Month: June 2018

Дэлхийд төрөл бүрийн сонин хачин музей бий. Сэкс музей, зайрмагны музей, төрөл бүрийн үсний музей хүртэл бий. Тэгвэл Японд нэгэн шинэ сонирхолтой музей үүдээ нээжээ. Өөрсдийгөө ультра технологичид гэж нэрлэсэн Японы хэсэг залуус дижитал арт музейг байгуулсан байна. Тэд Токогийн “Mori Building”-д 10 мянган хавтгай дөрвөлжин талбайд музейгээ нээжээ. Тус музейн олон нийттэй харилцах захирал Такаши Кудо, бидний дижитал ажлууд хэн бүхэнд урьд өмнө нь мэдрээгүй мэдрэмжийг өгнө гээд, музэйд өдөр бүр зочилсон ч өөр өөр мэдрэмжийг амтлах боломжтой гэв. Тэрээр “Учир нь дижитал арт бол хийсвэр, хил хязгааргүй урлаг.

УИХ-аас Улсын бүртгэлийн багц хуулийг шинэчлэн батлаад байгаа. Төрийн үйлчилгээний 70 хувь нь бүртгэлийн байгуулага дээр байдаг аж. Бүртгэлийн багц хуулийн хүрээнд хэд хэдэн том шинэчлэл хийжээ. Тодруулбал, бүртгэлийн байгууллагад байдаг 122 төрлийн мэдээллээс 10 нь л нээлттэй байсан бол бусад мэдээлэл нь нууц байсан учраас иргэдэд хүрдэггүй байсан юм. Энэ хуулиар тодорхой мэдээллүүдийг ил болгожээ. Мөн Улсын бүртгэлийн газраас харьяалал харгалзахгүй 10 төрлийн үйлчилгээг үзүүлэх юм байна. Тухайлбал, иргэний үнэмлэхээ гээсэн орон нутгийн харьяалалтай иргэн Улсын бүртгэлээс иргэний үнэмлэхээ захиалж болох юм байна. Мөн ирэх арваннэгдүгээр сараас ТҮЦ машиныг ашиглалтаас гаргах юм байна. Нотариат дээр очоод тухайн хүн хурууны хээгээ уншуулахад бүх мэдээлэл нь гарч ирэх аж. Мөн хууль хэрэгжиж эхэлсэн өдрөөс гадаад паспортыг 10 жилийн хугацаатай олгох юм байна. Тус хууль ирэх арваннэгдүгээр сарын 1-нээс хэрэгжиж эхлэх юм.

Нийслэлийн Засаг дарга бөгөөд Улаанбаатар хотын Захирагч С.Батболд дүүргийн Засаг дарга нар болон ерөнхий боловсролын сургуулийн захирал эрхлэгч нарт албан даалгавар өглөө. Хүүхдийг болзошгүй эрсдэлд өртөхөөс урьдчилан сэргийлэх, ерөнхий боловсролын сургууль, цэцэрлэг, нийтийн эзэмшлийн биеийн тамирын болон тоглоомын талбайн орчны аюулгүй байдал бүрэн хангагдаж байгаа эсэхэд хяналт шалгалт хийх талаар тусгажээ. Сургууль, цэцэрлэг, нийтийн эзэмшлийн биеийн тамирын болон хүүхдийн тоглоомын талбайн орчны аюулгүй байдал хангагдаж байгаа эсэхэд холбогдох мэргэжлийн байгууллагуудтай хамтран хяналт шалгалт хийж, илэрсэн зөрчлийг арилгуулан, тайлан дүгнэлтийг 2018 оны 07 дугаар сарын 01-ны өдрийн дотор ирүүлэхийг дүүргийн Засаг дарга нарт даалгажээ. Хүүхдийн эрүүл, аюулгүй байдалд нөлөөлж болзошгүй эрсдэлтэй нөхцөл байдал үүссэн тохиолдолд эрүүл мэнд, боловсролын болон бусад холбогдох байгууллагуудад мэдэгдэж, шаардлагатай арга хэмжээ авах, ажлын байрны дэг журмын сахиулах, үүрэг хариуцлагыг өндөржүүлж ажиллахыг үүрэг болголоо гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Дэлхийн Олон улсын мэс засалчдын Азийн холбооны дарга Гуань Вэй Лүйгээр ахлуулсан баг хамт олон энэ сарын 21-25-нд Монголд зочлов.

