Month: December 2018

Categories
мэдээ нийгэм

Англи хэлээр зохион бичлэгийн уралдаан шилдгүүдээ тодрууллаа

Үндэсний мэдээллийн МОНЦАМЭ агентлагаас эрхлэн гаргадаг “Монгол Мессенжер” сонин, ИБУИНВУ-ын ЭСЯ, МИАТ компанитай хамтран англи хэлээр зохион бичлэгийн анхдугаар уралдааныг зарлаж, өнөөдөр шилдгүүдээ тодрууллаа.

Тус уралдаан нь англи хэл суралцагч хүүхэд залуусын бичих ур чадварыг дээшлүүлэх, эх орноо хэрхэн үнэлж цэгнэдгийг нээн харуулахаас гадна шилдэг зохион бичлэгүүдийг сонин, сэтгүүл, мэдээллийн цахим хуудсаар түгээн Монгол орныг гадаад ертөнцөд таниулахад хувь нэмэр оруулах, энэ үйлст хүүхэд залуусын оролцоог нэмэгдүүлэх зорилгоор “Монгол Мессенжер” сониноос анх удаа зохион байгууллаа.

Нийслэлийн англи хэлний гүнзгийрүүлсэн сургалттай ЕБС-ийн 10-12 дугаар ангийн сурагчдын дунд “Монголын үнэт зүйлс” сэдвийн дор зарласан тус уралдаанд Орчлон, Сант, Монгол Оросын хамтарсан сургууль, Гёте, АШУИС-ийн ахлах сургууль, Монголын Англи сургууль, 23 дугаар сургууль, Элит, Ирээдүй цогцолбор, Монгол Тэмүүлэл зэрэг сургуулийн 58 сурагч зохион бичлэгээ ирүүлжээ. Нэг сая төгрөгийн шагналын сантай энэхүү уралдааны тэргүүн байрыг Сант сургуулийн 10 дугаар ангийн сурагч Х.Дашням эзэлж цом, батламж, 500 мянган төгрөгийн мөнгөн урамшуулал гардав. Шагналыг ИБУИНВУ-аас Монгол Улсад суугаа Онц бөгөөд Бүрэн эрхт Элчин сайд Филип Малон, МОНЦАМЭ агентлагийн дарга, СГЗ Б.Ганчимэг нар гардууллаа. Дэд байрыг Монгол Оросын хамтарсан 3 дугаар сургуулийн сурагч Ч.Есүй эзэлж 300 мянган төгрөг, гуравдугаар байрт Гёте сургуулийн 11 дүгээр ангийн сурагч С.Ганчимэг шалгарч, 200 мянган төгрөгийн мөнгөн шагнал хүртэв.

Categories
мэдээ нийгэм

НӨАТ-ын буцаан олголтыг 2019 оны эхний улиралд багтаан олгоно

Image result for НӨАТ

Татварын ерөнхий газраас аж ахуй нэгж, байгууллага, иргэнд НӨАТ-ын баримт олгох ажлыг эрчимжүүлж, сар бүр сугалаат азтан тодруулдаг. Энэ дагуу НӨАТ-ын баримт бүртгүүлсэн иргэд жилд нэг удаа буцаан олголтод хамрагддаг.

2018 оны НӨАТ-ын буцаан олголтыг 2019 оны эхний улиралд багтаан и-баримт бүртгүүлсэн хүн бүрт олгох бэлтгэл ажлыг эхлүүлжээ. Анхны жил буюу 2017 оны нэгдүгээр улиралд нэг хүн дунджаар 57 мянган төгрөгийн буцаан олголт авч байсан бол 2019 оны нэгдүгээр улиралд нэг хүн дунджаар 150 мянган төгрөгийн буцаан олголт авах урьдчилсан тооцоолол гараад байгаа аж.

Буцаан олголттой холбоотойгоор и-баримт системд бүртгүүлсэн хэрэглэгч өөрийн хувийн мэдээлэл болон овог нэр, гар утас, регистрийн дугаар, имэйл хаяг, дансны дугаараа нягтлан шалгаж, баталгаажуулахыг холбогдох албанаас анхааруулжээ.

