Хэрэв та хөгжилтэй бөгөөд уран бүтээлч зураг бүтээлүүдийг харвал Японы алдарт уран зураач, уран баримал сонирхогч Метисиссай хэмээх нэрийг олонтоо сонсох болно. Ингээд амьтдын хөгжилтэй агшинг баримлаар урласныг сонирхуулахаар бэлтгэлээ.
Month: March 2021
Төв аймгийн Зуунмод суманд Covid-19 халдварын дөрвөн тохиолдол батлагдлаа. Үүссэн нөхцөл байдалтай холбоотойгоор сумаас орох, гарах хөдөлгөөнийг өнөөдөр /2021.03.06/ тодорхойгүй хугацаагаар зогсоолоо. Тодруулбал, өнөөдрийн 15:00 цаг орчимд ХӨСҮТ-өөс 58 иргэний хариу сөрөг дөрвөн иргэний хариу эерэг гарчээ.
Төв аймгийн ЭМГ-ын дарга С.Мөнхтуяа мэдээлэл өгөхдөө “Хоёрдугаар сарын 26-нд Улаанбаатар хотоос нэг иргэн Зуунмод суманд буяны ажилд оролцоод буцсан. Улаанбаатар хотод буцаж очоод гуравдугаар сарын 1-ний өдөр шинжилгээ өгөхөд хариу эерэг гарч, халдвар авсан болох нь батлагдсан байна. Тухайн өдрийн 19:20 цагт манай аймагт дээрх мэдээллийг ХӨСҮТ-өөс өгсний дагуу шуурхай арга хэмжээ авч, хариу арга хэмжээний тандалт судалгааны ажлыг эхлүүлсэн.
Тухайн иргэний ойрын хавьтал болох 62 хүнийг шинжилгээнд хамруулж, ХӨСҮТ-д хүргэсэн. Шинжилгээний хариуй өнөөдөр 14:50 цагт ирсэн бөгөөд 58 хүний хариу сөрөг, дөрвөн иргэний хариу эерэг гарлаа. Бид ойрын хавьтлууд болон тэдэнтэй уулзсан хүмүүсийг тусгаарласан. Цаашдаа тандалт судалгааг өргөжүүлсэн байдалд хийхээр бэлэн болоод байна” гэлээ.
Дээрхийн Гэгээнтэн XIV Далай лам орон нутгийн цагаар өнөөдөр өглөө шинэ коронавирусээс урьдчилан сэргийлэх вакцины эхний тунгаа хийлгэжээ.
Тэрбээр Дарамсала хотын Зонал эмнэлэгт гуравдугаар сарын 06-ны өглөө вакцин хийлгэсэн бөгөөд вакцин хийлгэхэд дэмжлэг үзүүлсэн Энэтхэгийн Засгийн газарт талархаж байгаагаа илэрхийлсэн байна.
Мөн тэрбээр энэхүү урьдчилан сэргийлэх тарилгыг илүү олон хүн хийлгэж, дархлаажуулалтад хамрагдахыг уриалсан байна.
Жүдо бөхийн Ташкентын Их дуулгын эхний өдрийн барилдаан дуусч, Монголын тамирчид нэг алт, хоёр мөнгөн медаль хүртлээ. Дэлхийн аварга М.Уранцэцэг алт хүртэж, энэ тэмцээнд гурав дахь удаагаа түрүүлсэн бол Л.Сосорбарам, Ё.Басхүү нар мөнгөн медаль хүртэв.
Монгол тамирчид гурван медаль хүртсэн амжилтаар багийн дүнгээр хоёрдугаар байрт бичигдэж байна.
Ташкентын Их дуулга тэмцээнд оролцох Монголын багийн бүрэлдэхүүнд, эрэгтэй тамирчдаас МУГТ Д.Амартүвшин, ОУХМ Л.Өнөболд /60 кг/, ОУХМ Г.Хэрлэн, Ё.Басхүү /66 кг/, Г.Одбаяр, Ц.Цогтбаатар /73 кг/, Саид Моллаей /81 кг/, Г.Алтанбагана /90 кг/, Л.Отгонбаатар /-100 кг/, Ө.Дүүрэнбаяр /+100 кг/, эмэгтэй жүдочдоос МУГТ М.Уранцэцэг, ОУХМ Г.Наранцэцэг /48 кг/, Л.Сосорбарам, Б.Хорлоодой /52 кг/, МУГТ Д.Сумъяа /57 кг/, Б.Ганхайч /63 кг/, О.Мөнхцэцэг /-78 кг/ нар багтжээ.
