Month: July 2019

Онцгой байдлын байгууллагын авлигын эсрэг үйл ажиллагааны 2019 оны төлөвлөгөөний 2.2.3-т заасныг хэрэгжүүлэх ажлын хүрээнд Онцгой байдлын ерөнхий газраас Онцгой байдлын байгууллагын хэмжээнд авлига, ашиг сонирхлын зөрчлөөс урьдчилан сэргийлэх зорилгоор алба хаагч, иргэн, аж ахуйн нэгж, байгууллагаас ашиг сонирхлын зөрчлийн талаар мэдээлэл авах тусгай дугаарыг ажиллуулах гэж байна.

Наймдугаар сарын 1-нээс албан ёсоор ажиллаж эхлэх 7777-8998 тусгай дугаарын утсанд холбогдон гаргасан гомдол, мэдээллийг хүлээн авч, бүртгэлжүүлэн цаг тухайд нь хянан шийдвэрлэх юм.

Урин дулаан цаг үргэлжилж, иргэдийн амралт зугаалгын цаг эхэлсэнтэй холбоотой голын эрэг дагуу иргэд олноор зугаалах, орчин тойрондоо хог хаяж бохирдуулах, архидан согтууран гэмт хэрэг, зөрчилд өртөхөөс урьдчилан сэргийлэх зорилгоор Нийслэл хотод “Морьт эргүүл” ажиллаж байна.

Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр Азийн хөгжлийн банкны хот байгуулалтын ахлах мэргэжилтэн Арнауд Хэкмантай уулзлаа.

Уулзалтаар Улаанбаатар хотын соёлын өвийг сэргээн засварлах, аялал жуулчлалыг хөгжүүлэх, мөн дагуул хотуудыг байгуулах тал дээр хамтран ажиллахаар санал солилцлоо. Гандантэгчэнлин хийд, Гэсэр сүм, Ботаникийн цэцэрлэгээс Их хөлгөний Долмалин хийд хүртэлх орчин болон Дамбадаржаалин хийд, Хамбын овооноос Гүнжийн нуур хүртэлх орчин, Баянхошууны хийд зэрэг Улаанбаатар хотын гэр хороолол дунд байрлах шашин соёлын өвийн дурсгалт газруудыг сэргээж, аялал жуулчлалын бүс болгон тохижуулж, хөгжүүлэх, мөн ойр орчмын гэр хорооллыг дахин төлөвлөлтөд оруулж, орлогод нийцсэн орон сууцаар хангах боломжтой талаар талууд хэлэлцэв.

Уулзалтын төгсгөлд дээрх асуудлын хүрээнд Нийслэлийн Засаг даргын Тамгын газар болон Азийн хөгжлийн банк хамтарсан ажлын хэсэг байгуулж, холбогдох судалгаа, саналыг боловсруулан ажлыг эрчимжүүлэхэд анхаарч ажиллахаар тохиролцов.

Эрхүү мужид өнгөрсөн Бямба гарагт орсон хүчтэй аадар борооны улмаас ахин үерийн гамшиг нүүрлэж, өнөөдөр онц байдал зарлажээ.

Үерт одоогийн байдлаар 20 суурингийн 470 гаруй амины орон сууц өртөж, 2,699 оршин суугч нэрвэгдээд байна. Тэдгээрийн 653 нь хүүхдүүд байгааг албаныхан мэдээлжээ. Үерийн улмаас “Сибирь” хурдны авто замын зарим хэсгийг хаасан байна.

Онцгой байдлын ерөнхий газрын дарга, хошууч генерал Т.Бадрал БНЭУ-аас Монгол Улсад суугаа Онц бөгөөд бүрэн эрхт элчин сайд эрхэмсэг ноён Монхиндэр Пратап Синхтэй уулзалт хийлээ. Уулзалтын хүрээнд хоёр орны Гамшгаас хамгаалах салбарт хамтран ажиллах тухай болон алба хаагчдыг суралцуулах талаар санал солилцсон юм.

нцгой байдлын ерөнхий газрын хувьд БНЭУ-ын Гамшгийн удирдлагын газартай Гамшгаас хамгаалах салбарт хамтран ажиллах санамж бичиг байгуулахаар ажиллаж байна. Энэхүү санамж бичиг байгуулагдсанаар хоёр орны гамшгаас хамгаалах салбарын харилцаа, хамтын ажиллагааны эхлэл тавигдаж, цаашид илүү өргөн хүрээнд хамтран ажиллах боломжтой болох юм.

