Month: June 2018

Элэг өөхлөх гэж юу вэ?

Энэ нь элгэнд байх өөхний хэмжээ ихдэхийг хэлж байгаа юм. Элэг өөрөө тодорхой хэмжээний өөх агуулдаг эрхтэн боловч хэрвээ өөхний хэмжээ элэгний нийт жингийн 5-10%-иас дээш байвал элэг өөхлөж байна гэж үздэг.
Энэ өвчний шинж:
Жин:Таны элэг 100% хороо гадагшлуулж чадахгүй байгаа үед калори багасах, өдөр тутмын дасгал хийгээд ч таны жин олигтой хасагдахгүй ба учир нь организм шүүгдээгүй хороо өөхөнд хадгалах учраас тэр.

Харшил:Эрүүл элэг “эсрэг биет” бий болгож харшлын аллергенийг дарангуйлдаг. Харин элэгний үйл ажиллагаа муу байх үед эдгээр аллергенууд идэвхжих ба тархи үүнд хариу үйлчлэл болгож гистамин хэмээх химийн бодис бий болгоно.

Архаг ядаргаа:Хор нь булчингийн эд эсийн бодисын солилцоог багасгах учир хүн амархан ядарна. Яваандаа энэ ядаргаа нь уур уцаар, депресс болдог.

Хөлс ихээр ялгарах:Элэгний үйл ажиллагаа их ачааллаас болон алдагдах үед элэг улайсна. Элэг нь том эрхтэн учир энэ халсан дулаан нь бусад эрхтэнд хүрэх ба үүнээс шалтгаалан их хэмжээний хөлс ялгардаг байна.

Тослогийн булчирхай буюу батга:Элгэн дэх хор нь дааврын тэнцвэрт байдлыг алдагдуулж болох ба эдгээр нь батга гарах зэрэг бэрхшээл үүсгэдэг. Хэрвээ энэ нь элэгний идэвх муутай үйл ажиллагаанаас болж байгаа бол гадна талаас нь ямар ч эмчилгээ цэвэрлэгээ хийгээд тус болохгүй ба зөвхөн элэгний ажиллагаа хэвийн болсон үед л алга болно.

Амнаас эвгүй үнэртэх:Таны амны хөндийн ариун цэвэр зохих хэмжээндээ боловч амнаас эвгүй үнэртэж байвал энэ нь элэгнээс шалтгаалж байж болох юм. Эмчид үзүүлж зөвлөгөө авах хэрэгтэй.

Элэг эмчлэх аргууд:Элэг өөхлөх өвчинг зөв хооллолт, хоолны дэглэмээр эмчилж, хөнгөрүүлж болно. Одоо танилцуулах хоёр арга нь элэг эмчлэх өндөр үр дүнтэй арга бөгөөд багваахай цэцгийн үндэс, гадил, амтат төмс, цагаан гаа, түүний үндэс зэрэг нь элэг өөхлөх өвчний эсрэг чухал нөлөөтэй.

Багваахай цэцгийн үндэс, гадил болон цагаан гааны коктейл бэлдэж өглөөний ундандаа хэрэглэн өвчний үр дагавартай тэмцэх хэрэгтэй.
Нэг ширхэг гадил жимс авч хэрчээд нэг аяга грек тараг, цагаан гааны нухсан үндэс, хоёр хоолны халбага газрын самрын тос, нэг цайны халбага багваахай цэцгийн үндэстэй хольж хутгаад уух хэрэгтэй.

Слав Еврази судлалын Зүүн Азийн олон улсын есдүгээр бага хурал Улаанбаатар хотноо эхэллээ. Хурал “Даяаршил ба өнөөгийн Еврази: түүх, хандлага, өөрчлөлтийн сорилт, Монголын оролцоо” сэдвээр болж байна. Япон, БНСУ, БНХАУ, ОХУ, Казахстан, ХБНГУ, АНУ, Польш зэрэг 20 гаруй орны 80 гаруй төлөөлөгчид хуралд оролцох ажээ. Мөн Монголын талаас 30 гаруй судлаачид илтгэлээ танилцуулах юм. Хуралд нийтдээ 27 салбар хуралдаанаар 80 гаруй илтгэл хэлэлцэнэ. Эдгээр нь Евразийн орнуудын улс төр, эдийн засаг, нийгэм, хэл соёлын хүрээнд хийсэн судалгаануудаас бүрднэ.

Бага хурлыг Төв Зүүн Европ Судлалын Монголын Холбоо болон Олон улсын харилцааны хүрээлэн хамтран зохион байгуулж байна. Хурлын онцлог болон энэ жилийн сэдвийн талаар Төв европ судлалын холбооны ерөнхийлөгч Д.Алтай “Бидний өвөг дээдэс Хүннүгийн үеэс эхлээд Европ руу аян дайн хийж, Ази-Европын олон улсын нэгтгэн тогтоож байсан түүхтэй. XII-XV зууны үеийн Чингис хааны залгамжлагчдын эзэнт гүрнүүд мөн адил байсан. Энэ нь өнөө үеийн Евразийн интеграцын үндсийг тавьсан гэдгийг судлаачид сүүлийн үед ярих болсон. Тиймээс энэ удаагийн бага хурал нь Монгол орныг өнөөгийн Евразийг төлөвшүүлэх, хөгжүүлэхэд яаж нөлөөлсөн,цаашид хэрхэн хамтран ажиллах талаар харилцан саналаа солилцох боломжийг олгож байна” хэмээн ярилаа.

