УИХ-ын чуулганы өнөөдрийн хуралдаанаар Оюуны өмчийг эдийн засгийн эргэлтэд оруулах тухай хуулийн төслийг хэлэлцэхийг дэмжлээ.
Хуулийн төсөл санаачлагчийн илтгэлийг УИХ-ын гишүүн Н.Учрал танилцуулахдаа, “Монгол Улсад оюуны өмчтэй холбогдсон харилцааг Патентийн тухай хууль, Зохиогчийн эрх болон түүнд хамаарах эрхийн тухай хууль, Барааны тэмдэг, газар зүйн заалтын тухай хуулиар зохицуулдаг. Гэвч эдгээр хуульд давхардсан, зөрүүтэй, хууль хоорондын уялдаа холбоогүй зохицуулалтууд байсаар байгаа нь оюуны өмчийг эдийн засгийн эргэлтэд оруулах, зохиогчийн эрхийг хамгаалах, үр өгөөжийг хүртэхэд сөргөөр нөлөөлсөөр байгаа” гэв. Тиймээс энэ төрлийн харилцааг зохицуулдаг хууль хоорондын зөрчлийг арилгах, оюуны өмчийн байгууллагын үйл ажиллагааг тогтвортой болгохоор Оюуны өмчийн тухай хуулийн төслийг боловсруулжээ.
УИХ-ын гишүүн Н.Учрал, “Дэлхийн худалдаа, эдийн засаг өнгөрсөн зуунд эрчимтэй хөгжиж хүн төрөлхтний хэрэглээ, амьдралын хэв маяг эрс өөрчлөгдсөн. Энэхүү үсрэнгүй хөгжил дэвшлийг оюуны бүтээл туурвил, шинэ санаа, ашигтай загвар, барааны тэмдэг болон оюуны бусад өмчгүйгээр төсөөлөх аргагүй гэдгийг хэллээ. Иймд оюуны өмчийг хамгаалах, хөгжил дэвшлийг хурдасгах, түүнийг эдийн засгийн эргэлтэд оруулж үр ашгийг нь хүртэх зорилгоор улс орнууд хамтран Парисын конвенц, Венийн конвенц зэрэг чухал баримт бичгүүдийг баталжээ. Дэлхийн оюуны өмчийн байгууллагын 2017 оны тайланд дэлхийн хэмжээнд нийт 64.6 сая оюуны өмч бүртгэгдэн хамгаалагдаж байгаа тухай дурьдсан байдаг байна. Сүүлийн жилүүдэд оюуны өмчөө бүртгүүлэх хүсэлт, өргөдлийн тоо тасралтгүй өссөөр байгаа бөгөөд шинэлэг санаа, дэвшилтэт техник, технологи хүн төрөлхтний амьдарлын хэв маягийг өөрчилсөөр байгаа” хэмээв.
Хуулийн төслийн хэлэлцүүлгийн үеэр боловсрол, соёл, шинжлэх ухаанаас эхлээд оюуны өмчийн бүртгэл хийлгэж байгаа салбаруудын уялдаа, холбоог хэрхэн хангахыг УИХ-ын гишүүн Ц.Цогзолмаа тодрууллаа. Оюуны өмчийг бүртгэх, эдийн засгийн эргэлтэд оруулахтай холбоотой бүх асуудлыг Оюуны өмчийн газар хариуцна гэдгийг УИХ-ын гишүүн Н.Учрал онцлов.
Мөн УИХ-ын гишүүн Н.Оюундарь, “2010 оноос хойш оюуны өмчийн гэрчилгээ авч буй иргэдийн тоо ихээхэн өсч байгаа. Тиймээс оюуны өмчийн үнэ цэнийг өсгөх, эдийн засгийн эргэлтэд орох туршлагаараа дэлхийд тэргүүлдэг Япон зэрэг орноос туршлага судлах шаардлагатай” хэгэлээ.
Ийнхүү санал хураахад хуралдаанд оролцсон гишүүдийн 69.6 хувь дэмжиж, анхны хэлэлцүүлэгт бэлтгүүлэхээр Хууль зүйн байнгын хороонд шилжүүлэв.
