Month: March 2017

Хөвсгөл аймгийн Мөрөн суманд албан ёсны бүртгэлтэй 8000 гаруй тээврийн хэрэгсэл байдаг аж.

Сүүлийн үед тээврийн хэрэгслийн хөдөлгөөн эрс ихэсч, жолооч нар автомашинаа албан ёсны зөвшөөрөлгүй газар тавих тохиолдол нэмэгдэж байгаа учраас машин ачих үйлчилгээг явуулж эхэлжээ.

Мүүний шашныг эсэргүүцэгч цэнхэр үст Э.Цэрэндолгор энэхүү шашны урсгалыг Монголд дэлгэрүүлэхэд хамгийн их нөлөөлсөн хүнээр тухайн үед БСШУЯ-ны Стратеги, бодлого төлөвлөлтийн газрын даргаар ажиллаж байсан Б.Насанбаярыг нэрлэж байсан билээ.

Харин энэ бүхнийг Б.Насанбаяр эсэргүүцэж, нэр төрөө сэргээлгэхээр өнгөрсөн жил шүүхэд хандаад байсан юм. Тэгвэл өнөөдөр Б.Насанбаярын нэхэмжлэлтэй шүүх хурал болж, шүүх шийдвэрээ гаргав. Тодруулбал иргэн Б.Насанбаярын нэхэмжлэлээр иргэн Э.Цэрэндолгорыг хариуцагчаар татсан нэр төрд халдсан гэх нэхэмжлэлийг Баянзүрх дүүргийн шүүхээс хэрэгсэхгүй болгосон байна. Учир нь нэхэмжлэгч Б.Насанбаяр болон түүний итгэмжлэдсэн төлөөлөгч шүүх хуралд ирээгүй аж.

Гашуунсухайт, Ганц модны чиглэлийн тээврийг “ХОНОГИЙН НЭГДСЭН ГРАФИК” -т оруулжээ. Авто тээврийн үндэсний төвөөс 2017 оныг “Автотээврийн менежментийг сайжруулах жил” болгон зарласантай холбогдуулан Гашуунсухайтад үүсээд буй нүүрсний тээвэрлэлтийг дагасан олон асуудалд ийнхүү цэг тавьж чадлаа.

Өнөөдрийн байдлаар Гашуун сухайтын чиглэлд нийт 71 аж ахуйн нэгжийн 4500 орчим тээврийн хэрэгсэл ачаа тээвэрлэдэг байна. Өнгөрсөн 10 дугаар сард 45 аж ахуйн нэгж буюу одоогийн дүнтэй харьцуулбал ердөө тал хувь нь л албан ёсны гэрээтэй ажиллаж байснаас 2000 гаруй тээврийн хэрэгсэл хууль бус тээвэрлэлтийн үйл ажиллагаа явуулж байсан аж. Үүнээс болж тухайн чиглэлд автомашины очер дараалал үүсэх, жолооч нар олон хоног зам дээр нойр хоолгүй хонох, эрүүл мэндээрээ хохирох зэрэг нөхцөл байдал үүсч байсан. Тиймээс хоногийн нэгдсэн график мөрдөж эхэлснээр хилээр гарч буй нүүрсний тээврийн бодит дүн мэдээ гарах боломжтой юм байна.

ЭЦГ-ын Кибер гэмт хэрэгтэй тэмцэх хэлтсийн ажилтнууд ХХЕГ-т ажиллаж байсан, 24 настай С хэмээх офицер залуу фэйсбүүкт “Oogii oogii” гэх хуурамч хаяг нээж, олон гишүүнтэй групп, пэйж хуудаст “Бага хүүтэй мөнгө зээлүүлнэ” гэсэн зар байршуулж, түүний дагуу хандсан иргэдийг хохироож байсныг илрүүлэн шалгаж буй юм байна.

Энэ оны хоёрдугаар сарын 5-нд С хэмээх офицер албаны дүрэмт хувцсаа өмсөн, ажлын байраа орхин явж, гэмт хэрэг өдүүлсэн нь шалгалтаар тогтоогджээ. Тэрбээр дээрх зарын дагуу холбогдсон оюутан охид, бүсгүйчүүдээс зээлэх мөнгөний барьцаанд нүцгэн зургийг нь авч, дараа нь гэрээ байгуулах нэрээр хууран мэхэлж хүчирхийлж байсан аж. Мөн нүцгэн зураг, дүрс бичлэгийг нь олон нийтийн сүлжээнд байршуулна хэмээн сүрдүүлж, их хэмжээний мөнгө нэхэж байсан нь ч батлагджээ.

Өнөөдрийн байдлаар С-д холбогдох хэргийг Баянгол дүүргийн Цагдаагийн II хэлтэст шилжүүлэн шалгаж буй юм байна. Түүнд Эрүүгийн хуулийн 126.2.5, 149.1 дэх хэсэгт зааснаар “албан тушаал, эд хөрөнгийн болон өөр байдлаар эрхшээлдээ байгаа хүнийг хүчирхийлсэн, далайлган сүрдүүлсэн” гэх үндэслэлээр хэрэг үүсгэн, улмаар яллагдагчаар татжээ.

ХХЕГ-т ажиллаж байсан 24 настай С хэмээх офицер залуу фэйсбүүкт “Oogii oogii” гэх хуурамч хаяг нээж, олон гишүүнтэй групп, пэйж хуудсанд “Бага хүүтэй мөнгө зээлүүлнэ” гэсэн зар байршуулаад түүний дагуу хандсан иргэдийг хохироож байжээ. Хууль бус энэхүү үйлдлийг нь ЭЦГ-ын Кибер гэмт хэрэгтэй тэмцэх хэлтсийн ажилтнууд илрүүлэн шалгаж буй юм.