Нийслэлийн Баянзүрх дүүргийн 19 дүгээр хороонд гарсан галын аюулаас 19 хүнийг тус дүүргийн онцгой байдлын байгууллагын алба хаагчид өнөөдөр /2020.03.06/ аварчээ.
Тодруулбал, өглөөний 08.54 цагт Баянзүрх дүүргийн Онцгой байдлын хэлтэст дээрх галын тухай дуудлага мэдээлэл ирсний дагуу Гал түймэр унтраах, аврах 63 дугаар ангийн алба хаагчид хэргийн газарт очжээ. Аврагчдыг очих үед орон сууцанд гал гарч, орц бүхэлдээ утаанд автсан байжээ. Улмаар утаажилтын бүсээс таван сартайгаас 13 насны хүүхэд, 60 настай хөгжлийн бэрхшээлтэй иргэн зэрэг 19 хүнийг эсэн мэнд гаргаж, амь насыг нь авран хамгаалжээ. Одоогоор галыг бүрэн унтраагаад байгаа ба галын шалтгаан нөхцөл, хохирлын хэмжээг тогтоохоор шинжээчид хэргийн газарт ажиллаж байна.
Монгол Улсын Ерөнхий сайд Л.Оюун-Эрдэнэ Төв аймгийн Сэргэлэн суманд байрлах шинэ нисэх онгоцны буудлын бүтээн байгуулалтын ажилтай танилцлаа. Ерөнхий сайд Л.Оюун-Эрдэнэ энэ үеэр “Тавдугаар сарын нэгнээс агаарын хилээ нээхээр бэлтгэл ажлыг ханган ажиллаж байна. Тавдугаар сарын 1-нээс хил нээх нь вакцинжуулалтад хамрагдсан иргэдийг хүлээж авахад Монгол Улс бэлэн гэдгээ илэрхийлэх нэг зорилготой. Нөгөө нь агаарын хилийг нээснээс хойш хоёр сарын дараа Хөшгийн хөндийн нисэх онгоцны буудал ашиглалтад орох гэрээтэй байгаа тул өнөөдөр ийнхүү бүтээн байгуулалтын ажилтай танилцлаа.
Долдугаар сарын 1-нээс шинэ нисэх онгоцны буудлын үйл ажиллагаа эхэлнэ гэх байдлаар Японы талтай харилцан уулзалт хийлээ” гэв.
АНУ-ын Сан Диего хотын амьтны хүрээлэнгийн есөн мич коронавирусийн эсрэг туршилтын вакцинаар тариулсан тухай орон нутгийн эрх баригчид өчигдөр мэдээлжээ.
Таван бонобо, дөрвөн орангутанг мич уг туршилтад хамрагдсан байна.Гэхдээ тэдэнд хүн амын дархлаажуулалтад ашиглаж буй вакциныг биш, АНУ-ын мал амьтны эм үйлдвэрлэлийн Zoetis компанийн бүтээсэн вакцины хоёр тунг тарьжээ.Хэрвээ туршилт амжилттай болбол тус компани булга, муур, нохой зэрэг амьтдад хэрэглэх зөвшөөрлийг засгийн газраасаа хүсэх юм байна.
2021 оны эхээр Сан Диего хотын амьтны хүрээлэнгийн найман горилла мич коронавирусийн халдвар авч байжээ. Энэ явдлын дараа хүрээлэнгийн захиргаа Zoetis компанид яаралтай вакцин бүтээж, нийлүүлэх хүсэлт тавьсан юм байна.Горилла мичнүүдэд шинж тэмдэггүй халдвар тээгч хүрээлэнгийн ажилтан вирус тараасан гэж дүгнэжээ.