Дашрамд дурдахад Бүгд Найрамдах Энэтхэг Улсад 2017- 2018 онд Онцгой байдлын байгууллагын 20 алба хаагч БНЭУ-ын Засгийн газрын тэтгэлэгтэйгээр Англи хэлний анхан шатны сургалтад хамрагдсан юм. Уулзалтын үеэр Онцгой байдлын ерөнхий газрын дарга, хошууч генерал Т.Бадрал БНЭУ-ын Элчин сайдын яамнаас тус сургалтыг цаашид уламжлал болгон зохион байгуулж, дунд, ахисан шатны сургалтуудад манай алба хаагчдыг хамруулна гэдэгт найдаж буйгаа уламжилсан юм гэж Онцгой байдлын ерөнхий газраас мэдээллээ.

Нийслэлд цахилгаан шугам тоноглолд засвар хийх ажил үргэлжилж байна. Маргааш буюу 2019 оны долдугаар сарын 31-нд цахилгаан шугам тоноглолд засвар хийх хуваарийг танилцуулъя. Үүнд:

ХАН-УУЛ ДҮҮРЭГ

11:00-18:00 цагт 11-р хороо Санжааз, Сутайн гоёл ХХК-иуд, АОС, Мал эмнэлгийн хүрээлэн, 32-р сургууль, Монгол Улсын Үндсэн хуулийн цэц болон эдгээрийн ойр орчмоор,

СОНГИНОХАЙРХАН ДҮҮРЭГ

11:00-18:00 цагт 20, 21, 22, 32-р хороо Хайртхаан амралт, Төмөр зам, Алтандорнод Монгол, Эйч Ти Эм, Гранд Повер, УБ Буян, Агротрак, Түмэн шувуут, Монгол машин ХХК-иуд, 121-р сургууль, Тэжээлийн үйлдвэр, Мобиком, Иргэн Насанжаргал, Баруунтуруун, Тахилт, Эмээлт, Хуучин, шинэ товчоонууд, 361, 384-р гармууд, Тавантолгой, Аргүнт, Партизан орчмоор,

ТӨВ АЙМАГ

09:00-18:00 цагт Батсүмбэр сум 1-р баг Отгонбаатар ферм, Бигхарвест, Поливит, МУИС, Даваасамбуу, Үдлэг орчмоор цахилгаан хязгаарлана. Засварын үеэр цахилгааны хязгаарлалт хийх тул хэрэглээгээ түр зохицуулахыг УБЦТС ТӨХК-иас зөвлөж байна.

Дөрвөн настай дагавар хүүгээ хэвтэрт ортол зодсон хэрэг тавдугаар сарын 11-нд гарч нийгмийг цочроосон билээ.

Тэгвэл хүүгийн хойд эцэг болох Б.Тодзаяагын шүүх хурал өчигдөр боллоо.

Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.1, 2.3 дахь заалтаар яллах дүгнэлт үйлдсэн тус хэрэгт хамааруулж иргэн Б.Тодзаяад хүний эрүүл мэндэд хүнд хохирол санаатай учруулсан, хохирогчийг биеэ хамгаалж чадахгүй, бага насны хүүхэд болохыг мэдсээр байж хүчирхийлэл үйлдсэн гэм буруутайд тооцон 10 жилийн хорих ял оноолоо. Ялыг хаалттай хорих ангид эдлүүлэх аж

БЗД-ийн 25 дугаар хорооны нутаг дэвсгэрт баригдаж байсан барилга дээрээс хүүхэд унаж, бэртсэн хэрэг энэ сарын 21-ний өдөр 19 цаг 30 минутад гарчээ.

Тус дуудлага мэдээлллийн дагуу харьяа дүүргийн цагдаагийн газар шалгахад БЗД-ийн 18 дугаар хороонд оршин суух хаягтай эрэгтэй 7 настай хүүхэд баригдаж байсан барилгын 2 давхраас унаж бэртэж гэмтсэн байна.

Шалгалтын ажиллагааны урьдчилсан байдлаар бага насны хүүхдүүд тус барилгад сүнс байдаг гэх яриаг гаргаж хохирогч хүү тухайн сүнсийг олж харах зорилгоор орсон хэмээн мэдүүлжээ. Унаж бэртсэн хүү ГССҮТ-д хэвтэн эмчлүүлж байна.

Иймд эцэг эхчүүд бага насны хүүхэддээ тавих хараа хяналтаа сайжруулахыг анхааруулж байна.