Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдрөөс ажилдаа орлоо. Ерөнхий сайд У.Хүрэлсүх хотын шинэ даргыг батламжилснаар Нийслэлийн Засаг даргын тамга тэмдгээ албан ёсоор авлаа. Ерөнхий сайдын захирамжийг Засгийн газрын хэрэг эрхлэх газрын дарга Л.Оюун-Эрдэнэ Хотын дарга С.Амарсайханд гардуулж өгөв.
Ажлаа хүлээн авсныхаа дараа тэрээр сэтгүүлчдэд мэдээлэл хийлээ. “Нийслэлийн ажлыг холоос хайхгүй. Замын түгжрэлийг багасгах, хог хаягдлыг цэгцлэх ажлуудаас эхлээд явна. Бидэнд хийх ажил их байна. Мэдээж хамгийн түрүүнд хариуцлагын асуудал дээр анхаарч ажиллана. Хариуцлагаас бүх зүйлийг эхэлнэ. Хамгийн зөв зохион байгууллалттайгаар ажиллах болно. Шийдвэртэй алхмууд хийхийн тулд бүтэц зохион байгуулалтын ажлыг хийнэ. Хүн бүхэн сайхан амьдрах ёстой. Надтай холбоотой шударга бус асуудал гарахгүй гэж бодож байна” гэв.
Монгол Улс, БНХАУ-ын ГХЯ-д хоорондын дөрөв дэх удаагийн Стратегийн яриа хэлцээний зөвлөлдөх уулзалт хоёрдугаар сарын 25-ны өдөр Бээжин хотноо амжилттай болж өндөрлөв. Уулзалтад монголын талаас ГХЯ-ны Төрийн нарийн бичгийн дарга Д.Даваасүрэн, хятадын талаас Гадаад хэргийн дэд сайд Кун Шюаньёу тэргүүтэй төлөөлөгчид оролцов.
Гадаад харилцааны сайд Д.Цогтбаатар Олон улсын шилжилт хөдөлгөөний байгууллага (ОУШХБ)-ын Монгол Улсыг хариуцах захирлаар томилогдсон ноён Ж.Крочеттийг энэ оны хоёрдугаар сарын 26-ны өдөр хүлээн авч уулзлаа.Уулзалтын үеэр Гадаад харилцааны сайд Д.Цогтбаатар ОУШХБ-аас Ж.Крочеттиг Монгол Улс дахь салбарын захирлаар томилсон итгэмжлэх захидлыг хүлээн авч, үүрэгт ажилдаа орж байгаад нь баяр хүргэсэн бөгөөд гадаадад байгаа монгол иргэдийн эрх ашгийг хамгаалах, хилийн чанадад зорчих үедээ хүн худалдаалах гэмт хэргийн хохирогч болсон, хүнд нөхцөлд байгаа иргэдийг эх оронд нь буцаан ирүүлэхэд ОУШХБ-аас тусламж, дэмжлэг үзүүлж байдагт талархал илэрхийлж, тус байгууллагатай харилцаа, хамтын ажиллагааг өргөжүүлэх талаар санал солилцов.
“Монгол, Америкийн Залуучуудын жил”-ийн нээлтийг 2019 оны хоёрдугаар сарын 27-ны өдөр Гадаад харилцааны яаманд зохион байгуулав. Ёслолын ажиллагаанд Гадаад харилцааны сайд Д.Цогтбаатар, АНУ-аас Монгол Улсад суугаа Элчин сайд М.Клечески, Бүгд Найрамдахчуудын Олон улсын хүрээлэнгийн Монгол дахь хөтөлбөрийн дарга К.Кастаня нар үг хэлэв.“Монгол, Америкийн Залуучуудын жил”-ийн хүрээнд хоёр орны залуусыг хамруулсан соёл, урлаг, спортын арга хэмжээнүүд болон эссэ бичлэгийн уралдаан, Фэйсбүүк форум, Их сургууль, эрдэм шинжилгээний байгууллагуудын инновацийн үйл ажиллагаатай холбоотой санал, санаачилгыг дэмжин хамтран ажиллах, АНУ-ын Нобелийн шагналтан, шилдэг залуу бизнесмен, венчур, хөрөнгө оруулагч, старт-ап компани үүсгэн байгуулагчдыг Монголд урьж туршлага хуваалцах ажлуудыг зохион байгуулахаар төлөвлөж байна.
Гадаад харилцааны сайд Д.Цогтбаатар 2017 оноос хойш Монгол Улсын Соёлын элчээр ажиллаж буй Япон Улсын иргэн Каваүчи Широг хүлээн авч уулзав.Монгол Улсын Соёлын элч Каваүчи Широ соёлын элчийн үйл ажиллагааныхаа хүрээнд монгол залуусыг дэмжих, үүнд залуу жүдочдыг дэмжин ажиллаж байгаа зэрэг өнгөрсөн онд хэрэгжүүлсэн ажлын тайлангаа танилцууллаа.
Цагдаа, дотоодын цэргийн сургалтын нэгдсэн төв нь Хууль зүй, дотоод хэргийн сайдын 2017 оны тавдугаар сарын 29-ны өдрийн А/145 дугаар тушаалаар баталсан журам, Цагдаагийн ерөнхий газрын даргын 2017 оны 11 дүгээр сарын 01-ны өдрийн А/208 дугаар тушаалаар баталсан журмуудын хэрэгжилтийг хангах зорилгоор Тээврийн цагдаагийн албаны 572 алба хаагч нарт “Галт зэвсгийн мэргэшүүлэх сургалт”-ыг танхимын болон дадлага сургуулилтын хэлбэрээр тав хоногийн хугацаатайгаар 2019 оны хоёрдугаар сарын 27-ны өдрөөс 2019 оны гуравдугаар сарын 03-ны хооронд зохион байгуулж байна.
Хууль зүй дотоод хэргийн яам болон түүний харьяа агентлаг, байгууллагын удирдлагуудад Мөрдөн байцаах албаны шинэ байрыг танилцуулах үйл ажиллагаа зохион байгууллаа. 
“Цагдаа, дотоодын цэргийн алба хаагчдын мэдлэг, ур чадварыг дээшлүүлэх 2019 оны сургалтын нэгдсэн төлөвлөгөө”-ний дагуу “Удирдах ажилтны ёс зүй манлайлал” сэдэвт сургалтыг Хууль сахиулахын их сургуулийн Хууль сахиулахын Удирдлагын академийн Цагдаагийн удирдлагын стратеги, Аюулгүй байдлын удирдлага, стратегийн проффессорын баг болон, Жендэрийн үндэсний хороо, Хүний эрхийн үндэсний комисстой хамтран зохион байгууллаа. 