Коронавирусийн цар тахал нь хүнтэй хамгийн ойр төрлийн амьтад болох горилла, шимпанзе, орангутанг зэрэг аварга биет мичнүүдийг сүйрүүлэх боломжтойг эрдэмтэд 2020 оны гуравдугаар сард анхааруулж байв.Энэ дүгнэлтийн дараа Африк тивд орших Бүгд Найрамдах Конго Ард Улсын Вирунга үндэсний дархан цаазат газар жуулчдыг нэвтрүүлэхээ зогсоож, амьтан хамгаалагчид нь горилла мичнүүдэд 10 метрээс илүү ойртохгүй байх, амны хаалт зүүж харьцах, ой шугуйд бие засахгүй байх зэрэг хатуу дэглэм сахиж эхэлжээ.
Дархан цаазат газрын ойр орчимд оршин суудаг таван сая хүнийг вакцинжуулсны дараа тэнд амьдардаг 1,000 гаруй гориллыг вакцинжуулахаар төлөвлөж байгааг орон нутгийн эрх баригчид мэдээлсэн байна.
Эх сурвалж: The Guardian
Гуравдугаар сарын 6, 7-ны өдрүүдэд ажиллах шинжилгээний цэгүүдийн хуваарийг Эрүүл мэндийн яамнаас танилцууллаа.
Тодруулбал,
- СХД: 6-р сургууль /Бямба/, 62-р сургууль /Ням/
- БЗД: 133-р сургууль /Бямба/, 48-р сургууль /Ням/
- БГД: 47-р сургууль
- СБД: 31-р сургууль
- ХУД: 18-р сургууль
- ЧД: 139-р сургууль дээр шинжилгээ авна.
Шинжилгээний цэгүүд 09:00-17:00 цагийн хооронд ажиллах юм.
Баарак хэмээх хонийг Мельбурн хотоос хойд зүгт 60 милийн зайд орших Виктория мужийн Лансфилд орчмын Эдгар дахь Мишн Фермийн Нөөцөөс олон нийтийн ажилтан олж илрүүлжээ. Хонийг Баарак гэдэг гэнэ. Түүнийг олсон ажилтан анх хараад гайхаж, цочирдсон бөгөөд хонины ноосыг тогтмол хяргаж, шаардлагатай арга хэмжээнүүдийг авах ёстой. Эс бөгөөс Баарак шиг л харагдах болно” гэжээ.
Хонины ноосыг хяргаж дууссаны дараа 35.4 кг (78.4 фунт) ноос гарчээ. Тэрээр хэлэхдээ: "Хэдийгээр харахад овор ихтэй боловч амьдын жин жин багатай, тураалд орсныг ноосыг авсны дараах зургаас харж болно" гэжээ.
Узбекстан улсын нийслэл Ташкент хотод эхэлсэн олон улсын жүдо бөхийн холбооны /IJF/ энэ оны гурав дахь тэмцээн болох “Ташкентын гранд слам” тэмцээний эхний өдөр эмэгтэйчүүдийн -48кг жинд МУГТ М.Уранцэцэг алтан медаль хүртэж, олимпийн эрхийн 1000 оноо авлаа. Тэрбээр эхний тойрогт хийлж, удаах тойрогт Энэтхэгийн Шушила Деви Ликмабамыг 2:28 минутад цэвэр ялж, улмаар зооны аваргын төлөө Италийн Франческа Миланийг нэмэлт цагт вазари үнэлгээгээр ялсан юм.
Улмаар хагас шигшээд өнгөрсөн жилийн Европийн аваргын мөнгө, Будапешт, Тель-Авивын гранд сламын хүрэл медальт Сербийн залуу од Андреа Стожадиновыг 6:24 минутын барилдан гарт нь өчих мэхээр цэвэр ялснаар Ташкентэд дөрөв дэх удаагаа аваргын төлөө барилдахаар шалгарав.
Аваргын төлөө манай тамирчин ДАШТ-ий мөнгөн медальт Японы Нацүми Цүнодаг 1:52 минутад хашиж мордон цэвэр ялснаар төрийн дуулалаа эгшиглүүллээ. М.Уранцэцэг Ташкентэд өмнө нь 2010 онд дэлхийн цом, 2015, 2017 онуудад Гран Прид түрүүлж байжээ.