Categories
мэдээ нийгэм

Ирэх оноос хөдөлмөрийн хөлсний доод хэмжээ 320 мянган төгрөг болно

Image result for Хөдөлмөрийн хөлс

Хөдөлмөрийн хөлсний доод хэмжээг нэмэгдүүлэх шийдвэрийг Хөдөлмөр нийгмийн зөвшлийн гурван талын хэлэлцээгээр өнгөрсөн наймдугаар сард гаргасан. Ингэснээр хөдөлмөрийн хөлсний доод хэмжээг 2019 оны нэгдүгээр сарын 1-нээс 320,000 төгрөг болгон нэмэгдүүлэхээр болсон.

Хөдөлмөрийн хөлсний доод хэмжээ гэдэг нь тусгай мэргэжил, боловсрол шаардагдахгүй энгийн ажилд ажиллаж байгаа ажилтны авч байгаа цалингийн хамгийн бага хэмжээ. Хөдөлмөрийн хөлсний доод хэмжээ нэмэгдэх нь зөвхөн цалингийн доод хэмжээгээр цалин хөлс авч байгаа ажилтнуудад хамаатай гэдгийг мэргэжилтнүүд хэлж байна.

Categories
мэдээ соёл-урлаг

Жүжигчин М.Баярмагнайд гавьяат жүжигчин цол олгохоор болжээ

Image result for М.Баярмагнай

“Маск” продакшны жүжигчин М.Баярмагнайд гавьяат жүжигчин цол олгохоор болсон тухай мэдээллийг тус продакшны жүжигчин П.Эрдэнэзаан өөрийн цахим хуудаснаа нийтэлжээ. Жүжигчин П.Эрдэнэзаан энэ талаар, “Хошин урлагийн салбарт 20 гаруй жил зүтгэж, олон зуун гайхалтай тайз, дэлгэцийн дүрээр үзэгчдээ баярлуулж, бас инээлгэж яваа жүжигчин М.Баярмагнайд Монгол Улсын гавьяат цол олгох болсонд маш их баяртай байна. Сэтгэл тэнэгэр байна” хэмээн хариулжээ. Жүжигчин М.Баярмагнай маргааш 11.00 цагт цол тэмдгээ гардан авах ажээ.

Categories
онцлох-нийтлэл туслах-ангилал

“Оны шилдэг сонин”-оор “Өдрийн сонин” шалгарлаа

Төрийн болон бизнесийн олон талт үйл ажиллагаа явуулдаг аж ахуй нэгж байгууллагуудын оны шилдгийг тодруулах “BEST OF MONGOLIA 2018” хэрэглэгч олон нийтийн цахим санал асуулга 7 дахь жилдээ амжилттай зохион байгуулагдлаа. Цахим хэрэглэгчдийн санал асуулгаар Монгол Улсын 2018 оны “Оны шилдэг төрийн байгууллага”-аар шалгарсан хамт олонд баяр хүргэе. www.bestofmongolia.mn сайтаар 2018.11.25-ны өдрөөс 2018.12.25 хугацаанд явагдсан хэрэглэгч олон нийтийн цахим санал асуулгад давхардсан тоогоор 1 300 000 хүн хандан, нийт 500 000 орчим санал өгч, 650 гаруй байгууллагаас хамгийн өндөр санал авсан 67 байгууллага шалгарсан байна.

“Best of Mongolia 2018” салбар бүрийн оны шилдгүүдэд батламж гардуулах ёслол хүндэтгэлийн үйл ажиллагаа 2019 оны 1-р сарын 18-ны өдөр болно.

