Монгол Улсаас Бразил
Улсад суугаа Элчин сайд Ч.Сосормаа Бразилийн домогт хөл бөмбөгч Зикотой уулзаж,
Хөл бөмбөгийн холбооны Ерөнхийлөгч А.Ганбаатарын урилгыг уламжиллаа. Зико
урилгыг хүлээн авч ирэх есдүгээр сард Монголд айлчлах боломжоо илэрхийллээ.
Алдарт хөл бөмбөгч маань өөрийн төрөлх Рио дэ Жанейро хотноо бага орлоготой гэр
бүлийн хүүхдүүдэд зориулан хөл бөмбөгийн төв ажиллуулдаг бөгөөд уулзалтын үеэр
түүний нэрэмжит хүүхдийн болон мэргэжлийн хөл бөмбөгийн клуб Монголд байгуулах
буюу аль нэг клубийг түүний нэрэмжит болгох талаар санал солилцлоо. Энэ талаар
“Зико сан”, Монголын Хөл бөмбөгийн холбоо хооронд яриа хэлэлцээ явуулж буй
бөгөөд Зиког Монголд айлчлах үеэр талууд хамтран ажиллах санамж бичиг
байгуулахаар тохироод байна. Элчин сайдын яамнаас санаачлан эхлүүлсэн уг ажил
Зикогоор дамжуулж Бразилийн хөл бөмбөгийн арвин их туршлага, багийн тоглолт,
соёлыг эх орондоо нэвтрүүлэх цаашид дэлхийд өрсөлдөх тамирчдыг бэлтгэх
зорилготой. Монголд байгуулагдахаар яригдаж буй Зикогийн нэрэмжит клубт бразил
дасгалжуулагчид ажиллах бөгөөд олон улсын стандартын дагуу хүүхэд, залуучуудыг
бэлтгэх юм. Зиког Бразилийн хөл бөмбөгийн домогт Пелетэй эн тэнцүү зүйрлэж,
“цагаан Пеле” хэмээн нэрийддэг. Тэрбээр Бразилийн Хөл бөмбөгийн шигшээ багийн
бүрэлдэхүүнд гоцлон 71 удаагийн тоглолтод 48 удаа гоол оруулсан бөгөөд энэ
үзүүлэлтээрээ шигшээ багийнхаа түүхэнд 4 дүгээрт жагсдаг аж. 1978, 1982, 1986
оны Хөл бөмбөгийн дэлхийн аварга шалгаруулах тэмцээнүүдэд амжилттай тоглож
алдар хүндээ олсон тэрбээр зодог тайлж, 2004 оны Ази тив, 2006 онд Дэлхийн
аварга шалгаруулах тэмцээнд Японы шигшээ багийг дасгалжуулан бэлтгэж байжээ.
Элсэлтийн ерөнхий шалгалтын /ЭЕШ/ хариу маргааш буюу долдугаар сарын 1-ний өдөр гарна. Энэ жилийн хувьд ЭЕШ-д 37 мянга гаруй хүүхэд оролцсон билээ.
Манай орны ихэнх нутгаар уржигдараас усархаг бороо орсон. Үүний улмаас Ховд гол үерийн аюултай түвшин буюу 65 см-ээр даван үерлэжээ. Мөн Баянхонгорын Байдраг гол үерийн түвшинг 33, Завхан гол Говь-Алтай аймгийн нутгаар урсдаг хэсэгтээ 14, Өвөрхангайн Онги гол най, Хөвсгөлийн Үүр 22, Ховд аймгийн Булган, Долооннуур, тус бүр хоёр, Буянт найман см-ээр давсан байна. Энэ жил манай орны бусад голын бүх голын усны түвшин нэмэгдэж олон жилийн дунджаасаа 2-138 см-ээр их устай болсоныг Цаг уур, орчны шинжилгээний газраас мэдээлэв.