Хүний эрхийн Үндэсний Комиссын даргаар ахлуулсан Ажлын хэсэг энэ сарын 08-16-ны өдрүүдэд Сүхбаатар, Дорнод аймагт ажиллаж байна. Тус ажлын хэсэг малчин эмэгтэйчүүдийн хүчирхийллээс ангид байх эрх, бэлгийн болон нөхөн үржихүйн эрүүл мэндийн тусламж, үйлчилгээ авах эрхийн хэрэгжилтэд дүн шинжилгээ хийх юм. Малчин эмэгтэйчүүдтэй уулзаж ярилцах, судалгаа авах, тухайн орон нутгийн цагдаагийн байгууллага, статистик, гэмт хэргээс урьдчилан сэргийлэх ажлыг зохицуулах зөвлөл, эрүүл мэндийн байгууллага, аймаг, сумдын Засаг дарга нар, Хамтарсан баг, иргэний нийгмийн байгууллагууд, өмгөөлөгч зэрэг холбогдох төлөөллөөс мэдээлэл цуглуулах, үйл ажиллагаатай танилцах замаар энэхүү дүн шинжилгээг хийнэ. Уг ажлыг НҮБ-ын Хүн амын сан дэмжиж хамтран ажиллаж байна. Хүчирхийллийн улмаас эмэгтэйчүүд нийгэм, эдийн засгийн амьдралд оролцох эрхээ бүрэн эдэлж чадахгүй байх, түүнчлэн нөхөн үржихүйн болон сэтгэцийн эрүүл мэндэд сөргөөр нөлөөлж, зарим тохиолдолд амь насаа алдахад хүрдэг. Хүчирхийлэлд өртөгсдийг хамгаалах байруудыг байгуулах, хүчирхийлэлд өртөгсдөд зөвлөгөө өгөх тусламжийн утасны үйлчилгээг нэвтрүүлж, эрүүл мэндийн үйлчилгээ, сэтгэл зүйн зөвлөгөө, нийгмийн халамж, хамгаалал, хууль зүйн дэмжлэг үзүүлдэг нэг цэгийн үйлчилгээний төвийг аймаг, орон нутагт үе шаттай байгуулж байгаа ч үр нөлөө хэрэгжилтийн байдлыг хүний эрхийн үүднээс тодорхойлох шаардлагатай юм. Ялангуяа алслагдсан бүс нутгийн малчин эмэгтэйчүүд, тэдний гэр бүл, хамт олны эрүүл мэнд, аж байдалд сөргөөр нөлөөлж буй энэхүү эмзэг асуудал болон хүчирхийлэлд өртсөн малчин эмэгтэйчүүдийн бэлгийн болон нөхөн үржихүйн эрүүл мэндийн тусламж, үйлчилгээ авах эрхийн хэрэгжилтийг судлах хэрэгцээ шаардлага байна.
Нийслэлийн Эрүүл мэндийн газраас энэ сарын 06-ны өдөр “Хүүхэд хамгааллын хариу үйлчилгээ, түр хамгаалах байр”-ны үйл ажиллагаатай танилцан, тус төвөөр үйлчлүүлж буй хүүхдүүдэд шаардлагатай өндөр тунт А амин дэм, олон найрлагат бичил тэжээлийн бэлдмэл, хүнд цочмог тураалтай хүүхдийн эмчилгээний бэлэн хоолыг гардуулж өглөө. Мөн дүүргийн эрүүл мэндийн төвийн хүүхдийн эмч нар болон “Промед” шүдний эмнэлгийн эмч, сувилагч нар хүүхдүүдэд цогц үзлэг хийж, шүдний цоорлоос сэргийлэх болон эрдэсжүүлэх түрхлэг зэрэг эмчилгээ, үйлчилгээ хийлээ. Бичил тэжээлийн дутагдал, амны хөндийн өвчлөл нь нийгмийн эрүүл мэндэд тулгамдаж буй томоохон асуудлын нэг бөгөөд хүүхэд 36 сар хүртлээ эрчимтэй өсдөг тул тэдний бие махбодид шаардагдах шимт бодисын хэрэгцээ ихсэж, эхийн сүү болон хоол тэжээлээс авч буй хэмжээ нь хүүхдийн хэвийн өсөлт, хөгжлийн хэрэгцээг бүрэн хангаж хүрэлцэхгүйгээс шалтгаалан хүүхэд хоол тэжээлийн дутагдалд өртөж эхэлдэг. Иймд хүн амыг бичил тэжээлийн дутлаас сэргийлж, хүүхдийн өсөлт, хөгжилтийг дэмжих зорилгоор шаардлагатай аминдэм, эрдэс бодисыг улсын төсвийн хөрөнгөөр худалдан авч жил бүрийн 5 болон 11 дүгээр сард Өрхийн эрүүл мэндийн төвөөр дамжуулан олгодог билээ. Нийслэлийн Эрүүл мэндийн газраас цаашид өндөр тунт А аминдэмийг жил бүрийн 5 блдлн 11 дүгээр сард тогтмол олгох, хүүхдүүдийг нарийн мэргэшлийн эмчийн үзлэг, шинжилгээнд хамруулах, түр хамгаалах байрны эмчийг чадавхижуулах сургалтад тогтмол оролцуулж, мэргэжил арга зүйгээр ханган ажиллах юм. Мөн х
10-18 насны хүүхдүүдийг УЛААНБУРХАН, УЛААНУУД өвчний эсрэг нэмэлт дархлаажуулалтад хамруулах ажлыг энэ тавдугаар сарын 15-наас 25-ны хооронд:
