын сургууль, цэцэрлэгийн орчимд бага насны хүүхэд, сурагчдын аюулгүй орчинд суралцах эрхийг нь хангахын тулд нэмэгдлээр авто болон явган эргүүлийн чиглэлд нийслэлд 900 орчим, орон нутагт 1300 орчим алба хаагч нарыг ажиллуулна.
Хичээлийн шинэ жил эхэлж байгаатай холбогдуулан бага насны хүүхэд, сурагч, оюутнуудыг залилах, эд зүйлийг нь булаах, хулгайлах, дээрэмдэх гэмт хэрэг, зөрчил ихэсдэг тул цагдаагийн байгууллагаас урьдчилан сэргийлэх арга хэмжээг авч ажиллаж байна. Найз нөхдийн холбоотой болон шинэ танилцаж байгаа оюутан, сурагчид нь нэгэндээ уруу татагдаж согтууруулах ундаа хэрэглэснээс гэмт хэрэг, зөрчилд холбогдох улмаар өөрийн эрүүл мэнд, эд зүйлээрээ хохирох эрсдэл дагуулдаг.
Иймд эцэг, эх, асран хамгаалагч нар бага насны болон өсвөр насны хүүхдэдээ тавих хараа хяналтаа сайжруулах, хуулиар хүлээсэн үүргээ биелүүлэхийг цагдаагийн байгууллагаас уриалж байна” гэлээ.
Улаанбаатар хотын хэмжээнд нийтийн тээврийн үйлчилгээний 100 чиглэлд 935 автобус иргэдэд үйлчилж байна. Хичээлийн шинэ жил эхлэх гэж буйтай холбогдуулан хүн хоорондын зайг барих үүднээс автобуснуудын тоог нэмэгдүүлэн ажиллахаар төлөвлөжээ. Тодруулбал, есдүгээр сарын 1-нээс буюу өнөөдрөөс нэмж 50 автобус үйлчилгээнд гарган, нийт 980 гаруй нийтийн тээврийн хэрэгсэл иргэдэд үйлчилнэ гэдгийг Нийтийн тээврийн үйлчилгээний газрын Тээврийн төлөвлөлт, технологийн хэлтсийн дарга С.Цэцэгмаа мэдээллээ.
Манай Улсад “Гранд эко эхлэл” ХХК хүүхдийн амны хаалт үйлдвэрлэж эхэлжээ. Тус амны хаалт нь:
Нэг ширхэг нь 150 төгрөгийн үнэтэй. Нэмэлт мэдээллийг “Маск захиалгын хуудас” пэйж хуудаснаас авна уу.
Элсэлтийн ерөнхий шалгалт-2021-ийг наймдугаар сарын 19-22-нд орон даяар зохион байгуулсан.
Гэвч коронавируст халдварын улмаас дээрх хугацаанд шалгалтад оролцож чадаагүй 170 бүртгүүлэгч байгаагаас БШУЯ-наас мэдээлсэн юм. Иймд тухай хүүхдүүдээс есдүгээр сарын 2-4-нд шалгалт авахаар товлосон.
Шалгалт өгөхөөр очихдоо дээрх хүүхдүүд иргэний үнэмлэх, бүртгэлийн хуудас, суудлын хуваарь, бүрэн дунд боловсролын үнэмлэх болон Эмнэлгийн магадалгаа буюу коронавируст халдварын улмаас шалгалтад оролцож чадаагүйг нотлох эрүүл мэндийн байгууллагаас гаргасан бичгийг авч очих шаардлагатай юм.
Бүртгүүлэгчдэд зориулан бэлтгэсэн багц мэдээллийг хүргэж байна.
