Month: February 2019

Улсын хэмжээнд он гарсаар эхний 2 сарын байдлаар нийт 831 удаагийн ахуйн гал түймэр гарч, 2.1 тэрбум төгрөгийн хохирол учирч, 14 хүн нас барж, 3 хүн түлэгдэж гэмтэн, 435 гэр, орон сууц шатсан байна.

Дээрх гал түймрийн Онцгой байдлын байгууллагын алба хаагчид 193 хүний амь нас, төр, аж ахуйн нэгж, байгууллагын 12.3 тэрбум төгрөгийн өмч хөрөнгийг авран хамгааллаа.

Өнгөрсөн оны мөн үетэй харьцуулахад гал түймрийн тоо 14.9 хувиар өсөж, учирсан хохирлын хэмжээ 73.4хувиар буурсан байна.

Харин нийслэл хотод нийт 562 удаагийн гал түймэр гарч, 0,8 тэрбум төгрөгийн хохирол, орон нутагт 269удаагийн гал түймэр гарч, 1.3 тэрбум төгрөгийн хохирол тус тус учирчээ.

Хоёр. Урьдчилан сэргийлэх, хяналт шалгалтын талаар

Энэ хугацаанд 3330 байгууллага, аж ахуйн нэгж, 34547 айл өрхөд гал түймрийн хяналт шалгалт хийж, гал түймрийн хэрэг зөрчилд хүргэж болзошгүй 19373 зөрчил дутагдал илрүүлэн, 8181 зөрчлийг үзлэг шалгалтын явцад арилгуулан бусад зөрчлийг арилгуулахаар 827 заавал биелүүлэх албан шаардлага, 764 мэдэгдэл, 47 танилцуулга, 90 дүгнэлт бичиж, гал түймэр гарч болзошгүй 13 объектын үйл ажиллагааг хэсэгчлэн буюу түр хугацаагаар зогсоож, Галын аюулгүй байдлын тухай хууль тогтоомжийг зөрчсөн байгууллага, аж ахуйн нэгжийн холбогдох албан тушаалтан, иргэдийг 31 сая төгрөгөөр торгож, галын аюулаас урьдчилан сэргийлэх сургалт 287 удаа, дадлага 222 удаа зохион байгуулж, хэвлэл мэдээллийн хэрэгслээр 204 удаа сэрэмжлүүлэг явуулсан байна.

Улаанбаатар хотод болон орон нутгийн хэмжээнд шинээр баригдах барилга байгууламжийн 103 зураг төсөлд хяналт хийж баталгаажуулан, барилга байгууламжийг байнгын ашиглалтад хүлээж авах улсын комиссын бүрэлдэхүүнд 79 удаа орж ажиллав.

Объектын түймрийн шалтгааныг авч үзвэл:

Пийшин, зуух, яндангийн цонолтоос 255 гал буюу 30.6 хувь,

Ил задгай гал, асгасан үнс нурмаас 153 гал буюу 18.4 хувь,

Цахилгаанаас 151 гал буюу 18.17 хувь,

Лаа, дэн, тамхи, шүдэнзний галаас 125 гал буюу 15.04 хувь,

Машин техникийн гэмтэл ашиглалт буруугаас 72 гал буюу 8.6 хувь,

Шалтгаан тогтоогдоогүй 38 гал буюу 4.57 хувь,

Гагнуур, паялник, бамбараас 12 гал буюу 1.4 хувь,

Бусад шалтгаанаас 7 гал буюу 0.84 хувь,

Санаатай үйлдлээр 5 гал буюу 0.6 хувь

Хүүхдийн болгоомжгүй үйл ажиллагаанаас 4 гал буюу 0.48 хувь,

Технологийн горим зөрчснөөс 3 гал буюу 0.36 хувь,

Архидан согтуурснаас 3 гал буюу 0.36 хувь,

Тэсрэлт, дэлбэрэлт ослоос 2 гал буюу 0.24 хувь,

Байгалийн үзэгдлээс 1 гал буюу 0.12 хувь,Улсын хэмжээнд он гарсаар эхний 2 сарын байдлаар нийт 831 удаагийн ахуйн гал түймэр гарч, 2.1 тэрбум төгрөгийн хохирол учирч, 14 хүн нас барж, 3 хүн түлэгдэж гэмтэн, 435 гэр, орон сууц шатсан байна.

