Month: May 2021

Нэгдүгээр байр-1.000.000 төгрөг

Баянгол дүүрэг Д.Рэнцэнноров захиралтай “Өргөө-14” СӨХ

Хоёрдугаар байр-800 мянган төгрөг

Баянзүрх дүүрэг С.Хишгээ захиралтай “Сэлэнгэ-888” СӨХ

Хан-Уул дүүрэг Б.Бадамсансар захиралтай “Буянт-ухаа 2б” СӨХ

Гуравдугаар байр-500 мянган төгрөг

Сонгинохайрхан дүүрэг Д.Мөнхнэмэх захиралтай “Залуус-1” СӨХ

Хан-Уул дүүрэг П.Энхтуяа захиралтай “Нархан” СӨХ

Сүхбаатар дүүрэг Н.Оюунчимэг захиралтай “Ганэрдэнэ” СӨХ

Тусгай байр-300 мянган төгрөг

Сонгинохайрхан дүүрэг Г.Дансран захиралтай “Тохилог” СӨХ

Чингэлтэй дүүрэг Ж.Баярдэлгэр захиралтай “Ялалт” СӨХ

Сүхбаатар дүүрэг З.Одонгуа захиралтай “Харш 10” СӨХ

Чингэлтэй дүүрэг Ц. Амартайван захиралтай “Өөдлөх өргөө” СӨХ

Хан-Уул дүүрэг С.Доржсүрэн захиралтай “Наран хотхон” СӨХ

Хан-Уул дүүрэг Д.Лхагвасүрэн захиралтай “Хан оргил” СӨХ

Чингэлтэй дүүрэг Г.Сарангэрэл захиралтай “Хүрээ хотхон” СӨХ

Хан-Уул дүүрэг Н.Нарантуяа захиралтай “Эрэл-3” СӨХ

Баянзүрх дүүрэг Б.Нармандах захиралтай “Олимп виллаже” СӨХ

Сүхбаатар дүүрэг Д.Жаргалсайхан захиралтай “Ногоон урлан” СӨХ

Баянгол дүүрэг М.Хүрэлчулуун захиралтай “Тэнгэр” СӨХ

Багануур дүүрэг Д.Энхтайван захиралтай “Сод хөгжил” СӨХ

Налайх дүүрэг Г.Сэргэлэн захиралтай “Сайн” СӨХ

Багахангай дүүрэг н.Нармандах захиралтай “Их хангай” СӨХ-д тус тус байр эзэллээ.

Нийслэлд тарьсан гоёл чимэглэлийн модыг сугалж хулгайлан авч явсан хэрэг өчигдөр /2021.5.30/ гарчээ. Энэ талаар Улаанбаатар хотын ерөнхий менежер Т.Гантөмөр мэдээлсэн байна.

Тэрбээр, Энэбишийн өргөн чөлөөнд 220 ширхэг торхтой саванд гоёл чимэглэлийн мод тарих ажил Бямба гаригт /2021.5.29/ эхэлж нийт 150 торхонд монос 366 ширхэг, голт бор 384 ширхэг тарьсан.

Тавдугаар сарын 30-ны 04.31 минут орчимд өндөр ургасан монос модноос нэг ширхэг, голт бор гурван ширхэг сугалан авч хулгайлсан хэрэг гарсныг Баянгол дүүргийн цагдаагийн хоёрдугаар хэлтэст мэдэгдэн хэрэгтнийг хайж байгаа аж. Хотын ногоон байгууламжийг нэмэгдүүлэхэд иргэн бүрийн оролцоо чухал болохыг Улаанбаатар хотын ерөнхий менежер Т.Гантөмөр анхааруулжээ.

Зөрчлийн тухай хуулиар 8.6 дугаар зүйлд заасны дагуу хулгайлах бусдын эд хөрөнгийг хүч хэрэглэхгүйгээр, нууцаар, хууль бусаар авсан нь эрүүгийн хариуцлага хүлээлгэхээргүй бол хүнийг албадан сургалтад хамруулж 7-30 хоногийн хугацаагаар баривчлах шийтгэл оногдуулна.

Эрүүгийн хуулийн 17.1 дүгээр зүйл хулгайлах буюу бусдын эд хөрөнгийг хүч хэрэглэхгүйгээр, нууцаар, хууль бусаар авсан бол 240-720 цаг хүртэл хугацаагаар нийтэд тустай ажил хийлгэх эсвэл зургаан сараас таван жил хүртэл хугацаагаар зорчих эрхийг хязгаарлах, мөн ижил хугацаагаар хорих ялаар шийтгэх зохицуулалттай байна.