Улс төрийн баараггүй тоймчид Л.Оюун-Эрдэнийн Засгийн газрыг гурван сарын настай гэж байсан юм. Бүтэн нэг улирал гэсэн үг л дээ. Тэр “онол”-оор Л.Оюун-Эрдэнэ тавдугаар сард онхолдох ёстой байв. Гэтэл хагас жил гаруй Ерөнхий сайдаар ажиллаж, хэд хоногийн өмнө 200 хоногоо ёслол төгөлдөр тэмдэглэн өнгөрүүллээ. Үнэнийг хэлэхэд, Л.Оюун-Эрдэнийг Ерөнхий сайдаар томилогдоход түүнээс хэн ч, юу ч хүлээгээгүй. Ерөнхийлөгч болсон У.Хүрэлсүх л захиасынхаа хариуг итгэж хүлээгээд суудлуудаа өвлүүлсэн байх. Тэр ч ойлгомжтой. ЗГХЭГ-ын даргын албан тушаалаас Ерөнхий сайдын сэнтий рүү үсрээд, тэндээ долоон сар сууж байгаа Л.Оюун-Эрдэнэ сүүлийн үед их сонин тоглолт үзүүлэх боллоо. Цагтаа Ерөнхий сайд Н.Алтанхуяг, өөр олон нам, улс төрийн хүчин, улстөрчдийн пиар дээр ажиллаж ирсэн А.Амундраг Ерөнхий сайд болонгуутаа МАН-д элсүүлж, одоо “Үнэн” сониныхоо эрхлэгч болгосон. А.Амундрагийн хувьд “Бодь” буюу “Голомт”-ын Д.Баясгалангийн хүн. Тавантолгойн төмөр замын төслийг удирдаж байгаад одоо МАН, Ерөнхий сайдын дэргэд очоод байгаа юм.
Хамгийн сүүлд “Блүүмберг”-ийн Э.Долгионыг зөвлөхөөрөө авчээ. Э.Долгион бол “сахал” Д.Эрдэнэбилэгийн хүн бөгөөд түүний хэвлэлийн ажлыг гардан хариуцаж ирсэн гэдгийг Монгол даяараа мэднэ. Тэр ч байтугай Ерөнхийлөгч асан Х.Баттулгыг зөвлөхөөрөө авч байгаа гэсэн мэдээлэл түглээ. Эх сурвалжуудын мэдээллээр үнэн болох нь батлагдав. Ерөнхийлөгч асан хүн Ерөнхий сайдын зөвлөхөөр ажиллах гэж буй анхны тохиолдол байж мэдэх юм.
Гэхдээ Х.Баттулга гэдэг хувь хүн, эсвэл Ерөнхийлөгч асан хүн түүний зөвлөх болох үгүй нь сонин биш. Харин эдүгээ хоёр талцаж, үл ойлголцож, эвдрэлцэж ханаагүй байгаа АН-ын нэг талыг нь удирдаж байсан Х.Баттулга МАН-ын даргын албыг хашдаг Ерөнхий сайдын албан тушаалд зөвлөх болсон нь хачирхалтай. Энэ нь улс төрийн хүрээнд маргаантай сэдэв болсон. Л.Оюун-Эрдэнэ, Х.Баттулга хоёр яг юу гэж яриад ийм шийдэлд хүрсэн нь ялангуяа улс төрийн хүрээнийхний сонирхлыг татаж байна. Юутай ч энэ Л.Оюун-Эрдэнийн тоглолт бөгөөд Х.Баттулгын ямар нэг эрх ашиг ч бас шингэсэн нь тодорхой. Хамгийн гол нь, энэ бүхэн унаж дууссан АН-д ямар нөлөө үзүүлэх бол гэдэг хариулт хүлээж байгаа юм.Ер нь Л.Оюун-Эрдэнийн улс төрийн тоглолтууд нь лав сүүлийн 30-аад жилд Монголын улстөрчдөөс гарч байгаагүй “шийдэл”-үүд байгаад байна. Өөрөөр хэлбэл, тэр зөвхөн МАН-ын даргын уламжлалт дэгээр ажиллахгүй байна. Монголд бол шинэ дүрмээр тоглож байна.
