Month: June 2018

Онцгой байдлын байгууллагын төв, орон нутаг дахь Улсын нөөц, хүмүүнлэгийн тусламжийн анги, салбарын инженер, техникийн ажилтнуудын хууль эрх зүйн мэдлэг олгох, улсын нөөцийн агуулах, сав, техник, технологи, тоног төхөөрөмжийн ашиглалт, шинэчлэлт, бэлэн байдлыг хангах, засвар үйлчилгээ, галын аюулгүй байдал, хөдөлмөрийн аюулгүй байдал, эрүүл ахуйн талаарх мэдлэгийг дээшлүүлэх зорилготой “УН-18.2” сургалт өнөөдөр Онцгой байдлын ерөнхий газарт эхэллээ.

Монгол Улсын 25 дахь Ерөнхий сайд С.Баяр, 28 дахь Ерөнхий сайд Ч.Сайханбилэг нарыг батлан даалтад гаргах, эсвэл үргэлжлүүлэн хорих эсэх шүүх хурал өнөөдөр Баянзүрх, Сүхбаатар, Чингэлтэй дүүргийн шүүхэд өнөөдөр болно. Прокурорын зүгээс үргэлжлүүлэн хорих хүсэлтээ шүүхэд хүргүүлсэн байна. Энэ дагуу өнөөдөр тэднийг батлан даалтад гаргах эсэх асуудлыг хэлэлцэх юм.

С.Баяр, Ч.Сайханбилэг нар өдгөө Сайд нарын хоёрдугаар эмнэлэгт хэвтэн эмчлүүлж байгаа. Тодруулбал, С.Баяр нь тулуй өвчнөөр, Ч.Сайханбилэг нь мэс заслаар эмчлүүлж байна.

Сануулахад, АТГ-аас Оюутолгой төслийн хүрээнд Монгол Улсын Засгийн газар, “Айвенхоу Майнз Монголия Инк” ХХК, “Айвенхоу Майнз Лимитед”, “Рио Тинто Интернэшнл Холдингс Лимитед” компанийн хооронд 2009 оны 10 дугаар сарын 6-ны өдөр байгуулсан хөрөнгө оруулалтын гэрээ, хувь нийлүүлэгчдийн гэрээ, 2015 оны 5 дугаар сарын 18-ны өдөр Далд уурхайн бүтээн байгуулалт, санхүүжилтийн төлөвлөгөөг батлахад нэр бүхий албан тушаалтнууд эрх мэдэл, албан тушаалын байдлаа урвуулан ашиглаж, илт хууль бус шийдвэр гаргаж, бусдад давуу байдал бий болгон хохирол учруулсан байж болзошгүй хэрэгт 2007-2009 онд Монгол Улсын Ерөнхий сайдаар ажиллаж байсан С.Баяр, 2014-2016 онд Монгол Улсын Ерөнхий сайдаар ажиллаж байсан Ч.Сайханбилэг нарыг холбогдуулан шалгаж байгаа юм.

Монгол Улсын иргэд визгүй зорчих орнуудын жагсаалтыг ГХЯ-ны Консулын газраас шинэчлэн гаргажээ.

Манай улсын иргэд 2018 оны зургадугаар сарын байдлаар Бразил, Хонконг, Малайз, Турк, Индонез, Аргентин зэрэг 22 оронд Засгийн газар хоорондын хэлэлцээрийн дагуу 14-90 хоногийн хугацаанд визгүй зорчиж болох аж.

Харин албан паспорттай иргэд дэлхийн 31 улсад визгүй зорчих боломжтой юм байна.

МОНГОЛ УЛСЫН ИРГЭД ВИЗГҮЙ ЗОРЧИХ НӨХЦӨЛИЙН ТУХАЙ ЛАВЛАХ
/2018 оны 6 дугаар сарын байдлаар/

Сүүлийн жилүүдэд хар тамхитай холбоотой гэмт хэрэгт залуучууд түлхүү холбогдох болсон байна. Стрессээ буруу аргаар буюу хар тамхи хэрэглэн тайлах, эсвэл найз нөхдийнхөө ятгалгаар сонирхож нэг, хоёр удаа хэрэглээд гарч чаддаггүй нь донтох гол шалтгаан болдог байна.