Цагдаагийн байгууллагад тавдугаар сарын 30-ны өдөр нийт 1468 гомдол иржээ. Мөн өчигдөр 145 иргэний эрүүлжүүлсэн байна. Нийт дуудлагыг ангилж харуулбал,

• гэр бүлийн хүчирхийлэл-119
• согтуугаар машин жолоодсон-56
• олон нийтийн газар зүй бусаар биеэ авч явж, танхайрсан-114
• архидан согтуурахтай тэмцэх тухай хууль зөрчсөн-65 дуудлага, мэдээлэл иржээ.

Түүнчлэн хүн биед халдах, оршин суугчдын амгалан тайван байдал алдагдуулсан тухай 84 дуудлага мэдээлэл ирсэн гэж ЦЕГ-ын Хэвлэл мэдээллийн төвөөс мэдээллээ.

Жил бүрийн зургадугаар сарын нэгэн-Дэлхийн сүүний өдөр. Энэ өдрийг гадаадын 50 гаруй улс орон уламжлал болгон, манай улс 2016 оноос тэмдэглэж байна.

Энэ өдрөөр сүү сүүн бүтээгдэхүүн, шим тэжээлийн ач холбогдлыг сурталчлан таниулдаг юм. ХХААХҮЯ, НҮБ-ын ХХААБ, Ази тивийн сүү үйлдвэрлэлийн Нарийн бичгийн дарга нарын газар, Монголын хүнсчдийн холбооны дэргэдэх Сүүний мэргэжлийн зөвлөлийн төлөөлөл хамтран “Дэлхийн сүүний өдөр”-т зориулсан хэвлэлийн хурал зохион байгуулав.

Энэ үеэр ХХААХҮЯ-ны Хүнсний үйлдвэрийн бодлогын хэрэгжилтийг зохицуулах газрын дарга Л.Чой-Иш, “Одоогоор экспортод гарч байгаа бүтээгдэхүүний тоо хэмжээ, нэр төрөл цөөхөн ч бяслаг, аарц, жимс сүүний холимог бүтээгдэхүүн үйлдвэрлэж гадаадын зах зээлд гаргах боломж бий. Түүнчлэн бага насны хүүхэд, бага ангийн сурагчдад өдөр бүр нэг аяга сүү хэрэглэх боломж бүрдүүлэхийг зорьж байгаа-г дурдлаа.

ХХААХҮЯ сүүний хэрэглээг нэмэх, үйлдвэрлэлийг дэмжих зорилгоор сүүний урамшууллыг өнгөрсөн оны 11 дүгээр сараас энэ оны 3-р сарыг дуустал 9.4 сая литр сүү бэлтгэн нийлүүлсэн малчин, эрчимжсэн мал аж ахуй эрхлэгч нарт олгожээ. Энэ нь импортын хуурай сүүний хэмжээг багасгах, дотоодын үйлдвэр, малчин, фермерүүдээ дэмжих зорилготой. Мөн анхан шатнаас эцсийн бүтээгдэхүүн хүртэлх бүх үе шатанд сүү бэлтгэлийн системийг нэвтрүүлэх ач холбогдолтой. Цаашид сүү, сүүн бүтээгдэхүүнийг экспортод гаргахад анхаарч байгаа аж.

Түүнчлэн, НҮБ-ын ХХААБ-ын Монгол дахь суурин төлөөлөгч Винод Ахужа хэлэхдээ, “Ази тивийн нийт сүүний 80 орчим хувийг жижиг аж ахуй эрхлэгчид үйлдвэрлэж байна. Сүүний салбарын хөгжил нь жижиг тариаланч, малчдад олон давуу тал бий болгохоос гадна өрхийн хүнсний аюулгүй байдал, хоол тэжээлийн чанарыг сайжруулдаг. Сүүлийн 30 жилд Азийн бүсийн сүүн бүтээгдэхүүний эрэлт гурав дахин нэмэгдсэн нь бүсийн хэмжээнд хүүхдийн хоол тэжээлийг сайжруулах, малчид, фермерийн аж ахуйг дэмжихэд чухал үүрэг гүйцэтгэж байна” гэсэн юм.

“Монгол Улсын нэг иргэн нэг жилд дунджаар 88 кг сүү, сүүн бүтээгдэхүүн хэрэглэж байна. ДЭМБ-ын зөвлөмжийн дагуу энэ тоог 3 дахин нэмэх шаардлагатай аж. Мөн ходоодны хелико бактерийг дарангуйлдаг бифидо бактери, пробиотик бүтээгдэхүүнийг түлхүү үйлдвэрлэж, бүтээгдэхүүн хөгжүүлэлтэд ашиглах хандлага руу эрчимтэй оржээ.