BEST OF MONGOLIA 2018 Оны шилдэг байгууллагууд:

Оны шилдэг төрийн байгууллага

  1. “Best of best” Гадаад харилцааны яам
  2. Байгаль орчин, аялал жуулчлалын яам
  3. Боловсрол соёл шинжлэх ухаан спортын яам

Оны шилдэг аймаг

  1. “Best of best” Сэлэнгэ аймаг
  2. Орхон аймаг
  3. Булган аймаг

Оны шилдэг дүүрэг

  1. “Best of best” Сонгинохайрхан дүүрэг
  2. Баянгол дүүрэг
  3. Баянзүрх дүүрэг

Оны шилдэг дунд сургууль

  1. “Best of best” Улсын тэргүүний 48-р сургууль
  2. Олонлог дунд сургууль
  3. Их засаг лицей бүрэн дунд сургууль

Оны шилдэг улсын их сургууль

  1. “Best of best” Монгол улсын их сургууль
  2. Монгол улсын боловсролын их сургууль
  3. Эрүүл мэндийн шинжлэх ухааны сургууль

Оны шилдэг үндэсний хувцас үйлдвэрлэгч, брэнд

  1. “Best of best” Ивээл брэнд
  2. Үргэлж залуу mongolian fashion brand
  3. Msguamaral

Оны шилдэг хувийн хэвшлийн их, дээд сургууль

  1. “Best of best” Их засаг олон улсын их сургууль
  2. Глобал удирдагч дээд сургууль
  3. Мандах бүртгэл дээд сургууль

Оны шилдэг цэцэрлэг

  1. “Best of best” “Их монголын үрс” цэцэрлэг
  2. Одтой жаалууд цэцэрлэг
  3. Оньсхон цэцэрлэг

Оны шилдэг эмнэлэгийн байгууллага

  1. “Best of best” Интермед эмнэлэг
  2. Юнимед интернейшнл эмнэлэг
  3. Гурван гал

Оны шилдэг сувилал, амралтын газар

  1. “Best of best” Баатарван амралт сувиллын газар
  2. Сэмжид хужирт рашаан сувилал
  3. Хужиртын рашаан сувилал

Оны шилдэг агаарын тээврийн компани

  1. “Best of best” Хүннү эйр
  2. Аэромонголиа ХХК
  3. Монголын иргэний агаарын тээвэр ХК

Оны шилдэг их дэлгүүр

  1. “Best of best” Улаанбаатар их дэлгүүр
  2. Gumuda concept store
  3. ТБД андууд их дэлгүүр

Оны шилдэг банк

  1. “Best of best” Ариг банк
  2. Үндэсний хөрөнгө оруулалтын банк
  3. Хас банк

Оны шилдэг Ноос ноолууран бүтээгдэхүүн үйлдвэрлэгч

  1. “Best of best” ГОВЬ ХК
  2. Гоёо ХХК
  3. Эвсэг ХХК

Оны шилдэг мах, махан бүтээгдэхүүн үйлдвэрлэгч

  1. “Best of best” Очир дагинас ХХК
  2. Хатан сүйх импекс
  3. Хаан хүнс ХХК

Оны шилдэг сүү, сүүн бүтээгдэхүүн үйлдвэрлэгч

  1. “Best of best” Милко ХХК
  2. Сүү хувьцаат компани
  3. АПУ ХК “САЙН СҮҮ” БРЭНД

