Зар сурталчилгааны тухай хууль болон Монгол хэлний тухай хуулийн хэрэгжилтийг хангахад ШӨХТГ ямар хяналт тавьж буй талаар мэдээлэв. “Сүүлийн үед зарим томоохон дэлгүүр, ресторанууд архи согтууруулах ундааны зар сурталчилгааг явуулахдаа хууль зөрчиж байна. Тодруулбал, архи согтууруулах ундааг хямдрал урамшуулал зарласан байдлаар сурталчилж байгаа юм”гэж ШӨХТГ-ын төлөөлөл хэллээ.Хамгийн сүүлд хийсэн хяналт шалгалтаар“Наран Март” ХХК нь Австралийн тэмдэглэлт өдрийг тохиолдуулан“ Австрали виног хямдруулан худалдаж байна” гэх зарыг фейсбүүкээр тараасан. Мөн ихэнх сүлжээ дэлгүүр, цэнгээний газар, ресторанууд өөрийн пэйж хуудсаар согтууруулах ундаанд хямдрал урамшуулал зарлаж, зөрчил гаргаж байна. Тиймээс ШӨХТГ хуулийн хүрээнд үйл ажиллагаа явуулж,10 гаруй бар ресторануудад, архидан согтуурахыг уриалсан шинжтэй сурталчилгаа явуулахгүй байх шаардлагыг хүргүүлсэн аж.
Монгол хэлний тухай хуулийн хэрэгжилтийн хяналтыг өнгөрсөн онд нэг сарын турш хийжгүйцэтгэсэн байна. Хяналт шалгалтыг нийслэлийн зургаан дүүргийн гудамж талбайд байх ил самбар, зар, мэдээлэл, үйлчилгээний байгууллагын нэр зэргийг ажиглалтын аргаар судалжээ. Ингэхдээ хууль тогтоомжид хэрхэн нийцэж байгаа эсэхийг анхаарч ажилласан байна. Үүний нийтлэг зөрчил нь гадаад хэлийг орчуулалгүйгээр шууд хэрэглэдэг байдал юм. Иймд Монгол хэлний тухай хуулийнхэрэгжилтийг хангах үүднээс ШӨХТГ-ын дарга Б. Лхагва энэ оны хоёрдугаар сарын 13-нд Хэлний бодлогын үндэсний зөвлөлтэй ажиллах санамж бичгийг байгуулжээ. Санамж бичгийн хүрээнд ХМХ-үүд орчин цагийн монгол хэлний хэм хэмжээг баримталж буй эсэхэд. Гудамж талбайд ил байрлуулсан самбар, байгууллагын хаягжилтад хяналт тавих зэрэг болно.
П.САЙНЖАРГАЛ
E-POLICE гар утасны аппликейшныг ашиглан жолооч нарын гаргасан зөрчлийг Замын хөдөлгөөний удирдлагын төвд илгээснээр асуудлуудыг цаг алдалгүй шийдвэрлэжээ. Замын хөдөлгөөнд оролцож буй жолооч нарын хувьд урсгал сөрөх, тэмдэг тэмдэглэгээ зөрчих, зогс шугам давж зогсох, уулзвар гарц хаах, уулзварт давхар эргэх, эгнээ хааж зогсох, эгнээ байр буруу эзлэх, гэрлэн дохио зөрчих гэх мэтээр замын хөдөлгөөний дүрмийг ихээр зөрчдөг. Үүний улмаас түгжрэл үүсч, хөдөлгөөний ачааллыг ихээр бий болгож байна. Тиймээс замын хөдөлгөөний соёлыг дээшлүүлэх, зөрчлийг бууруулах, иргэдийн оролцоо, хяналтыг нэмэгдүүлэх, болзошгүй аюулаас урьдчилан сэргийлэх зорилгоор Замын хөдөлгөөний удирдлагын төв, Тээврийн цагдаагийн алба хамтран “E-Police аппликейшнийг гарган ажиллаж байгаа юм. Өнөөдрийн байдлаар андройд утас-8.7мянга, Iphone-1.4мянган хүн татаж авч ашигласан байна. Өнгөрсөн 7 хоногт E-POLICE гар утасны аппликейшныг ашиглан 90 зөрчилд хариуцлага тооцсон байна.
Дэлхийн топ 50 компаний нэг болох Оюутолгой ХХК ажилчдын ажлын байранд хөдөлмөрийн нөхцөлийн үнэлгээ хийлгэжээ. Уг үнэлгээг Хөдөлмөр Орчны Эрүүл Мэндийн Институтаар (ХОЭМИ) 2017 оны зургаадугаар сарын 24-нөөс аравдугаар сарын 2-ны хооронд Өмнөговь аймагт байрлах уурхайн талбарын хүнд, хортой нөхцөлд ажиллаж буйажилчдын дунд хийсэн байна. Оюутолгой ХХК нь уг нөхцлийн тайланд үндэслэн 200 гаруй ажилчдынхаа хөдөлмөрийн хэвийн бус, нөхцлийг хэвийн болгож, нэмэгдэл цалинг нь хасчээ.
Монгол Улсын Их Хурлын дарга Г.Занданшатар Хүний эрхийн үндэсний комиссын дарга Ж.Бямбадоржийг хүлээн авч уулзлаа.
Онцгой байдлын ерөнхий газраас гамшгийн эрсдэлийг бууруулахад төр, хувийн хэвшлийн түншлэлийг хөгжүүлэх зорилгоор Монголын даатгалын холбоотой хамтран ажиллах санамж бичгийг байгууллаа.
Чингэлтэй дүүргийн долдугаар хороонд хэрэгжиж буй “Дэд бүтцийн төв”-ийг ирэх тавдугаар сард бүрэн хүлээлгэж өгнө
Төрийн албаны шүүх, хууль хяналтын байгууллагуудын алдаатай үйл ажиллагаанаас болж хохирч, хэлмэгдсэн иргэдийн төлөөлөл болсон “Шудрага ёс” хөдөлгөөний тэргүүн Д.Батдамба, гишүүн Д.Дунгармаа, “Худалдаачдын холбоо”-ны удирдах зөвлөлийн гишүүн Г.Эрдэчимэг нар “Шудрага ёс” хөдөлгөөнийг үүсгэн байгуулжээ.Уг хөдөлгөөнөөр дамжуулан хэд хэдэн шаардлагийг тавьж Монгол Улсын Ерөнхийлөгч Х.Баттулга, Монгол Улсын Их хурлын дарга Г.Занданшантар, Монгол Улсын Ерөнхий сайд У.Хүрэлсүх нартхүргүүлж байгаа байна.