Ази тивийн сүү үйлдвэрлэлийн Нарийн бичгийн дарга нарын газрын зохицуулагч Б.Батбаатар “Ази тивд дэлхийн хүн амын 60 гаруй хувь оршин сууж, дэлхийн сүү үйлдвэрлэлийн 40 орчим хувийг нийлүүлж байна.

Ази тивийн сүү үйлдвэрлэлийн Нарийн бичгийн дарга нарын газар Монгол Улсын Засгийн газар болон НҮБ-ын ХХААБ-ын санаачилга, хамтын ажиллагаа, дэмжлэгээр Улаанбаатарт 2020 онд байгуулжээ.

Маргааш буюу зургадугаар сарын 1-нд бүх нийтийн амралтын өдөр.

Коронавируст цар тахлын нөхцөл байдлаас шалтгаалан “Олон улсын хүүхдийн эрхийг хамгаалах өдөр”-ийг улсын хэмжээнд нийтээр тэмдэглэхгүй, тухайн өдөр үзэсгэлэн, худалдаа, олон нийтийг хамруулсан арга хэмжээ зохион байгуулахгүйг холбогдох албаныхан мэдээлсэн.

Нийтээр тэмдэглэх баярын болон тэмдэглэлт өдрүүдийн тухай хуульд:

Зургадугаар сарын 1-нд Хүүхдийн баярын өдрөөр бүх нийтээр амарна гэж заасан байдаг.

Бүх нийтийн амралтын өдөр автомашины дугаарын хязгаарлалт үйлчлэхгүйг Тээврийн цагдаагийн албанаас мэдэгдлээ.

Харин Лхагва гарагт хэвийн горимд шилжиж, 3, 8-аар төгссөн улсын дугаартай тээврийн хэрэгсэл замын хөдөлгөөнд оролцохгүй.

1988 онд Дэлхийн эрүүл мэндийн ассемблейн 32 дугаар чуулганаас тамхины хэрэглээ болон тамхины утаанаас үүдсэн хор хөнөөл, байгаль орчин, эдийн засагт үзүүлэх хор хөнөөл, гамшгаас хойч үеийнхнийг хамгаалах зорилгоор тавдугаар сарын 31-ны өдрийг “Тамхины эсрэг Дэлхийн өдөр” болгон зарласан бөгөөд жил бүр тодорхой уриатай тэмдэглэдэг.

Дэлхийн тамхины эсрэг өдрийг энэ жил Тамхинаас гарахаар шийд! уриан дор тэмдэглэн тамхины эрүүл мэнд, эдийн засаг, нийгэмд үзүүлэх эрсдэлийг тооцож, Тамхигүй дэлхий болохыг уриалж байна.

Тамхины хэрэглээ дэлхий даяар цар тахлын хэмжээнд хүрч жил бүр тамхидалтын улмаас 8 сая гаруй хүн амь насаа алдаж байгаа бөгөөд эдгээрийн 1.2 сая нь дам тамхидалтын шалтгаантай байна. Эдгээр тохиолдлын ихэнхийг хөгжиж буй улс орны хөдөлмөрийн насны /30-69 нас/ хүн ам эзэлж байна.

Монгол Улсын хүн амын 24.2 хувь /эрэгтэй 43.7 хувь, эмэгтэй5 хувь) тамхи татаж байгаа бөгөөд тэдгээрийн 96.8 хувь нь тамхийг өдөр бүр тогтмол татаж байна. Мөн 10 хүн тутмын 3 нь /32.8 хувь нь гэртээ, 4 хүн тутмын 1 нь 22.6 хувь/ нь ажлын байрандаа дам тамхидалтад өртөж байна.

Манай улсад төдийгүй дэлхий даяар нас баралтын тэргүүлэх шалтгаан болоод байгаа зүрх судасны өвчин, хорт хавдар, амьсгалын замын архаг өвчин, чихрийн шижин зэрэг сэргийлж болох халдварт бус өвчнүүдийн хамгийн том шалтгаан нь тамхидалт юм.

Та өөрийн болон хайртай хүмүүсийнхээ эрүүл мэндийг хамгаалж тамхиа хаях шийдвэрийг гаргаарай.