Төлөөлөгчид энэ үеэр Олон улсын мэс заслын холбооны Монгол дахь ерөнхий холбоог байгуулах хуралд оролцож Нийслэлийн Эрүүл мэндийн газар, ЭХЭМҮТ болон хэд хэдэн эмнэлэгтэй зэрэгтэй танилцаж, хамтын ажиллагааны эхний алхмыг тавилаа.

“Монголд Олон улсын мэс засалчдын холбооны салбарыг байгуулахад туслах боломжтой болсондоо баяртай байна. Энэхүү холбоог байгуулахын тулд жил гаруй бэлтгэл, холбогдох ажлуудыг хийсэн. Ирээдүйд Тайвань, Монголын мэс заслын салбарын харилцаа хамтын ажиллагааг улам илүү бататгана хэмээн найдаж байна” гэж Дэлхийн Олон улсын мэс засалчдын Азийн холбооны дарга Гуань хэллээ.

Тайваниас Монгол Улсад суугаа төлөөлөгч Хуан Куо Рун зочдыг хүлээн авч уулзах үеэрээ “Тайвань, Монголын эрүүл мэндийн салбар олон жилийн турш харилцаа холбоотой байсаар ирсэн төдийгүй гол төлөв эмнэлгийн мэргэжилтнийг сургалтад хамруулах, тус салбарын тоног төхөөрөмж, эм хэрэгслийг хандивлах зэргээр хамтран ажилласаар ирсэн. Үүнээс гадна жил бүр сайн дурын эмч нарын баг Монголд тасралтгүй ирж ажиллаж байгаа нь Монголчууд Тайваний эмчилгээний чанарт итгэх итгэлцийг нэмэгдүүлж байна” гэв.

Энэ удаа Монголд зочилж байгаа баг хамт олонд Олон улсын мэс заслын холбооны Тайвань дахь холбооны ерөнхийлөгч Лин Жи Лун, Тэргүүн дэд ерөнхийлөгч Хуан Зүйнь Сюн, Пиндун Есүс Христийн эмнэлгийн Нийгмийн эмчилгээний албаны дарга Лян Зи Ань, эмч Лян Зяа Ий болон Польш улсын Олон улсын мэс засалчдын холбооны нарийн бичгийн дарга доктор Эдита Майдри нар багтжээ.

Архангай аймгийн зургаан суманд шүлхий өвчин гарч хорио цээр тогтоосон бөгөөд аймгийг зорих аялагчдад эрүүл бүсийн аялалын маршрут гаргав. Аймгийг дамжин өнгөрөх иргэдийн эрүүл аюулгүй байдлыг хангахаар ийнхүү замыг өөрчилжээ.

Сонгинохайрхан дүүрэг дэх цагдаагийн нэгдүгээр хэлтсийн алба хаагчид 80 сая жилийн насжилттай үлэг гүрвэлийн олдворыг хууль бусаар олж аван, худалдаж борлуулахыг завдсан хэргийг илрүүлэн, шалгаж байна.

Уг хэрэгт Хөвсгөл аймгийн харьяат, 1982 онд төрсөн С гэгчийг холбогдуулан шалгаж байгаа бөгөөд тэрбээр үлэг гүрвэлийн олдворыг зуслангийн байшиндаа хадгалж байжээ. Цагдаагийн алба хаагчид шалгалтын ажиллагаа явуулан олдворыг ШУА-ийн Палентлоги, геологийн хүрээлэнд хүлээлгэн өгсөн байна. Судлаачийн хэлж буйгаар энэхүү олдвор нь одоогоос 80 сая жилийн өмнө амьдарч байсан протератопс гэх үлэг гүрвэлийн чулуужсан яс бөгөөд Монгол Улсын нутаг дэвсгэрээс л олдож буй ховор төрлийн палентлогийн олдвор ажээ.

