Month: December 2016

“Өглөөний цайг өөрөө, өдрийн хоолыг найзтайгаа хуваа, харин оройн хоолыг дайсандаа өг” хэмээх нэгэн үг бий. Энэ бол өглөөний хоолны ач холбогдлыг тодорхойлж байгаа бодит үнэлгээ гэж үзэх үндэстэй. Өглөөний хоол их ач холбогдолтой. Та өчигдөр орой 19-21 цагийн хооронд хооллосон байгаа. Өглөө босоод 07:00-09:00 цагийн хооронд өглөөний цайгаа уухаар бол та 12 цагийн турш өлсгөлөн байжээ.

Өглөөний хоол иддэг хүмүүс идээгүй хүмүүсийг бодвол бага үдэд илүү сэргэлэн цовоо байдаг. Анхаарал нь илүү төвлөрч сэтгэх нь хурдан, хичээл, ажилдаа идэвхтэй байна. Өглөөний хоолоо идээгүйн муу тал нь өдөртөө их ядрамтгай байдаг. Өглөөний хоол хоногийн хоопны 1/4 юмуу 1/3-тэй тэнцүү байвал зохимжтой.

Өглөөний хоолонд нүүрс ус ихтэй хоол хэрэглэхэд цусан дахь глюкозын хэмжээ нэмэгдэж хүрээлэн буй орчны таагүй нөлөөнд бие махбодын эсэргүүцэх чадварыг сайжруулдаг. Тэр өдрөө эрч хүчтэй байх, тэр өдөртөө тэжээлээр хангалттай байхын эхлэл болно. Биеийн хүчний идэвхийг сэргээж, осол аваарт өртөх нь бага байдаг. Асуудлыг шийдвэрлэх чадварыг нэмэгдүүлдэг.

Цардууллаг будааны агшаамал, төмс, талх зэргийг бага цардуултай жимс, ногооны зууш, салаттай идвэл бага цардуултай жимс, ногооны амин дэм, ферментүүд цардуулын боловсролтыг сайжруулж өгнө. Бид өглөө бүр талх идэж сурсан улс болохоор эрүүл мэндээ бодож хөх тарианы хар гурилын талх, бүтэн үрийн гурилын талх, хивэгтэй талх, бусад бүдүүн ширхэгтэй гурилын талхан дээр маш нимгэн жинхэнэ монгол цөцгийн тос /маргарин биш/ түрхээд чихэргүй идэж байхыг хичээгээрэй. Цагаан талх, цагаан гурилаар хийсэн чихэргүй бин 7 хоногийн 3-4 өдөрт идээд чихэртэй элдэв боов, жигнэмэгийг өдөр бүрийн идэх зүйл болгож хэрэггүй. 7-10 хоногт 1 удаа идэж бай.

Үдээс өмнө биеийн хүчний ажил хийх, биеийн тамирын хичээлд орох бол уураг бүхий бага зэрэг мах, загас, сүүн бүтээгдэхүүн, үр тарианы бүтээгдэхүүнтэй хоол, сууж ажилладаг ажил хийдэг бол илүү амин дэм, эрдэс бүхий жимс, ногоо, сүүн бүтээгдэхүүн, үр тарианы бүтээгдэхүүнтэй хоол иднэ.

Сайн зажилж удаан идэхээ мартуузай. Зөвхөн хоол боловсруулах эрхтнийг хэвийн байлгах тухай асуудал биш бүх бие махбодод үүсэх хорноос сэргийлэхийн тулд л бид хоолоо сайн боловсруулан шингээхэд анхаарлаа хандуулах ёстой гэдгийг мартаж болохгүй.

Та шинэ өглөөг эрч хүчтэй эхлүүлмээр байна уу. Тэгвэл танд унтаад сэрсэн биеэ сэргээх энгийн дасгалаас санал болгоё. Зарим дасгал, хөдөлгөөнийг нь өглөө ч гэлтгүй завтай үедээ хийж, биеэ хөгжүүлж болох юм шүү. Мэдээж, хүн бүр л өөрийн биеэ зөв галбиртай болгохыг хүсдэг шүү дээ. Дараахь дасгал, хөдөлгөөнүүд нь хийхэд хялбар ч таны бие дэх илчлэгийг шатаахад хамгийн үр дүнтэй.

Ингээд хамгийн үр дүнтэй долоон дасгалыг танилцуулж байна.

1. Дээс тоглох:

Та хэзээ хамгийн сүүлд дээс тоглосон бэ. Дээс тоглох нь хаана ч хийж болох хялбар бөгөөд хямд төсөр дасгалын хэлбэр билээ. Дээс тоглосноор дасгалыг илүү зугаатай байдлаар мэдрэх болно. Мөн гэр бүлийн хамт, үр хүүхдүүдтэйгээ энэхүү дасгалыг хамтдаа хийх боломжтой юм. Дээс тоглох нь таны зүрхний үйл ажиллагааг идэвхжүүлэх үр нөлөөтэй.

2. Хөндий суух:

Хоёр гараа урагш сунган барьж агаар дээр хөндий суух мэт энэ дасгал таны биеийн бүх булчинг нэг дор ажиллуулах чадалтай. Энэхүү дасгал нь таны биеийн илүүдэл өөхийг арилгах, илчлэг шатаах, булчингуудыг чангалах зэрэг олон үүрэгтэй. Энэхүү дасгалыг та зөөлөн буйдан дээр яг суухын алдад агаар дээр суух хэмжээнд биеэ сойж бариарай. Хөндий суух дасгалыг та өдрийн аль ч цагт хэд хэдэн удаа хийгээд үзээрэй.

