Month: March 2018

Олон улсын тоймч Б.Дашзэвэгт Чингэлтэй дүүргийн Эрүүгийн хэргийн анхан шатны шүүх хурлаар насанд хүрээгүй хүн хүчиндэхээр завдсан хэргээр есөн жилийн хорих ял оноосон.

Түүнд Эрүүгийн хуулийн ерөнхий ангийн 2.8 дугаар зүйлийн 1 дэх хэсэгт заасныг журамлан Эрүүгийн хуулийн тусгай ангийн 12.1 дүгээр зүйлийн 4 дэх хэсэгт зааснаар 9 жилийн хорих ял оноож, жирийн дэглэмтэй хорих ангид эдлүүлэхээр шүүхээс тогтоосон Тэрээр төрсөн дүүгээрээ дамжуулан яруу найрагч Р.Эмүжинд шүлэг бичсэн захидлаа хүргүүлжээ. Р.Эмүжингийн хувьд түүнийг алдаж онох үед нүүр, номоороо дамжуулан сэтгэгчийн өвчтэй, үүнээс болоод ийм хэрэг хийсэн байж магадгүй хэмээн бичиж байсан юм. Захидалдаа тэрбээр,

Хүүхдүүддээ…

Өнгөрсөн хойно минь

Өөнтөглөж муучлах хүн

Өдрийн од мэт цөөн шүү, хүү минь

Аав чинь арчаагүй хүн байсан гэж

Адлаж хэлэх хүн олдохгүй ээ, охин үр минь

Магтаалын минь үргэлжлэл

Магад та нар шүү

Сэтгэл зүрхний минь үргэлжлэл

Сэмэрч үлдсэн үрс минь шүү.

Төрсөн нутагтаа үлдээх шүлэг…

Хашхирахад хад чулуу нь

Дуу хоолойг минь шингээж үлдсэн

Өндөр өндөр уулсын орой

Өөрийг минь өлгийдсөн нутаг…

Булууны минь яс

Бурхан буудайд ивээс болно

Тоймчийн овооны чулуунд

Тойгны минь яс өнгө нэмнэ…

Ээж хайрхан энэхэн хүүгээ санаад

Нэгэнтээ өндөлзөнө

Төгрөг нуур нулимс болж

Нэгэнтээ мэлтэрнэ

Тосонгийн тал цээжээ агшаан

Нэгэнтээ санаа алдана…. Б.Дашзэвэг гэжээ.

Өнөөдөр Увс, Баян-Өлгий, Ховдын нутгаар салхи секундэд 28-30 метр, Говь-Алтайн хойд, Хөвсгөлийн өмнөд хэсгээр секундэд 18-20 метр, зарим үед секундэд 24 метр хүрч ширүүсэж байна. Шуурганы улмаас тус аймагт онц байдал зарлаж, онгоцны бүх нислэг цуцлагдсан гэх мэдээлэл ирлээ.

Энэ сарын 26-нд мөн тус аймагт хүчтэй шороон шуурга шуурсны улмаас Өлгийн нисэх буудалд буух ёстой байсан “Хүннү эйр” компанийн онгоц Улаанбаатар хот руу буцсан аж.

Нийслэлийн хэмжээнд энэ сарын 26-ны байдлаар, амбулаторийн 74.079 үзлэг хийгдсэнээс томуу, томуу төст өвчтэй 2921 тохиолдол оношлогджээ. Энэ нь нийт үзлэгийн 3.9 хувийг эзэлж байгаа бөгөөд өнгөрсөн 7 хоногийн дундаж түвшнээс 0.1 хувь, өнгөрсөн оны мөн үеэс 0.4 хувиар тус, тус их байна.

Нийт өвчлөгсдийн 35.9 хувийг 0-1 нас, 30.7 хувийг 2-4 нас, 19.0 хувийг 5-9 насны хүүхдүүд эзэлж байгаа юм. Хүүхдийн түргэн тусламжийн 1155 дуудлага ирснээс 30.0 хувь нь томуу, томуу төст өвчний тусламж, үйлчилгээг авчээ.

Нийслэлийн эмнэлгүүдийн хувьд энэ сарын 27-ны байдлаар, 2134 орон дээр 2372 хүн хэвтэн эмчлүүлж байгаа бөгөөд нийт орны ачаалал 11.2 хувь, хүүхдийн орны ачаалал 34.6 хувиар тус, тус нэмэгдсэн байна. Шинээр хэвтсэн өвчтөний 223 буюу 40.0 хувийг нь томуу, томуу төст өвчтэй өвчтөнүүд эзэлж байгаа аж.