Дээрх гал түймрийн Онцгой байдлын байгууллагын алба хаагчид 193 хүний амь нас, төр, аж ахуйн нэгж, байгууллагын 12.3 тэрбум төгрөгийн өмч хөрөнгийг авран хамгааллаа.

Өнгөрсөн оны мөн үетэй харьцуулахад гал түймрийн тоо 14.9 хувиар өсөж, учирсан хохирлын хэмжээ 73.4хувиар буурсан байна.

Харин нийслэл хотод нийт 562 удаагийн гал түймэр гарч, 0,8 тэрбум төгрөгийн хохирол, орон нутагт 269удаагийн гал түймэр гарч, 1.3 тэрбум төгрөгийн хохирол тус тус учирчээ.

Хоёр. Урьдчилан сэргийлэх, хяналт шалгалтын талаар

Энэ хугацаанд 3330 байгууллага, аж ахуйн нэгж, 34547 айл өрхөд гал түймрийн хяналт шалгалт хийж, гал түймрийн хэрэг зөрчилд хүргэж болзошгүй 19373 зөрчил дутагдал илрүүлэн, 8181 зөрчлийг үзлэг шалгалтын явцад арилгуулан бусад зөрчлийг арилгуулахаар 827 заавал биелүүлэх албан шаардлага, 764 мэдэгдэл, 47 танилцуулга, 90 дүгнэлт бичиж, гал түймэр гарч болзошгүй 13 объектын үйл ажиллагааг хэсэгчлэн буюу түр хугацаагаар зогсоож, Галын аюулгүй байдлын тухай хууль тогтоомжийг зөрчсөн байгууллага, аж ахуйн нэгжийн холбогдох албан тушаалтан, иргэдийг 31 сая төгрөгөөр торгож, галын аюулаас урьдчилан сэргийлэх сургалт 287 удаа, дадлага 222 удаа зохион байгуулж, хэвлэл мэдээллийн хэрэгслээр 204 удаа сэрэмжлүүлэг явуулсан байна.

Улаанбаатар хотод болон орон нутгийн хэмжээнд шинээр баригдах барилга байгууламжийн 103 зураг төсөлд хяналт хийж баталгаажуулан, барилга байгууламжийг байнгын ашиглалтад хүлээж авах улсын комиссын бүрэлдэхүүнд 79 удаа орж ажиллав.

Объектын түймрийн шалтгааныг авч үзвэл:

Пийшин, зуух, яндангийн цонолтоос 255 гал буюу 30.6 хувь,

Ил задгай гал, асгасан үнс нурмаас 153 гал буюу 18.4 хувь,

Цахилгаанаас 151 гал буюу 18.17 хувь,

Лаа, дэн, тамхи, шүдэнзний галаас 125 гал буюу 15.04 хувь,

Машин техникийн гэмтэл ашиглалт буруугаас 72 гал буюу 8.6 хувь,

Шалтгаан тогтоогдоогүй 38 гал буюу 4.57 хувь,

Гагнуур, паялник, бамбараас 12 гал буюу 1.4 хувь,

Бусад шалтгаанаас 7 гал буюу 0.84 хувь,

Санаатай үйлдлээр 5 гал буюу 0.6 хувь

Хүүхдийн болгоомжгүй үйл ажиллагаанаас 4 гал буюу 0.48 хувь,

Технологийн горим зөрчснөөс 3 гал буюу 0.36 хувь,

Архидан согтуурснаас 3 гал буюу 0.36 хувь,

Тэсрэлт, дэлбэрэлт ослоос 2 гал буюу 0.24 хувь,

Байгалийн үзэгдлээс 1 гал буюу 0.12 хувь,

“Зуун айлын барилгын материалын зах, худалдааны төвийг үе шаттайгаар нүүлгэн шилжүүлэх ажлын хэсэг”-ээс тухайн бүсэд дахин төлөвлөлт хийхээр төлөвлөж буй хөрөнгө оруулагчидтай өчигдөр уулзалт зохион байгууллаа. Уулзалтад нийслэлийн Хот төлөвлөлт, ерөнхий төлөвлөгөөний газар, нийслэлийн Авто замын хөгжлийн газар, нийслэлийн Гэр хорооллын дэд бүтцийн газар болон барилгын компаниудын төлөөллүүд оролцлоо. Дахин төлөвлөлтийн ажлын хүрээнд хийсэн ололт болон алдаа дутагдалтай ажил юу байсан, төр болон хувийн хэвшлийн хамтын ажиллагаанд ямар асуудлууд үүссэн, түүнийг хэрхэн шийдвэрлэх боломж байгааг тодорхойлох нь тус уулзалтын зорилго байв. Ажлын хэсгээс үйл ажиллагааны ерөнхий мэдээллийг уулзалтын эхэнд хийсэн бол холбогдох байгууллагууд тулгамдаж буй асуудлаа танилцуулав. Тухайлбал, барилга барихаар төлөвлөсөн XI хорооны хэсэгт дэд бүтэц, дулааны шугам татах боломжгүй байгаа аж. Айл өрхөөс худалдан авсан газрын өмчлөлөө эргүүлээд аж ахуйн нэгжээр бүртгүүлэхэд 20-30 хувийн татвар төлөх шаардлагатай болж байгаа нь хөрөнгө оруулагч талд дарамт үүсгэж байгаа ажээ. Түүнчлэн авто зам төлөвлөлт, хүн амын төвлөрөл, хөрсний усны асуудал ч бэрхшээл дагуулж буйг оролцогч байгууллагууд онцоллоо. “Бид хөрөнгө оруулагч болон гүйцэтгэгч талуудыг ажил эрчимжүүл хэмээн шаардахаас илүүтэй төрөөс хийх ёстой тулгамдсан асуудал олон байгаа нь өнөөдрийн уулзалтаас харагдаж байна. Иймд бид НИТХ-д болон холбогдох хороодод хандсан зөвлөмж гаргахаас гадна ажил эрчимжүүлэх зарим нэг саналыг Засгийн газарт хүргүүлж ажиллах болно” гэдгийг ажлын хэсгийн ахлагч, НИТХ-ын төлөөлөгч Ч.Гантулга хэлсэн үгэндээ тодотгов.

ИНЕГ-аас ажилтнууддаа зориулан зохион байгуулдаг ээлжит “Мэдээллийн цаг”-аар “Дэлхийн зөн” олон улсын байгууллагын мэргэжилтнүүд “Хүүхдийг хүмүүжүүлэх эерэг арга”-ын талаар мэдээлэл хийлээ.

Тус байгууллага нь Гэр бүл, хүүхэд залуучуудын хөгжлийн газартай хамтран хүүхэд хамгааллын таван жилийн аяныг 2017 оны зургадугаар сарын 01-нээс үндэсний хэмжээнд хэрэгжүүлж байгаа бөгөөд хүүхдийн эрх, хамгаалал, хүмүүжлийн эерэг аргын талаарх гэр бүл, хүүхдийн мэдлэгийг дээшлүүлэх замаар хүүхдэд ээлтэй аюулгүй орчныг бий болгох гол зорилготой юм.

Монголчууд хүүхдээ эхийн хэвлийд байхаас хамгаалан, хүндэтгэж, төрөх хүүхдээ эрүүл саруул, амар тайван, зөв сайхан зан чанартай байлгахыг эрхэмлэж ирсэн. Монголчуудын хүүхдээ хүмүүжүүлэх үндсэн арга нь дэг журмыг таниулах гэрийн сургааль бөгөөд түүнийг хэрэгжүүлэх хөтөч нь аав, ээж, гэрийн ахмад хүмүүс байж, хүүхдийн насны онцлогыг харгалзан аливааг зааж, дагуулан сургаж, ухааруулж өсгөдөг. Монголчууд хүүхдийг мэдлэгжүүлж, боловсруулахаас өмнө “Хүн шиг хүн болгон хүмүүжүүлэх”-ийг чухалд үздэг. Өөрөөр хэлбэл хүн олж авсан хүмүүжлээрээ ухаан сууж, төлөвшин хурдан боловсорч болдог бол төлөвшсөнийхөө дараа хүмүүжих нь нэн бэрх гэж үздэг. Эцэг эх сэтгэл, ухаанаа шингээж сайн хүн болгох, насанд нь тохируулж сургах, хандах, хориг хязгаарын эрдэмд сургах, өөрөө дагуулж үлгэрлэж заах, хүүхдийн алдааг засахдаа үйлдэл, бодит байдал, мөн чанарт төвлөрөх, хүнлэг ёсны зарчимд сэтгэл, ухааныг нь барьцалдуулж өгөх нь хүүхдийг зөв хүн болгох Монгол ухааны онцлог.