Оны шилдэг ус ундааны үйлдвэрлэгч

  1. “Best of best” Жем хужирт ус
  2. АПУ ХК
  3. Монфреш ХХК

Оны шилдэг газар тариалан эрхлэгч

  1. “Best of best” Гацуурт компани
  2. Мөөжиг мөөг
  3. Дэвшил трейд

Оны шилдэг гурил, гурилан бүтээгдэхүүн үйлдвэрлэгч

  1. “Best of best” Жүр үр ХХК
  2. Талх чихэр ХК
  3. Суман гүн ХХК

Оны шилдэг даатгалын компани

  1. “Best of best” Монгол даатгал компани
  2. Ард даатгал
  3. Миг даатгал

Оны шилдэг уул уурхайн компани

  1. “Best of best” Таван толгой ХК
  2. Багануур ХК
  3. Мера ХХК

Оны шилдэг барилгын гүйцэтгэлийн компани

  1. “Best of best” Жигүүр гранд групп
  2. Хурд групп ХХК
  3. Эко констракшн ХХК

Оны шилдэг хотхон, хороолол

  1. “Best of best” KING tower
  2. Encanto town
  3. Олимп хотхон

Оны шилдэг замын компани

  1. “Best of best” Арц суврага ххк
  2. Нутгийн зам групп
  3. Алтайн зам ХК

Оны шилдэг шатахуун борлуулагч компани

  1. “Best of best” Шунхлай групп
  2. Петровис компани
  3. Мон суль

Оны шилдэг барилгын материал үйлдвэрлэгч

  1. “Best of best” Монцемент биллдинг материалс ХХК
  2. Цаст констракшн ХХК
  3. Экстрэм эссэнс ХХК

Оны шилдэг телевиз

  1. “Best of best” TV8
  2. Монголын үндэсний олон нийтийн радио телевиз
  3. Малчин телевиз

Оны шилдэг сонин

  1. “Best of best” Өдрийн сонин
  2. Монголын мэдээ сонин
  3. Өнөөдөр сонин

Оны шилдэг сэтгүүл

  1. “Best of best” Зиндаа сэтгүүл
  2. Соронз сэтгүүл
  3. Forbes сэтгүүл

Оны шилдэг веб сайт

  1. “Best of best” Үнэгүй.мн
  2. Gogo.mn
  3. Өглөө.мн

Оны шилдэг залуучуудын байгууллага

  1. “Best of best” Монголын ардчилсан залуучуудын холбоо
  2. Гадаадад төгсөгч манлайлагч залуучуудын холбоо
  3. “Alesec mongolia” залуучуудын холбоо

Орон нутгийн залуучуудын байгууллага

  1. “Best of best” Архангай аймгийн “нэгдсэн ирээдүй” залуучуудын холбоо
  2. Өвөрхангай аймгийн “хужирт” залуучуудын холбоо
  3. Булган аймгийн залуучуудын холбоо

Оны шилдэг үүрэн холбооны оператор

  1. “Best of best” Мобиком корпораци
  2. Скайтел ХХК
  3. Юнител групп

Оны шилдэг авто сургууль

  1. “Best of best” Дашийдэлэг авто сургууль
  2. Номгонсанчир авто сургууль
  3. Өөдлөх зөв зам авто сургууль

Оны шилдэг кино театр

  1. “Best of best” Өргөө кино театр
  2. Тэнгис кино ТЕАТР
  3. Гэгээнтэн энтертаймент ТӨВ

Оны шилдэг авто засварын төв

  1. “Best of best” UB auto servise
  2. Doctor auto SERVISE
  3. Форвард моторс ХХК

Оны шилдэг арьс шир, ширэн бүтээгдэхүүн үйлдвэрлэгч

  1. “Best of best” MR brend
  2. Дархан нэхий ХК
  3. Дархан минж ХХК

Оны шилдэг интернэт үйлчилгээ эрхлэгч

  1. “Best of best” Мобинет ХХК
  2. Юнивишн ХХК
  3. Сансар кабель ХХК

Оны шилдэг Авто машин борлуулагч

  1. “Best of best” Мөнх хада ХХК
  2. Вагнер ази ХХК
  3. Таван богд моторс ХХК

Оны шилдэг Тавилга үйлдвэрлэгч

  1. “Best of best” Солосэйф ХХК
  2. Best буйдан
  3. Шинэ сонголт брэнд тавилгын их дэлгүүр

Оны шилдэг Тээвэр зуучлалын компани

  1. “Best of best” “Ти Ай ложистик” ХХК
  2. Туушин компани улс хоорондын тээвэрийн зууч
  3. Итгэлт эрин- тээвэр зууч