3. Суниах:

Суниах нь бусад дасгалаас хүнд ч та үүнийг заавал фитнес клубт очиж хийх шаардлагагүй юм. Суниалтыг хүн бүр төгс хийж чаддаггүй ч та бага багаар оролдсоор байвал энэ дасгалыг зөв хийж чадах боломжтой. Энэ дасгал нь таныг зүрх судасны өвчлөлөөс хамгаалах болно. Мөн хөдөлгөөний дутагдлаас үүдэх ямар нэгэн эрсдлээс хамгаалахад өндөр ач холбогдолтой дасгал юм. Хоёр гараа тулан хийх энэхүү суниалтын төрөл нь таны биеийн цээжин бие гар, мөрөнд түлхүү үр нөлөөтэй.

4. Нэг хөл дээрээ суух:

Энэхүү дасгал нь таны өгзөг, хөлний бүх булчинг ажиллуулах болно. Өгзөг, гуя, шилбэний булчинг хөгжүүлэх хамгийн хялбар бөгөөд үр дүнтэй дасгал юм. Хоёр хөл дээрээ ээлжлэн суух энэ дасгалыг та өдөрт 30 удаа хийгээд туршаад үзээрэй.

5. Усанд сэлэх:

Усанд сэлэх нь бие галбирыг сайхан болгохоос гадна эрүүл мэндийн маш олон үр ашигтай. Таны биеийн бүх булчин ажиллахаас гадна сэлэлт нь эрч хүч бас амралтыг авчирна. Усанд сэлэлт таны нурууны ядаргааг бүрэн тайлж өгдгөөрөө давуу талтай. Мөн цусны даралтыг бууруулах, зүрхний үйл ажиллагааг сайжруулах, уушги тэлэх, чийрэгжих зэрэг эрүүл мэндийн олон давуу талтай.

6. Гүйх:

Хүн төрөлхтөнийг эрүүл байлгах гол үндэс нь хөдөлгөөн. Идэвхтэй хөдөлгөөнүүд дотор ихэнх хүмүүсийн сонгон хийдэг дасгал бол гүйлт билээ. Гүйлт нь хүнийг хэвийн, эрүүл жинтэй байлгах, булчингуудыг идэвхтэй хөдөлгөхөөс гадна стресс тайлах, уушги тэлэх зэрэг олон ач холбогдолтой. Хэрвээ та гүйхээр шийдэж байгаа бол өдөр бүр энэ спортоор хичээллэх боломжтой. Гүйх нь зөвхөн гоо сайхны төдийгүй хүний биеийн ерөнхий эрүүл мэндэд өндөр ач холбогдолтой спорт юм.

7. Дугуй унах:

Дугуй унах нь бусад хүнд дасгал хийхээс тэс өөр зүйл юм. Тохиромжтой газарт дугуй унах нь таны биед дасгал болохоос гадна таны оюун санааг зугаацуулах болно. Дугуй унах нь түлхүү хөлийн булчин ажиллах ч таны гарын булчинд мөн нөлөөлөх юм. Илүүдэл жингээ хасах эсвэл хөдөлгөөний дутагдалд орохгүй байх зэрэг зорилгоос хамаарч та дугуй унах хугацаагаа зохицуулаарай. Дугуй унах нь өөрийн биеийг дасгал, хөдөлгөөнд дасгах мөн насан туршдаа үргэлжлүүлэн хийх боломжтой хамгийн зугаатай бөгөөд үр дүнтэй дасгалуудын нэг билээ.

Багануур дүүргийн 64 дүгээр сургуулийн хашаанд өчигдөр орой шилүүсний зулзага ногуул орж ирсэн байна.

Дүүргийн Цагдаагийн хэлтсийн албан хаагчид тор тавин барьж Онцгой байдлын хэлтэст хүлээлгэн өгчээ. Сургуулийн хашаанд орж ирсэн шилүүсийн зулзага ногуулын нэг хөл нь гэмтсэн байсан бөгөөд хавханд орж гэмтсэн болохыг нь тогтоожээ.

Дашрамд сонирхуулахад, шилүүсийг устаж болзошгүй амьтан гэж үзэн Засгийн газрын 2012 оны долдугаар тогтоолын хавсралтад ховор амьтнаар, Ховор, ховордсон амьтан, ургамлын зүйлийг олон улсын хэмжээнд худалдаалах тухай конвенцийн хоёрдугаар хавсралтад тус тус бүртгэжээ.

“Хар сарнай” хамтлагийн ахлагч С.Амармандахыг консулын төлөөлөгч зодож биед нь хүнд гэмтэл учруулсан талаар бид сурвалжилсан билээ. Энэ хэрэгтэй холбоотой мэдээллүүд сүүлийн хэд хоног хэвлэл мэдээллээр олон янзаар бичигдэж байгаа юм.

Тэгвэл үүнтэй холбогдуулан түүний гэр бүл болоод хамтран зүтгэгчид нь хэвлэлийн бага хурал зарлаж, сэтгүүлчдэд мэдээлэл өгөхөөр болжээ. Хурал маргааш буюу 12 дугаар сарын 2-ны өдрийн 11.00 цагт “Монгол ньюс” мэдээллийн төвд болох юм. Тус хэвлэлийн бага хуралд дуучны гэр бүл болоод урлаг, соёлын төлөөллүүд оролцох бөгөөд дуучин өөрөө оролцох эсэх нь тодорхойгүй байгаа аж.