МХБХ-ны футзалын ордонд энэ сарын 22-нд эхэлсэн залуучуудын футзалын УАШТ найман өдрийн турш үргэлжилж шилдгүүдээ тодруулахад “Дэрэн” баг аваргаллаа.
“Арвис”, “Сэлэнгэпресс” багууд хүрэл медалийн төлөө тоглож “Арвис” клуб өрсөлдөгчөө 13:5-аар илүүрхэн хожиж, хүрэл медалийн эзэд болсон юм. Харин аваргын төлөөх өрсөлдөөнд “Дэрэн”, “Монголын тэмүүлэл” багууд тоглов.
Залуучуудын футзалын шигшээ багийн тоглогчдоос бүрдсэн хүчирхэг багуудын тоглолт нэн сонирхолтой өрнөж, эхний хагас 1:1-ээр өндөрлөлөө. Шийдвэрлэх үед “Дэрэн”-гийн шилдэг хослол А.Тэмүүжин хоёр, Б.Баттулга гурван гоол оруулснаар багтаа ялалт авчирлаа.
“Монголын тэмүүлэл” клубын шигшээ багийн тоглогчид болох Т.Ууганбаяр, Г.Цолмонбаатар, Э.Энх-Орчлон нар тус бүр нэг гоолыг оруулсан ч 7:4-өөр ялагдлаа. Мөн “Дэрэн” клуб болон 20 хүртэлх насны футзалын шигшээ багийн шилдгүүд болох Б.Баттулга шилдэг тоглогч, А.Тэмүүжин шилдэг довтлогчоор тус тус шалгарлаа. Тэмцээний шилдэг хаалгачаар “Монголын тэмүүлэл” клубын Г.Эрдэнэбаяр, шилдэг шүүгчийн шагналыг Э.Галбадрах хүртсэн юм.
Дашрамд дуулгахад, ирэх тавдугаар сард Ази тивийн 20 хүртэлх насны залуучуудын АШТ-д энэ тэмцээнээс шалгарсан шилдгүүд оролцоно.
Өмнөговь аймагт ажлын байрны нээлттэй өдөрлөгийг зохион байгуулснаар 599 ажлын сул орон тоонд 987 хүнийг бүртгүүлсэн байна.
Хөрөнгийн өнөөдрийн арилжаагаар “I”, “II, “III” ангилалд бүртгэлтэй 23 компанийн 87 431 ширхэг хувьцаа арилжсанаас найман компанийн хувьцааны ханш өсчээ.
Нийслэлийн Соёл, урлагийн газар, Д.Нацагдоржийн нэрэмжит Улаанбаатар хотын нийтийн төв номын сантай хамтран “Номоо солилцъё” өдөрлөгийг өнгөрсөн 1 дүгээр сараас эхлэн амжилттай зохион байгуулж байгаа билээ. Энэ удаагийн өдөрлөгийг үндэсний шилдэг бүтээгдэхүүн “Шар доктор” болон “Интерном” номын дэлгүүр дэмжин ажиллаж байгаа бөгөөд номоо солилцохоор хүрэлцэн ирсэн эхний 200 хүнд бүтээгдэхүүн, номын бэлэг бэлдээд байна. Мөн хамтран зохион байгуулагчаар “Positive mind” ТББ, “Hello UB” ТББ ажиллаж байгаа юм. Эрхэм уншигч та бүхнийг дөрөвдүгээр сарын 1-н буюу ирэх бямба гарагийн 12.00-14.00 цагийн хооронд Д.Сүхбаатарын талбайд зохион байгуулагдах “Номоо солилцъё” өдөрлөгт хүрэлцэн ирж, өөрт байгаа уншсан номоо өөр сонирхсон номоор солилцохыг урьж байна гэж нийслэлийн Соёл, урлагийн газраас мэдээллээ.
Өнөөдөр хэд хэдэн улс төрийн намууд болон 30 гаруй Төрийн бус байгууллагууд нэгдэн “Офшорын эсрэг” нэгдсэн хөдөлгөөн байгуулжээ.
“Samsung Electronics” компани өөрийн Galaxy цуврал бүтээгдэхүүний нэг болох шинэ “Galaxy S8” ухаалаг гар утсаа хэрэглэгчдэд танилцууллаа. Энэхүү шинэ загвар нь урьд өмнө гаргаж байгаагүй “Bixby” гэдэг дуу хоолойг таниж хөрвүүлэх систем бүхий шинэ үеийн технологи ашигласан мөлчгөр гялалзсан загвартай юм.
Аль аль нь Супер AMOLED буюу өнгөний нягтрал сайтай дэлгэцтэй байх ба огт хүрээгүй байх юм. Үүгээрээ “Galaxy S7” ухаалаг гар утаснаас ялгаатай бөгөөд хавтгай эсвэл нумарсан дэлгэцгүй гэсэн үг.
Энэхүү шинэчлэл нь дэлгэцийг илүү цэгцтэй харагдуулж, тоглоом тоглож, бичлэг үзэх дуртай ухаалаг утас хэрэглэгчдийн тоог нэмэгдүүлнэ гэж ажиглагчид үзэж байна.
Г.Цагаандарь гэх нэгэн эмэгтэй хоёр охины хамт амьдрах газаргүй болж Толгойт өртөөний вокзалд хоног төөрүүлж байгаа тухай зарим хэвлэлээр мэдээлсэн.