Томуу, томуу төст өвчин буюу амьсгалын замын цочмог халдварын үед эцэг эхчүүд бага насны хүүхдэдээ тавих анхаарал халамжаа сайжруулж, илчлэг сайтай хоол ундаар дархлааг нь дэмжих, дулаан хувцаслах, олон нийтийн газраар дагуулж явахгүй байх, амны хаалт тогтмол зүүлгэх хэвших, өвчилсөн тохиолдолд дур мэдэн эмчлэхгүй байх, ариун цэврийн дэглэм сайтар сахиж, шаардлагатай тохиолдолд эмнэлгийн байгууллагад хандахыг зөвлөж байна.

Монголчуудын дунд бэтэг өвчний эрсдэл өндөр байна. Бэтэг өвчин нь зоонозын халдварт өвчинд хамаардаг. Зооноз нь мал, амьтнаас хүнд халдварладаг өвчин. Шүлхийн халдварт дарлагдаад байгаа Монгол Улс бэтэг өвчинд ч анхаарах цаг болоод байна.

2017 онд Монголчууд албан ёсоор бэтэг өвчний тархалтын судалгаа хийжээ. Мөн онд 17 тохиолдол ирүүлж оношилсон гэнэ. Монголчууд 64.5 сая толгой малтай, хүн амын 40 хувь нь малчид. Энэ утгаараа малтай тогтмол харьцдаг иргэд олонтой оронд зоонозын өвчин, тэр дундаа бэтэг халдварлах эрсдэл өндөр.

Бэтгийн шүлхийгээс ялгарах зүйл нь дэлхийн хэмжээнд анзаарагддаггүй өвчний тоонд ордог ч Монголчуудын дунд эрсдэл өндөр байгаа юм. Учир нь, бэтгийн халдвар авсан эсэхийг шинжилгээ өгч байж л мэдэх боломжтой, халдвар авсан тохиолдолд шинж тэмдэг төдийлөн илэрдэггүй ч даамжирсаар үхэлд хүргэх аюултай гэнэ. Тиймээс шүлхийн дараа бэтэг өвчинд анхаарах цаг болжээ.

Тодруулбал, хоол боловсруулах замаар хүний биед орж, гэдэсний ханаар дамжин элэг, уушги зэрэг дотор эрхтэнд наалдаж, аажмаар өссөөр гадуураа олон давхар ууттай, дотроо олон мянган туузан хорхойн толгой агуулсан уйланхай болдог гэнэ. Энэ 5-10 жилийн дараа хүүхдийн толгойн чинээ хэмжээтэй гадуураа хатуу хальсан бүрхүүлтэй бэтэг болдог аж.

Түүнчлэн малын дунд бэтэг өвчин их байгаа нь судалгаагаар батлагджээ. Таван хошуу мал дундаа ямаанд бэтгийн тархалт их байгаа гэнэ. Ямааны дунд бэтэг өвчин 9.2 хувийн тархалттай байгаа аж. Мөн мал нядалгааны газарт судалгаа хийхэд нийт нядалж байгаа малын дунд бэтгийн тархалт 3.5 хувь байжээ. Энэ хэмжээгээр хүнд халдварлах эрсдэл өндөрт тооцогдож байна.

БЭТЭГ ӨВЧНИЙ ХАЛДВАР АВСАН ХҮНИЙ 33 ХУВЬ НЬ 1-14 НАСНЫ ХҮҮХЭД БАЙЖЭЭ

Монголчууд мал нядлахдаа гэдэс дотор нь байгаа уйланхайг шууд л нохойд хаяж өгдөг. Ингэснээр нохой бэтгийн халдвар авч, тэр халдвар хүнд дамжих эрсдэлтэй. Тиймээс мал, амьтантай болгоомжтой харьцсанаар энэ халдвараас урьдчилан сэргийлэх юм байна. Мөн бэтгийн халдвар авсан хүний 33 хувь нь 1-14 насны хүүхэд байжээ. Энэ нь бэтгийн халдвараас урьдчилан сэргийлэх аргыг хүүхдэд зааж, энэ тал дээр анхаарах цаг болсны илрэл. Үүний хүүхдийн гарыг тогтмол угааж хэвшүүлэх хэрэгтэй байна. Мөн хоол, унданд цэвэр ус хэрэглэх шаардлагатай аж. Мөн малаа эрүүлжүүлэх шаардлагатай байгаа юм.

