Month: October 2018

Нийслэлийн Баянзүрх дүүргийн Засаг даргын Тамгын газрын Төрийн захиргааны удирдлагын хэлтсээс Нийслэл хот байгуулагдсаны 379 жилийн ой, Нийслэлийн өдрийг тохиолдуулан дүүргийн ерөнхий боловсролын сургуулийн ахлах ангийн сурагчдын дунд ‘’Авлигын эсрэг-Би’’ сэдэвт эссэ бичлэгийн уралдааныг зарласан билээ.

Өнгөрсөн хугацаанд тус эссэ бичлэгийн уралдаанд дүүргийн ерөнхий боловсролын 10 сургуулийн 130 хүүхдийн бүтээл ирж өнөөдөр шилдгүүдээ шалгарууллаа. Шилдгүүдийг авлигын эсрэг хууль тогтоомжийг уншсан байдал, асуудлыг хэрхэн зөв тодорхойлсон, шинэ шинэлэг санааг яаж дэвшүүлсэн мөн монгол хэл бичгийн найруулгын алдаагүй байх зэрэг шалгуур үзүүлэлтүүдээр тодруулсан юм.

Тус тэмцээний шилдгүүдийн шагналыг дүүргийн Хөдөлмөр эрхлэлт, нийгмийн хөгжлийн асуудал хариуцсан Засаг даргын орлогч Б.Наранчулуун болон Төрийн захиргааны удирдлагын хэлтсийн дарга А.Пүрэвдулам нар гардууллаа. Тус эссэ бичлэгийн уралдааны тэргүүн байрыг 79 дүгээр сургуулийн 12б ангийн сурагч Ө.Анужин эзэлсэн бол ХСИС-ийн харьяа Ерөнхий боловсролын ахлах сургуулийн 11б ангийн сурагч Х.Хантэнгэрийн эссе бичвэр удаалжээ. Харин уг тэмцээний гуравдугаар байранд 79 дүгээр сургуулийн 11б ангийн сурагч Э.Ариунзаяагийн эссэ орсон бол Русский лицей сургуулийн ахлах ангийн сурагч Ө.Намууны эссэ Тусгай байранд тус тус шалгарсан байна хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

Дуучин Б.Амархүү хүн зодож танхайрсан хэргээр хуулийн байгууллагад шалгагдаж буй. Тодруулбал, Б.Амархүү нь Хүүхдийн зууд байрлах нэгэн цэнгээний газарт танхайрч бусдын биед гэмтэл учруулсан хэргээр Сүхбаатар дүүргийн цагдаагийн нэгдүгээр хэлтэст шалгагдсан.

Энэ хэргийн мөрдөн байцаалтын ажиллагаа дуусч, харьяа дүүргийн анхан шатны шүүхэд хавтаст хэргийг шилжүүлжээ. Шүүхээс маргааш /2018.11.01/ өдрийн 15.00 цагт Б.Амархүү болон түүний менежер Б.Гандаваа нарт холбогдох хэргийн урьдчилсан хэлэлцүүлгийг товложээ.

Эх сурвалжийн мэдээлснээр Б.Амархүү нь 2018 оны хоёрдугаар сарын 9-нөөс 10-нд шилжих шөнө хүүхдийн зууд байрлах нэгэн рестораны үүдэнд 30 орчим насны залуутай үл ойлголцон зодолджээ. Энэ үед түүнтэй хамт явж байсан Б нь хажуугаас нь цохисон гэх. Харин хохирогч залуу зодуулсны улмаас толгой нь хагарч, биедээ хүнд гэмтэл авсан болох нь мөрдөн байцаалтын явцад тогтоогджээ.

Амьсгалын замын цочмог халдварт өвчлөлийн дийлэнх хувийг бага насны хүүхдүүд эзэлж байгаа энэ үед урьдчилан сэргийлэх зөвлөмж, өвчний шинж тэмдгийг таних арга, эмчилгээний төрлүүдээс эцэг эхчүүд маань мэдэж авах нь тун чухал юм.

