“Иргэнээ сонсох 11-11 төв” ТББ-аас өнөөдөр иргэдээс ирсэн гомдол, саналын талаар хэвлэлийн хурал хийлээ. Хуралд тус байгууллагын тэргүүн М.Хүдэрбаатар, зохион байгуулагч Б.Хархүү нар оролцлоо.
Тус төвөөс гуравдугаар сард “Эрдэнэт уулын баяжуулах үйлдвэрийн 51 хувийг хувьчлуулах, шалгуулах” асуудлыг онцлох сэдэв болгон санал авчээ. Нийт 500 гаруй иргэн холбогдож санал бодлоо хэлжээ. Энэ тухай М.Хүдэрбаатар “Иргэдийн хамгийн их бухимдаж ярьдаг зүйл бол халаас хоосон байгаадаа бус өөрсдийнх нь цалин тэтгэвэр, тэтгэмж болж ирэх ёстой мөнгө хэдхэн хүмүүсийн цалин хангамж болж очиж байгаатай холбоотой. 2017 оны гуравдугаар сарын 30-ны өдөр бид төрийн гурван өндөрлөгт “Эрдэнэт үйлдвэр”-ийн 51 хувьтай холбоотой 200 гаруй иргэдийн ирсэн саналыг хүргүүлж байна” гэв.
Харин Б.Хархүү энэ талаар “Иргэдээ сонсох 11-11 төвд иргэд баримттай олон асуудлыг өгч байгаа. Тухайлбал “Эрдэнэт үйлдвэр”-ийн 51 хувь нь яг төрийн мэдэлд байна уу, 20 хувийг нь хувьчилчихсан байна уу гэдгийг шалгуулах шаардлагатай байна. “Эрдэнэт үйлдвэр”-ийн мөнгөөр хэд хэдэн компани байгуулж эргүүлээд юм шахдаг байсан гэх мэдээлэл бий.Тиймээс бид иргэдийн өгсөн мэдээллийн дагуу шалгуулах шаардлагатай зүйлсийг шалгаж тогтоохыг хүсэж байна” гэв.
Тэдний сануулах бичигт дараах хоёр асуудлыг дэвшүүлжээ. Үүнд:
- Иргэдийн мэдээллийг нягталж, шалгахгүйгээр олон түмэнд цацах, түгээх боломжгүйн дээр шалгаж үнэн зөвийг тогтоох нь Монгол Улсын төрийн үүрэг тул “Эрдэнэт үйлдвэр”-ийн санхүүгийн үйл ажиллагаанд шалгалт хийх ажлын хэсгийг 2017 оны дөрөвдүгээр сарын 10-ны дотор байгуулах,
- Одоо хууль ёсоор төрийн мэдэлд байгаа “Эрдэнэт үйлдвэр”-ийн 51 хувийг бүтэн болон хэсэгчлэн хөрөнгийн биржээр шударгаар хувьчлах асуудлыг судлах, боловсруулах ажлын хэсэг байгуулах асуудлууд багтаж байна.
Хэрэв иргэдийн санал хүсэлтийн дагуу тавьж буй энэ асуудлыг хэрэгжүүлэхгүй бол олон нийтэд хандан шийдвэртэй тэмцэнэ гэв.
Сонгинохайрхан дүүргийн XX хороонд 60 орчим насны эрэгтэй амиа хорложээ. Талийгаач “Эрин хороолол”-д амьдардаг байсан агаад хөршийндөө “СӨХ-оос явж байна” хэмээн худал хэлж ороод, цонхоор нь үсэрч, амиа хорлосон гэнэ.
Өнөөдөр 12:00 цагт Сүхбаатарын талбайд болсон “Оффшорчдын эсрэг цуглаан” дээр МАХН-ын дарга Н.Энхбаяр гарч ирж үг хэллээ. Үүнийг Ерөнхийлөгчийн сонгуулийн сурталчилгаагаа эхлүүллээ хэмээн зарим хүмүүс харж байна.
