Month: March 2018

Гэмт хэргээс урьдчилан сэргийлэх ажлыг зохицуулах Зөвлөл, Цагдаагийн Ерөнхий Газар хамтран “Архидалт-Гэмт явдалтай тэмцэхэд төрийн болон төрийн бус байгууллагуудын хамтын ажиллагаа” сэдэвт хэлэлцүүлгийг Хууль зүйн үндэсний хүрээлэнд зохион байгуулж байна.

Улсын хэмжээнд 2017 онд 32,259 гэмт хэрэг бүртгэгдсэнээс 4,012 буюу 12.4 хувийг согтуугаар үйлдэгдсэн гэмт хэрэг эзэлжээ.

ЦЕГ-ын Урьдчилан сэргийлэх хэлтсийн ахлах мэргэжилтэн Б.Бүрэнбаатар “Наад захын жишээ дурьдахад манай хойд хөрш ОХУ-д оройн 22:00 цагаас үдийн 12:00 цаг хүртэл согтууруулах ундаа огт худалдаалдаггүй. Гэтэл манайд жилд 300 гаруй хүн архинд хордоод нас барж байна.

Хүний эрүүл мэнд халдашгүй байдлын эсрэг гэмт хэргийн 45-50 хувь нь согтуугаар үйлдэгдсэн. Тэгэхээр архидалтын эсрэг зайлшгүй шалтгаанаар өнөөдрийн хэлэлцүүлгийг зохион байгуулж, холбогдох байгууллагууд оролцож байна” гэлээ.

Согтууруулах ундаа хэтрүүлэн хэрэглэсэн үедээ зөрчил гаргасны улмаас 86,497 хүн саатуулагдсан. Нийт саатуулагдсан хүний 6.3 хувь нь эмэгтэй, 271 буюу 0.31 хувь нь насанд хүрээгүй хүн байна.

Цагдаагийн байгууллагаас аймгийн Эрүүл мэндийн газар, Бүсийн оношилгоо, эмчилгээний төвтэй хамтран архи хэтрүүлэн хэрэглэгч 911 иргэдийг үзлэг, шинжилгээ, оношилгоонд хамруулан архинд донтох өвчтэй иргэдийг сайн дурын эмчилгээнд хамруулах ажлыг тогтмол зохион байгуулж байгаа бөгөөд 431 иргэнийг архины албадан эмчилгээнд хамруулжээ.

Шүүхийн шинжилгээний үндэсний хүрээлэнгийн судалгаагаар 2017 онд архины хордлогын улмаас 356 хүн нас барсныг өмнөх онтой харьцуулахад 15.5 хувиар өссөн байна. /2016 онд 308 хүн архины хордлогоор нас барсан.

Хэлэлцүүлгийн үеэр нийгэмшлийн орчны нөлөөллийг бууруулах, уламжлалт баяр ёслол, тэмдэглэлт өдрийг согтууруулах ундаагүй өнгөрүүлэх, иргэдийн хууль, эрх зүйн мэдлэгийг дээшлүүлэх чиглэлээр нөлөөллийн ажил байнга явуулах, ялангуяа, өсвөр үе, залуучуудыг согтууруулах ундааны хэрэглээнээс хол байлгах шаардлагатайг оролцогчид онцолж байлааГэмт хэргээс урьдчилан сэргийлэх ажлыг зохицуулах Зөвлөл, Цагдаагийн Ерөнхий Газар хамтран “Архидалт-Гэмт явдалтай тэмцэхэд төрийн болон төрийн бус байгууллагуудын хамтын ажиллагаа” сэдэвт хэлэлцүүлгийг Хууль зүйн үндэсний хүрээлэнд зохион байгуулж байна.

Улсын хэмжээнд 2017 онд 32,259 гэмт хэрэг бүртгэгдсэнээс 4,012 буюу 12.4 хувийг согтуугаар үйлдэгдсэн гэмт хэрэг эзэлжээ.

ЦЕГ-ын Урьдчилан сэргийлэх хэлтсийн ахлах мэргэжилтэн Б.Бүрэнбаатар “Наад захын жишээ дурьдахад манай хойд хөрш ОХУ-д оройн 22:00 цагаас үдийн 12:00 цаг хүртэл согтууруулах ундаа огт худалдаалдаггүй. Гэтэл манайд жилд 300 гаруй хүн архинд хордоод нас барж байна.

Хүний эрүүл мэнд халдашгүй байдлын эсрэг гэмт хэргийн 45-50 хувь нь согтуугаар үйлдэгдсэн. Тэгэхээр архидалтын эсрэг зайлшгүй шалтгаанаар өнөөдрийн хэлэлцүүлгийг зохион байгуулж, холбогдох байгууллагууд оролцож байна” гэлээ.