Нийслэлийн Эрүүл мэндийн газраас хатгалгаа өвчний тухай ерөнхий ойлголт, урьдчилан сэргийлэх дадал хэвшил, уг өвчнөөр өвчилсөн эсэхийг гэрийн нөхцөлд таних арга, хүүхдийн амьсгалын тоог хэрхэн зөв тоолох зэргийг тус зөвлөмжөөр дамжуулан хүргэлээ.

Хатгалгаа гэж юу вэ?

Ихэвчлэн ханиад томуу хүрсний дараа буюу даарсны улмаас хүний биеийн дархлаа суларч, амьсгалын замд байх хэвийн болон эмгэг бичил биетээр уушгины эд үрэвсэхийг хатгалгаа өвчин гэнэ.

Хүүхдээ хатгалгаа өвчнөөс хэрхэн хамгаалах вэ?

·Хүүхдээ төрөнгүүт нэг цагийн дотор ангир уургийг амлуулах нь чухал. Ангир уураг нь ханиад томуу, хатгалгаа өвчнөөс хамгаалдаг бодис агуулдаг, байгалиас заяасан вакцин юм.

·Хүүхдээ зургаан сар хүртэл эхийн сүүгээр дагнан хооллож, хоёр нас хүртэл хөхүүлэхийн зэрэгцээ насанд нь тохирсон шим тэжээл бүхий нэмэгдэл хоолоор хооллоорой.

Хатгалгаагаар өвчлөх эрсдлүүд:

·Бага насны хүүхдийн дархлаа бүрэлдэж гүйцээгүй байдаг тул өвчлөх эрсдэлтэй байдаг.

·Хүүхдийг хэт бэгнэж гадна орчноос байнга тусгаарласнаар биеийн дасан зохицол нь алдагдаж амархан даарч бээрэх, олны дунд орох болон цэцэрлэгт явах үедээ өвчлөх эрсдэл өндөр байна.

·Ангир уургаа амлаагүй, эхийн сүүгээр хооллоогүй хүүхэд өвчлөлд өртөмтгий байх нь элбэг.

Хүүхдээ хатгалгаа өвчнөөс хэрхэн сэргийлэх вэ?

·Товлолын дагуу вакцинуудыг хүүхэддээ тогтмол хийлгэж байх нь уушгины хатгалгаагаар өвчлөх эрсдлийг бууруулдаг. Мөн хатгалгааны эсрэг пневмококкийн вакцин нь уг өвчлөлөөс урьдчилан сэргийлэх ач холбогдолтой юм.

·Гэрийнхээ хаалга, цонхыг ойр ойрхон нээж, өдрийн цагаар цэвэр агаар оруулж байгаарай. Дотоод орчны агаарыг сэлгэж, нян бактерыг зайлуулах нь тун чухал. Хүүхдийн орчинд тамхи бүү тат. Элдэв резин, хуванцар, хог түлж шатаах нь биеийн эрхтэн системийг хордуулж хорт хавдар, амьсгалын замын хүнд өвчнүүдийг үүсгэдэг. Тиймээс гэрийн дотоод орчны агаарын чанарыг сайжруулах үүднээс ХЕПА шүүлтүүр бүхий агаар цэвэршүүлэгч төхөөрөмж хэрэглэх нь зүйтэй.

·Эцэг эхчүүд хүүхдээ асарч, хооллох болон бие зассаны дараа гараа сайтар савандаж угаах дадлыг мөрдсөнөөр хатгалгаа өвчнөөс сэргийлэх боломжтой.

Хатгалгаа өвчнөөр өвчилсөн эсэхийг гэрийн нөхцөлд таних арга:

·Ханиалгах

·Халуурах

·Нус гоожих

·Тайван бус болох

·Хоолонд дургүй болох

·Заримдаа амьсгаадах

·Цээж шуугих зэрэг шинж тэмдэг илэрдэг бөгөөд үүнийг ХАНИАД ШУУХИНАА гэж үздэг.

Дээрх шинжээс гадна амьсгал олширох, цээж хонхолзох эсвэл амьсгал саадтай болох шинж тэмдэг ажиглагдвал УУШГИНЫ ХАТГАЛГАА гэж үзнэ. Хатгалгаа нь хүүхдийн нас, биеийн онцлог, өвчин үүсгэгч нянгаас хамаарч хүүхэд бүрт өөр өөрөөр илэрдэг тул эрүүл мэндийн байгууллагад хандаарай.