Нийслэл хотоос орон нутаг руу чиглэсэн иргэдийн хөдөлгөөн нэмэгдэж байгаатай холбогдуулан Тээврийн цагдаагийн албанаас төв, орон нутгийн цагдаагийн байгууллагатай хамтран замын хөдөлгөөний аюулгүй байдлыг хангах, тээврийн хэрэгслийн ашиглалтын журмын эсрэг гэмт хэрэг, зам тээврийн ослоос урьдчилан сэргийлэх, замын хөдөлгөөнд оролцогчдын сахилга, хариуцлагыг дээшлүүлж, иргэдэд таатай зорчих нөхцөлийг бүрдүүлэх зорилгоор улсын болон орон нутгийн чанартай замд уян хатан цагийн хувиараар хяналт шалгалтыг эрчимжүүлэн ажиллаж байна.

Энэ оны тавдугаар сарын 21-ээс 26-ны өдрүүдэд хяналт шалгалтын цэгүүдээр нийт 36160 тээврийн хэрэгсэл шалгахад согтууруулах ундааны зүйл хэрэглэсэн үедээ тээврийн хэрэгсэл жолоодсон 187, хамгаалах бүс хэрэглээгүй 835, тээврийн хэрэгслийн хурд хэтрүүлсэн 251, гэрэлтүүлэх хэрэгсэл буруу хэрэглэсэн 117, бүрэн бус тээврийн хэрэгслээр хөдөлгөөнд оролцсон 1554, бусад 3400 зөрчил илрүүлж учирч болох аюул, эрсдэлээс урьдчилан сэргийлж ажилласан байна.

Иймд иргэд, зорчигч та бүхэн бүрэн бус тээврийн хэрэгсэлтэй хөдөлгөөнд оролцдог, хурдыг тогтоосон хязгаараас хэтрүүлдэг, согтууруулах ундааны зүйл хэрэглэсэн үедээ автомашин жолооддог буруу зуршилтай жолооч нарт шаардлага тавин хөдөлгөөнд оролцуулахгүй байх хэрэгтэй.

Зам тээврийн ослын хор уршиг нь цагдаагийн байгууллагад бус иргэн таны амь нас, эрүүл мэнд, эд хөрөнгө, гэр бүлд нөхөж баршгүй гарз, хохирол авчирдаг гэдгийг санаж хайртай бүхнийхээ төлөө хариуцлагатайгаар хөдөлгөөнд оролцохыг уриалж байна

ЭКОЛОГИД ЭЭЛТЭЙ АЯЛАЛ ЖУУЛЧЛАЛ

Зах нь үл үзэгдэх нуурын эргээс жаргаж буй нарыг харахад нар Буйр нуур руу орж байх шиг ер бусын харагддаг. Буйр нуур тийм л гоо үзэсгэлэнтэй . 2015 онд гэр бүлээрээ Буйр нуурыг зориход одоогийнх шиг олон амралтын газар, олон хүний хөл хүрээгүй байсан. Дорнын талыг чимсэн их нуурыг хүмүүс “Дорнын тэнгис” гэх юм билээ. Ус нь дулаахан, элс нь зөөлхөн, загасаар баян, хясаагаар ч ганган Буйр нуур дурлахгүй байхын аргагүй билээ.

Сүүлийн жилүүдэд Буйр нууранд аялах хүмүүсийн тоо эрс нэмэгдсэн. Энэ талаар Дорнод аймгийн байгаль орчин аялал жуулчлалын газрын аялал жуулчлалын асуудал хариуцсан мэргэжилтэн Б.Ганзоригоос тодруулахад: “Буйр нууранд аялах жуулчдын тоо сүүлийн жилүүдэд тогтмол өсөх хандлагатай байна. 2019 онд Дорнод аймгийн Халх гол суманд “Халх гол”-ын ялалтын 80 жилийн ой тохиосон. Энэ нь аялал жуулчлалын томоохон урсгал байсан гэж хэлж болно. Энэ үеэр Буйр нууранд дотоодын 16000 гаруй жуулчин амарсан. Үүнээс үүдэн гэр бүлийн аялалууд нэлээдгүй хөгжин өнгөрсөн онд гэхэд 23000 жуулчин ирсэн. Буйр нуурын аялал жуулчлалаас аймгийн төсөвт 4.5 тэрбум төгрөгний орлого орсон” гэлээ.

Буйр нуур руу чиглэсэн аялал жуулчлалын салбар хурдацтай хөгжихийн хэрээр байгаль экологид сөрөг нөлөө үзүүлэхвий гэсэн болгоомжлол ч мөн бий болсон. Үзэсгэлэнтэй сайхныг үзэж харах олны хүсэл эргээд байгаль орчны хясал болох боломжтой нь энэхүү салбарын томоохон болгоомжлол гэж хэлэхэд буруудахгүй. Иймдээ ч сүүлийн жилүүдэд экологид ээлтэй аялал жуулчлал гэж ярих болжээ. Тэгвэл Буйр нуурын экологийг хамгаалахаар ямар ажлууд хийгдэж байгааг лавласан юм.