Согтууруулах ундаа хэтрүүлэн хэрэглэсэн үедээ зөрчил гаргасны улмаас 86,497 хүн саатуулагдсан. Нийт саатуулагдсан хүний 6.3 хувь нь эмэгтэй, 271 буюу 0.31 хувь нь насанд хүрээгүй хүн байна.

Цагдаагийн байгууллагаас аймгийн Эрүүл мэндийн газар, Бүсийн оношилгоо, эмчилгээний төвтэй хамтран архи хэтрүүлэн хэрэглэгч 911 иргэдийг үзлэг, шинжилгээ, оношилгоонд хамруулан архинд донтох өвчтэй иргэдийг сайн дурын эмчилгээнд хамруулах ажлыг тогтмол зохион байгуулж байгаа бөгөөд 431 иргэнийг архины албадан эмчилгээнд хамруулжээ.

Шүүхийн шинжилгээний үндэсний хүрээлэнгийн судалгаагаар 2017 онд архины хордлогын улмаас 356 хүн нас барсныг өмнөх онтой харьцуулахад 15.5 хувиар өссөн байна. /2016 онд 308 хүн архины хордлогоор нас барсан.

Хэлэлцүүлгийн үеэр нийгэмшлийн орчны нөлөөллийг бууруулах, уламжлалт баяр ёслол, тэмдэглэлт өдрийг согтууруулах ундаагүй өнгөрүүлэх, иргэдийн хууль, эрх зүйн мэдлэгийг дээшлүүлэх чиглэлээр нөлөөллийн ажил байнга явуулах, ялангуяа, өсвөр үе, залуучуудыг согтууруулах ундааны хэрэглээнээс хол байлгах шаардлагатайг оролцогчид онцолж байлаа

Асашёорюү Д.Дагвадорж Залуучуудын өвлийн олимпийн аварга, тэшүүрийн тамирчин Б.Сумъяаг Япон улсын Биеийн тамирын дээд сургуульд суралцуулахаар ярьж байгаагаа өчигдөр өөрийн фэйсбүүк хуудсаараа дамжуулан мэдэгдсэн.

Тэрбээр “Өчигдөр Б.Сумъяагийн ээж надтай утсаар холбогдож, охиноо гадаадад суралцахад туслах боломжтой эсэхийг асуусан. Ээжийнх нь хүсэлтийн дагуу Японы биеийн тамирын дээд сургуулийн захирал миний дэмжигч хүнтэй холбогдлоо. Тэрбээр манай сургуульд сайн тамирчин сургавал нээлттэй шүү гэдэг саналыг өмнө нь надад тавьж байсан. Түүнтэй холбогдож Б.Сумъяагаа бараг тус сургуульд суралцуулахаар болчихлоо” гэв.

Харин хариуд нь Б.Сумъяа “Танд чин сэтгэлээсээ маш их баярлалаа. Таны итгэлийг алдахгүй цаг мөч бүхэнд хичээх болно” хэмээжээ. Ийнхүү Асашёорюү Д.Дагвадоржийн тусламжтайгаар Монгол Улсын анхны өвлийн олимпийн аварга Б.Сумъяа Япон улсад суралцах боломж бүрдэж байгаа юм.

Норвегийн Лиллехаммер хотноо 2016 онд залуучуудын өвлийн II олимп зохион байгуулагдсан. Тус наадмын гүйлтийн тэшүүрийн төрөлд Б.Сумъяа Үндэсний олимпийн хороодын нэгдмэл багийн уралдаанд оролцон залуучуудын олимпийн алтан медаль хүртсэн билээ. Ингэснээр Монгол Улс өвлийн олимпийн төрлөөр анх удаагаа Олимпийн аваргатай болсон түүхтэй билээ.

НӨАТ-ын урамшууллын 2018 оны 3 дугаар сарын сугалааны тохирол 25-ны ням гаригт Боловсрол телевизээр орон даяар шууд явагдана. Иргэн та 2018 оны 2-р сарын 1-нээс 2-р сарын 28-ны өдөр хүртэлх хугацаанд худалдан авалт хийсэн баримтаа 2018 оны 3 дугаар сарын 24-ний өдрийн 23 цаг 59 минутаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдан азтан болох боломжтой аж.

Д.Сүхбаатарын хөшөөнд цэцэг өргөлөө Эх орончдын өдөр, МАН-ын үүсэн байгуулагдсаны 97 жилийн ой тохиож байна. Ойн баярыг тохиолдуулан МАН-ын дарга У.Хүрэлсүх, Ерөнхий нарийн бичгийн дарга Д.Амарбаясгалан болон УИХ-ын гишүүд, тус намын удирдлагууд жанжин Д.Сүхбаатарын хөшөөнд цэцэг өргөж, их эзэн Чингис хааны хөшөөнд хүндэтгэл үзүүллээ. Өнөөдөр Эх орончдын өдөр, МАН үүсэн байгуулагсаны 97 жилийн ойд зориулсан хүчит бөхийн барилдаантай юм.