Оны шилдэг Үл хөдлөх хөрөнгө зуучлалын байгууллага

  1. “Best of best” Remax үл хөдлөх хөрөнгө зуучлал
  2. Бэста
  3. “Мон зууч” үл хөдлөх хөрөнгө зууч

Оны шилдэг мэдээллийн технологийн компани

  1. “Best of best” Интерактив ХХК
  2. Том-амжилт ХХК
  3. Монгол солушин ХХК

Оны шилдэг мэдээллийн лавлах үйлчилгээний байгууллага

  1. “Best of best” Ub лавлах 1617
  2. Ноён зууч 1900-1950
  3. Содон зууч 1900-2424

Оны шилдэг банк бус санхүүгийн байгууллага

  1. “Best of best” Ард кредит ББСБ
  2. Лэндмн ББСБ
  3. Бид ББСБ

Оны шилдэг сүлжээ дэлгүүр

  1. “Best of best” E-mart
  2. Circle k mongolia
  3. Good price

Оны шилдэг импортлогч брэнд

  1. “Best of best” Глобал девелопмент трейдинг /starbalm health sport care/
  2. Танан экспресс трейд ХХК
  3. Umbrella mongolia

Оны шилдэг төрийн бус байгууллага

  1. “Best of best” Сэтгэлийн гал ТББ
  2. Шинэ тэмүүлэл ТББ
  3. Мөнх ногоон амьдрал ТББ

Оны шилдэг аялал жуулчлалын компани

  1. “Best of best” Тэнгэр травел ХХК
  2. Нью жуулчин турс ХХК
  3. “Женко тур бюро” ХХК

Оны шилдэг электрон барааны дэлгүүр

  1. “Best of best” PC mall
  2. Нэкст электроникс
  3. BSB ХХК

Оны шилдэг жуулчны бааз

  1. “Best of best” Resort world terelj hotel
  2. Red rock resort
  3. Ayanchin four seasons lodge

Оны шилдэг сургалтын төв

  1. “Best of best” Амжилтын гараа академи
  2. Чухал амжилт сургалтын төв
  3. Монголын хүний нөөцийн удирдлага шинэчлэлийн академи

Оны шилдэг номын дэлгүүр

  1. “Best of best” Аз хур номын дэлгүүр
  2. Интер ном
  3. М+

Оны шилдэг эм ханган нийлүүлэгч

  1. “Best of best” Монос фарм трейд ХХК
  2. Монгол эм импекс концерн
  3. АСТРА фарм

Оны шилдэг хэвлэлийн үйлдвэр

  1. “Best of best” Мөнхийн үсэг
  2. Адмон
  3. Титэм дизайн

Оны шилдэг малчинд ээлтэй байгууллага

  1. “Best of best” Малчин компани
  2. DDISH TV
  3. Нарны буман гэрэл ХХК

Оны шилдэг боловсрол зуучлалын компани

  1. “Best of best” Voice
  2. Mongolian exchange
  3. Smart education

Оны шилдэг зочид буудал

  1. “Best of best” Blue sky hotel
  2. Holiday in ulaanbaatar
  3. THE Corporate hotel-convention centre

Оны шилдэг зар сурталчилгааны сонин

  1. “Best of best” Шуурхай зар сонин
  2. Зар мэдээ сонин
  3. Зарын төрөлжсөн сонин 1900-1950

Оны шилдэг төсөл хөтөлбөр

  1. “Best of best” Жорлонгоо өөрчилөе төсөл
  2. Ногоон хүлэмж төсөл
  3. “Өөрийн байшингаа босгох төлөвлөгөө” ТББ

