УИХ, Засгийн газрын гишүүн, Батлан хамгаалахын сайд Н.Энхболд Батлан хамгаалах яамны дэргэдэх “Аж үйлдвэрийн нэгдэл” ТӨУҮГ-ын харьяа “Соёмбот” эрдэсжүүлсэн цэвэр усны үйлдвэрийн нээлтэд оролцлоо. Энэхүү үйлдвэр нь Зэвсэгт хүчний бие бүрэлдэхүүний цэвэр усны хэрэгцээг хангах зориулалттай төдийгүй зах зээлд ч бүтээгдэхүүнээ нийлүүлэх боломжтой аж. Хүчин чадлын хувьд нэг цагт 0,5 буюу 1,5 литрийн савлагаатай 2300 ширхэг ус үйлдвэрлэх хүчин чадалтай юм байна.“Цэвэр усны гачигдал өндөртэй орны тоонд багтдаг манай улсын хувьд усыг хэмнэлттэй, зөв, эрүүл мэндэд тохиромжтойгоор ашиглах талаар үйл ажиллагаа заавал явуулж байх ёстой. Энэ чиглэлээр манай яам хувь нэмэр оруулж нэг ч гэсэн үйлдвэр байгуулж, зөвхөн Зэвсэгт хүчний төдийгүй олон нийтийн хэрэгцээнд нийлүүлж болохоор эрдэсжүүлсэн цэвэр ус үйлдвэрлэж байгаа нь том ажил боллоо” гэдгийг сайд Н.Энхболд хэллээ. Мөн Зэвсэгт хүчний хөгжлийн сангийн хөрөнгө оруулалтаар цаашид энэ мэт үр дүнтэй ажлыг шат дараатайгаар хийнэ гэлээ.
Монголын Залуучуудын Холбоо, Залуу Удирдагч сан хамтран 25 дахь жилдээ NEXT STOP ёслол хүндэтгэлийн наадмыг амжилттай зохион байгууллаа. Энэ жилийн NEXT STOP ёслол хүндэтгэлийн наадам “Шилжилтийн 25 жилийн Нийгэм, улс төрийн топ залуу”, “Шилжилтийн 25 жилийн эдийн засаг, бизнесийн топ залуу”, 2017 оны “Бүтээгч улс төрч залуу”, “Бүтээгч бизнесмэн залуу”-г тодруулж байгаагаараа онцлогтой юм.
БХЯ-наас “Дорнодод 10-аад хоногийн өмнө цэрэг буу цэвэрлэж байгаад сум алдаж, өөрийгөө буудсан хэрэг гарсан нь үнэн. Гэхдээ согтууруулах ундааны зүйл огт хэрэглээгүй байсан. Харин Говь-Алтай аймагт нэгэн иргэн согтуурсан үедээ өөрийгөө хоёр удаа буудаж, цэргийн төв госпитальд ирж хэвтэн эмчлүүлж байна. Энэ хоёрыг нэг хүн гэж ойлгож, ташаа мэдээлснийг” залрууллаа. Өнгөрсөн оны 12 дугаар сарын 25-нд Зэвсэгт хүчний агаарын цэргийн командлалын харьяа Дорнод дахь 065-р ангийн ахлагч сум алдаж өөрийгөө шархдуулсан юм байна. Тухайн цэргийг Дорнодоос авчирч, цээжний хөндийг нь нээж, сумыг авах мэс засал хийсэн. Цэргийн биеийн байдал сайжирсан ч эмнэлгээс гараагүй байна.
УИХ-ын дарга М.Энхболдын захирамжаар байгуулагдсан “Улсын Их Хурал болон Байнгын хороо, Дэд хорооноос агаарын бохирдлыг бууруулах чиглэлээр өгсөн тогтоол, шийдвэрүүдийн хэрэгжилтийг дүгнэх шаардлагатай тохиолдолд хууль, УИХ-ын бусад шийдвэрийн төсөл боловсруулж, санал, дүгнэлт гарган Засгийн газарт чиглэл өгөх үүрэг бүхий” Ажлын хэсгийн нээлттэй хуралдаан өнөөдөр (2018.01.03) Төрийн ордонд боллоо.
