Онцгой байдлын ерөнхий газар, Швейцарийн Хөгжлийн агентлагтай хамтран “Хот доторх эрэн хайх, аврах ажиллагааны чадавхыг сайжруулах нь” төслийг 2017-2018 онд хэрэгжүүлнэ.
Уг төслийн хүрээнд ОБЕГ-ын харьяа Аврах тусгай ангид эрэн хайх, аврах ажиллагааны сургалт, бэлтгэлийн байгууламж байгуулж, тоног төхөөрөмжөөр хангахаас гадна сургагч багш нарыг бэлтгэх юм.
Төслийн үйл ажиллагааны үндсэн чиглэл, төлөвлөгөөтэй танилцах зорилгоор Швейцарийн Холбооны Улсын аврах ажиллагааны шинжээчдийн баг Онцгой байдлын ерөнхий газарт ажиллаж байна.
Төслийн багт барилга, байгууламж, сургалт бэлтгэл, техник тоног төхөөрөмж хариуцсан гурван дэд ажлын хэсгийн бүрэлдэхүүн багтсан бөгөөд 2018 оны 03 дугаар сарын 05-10-ны хооронд ажиллах юм гэж Онцгой байдлын ерөнхий газраас мэдээллээ.
Өнгөрсөн долоо хоногт “ГССҮТ-д мотоциклиос унаж гэмтсэн хүн ирлээ” гэсэн дуудлагын дагуу шалгахад Дундговь аймгийн Эрдэнэдалай сумын иргэн, 28 настай, эрэгтэй О алдуул малаа хайж яваад мотоциклийн дугуй нь хагарснаас осолдож гэмтсэн байжээ. Тэрбээр яаралтай хагалгаанд орж, эмчлүүлж байгаа аж. Хэргийг Баянгол дүүрэг дэх цагдаагийн II хэлтэст шалгаж байна. Мотоциклийн ослын улмаас жолооч, зорчигч нь нас барах, тархи, нуруу нугасандаа хүнд гэмтэл авдгийг судалгаагаар тогтоосон. Мөн БНХАУ-д үйлдвэрлэсэн мотоциклиуд нь манай орны нөхцөл байдалд тохирохгүй, засмал замд унаж хэрэглэх зориулалт бүхий хайлшин обудтай нь зам тээврийн осол гарах нөхцлийг бий болгодог. Иймд хамгаалалтын малгай хэрэглэж занших, замын нөхцөл байдалд хурдаа тохируулан хөдөлгөөнд оролцохыг цагдаагийн байгууллагаас сэрэмжлүүлж байна.
Засгийн газрын ээлжит хуралдаан маргааш өглөө 08.00 цагт болохоор товлогджээ. Хуралдаанаар сайд нар дараах асуудлуудыг хэлэлцэж, шийдвэрлэх юм байна. Үүнд:
Турк улсын Истанбул хотод суугаа Ерөнхий консул Э.Мөнх-Очирын санаачилгаар Булган аймгийн Булган суманд шүлхий өвчний ариутгал хийх ДИС камер буюу ариутгалын пункт байгууллаа.
Монголын пауэрлифтингийн хэвтээ шахалтын улсын аварга шалгаруулах тэмцээн өнгөрсөн амралтын өдрүүдэд Дорноговь аймгийн Замын-Үүд суманд болж өнгөрлөө. Гурав дахь удаагийн тэмцээний 105 кг-ын жинд гавьяат тамирчин Э.Содномпилжээ 236 кг-ыг шахсан нь Монголд өмнө нь гараагүй амжилт болжээ.
Төрийн албаны зөвлөлөөс Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн даргын албан тушаалд томилогдох ажилтны сонгон шалгаруулалтыг ирэх долоо хоногт зохион байгуулахаар зарлажээ. Энэхүү ажлын байранд агрономич, малын эмч, инженер мэргэжилтэй, төрийн албанд 10 болон түүнээс дээш жил, үүнээс удирдах ажил, албан тушаалд таваас доошгүй жил ажилласан туршлагатай иргэд өрсөлдөх боломжтой юм байна. Сонгон шалгаруулалттай холбоотой дэлгэрэнгүй мэдээллийг Төрийн албаны зөвлөлийн Ажлын албаны 265544, 264493 утсаар авах боломжтой аж.
Канадын Торонто хотноо Олон улсын уул уурхайн салбарын хайгуул, олборлогчдын чуулга уулзалт энэ сарын 4-7-нд болж байна.
Эрхэм хүндэт сэтгүүлч нөхөд, хэвлэл мэдээллийн ажилтнууд, идэвхтэн бичигчид болон нийт ард иргэд, Монгол Улсад суугаа гадаадын дипломат ажилтнууд, зочид төлөөлөгчид та бүхэндээ Монгол Улсад үндэсний сэтгүүлзүйн салбар үүсч хөгжсөний түүхт 105 жилийн ойн баярын мэнд дэвшүүлье.