УИХ-аас хууль санаачлагчид буцаагаад байсан ААНОАТ-ын тухай хуулийн шинэчилсэн найруулгыг Засгийн газраас дахин өргөн мэдүүлээд байна. . Ингэснээр энэхүү хуулийн төслийг хаврын чуулганд багтаж батлах магадлалтай боллоо. Шинэчилж УИХ-аас хууль санаачлагчид буцаагаад байсан ААНОАТ-ын тухай хуулийн шинэчилсэн найруулгыг Засгийн газраас дахин өргөн мэдүүлээд байна.Зургийг: С.Батсайхан өргөн барьсан хуулиар уул уурхайн компаниудтай холбоотой УИХ-ын гишүүдийн санал болгосон хоёр гол зохицуулалтыг тусгасан гэж Сангийн яам мэдээллээ. Тухайлбал, барилга байгууламжийн элэгдэл тооцох хугацааг 25 жил болгож бууруулсныг уул уурхайн компаниудад хамаарахгүй байхаар шинэ хуульд тусгажээ. Ингэснээр ашигт малтмал, цацраг идэвхт ашигт малтмал, газрын тосны хайгуулын болон ашиглалтын тусгай зөвшөөрөл эзэмшигчийн хувьд элэгдэл тооцох хугацаа нь 40 жил болж байна. Учир нь элэгдэл тооцох хугацааг бууруулснаар уул уурхайн салбарт үйл ажиллагаа эрхлэгч томоохон татвар төлөгчдөөс авах татварын хэмжээ буурахаар байгааг УИХ-ын гишүүд хэлэлцүүлгийн үеэр онцолж, өөрчлөх саналууд өгсөн юм.

Мөн уул уурхайн тусгай зөвшөөрөл эзэмшигчид хөрөнгийн зах зээлд гаргасан хувьцаа, өрийн бичиг, хүүгийн орлогод таван хувиар төлөх татварын хөнгөлөлт үйлчлэхгүй байхаар хуулийн төсөлд тусгажээ.

Татварын багц хуулийн шинэчлэлд Аж ахуйн нэгжийн орлогын албан татварын тухай хуулийн шинэчлэл шийдвэрлэх үүрэгтэй. Тиймээс хуулийг энэ хаврын чуулганд багтааж батлах шаардлагатай гэдгийг МҮХАҮТ онцолж байгаа юм.

Тавдугаар сард ипотекийн санхүүжилтийн эх үүсвэрт Засгийн газраас 436 зээлдэгчид 30.15 тэрбум төгрөг, Монголбанкнаас 248 зээлдэгчид 16.3 тэрбум төгрөгийн зээлийн санхүүжилт олгожээ.

Энэ оны тавдугаар сард нийт 684 зээлдэгч ипотекийн зээлд хамрагдсан талаар Монголбанк мэдээллээ. Ингэснээр ипотекийн зээлийн үлдэгдэл 4.2 их наяд төгрөгт хүрсэн байна. Нийт зээлдэгчдийн тоо 93 мянгыг даваад байгаа юм. Өнгөрсөн сард л гэхэд ипотекийн санхүүжилтийн эх үүсвэрт Засгийн газраас 436 зээлдэгчид 30.15 тэрбум төгрөг, Монголбанкнаас 248 зээлдэгчид 16.3 тэрбум төгрөгийн зээлийн санхүүжилт олгосон байна. 2017 оны төсөвт ипотекийн зээлийн санхүүжилтэд 111 тэрбум төгрөг төсөвлөсөн бол энэ онд 120 тэрбум төгрөг төсөвлөөд байгаа ажээ. Харин Монголбанкнаас энэ онд 192 тэрбум төгрөгөөр ипотекийн хөтөлбөрийг санхүүжүүлэхээр болсон юм. Ингэснээр 2014 онд оргил үедээ хүрч, жилд 18 мянган орчим хүн хамрагдаж байсан ипотекийн хөтөлбөрт энэ онд 5000 орчим хүн хамрагдах төлөвтэй байна. Олон Улсын Валютын Сангийн “Өргөтгөсөн санхүүжилтийн хөтөлбөр” хэрэгжүүлж эхэлсэнтэй холбоотойгоор Төв банк ипотекийн зээлийг зөвхөн эргэн төлөлтөөр санхүүжүүлж байгаа юм. Энэ онд зээлийн санхүүжилт 2017 оныхоос 40 орчим тэрбум төгрөгөөр бууснаар зээлдэгчдийн тоо мөн 1000 орчмоор буурах төлөвтэй байна.

Ипотекийн санхүүжилт саарсан ч Улаанбаатар хотын хэмжээнд ирэх таван жилд 217 мянган өрхөд орон сууц худалдан авах хэрэгцээ байгааг Барилга, Хот байгуулалтын яам “Тэнхлэг зууч” компанийн судалгаанаас харж болохоор байна. Түүнчлэн эдгээр өрхийн 33 хувь нь буюу 71.9 мянган өрх урьдчилгаа төлөн орон сууцны зээлд хамрагдах хүсэлтэй байгаа юм.

Цаашид ипотекийн зээлийн хөтөлбөрийг Засгийн газарт шилжүүлэхээр төлөвлөж байгааг Монголбанк мэдээлж байна.