Хан Уул дүүргийн прокурорын газраас дүүрэг дэх Мэргэжлийн хяналтын хэлтэс, Богдхан уулын дархан цаазат газрын хамгаалалтын захиргаатай хамтран дүүргийн тусгай хамгаалалттай нутаг дэвсгэр, Туул голын ай сав дагуу эрх бүхий байгууллагын зөвшөөрөлгүй газар ашиглаж байгаа 29 иргэн, зарим аж ахуйн нэгжийн хууль зөрчин газар эзэмшиж, үйл ажиллагаа явуулж байгаа нөхцөл байдлыг газар дээр нь очиж шалгажээ. Нийслэлийн мэргэжлийн хяналтын газрын 2017, 2018 онд явуулсан хяналт шалгалтын дүнг үндэслэн БОАЖЯ-ны сайдын 2018 оны А/76, А/113 дугаартай “Газар ашиглах эрхийг дуусгавар болгож, газрыг чөлөөлөх тухай” тушаал гаргаж, нийт 34 иргэн, аж ахуйн нэгжийн газар ашиглах эрхийг цуцалсан байна. Гэвч Нийслэлийн хэмжээнд Богдхан уулын тусгай хамгаалалтын газар, Туул голын ай сав дагуу Газрын тухай хуулийг зөрчин газар эзэмших, ашиглах эрх олгосон 1726 аж ахуйн нэгжийн газар эзэмших эрх хүчинтэй хэвээр байгаа, мөн 29 өрх айл газар эзэмших зөвшөөрөлгүй суурьшин амьдарч байна.
Прокурор, Байгаль орчныг хяналтын улсын байцаагч, хөдөлмөрийн хяналтын улсын байцаагчдаас хамтран явуулсан хяналт шалгалтанд Дүүргийн прокурорын газрын ерөнхий прокурор хууль цаазын шадар зөвлөх Д.Мөнхсайхан, түүний орлогч Б.Очбадар, дүүрэг дэх Мэргэжлийн хяналтын хэлтсийн дарга Б.Алтантуяа нар биечлэн оролцож, цаашид хуулийн хэрэгжилтийг хангуулах талаар хамтарч ажиллахаар санал солилцож, иргэд, хуулийн этгээдээс Хан-Уул дүүргийн тусгай хамгаалалтай нутаг дэвсгэр, Туул голын ай сав газарт зөвшөөрөлгүй газар ашиглах явдлыг хуулийн хүрээнд таслан зогсоох шаардлагатай гэж үзсэн байна.
Мөн дүүргийн нутаг дэвсгэрт барилга угсралтын чиглэлээр ажиллаж буй 4 аж ахуйн нэгжийн үйл ажиллагаанд Хөдөлмөрийн аюулгүй байдал, эрүүл ахуйн тухай хуулийн хэрэгжилтийн байдлыг газар дээр нь танилцаж, болзошгүй эрсдлээс урьдчилан сэргийлэх зөвлөмж, мэдэгдэл, зурагт хуудас, палакат тарааж, хөдөлмөрийн аюулгүй байдлыг ханган ажиллах чиглэлээр зөвлөн тусалж ажилласан байна. Хан-Уул дүүргийн прокурорын газраас мэдээлэв.
Хүйтний эрч эрс чангарсан энэ үед амьсгалын замын цочмог халдвар томуу, томуу төст өвчин ихээр гарч байгаатаа холбогдуулан Нийслэлийн Засаг дарга Захирамж гаргаж хүүхдийн тоглоомын төвүүдийн үйл ажиллагааг түр хаах захирамж гаргасан. Мөн олон хөлийн газраар бага насны хүүхдээ дагуулж явахгүй байх, амин дэмээр баялаг сайн чанартай шим тэжээлтэй хоол хүнсийг тогтмол хэрэглүүлж байхыг НЭМГ-аас зөвлөж байна. Түүнчлэн идэвхтэй дасгал хөдөлгөөн хийж томуу, томуу төст өвчнөөс сэргийлж, томуугийн эсрэг сайн дурын дархлаажуулалтад хамрагдаж, гараа тогтмол савандаж сайн угааж, гэр, сургууль, цэцэрлэг, ажлын байрандаа бага цагаар агаар оруулж, агаар сэлгэж, өдөр бүр тогтмол чийгтэй цэвэрлэгээ хийж эрүүл мэнддээ анхаараарай эцэг эхчүүдээ.
Хэнтий аймгийн Хэрлэн сумын Цогт-Өндөр багийн Чингисийн хаалга гэдэг газар Улаанбаатараас Хэнтий аймгийн Батноров сумын чиглэлд шатах, тослох материал тээвэрлэж явсан хүнд даацын ачааны автомашин осолджээ. Тодруулбал, өчигдөр 09.15 цагийн үед гарч, тус аймгийн Онцгой байдлын газрын 13 алба хаагч гурван цаг ажилласны эцэст автомашиныг босгосон байна. Машины жолооч Т нь “Ихэр наран” ХХК-ийн “Саёонг” загварын 23 тонн түлштэй ачааны автомашиныг жолоодож явсан бөгөөд ослын улмаас зургаан тонн түлш асгарчээ.
Засгийн газрын ээлжит хуралдаан боллоо. Монгол Улсын Ерөнхий сайд У.Хүрэлсүх Засгийн газрын хуралдааны үеэр нэр бүхий сайд нарт үүрэг өгөв. Тухайлбал:
“Freezone” хамтлагийн ахлагч, дуучин Э.Энхтөртэй ярилцлаа.
Засгийн газрын өнөөдрийн ээлжит хуралдаанаар “Соёлын биет бус өвийг хамгаалах үндэсний хөтөлбөр”-ийг батлав.
Нийслэлийн прокурорын газрын Шийдвэр гүйцэтгэх ажиллагаанд хяналт тавих хэлтсээс Нийслэл дэх хорих ангиудыг гэнэтийн байдлаар шалгасан байна.
Гадаад харилцааны сайд Д.Цогтбаатар БНСУ-аас Монгол Улсад суугаа Элчин сайд Жон Жэ Намыг хүлээн авч уулзлаа.Уулзалтаар Монгол, БНСУ-ын харилцааг шат ахиулан хөгжүүлэх, стратегийн түншлэлийн түвшинд хүргэхэд чиглэсэн хоёр талын улс төрийн яриа хэлэлцээг урагшлуулах, дээд, өндөр түвшинд хэрэгжүүлэх айлчлалын талаар ярилцав. Мөн Монгол, Солонгосын харилцааг эдийн засгийн талбарт өргөжүүлэх, бүс нутгийн түвшинд үргэлжлүүлэн нягт хамтран ажиллах талаар болон иргэдийн солилцоо, консулын зарим асуудлаар санал солилцов.
Нийслэлийн 380 жилийн түүхт ой энэ онд тохиож байна. Ойг тэмдэглэн өнгөрүүлэх ажлыг зохион байгуулах ажлын хэсгийн хурал өнөөдөр боллоо. Хурлаар 380 жилийн ойн хүрээнд хэрэгжүүлэх арга хэмжээнүүдийн төлөвлөлт, явцыг хэлэлцэж, зарим асуудлуудыг шийдвэрлэв.