Month: July 2021

Categories
мэдээ спорт цаг-үе

ТОКИО-2020: Маргааш манай гурван тамирчин спортын гурван төрөлд өрсөлдөнө

Маргааш буюу наймдугаар сарын 1-нд Манай улсын гурван тамирчин спортын гурван төрөлд өрсөлдөнө. Энэ өдөр чөлөөт бөхийн тэмцээнүүд эхэлнэ.

07:30. Буудлагын эрэгтэйчүүдийн 25 метрийн хурдан гар бууны нэгдүгээр дасгал эхэлж Э.Даваахүү цэц сорино. Тус төрөлд нийт 27 тамирчин оролцож байгаа ба хамгийн өндөр оноотой зургаан тамирчин финалд шалгарна.

Хоёрдугаар дасгал наймдугаар сарны 2-нд болж тэр өдрөө медалийн эзэд тодорно. (UBS, SBN, VTV)

10:28. Чөлөөт бөхийн эмэгтэйчүүдийн -76 кг жинд О.Бурмаа зодоглоно. Тэрээр эхний шатанд Японы Хирое Минагаватай барилдана.

Ялсан нь шөвгийн наймд Канад болон Эстонийн бөхчүүдийн ялсантай барилдана. (C1, ETV, TV5)

16:48. Боксын эрэгтэйчүүдийн -57 кг жинд Э.Цэндбаатар хүрэл медалийн төлөө 2019 оны дэлхийн аваргын тавдугаар байрны шагналт Оросын 23 настай Альберт Батиргазиевтай тулалдана.

Тэдний ялсан нь Олимпын хошой хүрэл медальт, дэлхийн гурван удаагийн аварга Кубийн Лазаро Алварез болон дэлхийн аваргын хүрэл медальт Тайландын Чачай-Дека Батди нарын ялсантай тулалдана

Categories
мэдээ нийгэм

​Ургамал, малын эрүүл ахуй, хүнсний аюулгүй байдлын лабораторийн хүчин чадлыг нэмэгдүүлнэ

Шадар сайд, УОК-ын дарга С.Амарсайхан Замын-Үүд боомт дахь Хилийн мэргэжлийн хяналтын албаны “Ургамал, малын эрүүл ахуй, хүнсний аюулгүй байдлыг хангах лабораторийн барилгын ажлын явцыг шалгаж газар дээр нь ажиллалаа.
Азийн хөгжлийн банкны санхүүжилтээр баригдаж буй лабораторийн барилгын 2 давхрын үндсэн бүтээц хийгдэж, барилга угсралтын ажил 45 хувийн гүйцэтгэлтэй байна.
Уг лаборатори ашиглалтад орсноор хөдөө аж ахуйн гаралтай болон хүнсний бүтээгдэхүүнийг олон улсад саадгүй худалдаалах боломж бүрдэх бөгөөд хүнс, ургамал, эрүүл ахуйн аюулгүй байдалд чанар стандартын өндөр түвшинд хяналт тавих боломжтойг Шадар сайд энэ үeэр онцолж байв.Хүнсний аюулгүй байдал бол үндэсний аюулгүй байдлын гол баталгаа учраас хүнсний аюулгүй байдлыг хянаж шалгах үзүүлэлтүүдийг нэмэгдүүлэх зэргээр одоо ажиллаж буй лабораторийн хүчин чадал 25 хувиар нэмэгдэх аж.
“Ургамал, малын эрүүл ахуй, хүнсний аюулгүй байдлыг хангах арга хэрэгслийг сайжруулах” лаборатори ирэх 10 дугаар сард ашиглалтад орно.
Categories
мэдээ нийгэм

ЕБС-ийн бүртгэл наймдугаар сараас эхэлнэ

Энэ хичээлийн жилд 81 мянга гаруй хүүхэд нэгдүгээр ангид элсэх урьдчилсан тооцоо бий.

Бүртгэлийг цахимаар зохион байгуулна гэдгийг тус яамны Бага, дунд боловсролын газрын дарга Т.Ням-Очир хэлсэн юм. Тэрбээр “Цар тахлын улмаас сүүлийн хоёр жил нэгдүгээр ангийнхны элсэлтийг намар наймдугаар сараас эхлүүлэх зохицуулалт хийж байна. Аль болох эрсдэл багатай цахимаар бүртгэх боломжийг эрэлхийлж байна” гэсэн юм.

Categories
мэдээ спорт

Туркийн харваач Мете Газоз олимпийн аварга боллоо

“Токио-2020” оны байт харвааны эрэгтэйчүүдийн ганцаарчилсан тэмцээнд БНСУ-ын тамирчин шөвгийн дөрөвт үлдэж чадаагүй, мөн олны найдвар тавьж байсан АНУ-ын харваач Брэди Эллисон эрт хасагдсан нь Токиогийн олимпийн энэ төрлийн тэмцээний үзэгчдийн тааврыг эвдсэн онцлог байлаа.

Энэ төрөлд Туркийн тамирчин Мете Газоз Италийн Мауро Несполиг 6:4 оноогоор ялж, алтан медаль хүртлээ.

Хүрэл медалийг Японы харваач Фүрүкава Такахарү авлаа.

Categories
амьдралын-өнгө мэдээ

Орон нутагт ковидын 776 тохиолдол бүртгэгдлээ

Сүүлийн 24 цагийн хугацаанд улсын хэмжээнд 1286 хүнээс халдвар илэрлээ. Ингэснээр Монгол улсад батлагдсан халдварын тохиолдлын тоо 164155 болоод байна. Улаанбаатар хотын хэмжээнд 544 тохиолдол шинээр нэмэгдсэн бол 776 тохиолдол орон нутагт бүртгэгдсэн байна.

Орон нутагт бүртгэгдсэн халдварыг тодруулбал,

-Баянхонгор 17,

-Баян-Өлгий 227,

-Булган 23,

-Говь-Алтай 17,

-Говьсүмбэр 25,

-Дархан 83,

-Дундговь 7,

-Дорноговь 10,

-Завхан 25,

-Орхон 35,

-Өвөрхангай 45,

-Өмнөговь 7,

-Төв 57,

-Увс 79,

-Хэнтий 47 тус тус бүртгэгдээд байна.

Categories
мэдээ нийгэм цаг-үе

Энэ сард шатахууны үнэ 40 хувиар өсөв

Шатахууны үнэ дахин 300 төгрөгөөр нэмэгдлээ. Өргөн хэрэглээний АИ-92 бензин 2050-2100 төгрөгийн үнэтэй болсон байна.

Долдугаар сарын 2-ны өдөр нэг литр нь 1450 төгрөг байсан бензиний үнэ сар хүрэхгүй хугацаанд 40 хувиар өсчээ.

Энэ нь сүүлийн жилүүдэд тогтмол нэг оронтой тоонд байсан инфляцийн түвшинг өсгөх өндөр эрсдэлтэй гэж эдийн засагчид болгоомжилж байна.

Categories
мэдээ нийгэм цаг-үе

ЗӨВЛӨГӨӨ: “Covid-19” халдварын дараахь хоолны дэглэм

“Ковид-19” халдвараар өвдөөд эдгэрсний дараа эрүүл хооллолт, амьдралын эрүүл, зөв хэв маягийг хэвшүүлэх шаардлагатайг Эрүүл мэндийг яам, Нийгмийн эрүүл мэндийн үндэсний төвөөс зөвлөлөө.

Бие махбодийн сэргэх явцыг түргэсгэхийн тулд илчлэг, уураг, амин дэм, эрдэс бодисоор баялаг дараах хоол хүнсийг хэрэглэхийг зөвлөж байна.

  • ИЛЧЛЭГ: Хоосон илчлэг авахаас зайлсхий. Чихэр, чихэрлэг гурилан бүтээгдэхүүнээс аль болох татгалзах хэрэгтэй. Шар будаа, гурвалжин будаа, хөц будаа, бүхэл үрийн гурил, түүгээр хийсэн бүтээгдэхүүнээс илчлэгээ аваарай.
  • УУРАГ: Уураг нь мах, сүү, өндөрг самарт ихээр агуулагддаг. Энэ нь эд эсийн нөхөн төлжилт, дархлааны хэвийн үйл ажиллагааг хангах ач холбогдолтой. Айраг, тараг, хоормог зэрэг исэг цагаан идээ нь гэдэсний ашигтай бактерийн өсөлт, дархлааг дэмждэг тул антибиотик эмчилгээний дараа зайлшгүй хэрэглэнэ.
  • ЖИМС, ХҮНСНИЙ НОГОО: Шинэ жимс, хүнсний ногоо нь эслэг, амин дэм, эрдэс бодис, аниоксидант бодисоор баялаг. Эдгээр тэжээллэг бодисууд нь дархлааг дэмжиж, халдварын эсрэг тэмцэхэд тусална. Өдөр бүр 2 ширхэг жимс, гурван аяга ногоо идэхийг зөвлөж байна.
  • ШИНГЭН: Өдөрт 8-10 аяга шингэн ууснаар бодисын солилцоог хэвийн явуулах, хордлого тайлах ач холбогдолтой. Кофег өдөрт 2 аягаас илүү хэрэглэхийг хязгаарлаж, үйлдвэрийн жимсний шүүс, сироп, хийжүүлсэн ундаа хэрэглэхээс зайлсхийгээрэй.
  • ӨӨХ ТОС: Цусны хлестеринийг бууруулах омега-3.9 тосны хүчлийг нэмэлтээр хэрэглэнэ. Малын өөх, цөцгий, шар тос, өрөм зэргийг хязгаарлана. Таранс тос агуулсан шарсан тахиа, хуушуур, пирошки, жигнэмэг, нарийн боов идэхээс татгалзах.
Categories
мэдээ нийгэм цаг-үе

Толгойтын төв замаас Улаанчулуутын авто замыг асфальт бетоноор хучна

Маргааш 23:00 цаг хүртэл СХД дүүргийн 4-р хороо, Толгойтын төв замаас Улаанчулуутын авто замд асфальт бетон хучилт, хэвтээ тэмдэглэгээний ажил хийнэ. Иймд замын хөдөлгөөнийг түр хязгаарлана. Жолооч та бүхэн бусад замыг сонгон хөдөлгөөнд оролцоно уу гэж Тээврийн цагдаагийн албанаас мэдээлэв.

Categories
мэдээ нийгэм

Б.Ууганбат: 12-17 насны хүүхдүүдийг вакцинд идэвхтэй хамруулахыг уриалж байна

1800-1200 тусгай дугаарт иргэдээс түгээмэл ирж байгаа асуултад Нийслэлийн Үйлчилгээний нэгдсэн төвийн дарга Б.Ууганбат хариулт өглөө.

-Коронавирусийн халдвар авсан, ойрын хавьтал болсон иргэд хаана хандах вэ?

-Шинжилгээний хариу эерэг гарсан, батлагдсан тохиолдлын ойрын хавьтал болсон тохиолдолд харьяа дүүргийнхээ Тандалт, хариу арга хэмжээг зохицуулах штабтай дараах утсаар холбогдож, мэдээлэл авах хэрэгтэй.

Сонгинохайрхан дүүрэг 79976000, 70172827, 70172313

Баянгол дүүрэг 89121177

Чингэлтэй дүүрэг 70007105

Сүхбаатар дүүрэг 70003910

Хан-Уул дүүрэг 70043085

Баянзүрх дүүрэг 19001063, 70150065

Налайх дүүрэг 70233464

Багануур дүүрэг 70212903

Багахангай дүүрэг 70249103

Мөн Ковидын нэгдсэн лавлах 119, Нийслэлийн лавлагаа, мэдээллийн 1800-1200 тусгай дугаарт хандан Тандалт, хариу арга хэмжээг зохицуулах багтай холбогдож болно.

-Шинжилгээний цэгүүдийн талаар мэдээлэл өгөхгүй юү?

-Нийслэлийн төвийн зургаан дүүрэгт суурин гурав, явуулын гурван шинжилгээний цэг ажиллаж, 09:00-12:00 цагийн хооронд дараах байршлуудад шинжилгээ авч байна. Үүнд:

  1. Баянгол дүүрэг-96 дугаар цэцэрлэг
  2. Сүхбаатар дүүрэг- 143 дугаар цэцэрлэг
  3. Чингэлтэй дүүрэг-74 дүгээр цэцэрлэг
  4. Баянзүрх дүүрэг- Баянзүрх дүүргийн авто оношилгооны төвийн зогсоол
  5. Сонгинохайрхан дүүрэг- 5 шарын төмөр замын гармын ард байрлах Номин агуулах худалдааны гадна талбай
  6. Хан-Уул дүүрэг- Буянт-Ухаа спорт цогцолборын гадна талбай.

Амралтын өдөр шинжилгээний гурван цэг ажиллана.

-Иргэдэд хандаж ямар зөвлөгөө өгөх вэ?

-Монгол Улсад коронавирусийн дельта хувилбар бүртгэгдсэн тул иргэдийг халдвар хамгааллын дэглэмээ баримталж, вакциндаа идэвхтэй хамрагдахыг уриалж байна. Мөн есдүгээр сарын 1-нээс хичээлийн шинэ жил эхлэхтэй холбогдуулан наймдугаар сарын 4-нөөс өмнө вакцины I тунд хамрагдсанаар хүүхдэд хичээл эхлэхээс өмнө дархлаа тогтох болохыг эмч, мэргэжилтнүүд хэлж байгаа. Иймд эцэг, эхчүүдийг хүүхдүүдээ вакцинд идэвхтэй хамруулахыг уриалж байна. 12-17 насны хүүхдүүдийг Пфайзер/БиоНТех комернэти вакцины I тунд хамруулж байгаа.

Categories
мэдээ спорт цаг-үе

ТОКИО-2020: О.Есүгэн 27 дугаар байрт орж, тэмцээнээ дуусгалаа

Эмэгтэйчүүдийн 50 метрийн урт бууны урьдчилсан дасгалд О.Есүгэн цэц сорилоо. Тус төрөлд нийт 37 тамирчин оролцсоноос манай тамирчин 1158 оноогоор 27-р байр эзэллээ.

О.Есүгэн нийт 120 сум тавьсан бөгөөд

  • Өвдөглөсөн байрлалаас 40 суманд 389
  • Хэвтээ байрлалаас 40 суманд 392
  • Босоо байрлалаас 40 суманд 379 оноо авч нийт 1158 оноотой тэмцээнээ дуусгалаа.

Оросын тамирчин Юлиа Зикова 1182 оноогоор тэргүүлсэн бол АНУ, Германы тамирчид удааллаа. Тус төрлөөс хамгийн өндөр оноотой найман тамирчин финалд шалгарсан.