ЦЕГ-ын Урьдчилан сэргийлэх хэлтсээс өгч байгаа мэдээллээр он гарсаар хар тамхитай холбоотой 81 хэрэгт 156 хүн холбогджээ. Өмнөх оны мөн үетэй харьцуулахад хар тамхитай холбоотой гэмт хэргийн тоо 2.6 дахин өссөн байна. Харин холбогдож байгаа хүмүүсийн хувьд 75 хувь нь 18-35 насныхан байна.

ЦЕГ-ын УСХ-ийн ахлах мэргэжилтэн Г.Давааням “Энэ төрлийн гэмт хэргийн шалтгаан бол ашиг олох зорилгоор өсвөр үе, залуучуудын дунд хар тамхи мансууруулах бодис зарж борлуулж байгаа этгээдүүд байна. Мөн нөгөө хэсэг бүлэг нь хар тамхи мансууруулах бодис бол хор нөлөөгүй гэсэн бусдын худал мэдээллээс нэгнийгээ даган дуурайн энэ төрлийн гэмт хэрэгт холбогдож байна. 2018 онд бүртгэгдсэн гэмт хэргээс гэртээ хар тамхи мансууруулах бодисыг тариалж, ургуулж, бусдад зарж борлуулан хэрэглэж байсан гэмт хэрэг бүртгэгдээд байна” гэх тайлбарыг өглөө.

2015 онд ерөнхий боловсролын сургуулийн 9-10-р ангийн 1000 сурагчийн дунд явуулсан судалгаагаар 9 хувь мансууруулах бодис хэрэглэж үзсэн гэж хариулсан байдаг. Залуучууд хар тамхи, мансууруулах бодист донтож байгаа нь ихэвчлэн сониуч зандаа хөтлөгдсөнтэй холбоотой байдаг. Харамсалтай нь хожим нь гарах хор хөнөөлийнх нь талаар, эмчилгээ хийлгэсэн ч төдийлөн үр дүнд хүрэхэд бэрх гэдгийг мэддэггүй талаар албаныхан хэлж байлаа.

СЭМҮТ-ийн ерөнхий захирал, ау-ны доктор Л.Насанцэнгэл “Манайд хэвтэн эмчлүүлж байгаа залуусын насыг харвал 18-аас 20 наран насныхан байгаа. Тэд донтох мансууруулах сэтгэцэд нөлөөлөх бодисыг өөр дээрээ туршиж хэрэглээд хүндэрснийхээ дараа эмчлүүлнэ гэж бодоод байдаг. Гэтэл дэлхий нийтээр энэ төрлийн эмчилгээний үр дүн 5 хувьтай 95 хувьд нь ямар нэгэн үр дүнгүй байна гэж гараад байгаа” гэв.

Манай улсын хувьд хар тамхи дамжуулагч, тээвэрлэгч биш идэвхтэй хэрэглэгч улс болсон талаар сүүлийн жилүүдэд ярих болсон. Ялангуяа залуучууд хар тамхитай холбоотой гэмт хэрэгт холбогдож байгаа нь эргээд монгол хүний удмын санд нөлөөлөхүйц ноцтой асуудал юм.

Авто тээврийн болон өөрөө явагч хэрэгслийн албан татвар, авто зам ашигласны төлбөр, агаар бохирдуулсны хураамжийг төлөх хугацаа зургадугаар сарын 1-нд дуусдаг журамтай. Өөрөөр хэлбэл иргэний тээврийн хэрэгсэл 1, 6 тоогоор төгссөн автомашины улсын дугаартай жолооч нэгдүгээр сард, 2, 7 тоогоор төгссөн бол хоёрдугаар сард, 3, 8 тоогоор төгсссөн бол гуравдугаар сард, 4, 9 тоогоор төгссөн бол дөрөвдүгээр сард, 5, 0 тоогоор төгссөн бол тавдугаар сард албан татвар, агаар бохирдуулсны төлбөр, зам ашигласны төлбөрөө төлөхөөр болсон юм.