Хүүхдийн амьсгалыг хэрхэн тоолох вэ?

Хүүхдийн амьсгалын тоо нэг минутад хэвийн үеийнхээсээ олон болохыг АМЬСГАЛ ОЛШИРОХ гэнэ. Үүнд:

·2 сар хүрээгүй хүүхдэд 60 ба түүнээс олон

·2-12 сар хүртэлх хүүхдэд 50 ба түүнээс олон

·12 сараас 5 нас хүртэлх хүүхдэд 40 ба түүнээс олон болно.

·Та хүүхдээ уйлаагүй, хөхүүлээгүй, тайван үед амьсгалыг нь 1 минутын турш тоолоорой. Унтаж байхад нь тоолбол бүр сайн.

·Секундын зүүтэй юмуу эсвэл электрон цаг ашиглана.

·Хүүхдийн хэвлий дээр гараа зөөлөн тавьж үзээрэй. Амьсгал авахад нь хэвлий төмбийж, гаргах үед нь цааш болох бөгөөд үүнийг 1 амьсгал гэж тоолохыг анхаарах хэрэгтэй.

Цээж хонхолзох гэдэг нь амьсгал авах үед хэвлий төмбийж байхад өрцний хэсгээр цааш хонхойхыг хэлнэ. Хэрэв хатгалгаа өвчний шинж тэмдэг илэрвэл эмнэлэгт ЯАРАЛТАЙ хандаарай гэж нийслэлийн Эрүүл мэндийн газраас мэдээллээ.

Энэ сарын 15-наас 29-ний өдрүүдэд МХЕГ-ын Зөвлөгөө, мэдээллийн төв нийт 770 иргэнд үйлчилж, 739 албан бичиг, 31 өргөдөл гомдол хүлээн авчээ.

Зөвлөгөө, мэдээллийн төвөөр үйлчлүүлсэн иргэд, аж ахуйн нэгж, байгууллагад гарын авлага, зөвлөмж тарааж мэргэжил арга зүйн зөвлөгөө өгсөн байна.

Монгол Улсад хазарачуудын эрх зөрчигдөж, тэднийг ялгаварлан гадуурхах байдал газар авч байгаа талаар иргэний нийгмийн байгууллагаас өнөөдөр мэдээлэл хийлээ.

2016 онд манай улсын эрх бүхий байгууллага Монгол дахь хазара иргэдийг үндэсний аюулгүй байдалд аюултай хэмээн тодорхойлж, их дээд сургуульд сурахыг хориглосон аж.

Мөн магистрын зэрэг хамгаалахаар сурч байсан хэд хэдэн хазара оюутныг Монголоос гаргасан байна. Одоо Монголд Цагаадай гэх ганцхан хазара хүн үлдсэн байна. Харин ТЕГ-аас түүний визийг сунгахгүй байх чиглэлийг ГИХГ-т өгсөн талаар мэдээлэв.

Цагаадай нь 2016 оноос Афганистан улс руу буцаагүй гэнэ. Тэрбээр НҮБ-ын дүрвэгсдийн асуудал хариуцсан дээд комиссарын хамгаалалтад байдаг аж. Мөн тэрбээр Хазара-Монголын найрамдал хамтын ажиллагааны нийгэмлэг ТББ-ыг үүсгэн байгуулсан байна.

Тиймээс хазара иргэд болон Цагаадайгийн визийг сунгаж, ялгаварлан гадуурхахгүй байхыг “Монгол хүн монгол хүндээ тусалъя”, “Босоо Хөх Монгол”, “Тэнгэрлэг ивээл”, “Монголын хохирогчдын холбоо” зэрэг иргэний нийгмийн байгууллагууд хамтран шаардаж эхэлжээ. Хэрвээ шаардлагыг биелүүлэхгүй бол жагсаал цуглаан хийж, олон улсын байгууллагад хандахаа мэдэгдэв.