Шадар сайд асан Ц.Оюунбаатар “Өдрийн сонин”-д ярихдаа “Н.Энхбаяр дарга Ерөнхийлөгчийн сонгуульд нэр дэвшинэ” хэмээн мэдэгдсэн юм. “Өргөө” зочид буудалд 1.5 тэрбум төгрөгийн хөрөнгө оруулалт хийсэн гэж түүнийг буруутгаж байгаа. Тэр нь одоо орон нутгийн өмч хэвээрээ байгаа. Талбайн хажуу талын газар ч ялгаагүй Улаанбаатар хотын өмчид бүртгэлтэй. Гэмт хэрэг байхгүй. Монгол Улсын эрүүгийн хуульд байхгүй зүйл. Тийм болохоор цагаатах болно. Манай намын даргын хувьд ялтайд тооцох хугацаа гэж зүйл яриад байдаг. Тэр асуудлыг хуулиар шийдээд дуусчихсан. Эрх мэдэлтэй улс төрийн хүчнийхэн эрх мэдэлгүй байгаа өрсөлдөгчөөсөө айсандаа ингэж буруутгадаг. 
УИХ-ын гишүүн Х.Тэмүүжин нэг удаа Н.Энхбаяр төрийн алба хашихад саад байхгүй гэж хэлсэн. Гэтэл цаанаас нь дарамт шахалт үзүүлээд дахиж тийм зүйл ярих хэрэггүй гэсэн байх. Чамайг харсаар байтал чинь эмэгтэй хүн байхад эрэгтэй гэж ярьж, хэлсээр байгаад эмэгтэй хүн биш гэсэн бичиг хийвэл яах вэ” хэмээн ярилцлага өгсөн юм. 
Уулзалтын үеэр УИХ-ын дарга М.Энхболд хэлсэн үгэндээ Япон дахь найрамдлын нийгэмлэгүүд хоёр орны түүх, соёл, иргэд хоорондын болон хүмүүнлэгийн хамтын ажиллагаанд үнэтэй хувь нэмэр оруулсаар ирснийг Монголын төр, ард түмэн зүй ёсоор үнэлэн хүндэлдэг. Монголыг гэсэн чин сэтгэлтэй байдагт чинь бид баярладаг. Та бүхний энэ эрхэм сайхан үйлс цаашдаа улам өргөжин хөгжинө гэдэгт итгэлтэй байна гэлээ.
Япон Улсын парламентын Төлөөлөгчдийн танхимын дарга Т.Оошима 2011 онд Японд тохиосон газар хөдлөлтийн гамшгийн үеэр Монголын ард түмэн бидэнд чин сэтгэлийн тусламж үзүүлсэн. Энэ сайхан сэтгэлийн дэмжлэгийг Та Шадар сайдын хувьд зохион байгуулж байсан. Дараа нь Монгол, Японы хооронд дипломат харилцаа тогтоосны 40 жилийн ойг тэмдэглэх Ажлын хэсгийг Та ахалж байсан. Тиймээс манай төр засаг, ард түмэн Танд ямагт гүн хүндэтгэлтэй ханддаг. Монгол Улсын хөгжил дэвшлийг Японы Засгийн газар, ард түмэн, түүний дотор Парламент цаашдаа ч туслан дэмжсээр байх болно гэлээ.
Тэрбээр “Монгол Улс ардчиллын зарчмаар замнаж эхэлснээс хойш 26 жил өнгөрч эрх чөлөө, энх тайван, ардчиллыг эрхэмлэж, найрсаг хамтын ажиллагааг хөгжүүлэх зарчим манай хоёр орны харилцааны үндэс суурь болсоор байна” гэж онцлон тэмдэглээд, УИХ-ын даргын энэ удаагийн айлчлал парламент хоорондын болон бусад салбарын хамтын ажиллагаанд чухал хувь нэмэр оруулна гэдэгт итгэж байгаагаа илэрхийлж, амжилт хүсэв.