Хүний биед амьсгалах, идэх, уух, унтах гэх мэт үндсэн хэрэгцээ байдаг бөгөөд энэ нь амьдрахад зайлшгүй шаардлагатай. Хүүхдүүдэд үүнтэй адил хүүхдийн хөгжилд нэн чухал нийгмийн болон сэтгэл зүйн хэрэгцээ бий бөгөөд эцэг эх, үр хүүхдийн хоорондын харилцааны эерэг зөв хандлага бүрэлдэн бий болох нь маш чухал гэдгийг гэр бүл судлаач мэргэжилтнүүд онцоллоо.

Энэ удаагийн “Мэдээллийн цаг”-ийн зочныг АНБЗГ-ын Нислэгийн урсгал төлөвлөлтийн албанаас урьж оролцуулсан бөгөөд хүүхдийн эрх хамгаалал, хүүхдийн хөгжлийн онцлог болон хүүхэд хүмүүжүүлэх эерэг аргын талаар илүү дэлгэрэнгүй мэдэхийг хүсвэл www.hyyhedburt.mn вэбсайт руу орж мэдээлэл авах боломжтой юм байна.

Монгол Улсын Засгийн газраас Олон улсын иргэний нисэхийн байгууллага (ИКАО)-ын дэргэд суух Байнгын төлөөлөгч, Элчин сайдЯ.Ариунболд 2019 оны хоёрдугаар сарын 20-ны өдөр Олон улсын иргэний агаарын тээврийн байгууллагын Ерөнхий нарийн бичгийн дарга хатагтай Фанг Лиуд бараалхаж Итгэмжлэх захидлаа гардуулав.

Эрүүл мэндийн сайдын 2018 оны А/67 тоот тушаалаар байгуулагдсан Эрүүл мэндийн яам, Барилга хот байгуулалтын яам, Улсын мэргэжлийн хяналтын газар, Барилгын хөгжлийн төв, Нийслэлийн Эрүүл мэндийн газар, Нийслэлийн Хөрөнгө оруулалтын газрын төлөөлөл бүхий ажлын хэсгийн гишүүд мөн тус ажлын хэсгийн дарга Эрүүл мэндийн яамны Төрийн нарийн бичгийн дарга Б.Бямбадорж түүнчлэн Азийн хөгжлийн банкны суурин төлөөлөгчийн газрын Эрүүл мэнд, нийгмийн салбарын асуудал хариуцсан ахлах мэргэжилтэн Ж.Алтантуяа нар хамтран “Сонгинохайрхан дүүргийн Жишиг нэгдсэн эмнэлгийн барилга угсралтын ажлын гүйцэтгэл болон барилга угсралтын явцтай газар дээр нь танилцаж, тулгамдсан асуудлуудыг хэлэлцэв.

ЭМСХХ-4 төслийн хүрээнд баригдаж буй “Сонгинохайрхан дүүргийн Жишиг нэгдсэн эмнэлгийн барилга угсралт, тоног төхөөрөмж нийлүүлэх ажил”-ын гэрээ Эрүүл мэндийн яам, Австри улсын Вамед Инжинирнг компанийн хооронд 2017-5-24 нд байгуулагдсан.

Өнөөдрийн байдлаар барилгын ажлын гүйцэтгэл:
1. Газар шорооны ажил 100%
2. Техникийн барилга 50,2 %

1. А блок 60,75 %
2. Б блок 54,8%
3. Подиумын барилга 51,9% нийт барилгын ажлын явц 63,4 хувьтай байна.

Дээрх ажлын хэсэг нь цаашид олон улсын жишиг нэгдсэн эмнэлгийн стандартын дагуу чанартай тусламж үзүүлэх үйлчилгээний таатай, аюулгүй байдлыг хангах орчныг бүрдүүлэхэд чиглэгдсэн эмнэлгийн нэмэлт орц, гарц, эрүүл ахуй, халдварын сэргийлэлт бүхий агаар сэлгэлтийн систем, хөгжлийн бэрхшээлтэй иргэд болон үйлчлүүлэгч, эмч ажилтан албан хаагчдын тав тухтай байдлыг хангах зорилго бүхий орчин үеийн техник технологийн шинэчлэлтэд үндэслэсэн эрүүл мэндийн тусламж үйлчилгээний байгууламжийн инженерийн чухал шийдэл бүхий асуудлуудыг нарийвчлан хэлэлцэж шийдвэрлэх зорилготой юм.