Мөн тэрбээр аялал жуулчлалын салбар нь цэвэр үйлчилгээний салбар. Тиймдээ ч энэ салбарт үйл ажиллагаа явуулдаг хувийн хэвшлүүдэд хуулийн зохицуулалт хийхэд хүндрэлтэй. Учир нь 2000 онд баталсан аялал жуулчлалын тухай хууль нь аж ахуй нэгжүүдийг дэмжихэд чиглэсэн төдийгүй цэвэр өөрсдийн хөдөлмөрөөр үйл ажиллагаа эрхэлж буй нэгжүүддээ хатуу хяналт тавьдаггүй гэдгийг ч мөн дурьдсан юм.

Зуны эхэн сар гарчээ. Таарсан хүн бүрийн зуны төлөвлөгөөнд аялал багтсан байна. Тэгвэл “аялана” гэхийн өмнө “экологи” гэдэг үгийг шигтгэвэл ямар вэ. “Экологийн аялал”, “экологийн аялагч”. Нэрт яруу найрагч О. Дашбалбар “Өвөг дээдсээсээ бид эх орноо хүлээж авсан, үр ачдаа хүлээлгэж өгнө” гэж нэгэнтээ шүлэглэсэн байдаг. Яг л энэ шүлэг шиг Буйр нуурын төрх таван жилийн дараа ямар байхаас л аялал жуулчлалын салбар хэр зэрэг байгааг харах боломжтой.

Мэргэжилтний хэлснээр “Цар тахлын нөлөөгөөр хамгийн их хохирол амссан салбар аялал жуулчлал. Гэсэн хэдий ч цар тахлын дараа хамгийн хурдан хөл дээрээ зогсох салбар ч мөн аялал жуулчлал” гэсэн. Цаг сайхан болж, аялалын санаагаа хэрэгжүүлэх мөч удахгүй ирнэ. Тэгвэл сайхан монгол орныхоо хаана ч очсон би аялаж байна биш, би энэ газрын нэг хэсэг гэж хандах нь экологийн аялагч хүний эрхэм шинж. Тэгвэл аялалд гарахаасаа өмнө та юуг анхаарах талаар зөвлөмжийг хүргэж байна.

Эх сурвалж: Дорнод аймгийн аялал жуулчлалын газрын аялал жуулчлалын асуудал хариуцсан мэргэжилтэн Б.Ганзориг, Дорнод аймгийн албан ёсны цахим хуудас, Unread.mn, зургийг center.mn сайтаас

ХИС-ийн Сэтгүүл зүйн III курсийн оюутан Т.МӨНХТУЯА

Rio Tinto” групп “Comptech” компанитай хамтран дэвшилтэт технологи, 5G сүлжээ, цахилгаан автомашины үйлдвэрлэлд ашиглах хөнгөн цагааны хайлш үйлдвэрлэх болсноо мэдэгджээ.

Тус компани нь “Comptech”-ийн “Rheocasting” технологийг ашиглан хайлш үйлдвэрлэх юм байна. “Rheocasting” технологийг бага өртгөөр, хурдан хугацаанд өндөр чанарын материал үйлдвэрлэх хамгийн шилдэг арга гэж үзэж байгаа ажээ.

Энэхүү технологиор үйлдвэрлэсэн материал нь эд ангиудын тоо, жин, угсрах хугацаа, зардлыг эрс багасгадаг байна.

“Rio Tinto” компанийн Борлуулалт, маркетингийн дэд ерөнхийлөгч Толга Эгрилмезер “Энэхүү түншлэлээр дамжуулан цахилгаан тээврийн хэрэгсэл, 5G антенн гэх мэт дэвшилтэт хэрэглээнд зориулсан өндөр гүйцэтгэл, хямд өртөгтэй шийдлийг бий болгох шинэ төрөлжсөн хайлшийг үйлдвэрлэх болно. Энэ бол манай салбарын тэргүүлэх судалгаа шинжилгээний үр дүнд үйлдвэрлэгчид болон эцсийн хэрэглэгчдийн онцлог эрэлт хэрэгцээнд нийцсэн бүтээгдэхүүнийг хүргэх боломжийг олгож буй явдал юм” хэмээжээ.

2016 онд “Rio Tinto” хүлэмжийн хийн ялгаруулалт багатай технологиор хөнгөн цагаан үйлдвэрлэдэг “Renewal” брэндийг үүсгэн байгуулж байсан билээ.