Тус хэлтсийн эх сурвалжаас авсан мэдээллээр офицер залуу ХХЕГ-т 24 цагаар жижүүрлэн үүрэг гүйцэтгэж байхдаа энэ оны хоёрдугаар сарын 5-нд албаны дүрэмт хувцсаа өмсөн, ажлын байраа орхин явж гэмт хэрэг өдүүлсэн нь шалгалтаар тогтоогдсон гэнэ.

Тэрбээр дээрх зарынх нь дагуу холбогдсон оюутан охид, бүсгүйчүүдээс зээлэх мөнгөний барьцаанд нүцгэн зургийг нь авч, дараа нь гэрээ байгуулах нэрээр хууран мэхэлж хүчирхийлж байсан аж. Мөн нүцгэн зураг, дүрс бичлэгийг нь олон нийтийн сүлжээнд байршуулна хэмээн сүрдүүлж, их хэмжээний мөнгө нэхэж байсан нь ч батлагджээ.

Түүний хэргийг өдгөө Баянгол дүүргийн Цагдаагийн II хэлтэст шилжүүлэн шалгаж эхэлсэн бөгөөд Эрүүгийн хуулийн 126.2.5, 149.1 дэх хэсэгт заасан “албан тушаал, эд хөрөнгийн болон өөр байдлаар эрхшээлдээ байгаа хүнийг хүчирхийлсэн, далайлган сүрдүүлсэн” гэх үндэслэлээр яллагдагчаар татаад байгаа юм байна.

Мөн 20-иод иргэний фэйсбүүк хаягийнх нь нууц үгийг хакердан олж аваад нэвтэрч, 10-аад сая төгрөг залилан мэхэлж авсан хэрэгт холбогдуулан зургаан залууг ЭЦГ-ын Кибер гэмт хэрэгтэй тэмцэх хэлтсийнхэн шалгаж байна. Гэмт этгээдүүд фэйсбүүк хэрэглэгчийн найзууд руу нь мөнгө зээлээч гэсэн хүсэлт тавьж, өөрсдийнхөө данс руу шилжүүлэн авдаг байжээ.

Налайх дүүргийн нийтийн тээврийн автобус Налайх-Дүнжингарав чиглэлд явдаг нь ард иргэдэд чирэгдэл үүсгэж, оюутан залуус, ахмад буурлууд 2-3 дамжин явдаг асуудалтай тулгарч байсан юм.

Тэгвэл дүүргийн иргэд энэхүү асуудлыг шийдвэрлүүлэхээр гаргасан санал хүсэлтэд тулгуурлан Нийслэлийн Иргэдийн Төлөөлөгчдийн Хурлын төлөөлөгч С.Амарсайхан Нийтийн тээврийн газар болон бусад холбогдох байгууллагатай хамтран уг асуудлыг шийдвэрлэсэн байна. Ирэх долоо хоногоос Налайх-Багшийн дээд-Налайх чиглэлээр нийтийн тээвэр явахаар тогтжээ.

Манай улсын энхийг сахиулагч-алба хаагчид орон гэрээсээ дайжигч 30 орчим иргэнийг барьцаалагдах аюулаас авран хамгаалжээ.

Тодруулбал, өнгөрөгч хоёрдугаар сарын 22-ны өдөр баазын орчимд Засгийн газрын эсрэг хүчний цэргүүд гэнэт модон дундаас гарч ирэн ногооны талбайд ажиллаж байсан орон гэрээсээ дайжигч энгийн 30 орчим иргэнийг хүч хэргэлэн зодож, дотоодын дүрвэгсдийн хуаран руу орж явсан иргэдийг саатуулж, дээрэмдэх, цэргийн насны залуусыг хүчээр авч явахыг завдсан хүнд цагийн байдал үүссэн байна. Энэ үед батальоны хуягт тээвэрлэгчтэй эргүүлүүд болон шуурхай бүлгийн бүрэлдэхүүн түргэн шуурхай ажиллан, хүч хэрэглэх дүрмийн дагуу хаалт тавьж бүслэн, Засгийн газрын эсрэг хүчний цэргүүдээс буу сумлаж, галт зэвсэг чиглүүлэн эсэргүүцсэн үйлдлүүдэд мэргэжлийн ур чадвар гарган, зоригтой, ухаалаг хариу арга хэмжээ авч 30 орчим энгийн иргэнийг барьцаалагдах аюулаас авран хамгаалжээ.

Хавар цагт малчид ямаагаа самнаж, ноолуураа борлуулах нь элбэг. Цаг агаарын байдал тогтуун энэ үед малчид ямаагаа самнаж, ноолуураа тушааж эхэлсэн байна.

Ноолуурын үнэ ханш Нийслэл хотод 90-94 мянгад хүрчээ. Налайх дүүргийн ноолуурын ченжүүд 94 мянган төгрөгөөр худалдан авч байгаа юм.

Харин хөдөө орон нутагт буюу Хэнтий аймгийн төвд кг нь 100, Өмнөдэлгэр суманд 97 мянган төгрөгт хүрсэн байна. Харин Сүхбаатар аймагт кг ноолуур 92-94 мянган төгрөгөөр борлогдож байгаа аж.