Монголын балетын бүжгийн хөгжлийг олон улсын түвшинд хүргэх зорилгоор “Олон Улсын Балет” тэмцээнийг 2018 оны 05 дугаар сарын 29-нөөс 06 дугаар сарын 02-ны өдрүүдэд Улаанбаатар хотноо зохион байгуулахад дэмжлэг үзүүлэн ажиллалаа. Уг тэмцээнд оролцох гадаадын уран бүтээлчдийг http://mongolianballet.com цахим хаягаар, харин дотоодын оролцогчдоо “Монголын балет хөгжлийн сан”-гийн байранд 3 насны ангиллаар бүртгэв. Тэмцээн нийт 2 үе шаттай зохион байгуулагдсан бөгөөд дотоодын оролцогчдын эхний шатны шалгаруулалт 2018 оны 05 дугаар сарын 28,29-ны өдрүүдэд, гадаадын уран бүтээлчдийн шалгаруулалтыг 05 дугаар сарын 30,31-ний өдрүүдэд зохион боллоо. Энэ жилийн “Олон Улсын Балет” тэмцээнд нийт дотоодын 150 гаруй, ОХУ-н Якут, Буриад, БНСУ, Сингапур, Япон, БНХАУ-уудын 30 гаруй бүжигчид оролцож туршлага солилцон шилдгээ шалгаруулж дараагийн шатанд өрсөлдлөө. Тус тэмцээний шагнал гардуулах ёслол 2018 оны 06 дугаар сарын 01-ний өдөр УДБЭТ болж өндөрлөлөө гэж нийслэлийн Соёл, урлагийн газраас мэдээллээ.

12-14 насны Pre Junior төрөл

15-18 насны Junior төрөл

19-29 насны Senior төрөл

Орчин үе /Contemporary/

Дорноговь аймгийн Засаг даргын Тамгын газраас элсэлтийн ерөнхий шалгалтад 800 оноо авсан сурагч, бэлтгэсэн багшийг урамшуулахаар болсон тухай өмнө нь мэдээлж байсан.

Тэгвэл Төв аймаг ЭЕШ-д 800 оноо авбал 300 мянган төгрөгийн шагнал, урамшуулал олгохоор болсон байна. Мөн үүнээс гадна Улсын төрөлжсөн олимпиадын гурван даваанаас алтан медаль хүртсэн сурагчийг 500 мянга, мөнгөн медаль хүртвэл 400 мянга, хүрэл медаль хүртсэн сурагчийг 300 мянган төгрөгөөр тус тус шагнан, урамшуулж байх шийдвэрийг гаргажээ.

Өмнөговь аймгийн ИТХ-ын Тэргүүлэгчдийн 77 дугаар тогтоолоор аймаг үүсэн байгуулагдсан 87 жилийн ойн баяр наадмыг 7 дугаар сарын 5, 6-ны өдөр зохион байгуулахаар болсон. Баяр наадмыг зохион байгуулах комисс хуралдаж тодорхой асуудлыг хэлэлцэж, эрийн гурван наадмыг элдэв маргаангүй зохион байгуулахад санал солилцлоо.

Иргэд, бөх сонирхогч, бөхчүүдийн хүсэлтээр баяр наадмын бөхийн барилдааныг зөвхөн Өмнөговь аймгийн бөхчүүдийн дунд зохион байгуулахаар боллоо. Мөн эрлийз, монгол морьдыг ялган уралдуулна. Тодруулбал: 7 сарын 4-ний өдөр эрлийз дээд, дунд, бага нас, 7 сарын 5-ны өдөр азарга, соёолон, хязаалан, даага, 7 сарын 6-ны өдөр их нас уралдана. Түүнчлэн жороо морины уралдаан зохион байгуулна.