УИХ-ын дарга М.Энхболд “Хоёр орны хамтын ажиллагааны хүрээнд Засгийн газар, парламент, улс төрийн намуудын хооронд, иргэд, байгууллагын түвшинд гээд олон чиглэлд, цөөнгүй жил маш идэвхтэй ажилласаар ирсэн Танд Монголын төр засгийн байгууллага, ард түмний нэрийн өмнөөс гүн талархал илэрхийлье” гээд Стратегийн түншлэлийн Дунд хугацааны хөтөлбөрт орон нутгаас зөвхөн Хоккайдо, Монголын хамтын ажиллагааны асуудал туссан нь Таны идэвх чармайлтын нэгэн илэрхийлэл юм. Хоккайдо муж цаг агаар, байгаль орчны хувьд Монголтой төстэй. Тиймээс энэ нутгийнхны мал аж ахуй, газар тариалангийн үйлдвэрлэлийн болон бусад туршлага бидэнд чухал” гэлээ.
Уг Санамж бичигт Монгол Улсад хөрөнгийн зах зээлийг хөгжүүлэхээс гадна санхүүгийн бусад зах зээл болох даатгал, банк бус санхүүгийн болон хадгаламж зээлийн хоршоодын чадавхийг бэхжүүлэх, хил дамнасан санхүүгийн үйлчилгээг өргөжүүлэх, үнэт цаасны зах зээлд гадаадын хөрөнгө оруулалтыг нэмэгдүүлэх зэрэг өргөн хүрээний асуудлууд тусгалаа олжээ.
Бүлгийн дарга М.Ямазаки “Манай бүлэг Улсын Их Хурал, түүний гишүүд, Монгол Улсын Засгийн газартай нягт хамтран ажиллаж байна. Цаашдаа ч бид харилцаагаа илүү өргөн хүрээнд өргөжүүлэн хөгжүүлэхийн төлөө байх болно” гэж уулзалтын эхэнд онцоллоо. Тэрбээр Монгол Улсад тохиогоод буй эдийн засгийн хүндрэлийг даван туулж, төсөв санхүүгийн шинэчлэл хийх чиглэлд Монгол Улсын Их Хурал, Засгийн газар ихээхэн хүчин чармайлт тавьж буйг бид мэдэрч, ойлгож байгаа. Саяхан ОУВС-тай хамтарсан хөтөлбөр хэрэгжүүлэх тохиролцоонд хүрсэн нь чухал алхам боллоо гэв.
УИХ-ын дарга М.Энхболд “Улаанбаатарт болсон АСЕМ-ын гишүүн орнуудын дээд хэмжээний уулзалтад Таныг оролцох үеэр бид уулзаж байсан. Тэр үеэс хойш манай төр, засаг эдийн засагт тохиогоод буй хүндрэл бэрхшээлийг даван туулах чиглэлээр олон арга хэмжээ авсны нэг нь ОУВС-тай хамтран ажиллах зорилт байсан юм. Үр дүнд нь бид хөтөлбөр хэрэгжүүлэхээр тохиролцоод байна. Дөрөвдүгээр сарын 05-нд УИХ-ын чуулган нээгдэнэ. Чуулганаар хамгийн түрүүнд хэлэлцэх асуудал бол төсвийн тодотгол. Уг асуудлыг дөрөвдүгээр сарын 12 гэхэд батлах төлөвлөгөөтэй байна. Ингэснээр хөтөлбөрийг хэрэгжүүлэх боломж бүрдэх юм. Энэ хөтөлбөрийн хүрээнд Японы Засгийн газар санхүүгийн бодит дэмжлэгийг нэн хөнгөлөлттэй зээлийн хэлбэрээр олгохоор шийдвэрлэсэнд чин сэтгэлийн талархлаа илэрхийлье” гэв.