У.Хүрэлсүхийн итгэлт дүүгийн хувиар Ерөнхий сайд, МАН-ын даргын суудлыг авч байсан Л.Оюун-Эрдэнийн шийдвэрүүд нэмэгдэх тусам Монголын улс төр, нийгэм, эдийн засагт тодорхой өөрчлөлтийг хийгээд байгаа нь анзаарагдаж эхлэв. Хаврын чуулган “Л.Оюун-Эрдэнийн тэргүүлсэн Засгийн газрыг огцруулна” гэсэн дуулиантай хаагдаж байв. Тэгээд зуны амралт залгасан. Одоо амралт албан ёсоор дууслаа. Улс төр, нийгмийн амьдрал буцалж эхлэв. Харин нөгөөх “Засгийг огцруулах” акц алга болчихож. Яагаад гэсэн чинь огцруулах нөхдүүд маань зун амраад явж явж иржээ.
Энэ хооронд Л.Оюун-Эрдэнэ хэдийнэ ажиллачихсан, одоо тэр үгийг хэлэх хүнгүй болгочихсон гэж байна. Тэрээр энэ зун хувийн хэвшлийнхэнтэй уулзаж, хотыг дэмжихээр болсон. Намынхаа өмнөх удирдлагуудыг цуглуулж, бүх улс төрийн хүчний лидерүүдтэй уулзалт зохион байгуулжээ. Өчигдөр, уржигдрын төрийн хэрэгт төдийлөн нөлөөтэй бус ч улс төрийн “аймаар савлагаатай томилгоо”-нууд ч үүнтэй хамаатай болж байна.
Жилийн өмнө дөө, “Одоо байгаа улстөрчдийн дунд системийн онол мэддэг цорын ганц хүн нь Л.Оюун-Эрдэнэ гэдгийг би баталгаатай хэлж чадна” гэж судлаач Д.Ганхуяг бичиж байв. Л.Оюун-Эрдэнэ системийг хэрхэн ашиглаад, юунд зориод байгааг бид анзаараагүй. Тэгвэл, аль ЗГХЭГ-ын дарга байхаасаа, бүр түүнээс өмнө хийсэн улс төрийн үйлдлүүд нь өнөөдрийн шийдвэрүүдтэй нь тулаад байна. Чухамдаа энэ л нөгөөх систем гээч бөгөөд Л.Оюун-Эрдэнэ үүнийг зорилгоо хэрэгжүүлэх хэрэгсэл болгож авсан байгаа юм. Тэгээд энэ “чөтгөр”-ийн системээ бүтээж байна.
Дулааны улиралд ажлын бүтээмжийг нэмэгдүүлэх, авто замын ачааллыг зохицуулах зорилгоор нийслэлийн төр, захиргааны байгууллагуудын ажлыг зуны улиралд 08:00 цагаас эхлүүлэх тухай шийдвэр гурав дахь жилдээ хэрэгжиж буй юм. Уг шийдвэрийн дагуу нийслэлийн төр, захиргааны байгууллагуудын ажил есдүгээр сарын 1-нээс 09:00-18:00 цагийн хуваарьт шилждэг байсан.
Тэгвэл энэ жилээс эхлэн нийслэлийн төр, захиргааны байгууллагууд 08:00-17:00 цагт ажиллахаар боллоо. Нийслэлийн авто замын ачааллыг бууруулах зорилтын хүрээнд Нийслэлийн Засаг дарга бөгөөд Улаанбаатар хотын Захирагч Д.Сумъяабазар захирамж гаргаж, ийн шийдвэрлэсэн байна.
Энэ хичээлийн жилээс эхлэн зарим цэцэрлэгт ээлжийн багш ажиллуулж, өглөөний 07:00 цагаас үдэш 20:00 цаг хүртэл ажиллуулж эхэлсэн. Цаашид цэцэрлэг, сургууль төдийгүй хувийн хэвшлийн байгууллагууд, томоохон зах худалдааны төвийн ажиллах цагийн хуваарьт өөрчлөлт оруулж, авто замын ачаалал бууруулахад анхаарч ажиллах юм.