БНСУ-ын Пёнчан хотод өвлийн XII паралимпийн наадам энэ сарын 9-18-нд болно. Тус наадамд оролцох Монголын баг тамирчдад Монгол Улсын төрийн далбаа, хувцас гардуулах ёслол өнөөдөр Улаанбаатар зочид буудлын “Хар хорин” танхимд болов. Ёслолд БСШУ-ны сайд асан Ё.Отгонбаяр, Биеийн тамир, спортын бодлогын газрын дарга С.Чинбат, Биеийн тамир, спортын газрын дарга Ц.Шаравжамц, Монголын паралимпийн хорооны ерөнхийлөгч Д.Сүрэнхорлоо тэргүүтэй албаны хүмүүс оролцлоо. “Пёнчан-2018” паралимпийн наадамд эх орноо төлөөлөн Б.Ганболд эх орноо төлөөлөн нэг, 10, 20 км гэсэн гурван зайд уралдах бөгөөд түүнтэй Монголын пара цанын холбооны ерөнхийлөгч Д.Рэнчинханд, дасгалжуулагчаар Ж.Дашдондог, цанын тос тосолгооны техникийн дасгалжуулагчаар Н.Сандагдорж, эмчээр Ш.Болормаа нар явах бөгөөд тэдний замын зардлыг ЗГХА, Биеийн тамир, спортын газраас гаргаж байгаа юм байна. Тус наадам спортын зургаан төрөлд 80 багц медалийн төлөө 670 тамирчин өрсөлдөнө. “Пёнчан-2018” паралимпийн наадам оролцох Монголын баг тамирчдын нээлт, хаалтын ёслолд өмсөх хүндэтгэлийн гадуур хувцасыг “Говь” компани ивээн тэтгэж, малгай ороолтыг “Эвсэг” компани урлан бүтээжээ.

Онцгой байдлын албаны түүхэн музейд өнөөдөр Архангай аймгийн Онцгой байдлын газрын түүхэн замнал, танилцуулга, бүтээл, урлал, хийж бүтээсэн бүтээлч ажлуудыг танилцуулах үзмэрүүд дэлгэгдлээ.

Түүнчлэн тус аймгийн онцлог, байгалийн үзэсгэлэн, есөн гайхамшгийн үүх түүхийг та эндээс үзэж болох юм.

Мөн Архангай аймгийн Онцгой байдлын албаны үе үеийн шилдэг, бүтээлч алба хаагчдийн өөрсдийн гараар урласан бүтээлийн дээжис, цуглуулга, гаргасан амжилт бүтээлийн товчоонтой танилцах боломжтой.

Тус үзэсгэлэн энэ сарын 18-ныг хүртэл үргэлжилнэ.

Энэхүү үзэсгэлэнг ОБЕГ-ын Ахмадын холбоо санаачлан зохион байгуулж байгаа бөгөөд цашид 21 аймгийн Онцгой байдлын газруудын түүхэн замналын үзэсгэлэн хуваарийн дагуу Онцгой байдлын албаны музейд дэлгэгдэх юм гэж Онцгой байдлын ерөнхий газраас мэдээллээ.

Хүй долоон худагт Нийслэлийн Онцгой байдлын газрын Марш, тусгай бэлтгэлийн аварга шалгаруулах тэмцээн зохион байгуулагдаж байна. Алба хаагчдын бие бялдар, сэтгэл зүйн бэлтгэлийг хангуулах, мэргэжлийн ур чадвар, цэргийн хэргийн мэдлэгийг дээшлүүлэх зорилготой тус тэмцээнд нийт 15 багийн 180 тамирчин эр зориг, хурд хүч, авхаалж самбаагаа сорин өрсөлдөх юм.

Нээлтийн ажиллагаанд ОБЕГ-ын тэргүүн дэд дарга, бригадын генерал Г.Ариунбуян, НОБГ-ын дарга, хурандаа Ж.Чүлтэмсүрэн болон удирдлагууд, нийслэлийн Засаг даргын орлогч Ж.Батбаясгалан нар оролцов.

Тамирчид жагсаалын ажиллагаа, дүрмийн мэдлэг, гранат шидэлтийн талбай дахь ажиллагаа, эмнэлгийн анхан шатны тусламж үзүүлэх, GPS /луужин/ ашиглан биетийг хайж олох, бие бялдрын шалгуураар норматив гүйцэтгэх ажиллагаа, гал унтраах тархалт, химийн хорт бодисоос хамгаалах нормативын ажиллагаа гэсэн цэгүүдэд даалгавар гүйцэтгэн, 10 км замыг туулж, аваргуудаа шалгаруулах ажээ.