Ноён Я.Шиозаки “Дадлагажигч ажилтан ажиллуулах төслийг анх хэрэгжүүлсэн хүний нэг нь би юм. Монгол Улсаас дадлагажигчид ирж, мэргэжлийн өндөр ур чадвар эзэмшиж, буцаж очоод сурсан мэдсэнээ улс орныхоо хөгжил дэвшилд зориулбал сэтгэл нэн таатай байх болно. Манай тэтгэврийн сан энэ төрлийн хувьд дэлхийд томд орно. Япончуудын тэтгэвэрт гараад сайн сайхан амьдрах баталгааг хангахад зориулагдах учраас сангийн аливаа үйл ажиллагаа япон хүний эрх ашигт нийцэж байх ёстой гэсэн зарчимтай. Энэ зарчмын дагуу эрсдэлгүй, үр ашигтай зүйлд ашиглагдах ёстой гэж хуульчилсан байдаг. Гаднын үнэт цаас худалдан авахаар болбол хөгжиж буй орны хувьд Дэлхийн банк зэрэг байгууллагаар дамжуулан баталгаа гаргуулж, тусгай сан үүсгэх маягаар ашиглаж болох юм” гэж ярилаа.
Нийгэмлэгийн ерөнхийлөгч К.Мацузава “Монголыг сонирхогч бизнесийнхэн, нийгмийн зүтгэлтнүүд Японд олон байдаг. Тэдний төлөөлөл болсон хүмүүс энд ирээд байна. Манай нийгэмлэгийнхэн Монгол Улсын хөгжил дэвшил, монголчуудын ирээдүйн сайн сайхны төлөөх үйл хэрэгт өөрийн хувь нэмрээ оруулах чин сэтгэл өвөрлөж явдаг” хэмээн онцлоод “Монголчууд бол бидний анд найз төдий хүмүүс биш, хамаатан садан, ахан дүүс шүү” гэлээ.
УИХ-ын дарга М.Энхболд “Дөчин таван жилийн түүхтэй Монгол, Японы хамтын ажиллагааны түүхэнд тэмдэглүүштэй чухал үйл явдал өнөөдөр болж байна. Хамтын ажиллагааны бүхий л салбарыг хамарсан энэхүү Дунд хугацааны хөтөлбөрийг амжилттай хэрэгжүүлэх талаар Монгол Улсын төр, засаг онцгой анхаарал тавьж ажиллах болно” гэсэн бол ноён Ф.Кишида “Монгол, Японы хамтын ажиллагааны ойрын 5 жилийн зорилго, чиглэлийг тусгасан Дунд хугацааны хөтөлбөрт гарын үсэг зурсандаа баяртай байна. Хоёр орон уламжлалт найрсаг харилцаагаа цаашид улам өргөжүүлэн хөгжүүлэхийг энэхүү баримт бичгээр дахин нотоллоо” гэв.
УИХ-ын гишүүн, Эдийн засгийн байнгын хорооны дарга Д.Тэрбишдагвын бичсэн “Зааг” номын нээлт өчигдөр боллоо.
Соёлын төв өргөөнд болсон тус ёслолд Ерөнхийлөгч асан Н.Багабанди, УИХ-ын дарга асан Д.Дэмбэрэл, Засгийн газрын Хэрэг эрхлэх газрын дарга Ж.Мөнхбат, Ардын уран Зохиолч Д.Урианхай, Ардын жүжигчин, Төрийн хошой шагналт, хөгжмийн зохиолч Н.Жанцанноров тэргүүтэй хүндэт зочид, төр, нийгэм, соёл урлаг, шинжлэх ухааны зүтгэлтнүүд, ном шимтэн сонирхогчид оролцсон юм.