Ойрын өдрүүдэд ихэнх нутгийг хамран орсон борооны улмаас гол мөрний усны түвшин эрс нэмэгдээд байна. Онцгой байдлын ерөнхий газрын харьяа төв, орон нутгийн Онцгой байдлын газар, анги байгууллагаас өчигдөр болсон сонгуулийн үеэр үер, усны ослоос урьдчилан сэргийлэх, албаны бэлэн байдлыг хангах, сонгуулийг хэвийн явуулахад дэмжлэг үзүүлэх, гол ус гаталж сонгуульд оролцох үед иргэд, сонгогчдын аюулгүй байдлыг ханган шаардлагатай техник хэрэгслийг дайчлан ажиллалаа. Үүнд:
АСЕМ-ын уулзалт Улаанбаатар хотод болох гэж байгаатай холбогдуулан зочид төлөөлөгчдийн аюулгүй байдлыг хангах үүднээс 13 гудамжны зам дагуу байрлаж буй түргэн үйлчилгээний цэгүүдийг нүүлгэж байна. Иргэн, аж ахуйн нэгжүүд нүүлгэсэн түргэн үйлчилгээний цэгүүдээ 2016 оны 07 дугаар сарын 20-ноос хойш зөвшөөрсөн байршилд буцааж тавих боломжтой.
СЕХ хуралдаж дууслаа. Сонгуулийн дүнг танилцуулав. Маргааш Гишүүнээр сонгогдсонд тооцсон нэр дэвшигчид УИХ-ын гишүүний түр үнэмлэх олгоно.
Нийслэлийн Засаг дарга, Нийслэлийн Ардчилсан намын дарга Э.Бат-Үүл мэдээлэл хийлээ.
2016 оны УИХ-ын сонгуулийн санал хураалтын дүнг СЕХ Ерөнхийлөгчид айлтгахад бэлэн болоод байгаа аж. Энэ удаагийн УИХ-ын сонгуулиар МАН 65, АН 9, МАХН 1, бие даагч 1 суудлыг тус тус аваад байгаа юм.
Жүдо бөхийн олимпийн эрхийн оноо олгох “Чингис хаан” Гранпри тэмцээн дөрөв дахь жилдээ зохион байгуулагдах гэж байна. Олон улсын жүдо бөхийн холбоо (IJF)-ны календарт албан ёсоор орсон тус тэмцээн ирэх сарын 1-3-нд Улаанбаатар хотноо болно.
Их Британи улс ЕХ-ноос гарах сонголтыг хийгээд байгаа бөгөөд энэ асуудлаар мягмар гаригт Бельгийн нийслэл Брюссель хотноо Европын Холбоо хуралдлаа. Өчигдөр явагдаж өндөрлөсөн эхний өдрийн хуралдааны үеэр ЕХ-ны Комиссын дарга Жан Клод Юнкер хэлэхдээ Их Британи улс ЕХ-ноос гарах өргөдөл, ноот бичгээ албан ёсоор өгтөл статусаа тодорхой болгохыг хүсч байгаагаа илэрхийлсэн бөгөөд тус улс ЕХ-ноос гарах асуудал бүрэн гүйцэд дуусах хүртэл уг асуудалтай холбоотойгоор Их Британи болон ЕХ-ны бусад гишүүн орнуудын хооронд ямар нэгэн албан ёсны тохиролцоо болон нууц уулзалт, яриа хэлэлцээр явуулахыг хориглож байгааг мэдэгдсэн байна. Их Британи улс энэ оны 10 сар хүртэл албан ёсоор ЕХ-г орхихгүй гэдгээ албан бусаар илэрхийлсэн юм. Жан Клод Юнкер мөн Их Британи улс ЕХ-ны над нөхөр хэвээр байгаа хэдий ч хөрөнгийн зах зээл дээр валютын хэлбэлзэл үүсч эхлээд байгаа өнөөгийн нөхцөл дэх байр сууриа тодорхой болгохыг шаардсан байна. Эцэст нь тэрээр нэгдмэл нэг Европын төлөө эцсийн амьсгалаа дуустал тэмцэх болно хэмээн хатуухан хэлсэн байна.