Оны шилдэг хаяг реклам, зар сурталчилгааны компани

  1. “Best of best” Dinosaursigns
  2. Gold design
  3. Үргэлж тод өнгө ХХК

Оны шилдэг ресторан

  1. “Best of best” Asian wok restaurant
  2. Yuna korean restaurant
  3. Cielo

Оны шилдэг үсчин гоо сайхны салон

  1. “Best of best” Sunrey салон
  2. Anara*s makeup
  3. Гоо хатан медикал

Оны шилдэг фитнесс клуб

  1. “Best of best” Hawaii fitness
  2. Gold*s gym
  3. Flyx gym

Оны шилдэг энтертаймент студи

  1. “Best of best” Hulegu pictures
  2. Эмоци продакшн
  3. Эгшиг студи

Оны шилдэг фото үйлчилгээ

  1. “Best of best” Sakura photo studio
  2. Сайнаагийн хуримын гэрэл зургийн үйлчилгээ
  3. Focus

Оны шилдэг FM радио

  1. “Best of best” Их монгол радио
  2. Best FM
  3. Элгэн нутаг радио

Оны шилдэг хүргэлтийн үйлчилгээ

  1. “Best of best” Цэцэгт мэндчилгээ
  2. Түгээмэл шуурхай шуудан ХХК
  3. PIZZA hut
Categories
мэдээ улс-төр

Ц.Цолмон: Шаардлагын хариуг УИХ-ын даргад уламжилна. Удахгүй хариу өгөх байх

Image result for Ц.Цолмон

Төв талбайд УИХ-ын дарга М.Энхболдыг огцрохыг шаардсан тайван жагсаал болж байгаа. Жагсаалаас гаргасан шаардлагыг УИХ-ын гишүүн Т.Аюурсайхан УИХ-ын даргад өгөхөөр түүний очсон боловч тэрбээр эзгүй байв. Гишүүн Т.Аюурсайхан, “Гадаах жагсаал цуглаанд оролцож байгаа иргэдийн шаардлагыг өгөхөөр иртэл УИХ-ын дарга эзгүй байгаа нь харамсалтай байна. Тиймээс Ц.Цолмон танд гардуулъя. Та УИХ-ын даргад дамжуулж, даруй хариу өгөхийг хүсье” гэлээ. Харин УИХ-ын Тамгын газрын Ерөнхий нарийн бичгийн дарга Ц.Цолмон, “Шаардлагыг хүлээж авлаа. УИХ-ын даргад уламжилна. Удахгүй хариу өгөх байх гэж бодож байна. УИХ-ын даргын өрөө цоожтой биш нээлттэй байгаа бөгөөд энэ өрөөнд ажлын албаныхан ажиллаж байна. УИХ-ын дарга өрөөндөө байхгүй ч ордонд ажиллаж байгаа” хэмээлээ.

Categories
мэдээ эдийн-засаг

Хэнтий аймгаас 264 иргэн азтан болжээ

Image result for НӨАТ-ын сугалаа

Энэ сарын 23-ны өдөр явагдсан НӨАТУС-н сугалааны тохирлоор Хэнтий аймгаас 264 иргэн азтан болсон байна.

Монгол Улсын хэмжээнд 24,761 иргэн азтан болжээ. Тодруулбал,

50 мянган төгрөгийн азтан 22463

200 мянган төгрөгийн азтан 2073

Нэг сая төгрөгийн 198 баримт

5 сая төгрөгийн азтан 25

10 сая төгрөгийн азтан 2 тодорчээ.

200 сая төгрөгийн шагналын сантай супер сугалааны тохиролд 86333238 дугаар тодорсон ч азтан тодорсонгүй.

Categories
мэдээ нийгэм

“Алтан төлийн эзэн” шагналыг 41 дэх жилдээ шалгаруулан олгоно

Монголын радио “Таван эрдэнэ” нэвтрүүлгийн нэрэмжит “Алтан төлийн эзэн” шагналыг 41 дэх жилдээ шалгаруулан олгоно. “Алтан төлийн эзэн” шагналыг тухайн жилийн сар шинийн босгон дээр малчны хотонд нь хүргэж гардуулна.

“Алтан төлийн эзэн” шагналын болзол нь:

1. Сүүлийн гурван жилийн төл хүлээн авсан хувь хэмжээ болон мал сүргийн тоон үзүүлэлт.

