Month: January 2019

Монгол Улсын Ерөнхийлөгчийн ивээл дор жил бүр уламжлал болгон зохион байгуулдаг “Футзалын үндэсний цом”-ын аваргын төлөөх тоглолтууд өчигдөр эхэллээ.

Тус тэмцээний “Дээд шат”-ны хэсгийн тоглолт энэ сарын 27-нд өндөрлөсөн юм.

2018 оны “Футзалын үндэсний цом”-ын шөвгийн наймд шалгарсан багууд энэ жил “Дээд шат”-нд хүч үзэхэд “А” хэсгээс Орхон (1), Дархан-Уул (2), “В” хэсгээс Сэлэнгэ (1), Төв аймгийн баг (2) гарч, шөвгийн дөрөвт үлдэв.

Билгийн тооллын 17 дугаар жарны УРВУУЛАГЧ хэмээх шороон ГАХАЙ жилийн сар шинийн баярт зориулсан Нийтийн монгол шандастан болон өсвөр бөхийн барилдаан өнөөдөр /01.31/ Монгол бөхийн өргөөнд боллоо. Барилдаанд 160 бөх зодоглосноос Баянхонгор Хүрээмарал сумын харьяат, МУИС-ийн Б.Хаш-Эрдэнэ найман даван түрүүлж, ӨМӨЗО, Улаанхад хишигтэн хошууны Г.Бүрэнболор үзүүрлэв. Их шөвөгт Баянзүрх дүүргийн Ч.Хүрэлбат шалгарлаа. Харин өсвөр бөхийн барилдаанд 28 бөх зодоглосноос Завхан аймгийн Тэс сумын харьяат Б.Баярболд түрүүлж, Багануур дүүргийн бөх Ц.Эрхэмбаяр үзүүрлэв. Их шөвөгт Төв Заамарын Б.Ган-Эрдэнэ, Сэлэнгэ Сайханы Э.Тэлмүүн нар шалгарлаа. Маргааш Бөхийн өргөөнд Хавдрын эсрэг үндэсний төвийн нэрэмжит Сумын цолтой болон залуу бөхчүүдийн барилдаан болно.

Билгийн тооллын 17 дугаар жарны УРВУУЛАГЧ хэмээх шороон ГАХАЙ жилийн сар шинийн баярт зориулсан Нийтийн монгол шандастан болон өсвөр бөхийн барилдаан өнөөдөр Монгол бөхийн өргөөнд боллоо. Барилдаанд 160 бөх зодоглосноос Баянхонгор аймгийн Хүрээмарал сумын харьяат, МУИС-ийн Б.Хаш-Эрдэнэ найман даван түрүүлж, ӨМӨЗО, Улаанхад хишигтэн хошууны Г.Бүрэнболор үзүүрлэв. Их шөвөгт Баянзүрх дүүргийн Ч.Хүрэлбат шалгарлаа.

Харин өсвөр бөхийн барилдаанд 28 бөх зодоглосноос Завхан аймгийн Тэс сумын харьяат Б.Баярболд түрүүлж, Багануур дүүргийн бөх Ц.Эрхэмбаяр үзүүрлэв. Их шөвөгт Төв Заамарын Б.Ган-Эрдэнэ, Сэлэнгэ Сайханы Э.Тэлмүүн нар шалгарлаа. Маргааш Бөхийн өргөөнд Хавдрын эсрэг үндэсний төвийн нэрэмжит Сумын цолтой болон залуу бөхчүүдийн барилдаан болно.

Монголын триатлоны спортын “Ironman” клубын баг тамирчид Малайз, Тайланд улсад сар гаруй хамтарсан бэлтгэл болон уралдаан тэмцээнд амжилттай оролцоод эх орондоо ирлээ.

Багийн бүрэлдэхүүнд 11 тамирчин, хоёр дасгалжуулагч багтсан бөгөөд 2018 оны 12 дугаар сарын 22-нд эх орноосоо морджээ. Тэд Малайз улсын триатлоны “М3Х” клубтэй хамтарсан бэлтгэл хийж байгаад 2019 оны нэгдүгээр сарын 12-ноос Тайланд улсын триатлоны холбооны тамирчидтай бэлтгэл сургуулилтаа базаажээ.

Мөн 2019 оны нэгдүгээр сарын 22-24-нд тамирчин Г.Амарсанаа, П.Ханмөнх, Г.Наранцацралт, А.Хэнтий нар Тайланд, Сири, Сингапур улсын тамирчидтай хамт олон улсын триатлоны холбооны хамтарсан бэлтгэлд оролцсон байна.

Ийнхүү “Ironman” клубын 11-16 насны өсвөр үеийн триатлончид хилийн чанадад бэлтгэл сургуулилт хийж, 2019 оны нэгдүгээр сарын 25, 27-нд триатлоны Азийн цомын аварга шалгаруулах тэмцээнд амжилттай оролцож 4 хүрэл медалийг хүртжээ. Тус тэмцээний нэгдүгээр сарын 25-нд өсвөрийн элит /Junior elite man/ ангилалд өрсөлдсөн Г.Амарсанаа, 27-ны гараанд 16-аас дээш насны эрэгтэйчүүдийн ангилалд Г.Амарсанаа, 13-15 насны охидын ангилалд Б.Биндэръяа, 10-13 насны хөвгүүдийн ангилалд Э.Сайханбилэг нар тус бүр гуравдугаар байрт шалгарчээ.

Тамирчдыг Олон улсын триатлоны холбооны зэрэгтэй, “Ironman” клубын үүсгэн байгуулагч-багш, дасгалжуулагч Э.Уянга, М.Цэнгүүн нар удирдаж энэ хамтарсан бэлтгэл, Азийн цомын аварга шалгаруулах тэмцээнд оролцсон байна.