Тэрбээр мэдээлэлдээ, Ерөнхий сайдын захирамжаар байгуулагдсан Ажлын хэсэг цахилгаан эрчим хүч, дулаан хангамжийн шийдэл, тээврийн хэрэгслээс гарч байгаа утааг багасгах гэсэн чиглэлээр гурван Дэд ажлын хэсгийг байгуулж ажилласан. Нийслэлийн агаарын бохирдлын 80 хувийг гэр хороолол, 12-13 хувийг тээврийн хэрэгсэл, 7-8 хувийг уурын зуухын яндангийн утаа эзэлж байна. Агаарын бохирдлыг бууруулах суурь асуудал нь гэр хорооллын утааг багасгах явдал юм. Иймд 200 мянга гаруй өрхийн гэрийн дулааны алдагдлыг багасгахад зориулалтын дулаалгыг хямд өртгөөр нийлүүлэх, 20-24 хэмд дулаанаа удаанаар барьж, нөөцөлдөг дулааны аккумуляторын үйлдвэрийг барих зэрэг асуудлыг зоримгоор шийдэх шаардлагатай байна. Түүнчлэн цахилгаан түгээх сүлжээнүүдийг шинээр барих, цахилгаан сүлжээг өргөтгөх шаардлагатай. Нийслэлийн хэмжээнд цахилгаан түгээх сүлжээг шинээр барихад 55.8 тэрбум төгрөг, цахилгаан түгээх сүлжээнд өргөтгөл хийхэд 24 тэрбум төгрөг нийт 80,4 тэрбум шаардлагатай гэсэн тооцоо гарсан. Мөн нийтийн тээврийн автобусыг дизел түлшээр бус хийгээр ажиллуулдаг болгож солих, авто тээврийн хэрэгслийн ялгаруулж байгаа утаагаар татварыг нь ялгаатай тогтоох зэрэг арга хэмжээнүүдийг авах шаардлагатай байна. Эцэст нь дүгнэж хэлэхэд, агаарын бохирдлыг бууруулахад, нэгдсэн төлөвлөгөөтэй, хариуцсан эзэнтэй, шат дараатай зоримог алхам хийж чадвал утааг багасгах боломж байна гэж байлаа.
Мэдээлэлтэй холбогдуулж Ажлын хэсийн гишүүн, Б.Бат-Эрдэнэ, Д.Тэрбишдагва, С.Бямбацогт, Д.Эрдэнэбат, Ж.Ганбаатар, Д.Хаянхярваа нар асуулт асууж, санал хэлж, байр сууриа илэрхийлсэн. Мөн хуралдаанаас Ажлын хэсгээс гаргасан удирдамжийн дагуу Улсын Их Хурлын гишүүд хууль, тогтоомжийн хэрэгжилтийн биелэлттэй танилцах хүрээнд Улаанбаатар хотын дүүргүүдэд агаарын бохирдлыг бууруулах чиглэлээр хийж байгаа аж ахуйн нэгж, төр болон төрийн бус байгууллагуудын үйл ажиллагаа болон, гэр хорооллын иргэдийн нөхцөл байдалтай биечлэн танилцаж, санал сонсохоор тогтлоо. Удирдамжид 2018 оны 01 дүгээр сарын 04-12 ны өдрүүдэд Ажлын хэсгийн гишүүн С.Бямбацогтоор ахлуулсан УИХ-ын гишүүн Д.Хаянхярваа, Н.Цэрэнбат, Л.Болд нар Баянзүрх, Хан-Уул дүүрэгт, Ажлын хэсгийн гишүүн Л.Оюун-Эрдэнээр ахлуулсан УИХ-ын гишүүн Ө.Энхтүвшин, М.Оюунчимэг, Д.Эрдэнэбат нар Сүхбаатар, Чингэлтэй дүүрэгт, Ажлын хэсгийн гишүүн Л.Элдэв-Очироор ахлуулсан УИХ-ын гишүүн Ж.Ганбаатар, Б.Бат-Эрдэнэ, Д.Тэрбишдагва нар Баянгол, Сонгинохайрхан дүүрэгт ажиллаж, агаарын бохирдлыг бууруулах талаар мэдээлэл цуглуулж, тодорхой санал бэлтгэн Ажлын хэсэгт танилцуулахаар тусгагджээ.