2. Мал сүргийнхээ чанар чансаа, үүлдэр угсааг сайжруулж, ашиг шимийг нэмэгдүүлэхийн тулд сүргийн бүтэцдээ анхаарсан байдал.

3. Нутаг орондоо шинэ залуу малчин бэлтгэх, малчдыг ажлын байраар хангах зэрэгт анхаарсан, малгүй өрхөд тусалж дэмжсэн үзүүлэлт.

4. Малынхаа ашиг шим уламжлалт үйлдвэрлэлийг хөгжүүлж, эрүүл мэнд, нийгмийн даатгалдаа хамрагдсан байдал.

5. Сум орон нутгийнхаа хөгжилд хувь нэмэр оруулсан, малчдын бүлэг хоршоо, нөхөрлөл хамтын ажиллагааг дэмжиж ажилласан зэрэг үзүүлэлтүүдийг харгалзана.

Материалыг 2019 оны нэгдүгээр сарын 16-наас хоёрдугаар сарын 10-ныг хүртэл МҮОНР-гийн Нийгмийн нэвтрүүлгийн редакц хүлээн авна.

Categories
гадаад мэдээ

Токиогийн Олимпын наадамд ажиллах хүсэлтэй сайн дурынхан олон байна

2020 оны Токиогийн Олимпын наадмыг зохион байгуулах хороонд сайн дураараа ажиллах хүсэлт гаргасан хүмүүсийн тоо 186 мянга хүрсэн нь шаардлагатай ажилтнуудын тооноос хоёр дахин давсан тухай наадмын зохион байгуулагчид мэдээлэв.

Сайн дурын ажилтнуудын өргөдлийг хүлээн авах хугацаа баасан гарагийн оройны 5 цагт дуусах юм. Бүртгүүлсэн хүмүүсийн 63 хувь нь эмэгтэй, 37 хувь нь гадаадын иргэн байгаа ажээ. Өнгөрсөн есдүгээр сард эхэлсэн цахим бүртгэлээс нийт 80 мянган хүнийг шалгаруулахаар төлөвлөж байгаа юм байна.

Сайн дурын ажилтнуудыг үйл ажиллагаанд оролцох, хэвлэл мэдээллийнхэнд туслах хийгээд наадмын үеэр ажиллах зэрэг хэд хэдэн хэсэгт хуваарилах ажээ. Тэдгээрийг сонгон шалгаруулах ажиллагааг ирэх оны хоёрдугаар сард зохион байгуулах ба 10 дугаар сараас эхлэн чиглүүлэх сургалтад хамруулна.

Токиогийн Олимпын наадам 2020 оны долдугаар сарын 24-нөөс наймдугаар сарын 9 хүртэл, Паралимпын наадам наймдугаар сарын 25-наас есдүгээр сарын 6 хүртэл тус тус үргэлжлэх ажээ.

Categories
мэдээ нийгэм

200 сонсогч замын хөдөлгөөнд хяналт тавин ажиллана

Image result for Замын цагдаа

Шинэ жилийн баяртай холбоотойгоор Тээврийн цагдаагийн алба замын хөдөлгөөний аюулгүй байдлыг хангах, иргэдийн ая тухтай зорчих нөхцөлийг бүрдүүлэх зорилгоор “Шинэ жил-2018” нэгдсэн арга хэмжээ зохион явуулж байна. Арга хэмжээний хүрээнд тус албаны алба хаагчид бүрэн бүрэлдэхүүнээрээ ажиллахаас гадна Хууль сахиулахын их сургуулийн 200 сонсогч үүрэг гүйцэтгэж, замын хөдөлгөөнд хяналт тавин ажиллана. Хотын төв болон алслагдсан гэр хорооллын гудамж замуудад шөнийн шалгалт хийж, согтуугаар тээврийн хэрэгсэл жолоодох зөрчлийг илрүүлэх, таслан зогсоох, бусад төрлийн гэмт хэрэг, зөрчлөөс урьдчилан сэргийлэхээр ажиллаж байна.