Монголын эрчим
хүч, геологи, уул уурхайн
үйлдвэрчний эвлэлийн
холбооноос цаг үеийн
асуудлаар өчигдөр мэдээлэл
хийлээ.
Энэ үеэр ДЦС-4-ийн
үйлдвэрчний эвлэлийн дарга
Д.Ган-Эрдэнэ эрчим хүчний
салбарын цалинг нэмэхийг
шаардлаа. Тэрбээр “Эрчим
хүчний яам салбарын
ажилчдын эрх ашгийг
Эрчим хүчний салбарын цалинг
нэмэхийг шаардлаа
хамгаалах үйлдвэрчний
эвлэлийн байгууллагатай
хуулийн дагуу хөдөлмөр
нийгмийн хамгааллын талаар
гэрээ хэлэлцээр байгуулсан.
Энэхүү хэлэлцээрт цалин
хөлсийг нэмэгдүүлэх ,
нийгмийн хамгааллын
асуудал зэрэг олон зүйлийг
тусгасан. Гэтэл Төрийн өмчийн
бодлого зохицуулах газар нь
тус салбарын компаниудын
бизнес төлөвлөгөөг батлахдаа
салбарын яамтай байгуулсан
хамтын хэлэлцээрийг
хэрэгжүүлэх боломж олгохгүй
байна. Тухайлбал Эрчим
хүчний салбарын 2017-2018
оны хамтын хэлэлцээрт
ажилтнуудын цалинг энэ онд
10 хүртэлх хувиар нэмнэ гэж
заасан. Гэтэл өнөөг хүртэл
нэмээгүй. Тиймээс бид
нэмэхииг шаардаж байна” гэв.

Эрүүл мэндийн яам болон ДЭМБ-аас сүрьеэтэй өвчтөн түүний гэр бүлд учирч буй зардлын судалгааны үр дүнг танилцууллаа.

Сүрьеэгийн эмчилгээг зургаан сараас хоёр жилийн хугацаанд тасралтгүй хийлгэх ёстой байдаг. Монгол Улс болон дэлхийн олон улс оронд сүрьеэгийн оношилгоо, эмчилгээ үнэ төлбөргүй хэдий ч нэмэлт зардал, тухайлбал гаж нөлөөний эм, унааны зардлыг үйлчлүүлэгч өөрөө гаргах ёстой. Эдгээр зардал нь сүрьеэтэй өвчтөн, түүний гэр бүлд санхүүгийн дарамт учруулдаг. ДЭМБ-аас гаргасан судалгаанаас үзэхэд сүрьеэ өвчтнүүдийн 1/3 нь ноцтой болон маш ноцтой санхүүгийн бэрхшээлтэй тулгардаг ба тэдгээрийн гэр бүлийн 70 хувь нь санхүүгийн дарамтад өртдөг байна. Эмэнд тэсвэртэй сүрьеэ өвчтнүүдийн дунд ажилгүйдэл 11-37 хувь, хөдөлмөрийн чадвараа алдах байдал 4-30 хүртэл нэмэгджээ. Эмэнд мэдрэг сүрьеэтэй хүмүүсийн хувьд ажилгүйдэл 11-43 хувь хөдөлмөрийн чадвараа алдах байдал 5-10 хүртэл өсжээ. Сүрьеэгээр өвчилснөөс болж нийт өвчтний 39 хувь нь зээл авахад хүрч, 45,5 хувь нь ажилгүй болжээ. Сүрьеэ өвчлөлийн өндөртэй долоон орны нэгд нь манай улс багтаж байна.

Судалгааны үр дүнгээс харахад сүрьеэ өвчин нь Монгол Улсын нийгмийн эрүүл мэндийн тулгамдсан асуудал хэвээр байна. Эмэнд тэсвэртэй сүрьеэтэй, ядуу амьдралтай, эмнэлэгт хэвтсэн болон шууд хяналттай богино хугацааны эмчилгээ хийлгэж буй өвчтөнүүд нь сүрьеэгийн улмаас санхүүгийн дарамтад өртөх эрсдэлтэй бүлэг болох нь тодорхойлогдсон байна гэдгийг мэргэжилтнүүд хэллээ.