МУИС-ийн Олон улсын харилцаа, Нийгэм судлалын сургуулийн захирал Д.Уламбаяр хурлын талаар “Евразийн бүс нутагт асар том өөрчлөлт явагдаж байна. ОХУ, БНХАУ, Энэтхэг улс тэргүүтэй улс орнуудын геополитикийн орон зайд олон улсын харилцаа төвлөрч эхэлсэн. Тиймээс манай орны хувьд Евразийн эдийн засгийн холбооны чөлөөт худалдааны хамтын ажиллагаа, Зүүн хойд Азийн эдийн засгийн төслүүд, Шанхайн хамтын ажиллагаа гэх мэт олон хүрээнд явагдаж байгаа үйл явцад нэгдэх, улс төр, эдийн засгийн байр сууриа өргөжүүлэх нь маш чухал байна” гэж онцоллоо.

Тэрбээр “Миний хувь Евразийн эдийн засгийн холбоо, Монгол Улсын хамтын ажиллагааны ойрын төлөв байдалд дүн шинжилгээ хийсэн.Монгол Улс тус холбоонд нэгдсэн таван оронтой нягт хамтын ажиллагаатай болохын тулд чөлөөт худалдааны судалдаа, дүн шинжилгээ, эрсдэлийн үнэлгээг хийх шаардлагатай байгаа юм. Үүний дараа нэгдэн ороход эерэг болон сөрөг үр дагаврыг дүгнэх боломжтой болно. Мөн Шанхайн хамтын ажиллагаанд элсэн орох тухай асуудлыг орхиж болохгүй. Эдгээр бүсийн чанартай эдийн засгийн өөрчлөлтүүд дотоодын хөгжил дэвшилд өргөн боломжийг нээнэ хэмээн үзэж байна. Энэ талаар олон судлаачид өнөөдрийн хурлаар санал бодлоо солилцох байх” гэлээ.

2007 оноос хойш уламжлал болон тогтсон энэхүү олон улсын бага хурал нь Азийн орнуудад ээлжлэн зохиогддог.Зөвхөн Слав судлалын хүрээнд хуралддаг байсан бол сүүлийн гурван жилд Слав-Евразийн асуудлаар хэлэлцэх болжээ.Энэ жилийн хувьд Монгол Улсын Ерөнхий сайдын ивээл дор зохиогдож байгаа юм байна.

Э.ЯНЖМАА

Тариалалтад нийт 60 мянган тонн буудайн үр шаардах тооцоо гарснаас 50.8 мянган тонн үрийг дотоодоосоо бүрдүүлсэн. Дутагдах үрийн нөөцийг нэмж бүрдүүлэхээр төсвийн болон Тариалан эрхлэлтийг дэмжих сангийн хөрөнгөөр 5.9 мянган мянган тонн элит, 2.1 мянган тонн сортын үр, аж ахуйн нэгжийн хөрөнгөөр 2.0 мянган тонн үр нийтдээ 10 мянган тонн үрийн буудайг импортоор нийлүүлж, үрийн нөөцийг 100 хувь бүрдүүлэв.

2015-2017 онд тохиолдсон байгалийн гамшигт үзэгдлийн улмаас тариалангийн салбар санхүүгийн хүндрэлд орсныг харгалзан, тариалалтад зориулан олгох импортын элит үрийн худалдах үнийг 660 мянган төгрөг, 1 дүгээр үржүүлгийн үрийг 620 мянган төгрөг, дотоодын ургацаас нөөц бүрдүүлсэн сортын үрийг 570 мянган төгрөгөөр тус тус тогтоосон юм. Үрийг Төв, Хэнтий, Дорнод, Сүхбаатар аймгийн тариаланчдад 10 хувийн, бусад аймагт 30 хувийн урьдчилгаатай зээлээр олголоо. Ийнхүү 600 гаруй аж ахуйн нэгж, иргэнд 29.5 мянган тонн үрийн буудайг хөнгөлөлттэй нөхцөлөөр олгосноор тариалалтын ажил эрчимжсэн.

Түүнчлэн төмсний 8 сортын 35 мянган тонн үрийн нөөц бүрдүүлж, үрийн шинэчлэл хийж, хүнсний ногооны 14 нэр төрлийн 23 тонн үр нийлүүлэн, өрхийн тариаланчдад аймаг, нийслэлийн Хүнс, хөдөө аж ахуйн газраар дамжуулан үнэгүй олгож, дэмжлэг үзүүллээ. Төмс, хүнсний ногоо, жимс, жимсгэний талбайн хөрсний үржил шимийг сайжруулах зорилгоор 123 тонн эрдэс бороо, хүлэмжийн тариалан эрхлэгчдэд зориулан, 70 000 м2 нийлэг хальсан хучлага, 230 ширхэг гар үрлэгчийг ногоочдод хөнгөлөлттэй үнээр олгосон юм.

Тариаланчдад учрах санхүүгийн дарамтыг багасгах, тариалалтыг технологийн хугацаанд чанар сайтай зохион байгуулах зорилгоор ТЭДС-гаар дамжуулан 6.2 тэрбум төгрөгийн үнэ бүхий 3.4 сая литр шатахууныг орон нутгийн шатахуун түгээх станцуудаар дамжуулан бөөний үнийг 1720-1800 төгрөг, жижиглэнг 1949-2080 төгрөгөөр тус тус тооцож, 700 орчим аж ахуйн нэгж, иргэдэд 50 хувийн урьдчилгаатай зээлээр олгож, тариалалтыг хэвийн явуулах боломжийг бүрдүүллээ.