Ховд аймгийн Манхан сумын Улаанхүрээ багийн тэмээчин Х.Нямсүрэнгийн тэмээн сүргээс гурван настай хүрэн ингэ энэ оны 3-р сарын 29-ний өдөр анхны төллөлтөөр ихэр ботго төрүүлжээ.
Улсын Дээд шүүхийн гуравдугаар сарын 31-ны өдрийн хуралдаанаар Ардчилсан намын Үндсэн дүрэмд орсон өөрчлөлтийг хэлэлцэж, албан ёсоор бүртгэж авлаа. Тус намын Үндсэн дүрэмд орсон өөрчлөлтийг бүртгэх эсэх асуудлыг өмнө нь хэлэлцээд, зарим бичиг баримтын бүрдэл дутуу гэдэг шалтгаанаар түр хойшлуулаад байсан юм. Харин өнөөдрийн хуралдаанаар бичиг баримтын бүрдэл хангагдсан, мөн Ардчилсан намын Үндсэн дүрэмд орсон нэмэлт өөрчлөлт нь Улс төрийн намын тухай болон бусад холбогдох хууль тогтоомжийг зөрчөөгүй байна гэж үзэн бүртгэж авсан байна.
Монгол Улсын Засгийн газар, Онцгой байдлын ерөнхий газраас НҮБ-ын Гамшгийн эрсдэлийг бууруулах газартай хамтран 2017 оны 04 дүгээр сарын 5-7-ны өдрүүдэд Улаанбаатар хотноо “Гамшгийн эрсдэлийг бууруулах Олон Улсын стратегийн Азийн түншлэлийн хурал”-ыг зохион байгуулах гэж байна.
Энэхүү хуралд Австрали, Бангладеш, Бутан, БНХАУ, БНАСАУ, БНЭУ, Индонез, Япон, Лаос, Малайз, Мальдив, Мьянмар, Пакистан, Филиппин, БНСУ, Шри-Ланка, Тайланд, Вьетнам улс болон олон улсын Засгийн газар хоорондын байгууллага, НҮБ болон Олон Улс, бүс нутгийн төрийн бус байгууллагууд, Азийн гамшгийн бэлэн байдлын төв, Азийн гамшгийн эрсдэлийг бууруулах төв, НҮБ-ын Гамшгийн эрсдэлийг бууруулах газраас 70 гаруй төлөөлөгч оролцоно.
Гамшгийн эрсдэлийг бууруулах Азийн сайд нарын бага хурлын бэлтгэл ажлын хүрээнд зохион байгуулах Гамшгийн эрсдэлийг бууруулах олон улсын стратегийн Азийн түншлэлийн хурлын зорилго нь Азийн бүс нутгийн төлөвлөгөө, оролцогч талуудын үүрэг амлалтыг хэрэгжүүлэх үйл ажиллагааны талаар мэдээлэл солилцох, Гамшгийн эрсдэлийг бууруулах Дэлхийн платформын үеэр батлагдах улс орнуудын Засгийн газар, бусад оролцогч талуудын төлөвлөгөөг эцсийн байдлаар хүлээн авч хянах, Гамшгийн эрсдэлийг бууруулах Азийн сайд нарын 2 дугаар бага хурлыг 2018 онд Монгол Улсад зохион байгуулах бэлтгэл ажлын талаар санал солилцох, улс орнуудын гамшгийн эрсдэлийн менежментийн үнэлгээний явцыг хянах, бүс нутаг дахь гамшгийн эрсдэлийг бууруулах чиглэлээр гаргаж буй хүчин чармайлт, шинэчлэлт, туршлагын талаар мэдээлэл солилцоно.
Монгол Улсын Гадаад харилцааны сайд Ц.Мөнх-Оргил БНСВУ-ын Шадар сайд бөгөөд Гадаад хэргийн сайд Фам Бин Минь-ийн урилгаар 2017 оны 4 дүгээр сарын 2-4-ний өдрүүдэд БНСВУ-д албан ёсны айлчлал хийнэ.