Төрийн албан хаагчийн ёс зүйн хэм хэмжээг чанд сахих, авлига, хээл хахууль, хүнд суртал, шударга бус байдалтай бүх шатанд тууштай тэмцэх, төрийн албан хаагчийн ажлыг дүгнэх, хариуцлага тооцох, урамшуулах зэрэг асуудлаар Монгол Улсын Ерөнхий сайд У.Хүрэлсүх Албан даалгавар гаргасан билээ.
Албан даалгаврыг хэрэгжүүлэх зорилгоор Эрүүл мэндийн сайд Д.Сарангэрэл авлига, хээл хахууль, хүнд суртал, шударга бус байдлаас урьдчилан сэргийлэх, соён гэгээрүүлэх чиглэлээр яамны мэргэжилтэн, албан хаагчдад тогтмол сургалт сурталчилгааны ажлыг зохион байгуулахаар боллоо. Энэ хүрээнд мэргэжил арга зүйн дэмжлэг үзүүлж, энэ оны 11,12 дугаар сард тус бүр нэг удаа, ирэх онд улирал тутамд сургалт зохион байгуулж, хамтран ажиллах хүсэлтийг АТГ-т хүргүүллээ. Тиймээс энэхүү ажлыг тодорхой хугацаанд зохион байгуулснаар эрүүл мэндийн салбарын мэргэжилтэн, албан хаагчид авлига, хээл хахуулиас ангид байж, иргэдэд хүнд сурталгүй, шударгаар төрийн үйлчилгээг түргэн шуурхай үзүүлдэг болох давуу талтай юм.
Монгол Улсын ирээдүй болсон хүүхдүүдийг бие бялдрын өв тэгш хөгжилтэй болгох, спортоор хичээллэх боломж нөхцөлийг бүрдүүлэх зорилгоор МҮОХ-ноос “Олимпизм ба бие бялдрын хүмүүжил” болзолт уралдааныг ирэх сарын 01-нээс 2018 оны дөрөвдүгээр сарын 20-нд ерөнхий боловсролын сургуулиудын дунд зохион байгуулах болжээ.
Улсын Их хурлын нийгмийн бодлого, боловсрол, соёл шинжлэх ухааны байнгын хорооны гишүүд Ангаахын шинжлэх ухааны үндэсний их сургуульд ажиллалаа. Байнгын хорооны гишүүдийн бүрэлдэхүүнд УИХ-ын дэд дарга Л.Энх-амгалан, УИХ гишүүн Ё.Баатарбилэг, М.Оюунчимэг, Б.Саранчимэг, Г.Мөнхцэцэг нар багтлаа.
Монгол Улсын Ерөнхийлөгч Х.Баттулга АНУ-аас Монгол Улсад суугаа Онц бөгөөд Бүрэн эрхт Элчин сайд Женнифер Зимдал Галтыг бүрэн эрхийн хугацаа нь өндөрлөж эх орондоо буцаж байгаатай нь холбогдуулан өнөөдөр хүлээн авч уулзлаа.
Баян-Өлгий аймгийн ИТХ дахь АН-ын бүлгийн 16 төлөөлөгч Засаг дарга А.Гылымханыг хууль зөрчсөн гэдэг үндэслэлээр огцруулах санал гаргасан байсан. Уг саналаа энэ сарын 16-нд ИТХ-ын дарга Д.Бауыржанд өргөн барьж хэлэлцүүлэхээр болсон авч ирц бүрдээгүй гэх шалтгаанаар хоёр удаа хойшлоод байсан юм. Тэгвэл өчигдөр тус аймгийн ИТХ хуралдаж Засаг дарга А.Гылымханыг албан тушаалаас нь чөлөөлөх шийдвэр гаргасан байна. Хуралдаанд оролцсон төлөөлөгчид огцруулах саналыг 100 хувь дэмжжээ. Түүний оронд ИТХ-ын төлөөлөгч Т.Серикжаныг томилуулах шийдвэр гаргажээ. Аймгийн шинэ Засаг даргыг Ерөнхий сайд эцэслэн томилно.
Японы олон улсын хамтын ажиллагааны байгууллага “Жайка”-аас Монгол Улсад “Монгол Улсын газар хөдлөлтийн гамшгаас хамгаалах чадавхыг бэхжүүлэх төсөл”-ийг хэрэгжүүлж байгаа юм.
.png)
Дэлхийн Нийгмийн эрүүл мэндийн байгууллагуудын нийгэмлэг (ДНЭМБН)-ийн чуулга уулзалт 10 сарын 23-27-ны өдрүүдэд Италийн Ром хотноо болж өнгөрлөө. Тус уулзалтад Монгол улсаа төлөөлөн Нийгмийн эрүүл мэндийн үндэсний төвийн Ерөнхий захирал, АУ-ны доктор, Азийн нийгмийн эрүүл мэндийн хүрээлэнгүүдийн сүлжээний дэд ерөнхийлөгч Б.Цогтбаатар оролцов.
Нийслэлийн Баянзүрх дүүргийн 6 дугаар хорооны нутагт байрлах ерөнхий боловсролын 21 дүгээр сургуулийн гадна талбайд 10 настай хоёр охиныг дээрэмдэхийг завдсан хэрэг өчигдөр гарчээ.
Английн премьер лигийн аравдугаар тойргийн сүүлийн тоглолт өнгөрсөн шөнө “Бөрнли” болон “Ньюкасл” багуудын хооронд явагдлаа. Энэ тоглотод талбайн эзэн “Бөрнли” Ирланд довтлогч Еф Эндрикийн 74 дэх минутанд оруулсан гоолын ачаар хожил байгуулсан байна.
Ерөнхийлөгч Х.Баттулгын зүгээс Сангийн сайд Ч.Хүрэлбаатарын томилгооны асуудлаар УИХ-ын тогтоолд хэсэгчилсэн хориг тавиад байгаа. Холбогдох хуулийн дагуу Ерөнхийлөгчийн хоригийг УИХ хүлээж авах эсэхээ өнөөдөр эцэслэн шийдвэрлэх ёстой. Өнгөрсөн долоо хоногт УИХ-ын байнгын хороодын хуралдаанаар уг асуудлыг хэлэлцэж, хоригийг хүлээж авахаас татгалзсан билээ. Энэ дагуу өнөөдөр чуулганы хуралдаанаар асуудлыг оруулна гэсэн хүлээлттэй байгаа юм. Одоогоор чуулганы нэгдсэн хуралдааныг түр завсарлуулж, УИХ дахь МАН-ын 32/33-ын бүлэг тус тусдаа хуралдаж байгаа гэнэ. М.Энхболдын тэргүүлж буй 32-ын бүлгээс Ч.Хүрэлбаатарыг Сангийн сайдаар томилуулахгүй байх Ерөнхийлөгчийн хоригийг хүлээж авах нь зүйтэй гэсэн байр суурин дээр нэгдсэн талаар зарим эх сурвалж тодотголоо.