Бэтгийн тархалт, эрсдэлийг багасгах ямар арга хэмжээ авч байгаа талаар ЗӨСҮТ-ийн захиргааны албаны дарга Б.Амгаланбаяраас тодруулахад “Энэ үйл ажиллагаанд салбар бүрийн үүрэг оролцоо маш чухал байдаг. Тиймээс мал эмнэлэгтэй хамтран ажилладаг. Зөвхөн ЭХО-гоор бэтэг өвчнийг илрүүлдэг. Оношилгоогоор уг өвчнийг илрүүлэхийн тулд өнөөдөр аймаг, дүүргийн эмч нарыг оролцуулсан хурал зохион байгуулж байна. Мөн тандалт судалгааг сайжруулж, шинэ төвшинд авчрахын тулд энэ чиглэлд амжилттай яваа БНХАУ-ын мэргэжилтнүүдийн туршлагаас хуваалцаж байна” гэлээ.

БЭТЭГ ӨВЧНИЙ ШИНЖ ТЭМДЭГ

Бэтэг хүндрээгүй байхад хөлрөмтгий, ядрамтгай, хар дарж зүүдлэх, хэвлий томрох, товгор зүйл өөрт мэдрэгдэх шинж тэмдэг илэрдэг юм байна. Харин хүндэрсэн үед өвдөлт зовуурь нэмэгддэг гэнэ. Хөлрөлт ихэсч, хэл хуурай, өнгөртэй болж, элэгний ирмэг эсвэл бэтэг эмзэглэлтэй тэмтрэгддэг аж. Улмаар бэтэг нь цоорч, яаралтай эмнэлгийн тусламж авахад хүргэдэг юм байна.

“Хилийн боомт тэдгээрийн дэглэмийн тухай” Монгол Улс, БНХАУ-ын Засгийн газрын 2004 оны хэлэлцээрийн 4.3-т заасны дагуу Монгол, Хятадын хилийн авто замын боомтууд 2018 оны 4 дүгээр сарын 5-ны өдөр буюу БНХАУ-ын “Ханш нээх” баярын өдөр тохиож байгаа тул ажиллахгүй.

Нийслэлийн Засаг даргын 2018 оны “Гамшгаас хамгаалах арга хэмжээ зохион байгуулах тухай” А/41 тоот, Баянзүрх дүүргийн Засаг даргын 2018 оны 03 дугаар сарын 22-ны өдрийн “Гамшгаас хамгаалах иж бүрэн сургууль зохион байгуулах тухай” А/83 тоот, 2018 оны 03 дугаар сарын 15-ны өдрийн “Хээрийн нүүлгэн шилжүүлэх хотхон байгуулах тухай” А/89 тоот захирамжуудыг үндэслэн Баянзүрх дүүргийн 11 дүгээр хороог нүүлгэн шилжүүлэх дадлага, сургалтыг зохион байгууллаа.

Хүүхдийн хүчирхийллийн эсрэг “Дахин тэвчихгүй” жагсаалыг өнөөдөр 11-15 цагт орон даяар зохион байгуулж байна. Уг жагсаал нь Сүхбаатарын талбайд болж байгаа юм.

Хүүхэд хүчирхийлсэн этгээдэд оноох ял шийтгэлийг чангатгах, торгууль биш ял оноож энэ төрлийн гэмт хэргийг Өршөөлийн хуульд хамруулахгүй байхыг уг жагсаалаар уриалах юм. Тайван жагсаалд урьдчилсан байдлаар 415 000 хүн дэмжиж оролцохоо олон нийтийн сүлжээгээр илэрхийлээд байгаа.

Улсын ерөнхий прокурорын газрын мэдээлэлд дурдсанаар 2015-2016 онд улсын хэмжээнд 298 хүүхэд бэлгийн хүчирхийлэлд өртжээ. Энэ нь зөвхөн хууль хяналтын байгууллагад бүртгэгдэж шалгагдсан бэлгийн хүчирхийллийн гэмт хэргийн тоо бөгөөд үүнээс гадна хичнээн хүүхэд бие сэтгэлээрээ хохирч байгааг тоолж, тодорхойлсон судалгаа өнөөдөр байхгүй байна. Харамсалтай нь эдгээр хүүхдийн 48 хувь нь гэр бүл, ураг төрлийнхөө хүний хүчирхийлэлд өртөн бүх насаараа бие махбод, сэтгэл санааны гүн шархтай үлдэж байгаа юм.