Монгол Улсын Гадаад хэргийн сайд Л.Пүрэвсүрэн 2016 оны дөрөвдүгээр сарын 27-29-ний өдрүүдэд Бүгд Найрамдах Энэтхэг Улсад албан ёсны айлчлал хийв.
Айлчлалын хүрээнд сайд Л.Пүрэвсүрэн Энэтхэгийн төр, засгийн болон шинжлэх ухаан, бизнесийн байгууллагууд, олон нийтийн төлөөлөл, энэтхэгийн их, дээд сургуулиудад суралцаж буй монголын оюутан залуусын төлөөлөлтэй уулзав. Энэхүү ёслолын арга хэмжээнд Энэтхэгийн Дотоод хэргийн Төрийн сайд Керин Режижу, Парламентын гишүүн Б.Калита, Гадаад орнуудтай соёлоор харилцах Энэтхэгийн зөвлөлийн ерөнхий захирал С.Ражшейкер зэрэг албаны хүмүүс оролцов.
Гадаад хэргийн сайд уулзалтын үеэр Энэтхэгийн монгол судлаач эрдэмтэдтэй Монгол судлалын талаар ярилцаж, Монгол Улсын Засгийн газраас Монгол судлалыг хөхиүлэн дэмжих талаар авч хэрэгжүүлж байгаа арга хэмжээнүүдээс мэдээлж, Монгол, Энэтхэгийн уламжлалт харилцаанд соёл, боловсролын хамтын ажиллагаа, түүний дотор эрдэмтдийн оролцоо үлэмж чухал үүрэг гүйцэтгэж ирсэнийг тэмдэглэв. Гадаад орнуудтай соёлоор харилцах Энэтхэгийн зөвлөлтэй хамтран “Чингис хаан, түүний өв уламжлал” сэдэвт семинарийг хоёр орны эрдэмтэд, монгол судлаачдын оролцоотой ирэх наймдугаар сард Улаанбаатар хотноо зохион байгуулах, Монголын түүхийн судалгаанд Энэтхэг Улсад байгаа перс хэл дээрх эх сурвалж, түүхэн баримтуудыг хамтран судлах, үзэсгэлэн гаргах боломжуудын талаар ярилцав.
Монгол улсын Ерөнхийлөгч зарлиг буулган монгол судлалд үнэтэй хувь нэмэр оруулсан, олон арван зохиол бүтээл туурвисан Энэтхэгийн нэрт монгол судлаач др.Локеш Чандра, др.Мансура Хайдар нарт Төрийн дээд шагнал “Алтан гадас” одон хүртээснийг Гадаад хэргийн сайд Л.Пүрэвсүрэн дээрх эрдэмтдэд ёслол хүндэтгэлтэй гардуулав.
Др.Локеш Чандра Монгол судлалыг хөгжүүлэх, монголч эрдэмтдийг дэмжих, хоёр орны соёлын харилцааг хөгжүүлэхэд үнэтэй хувь нэмэр оруулж буй улс төр, нийгмийн зүтгэлтэн билээ. Тэрбээр Монгол Ганжуурыг бүрэн эхээр нь найруулан хэвлүүлж, Зава Дамдин зэрэг монгол мэргэдийн зохиол бүтээлүүдийг судлан шинжлэх, сурталчлан таниулах ажлыг олон жил биечлэн хийж ирсний зэрэгцээ 1967 онд “Монгол-Түвдийн шинэ бурхад” нэртэй 20 боть зохиолыг эмхэтгэн хэвлүүлсэн нэртэй судлаач, Гадаад орнуудтай соёлоор харилцах Энэтхэгийн зөвлөлийн Ерөнхийлөгч билээ.
Др. Локеш Чандрагийн эцэг, Энэтхэгийн нэрт эрдэмтэн, улс төрч асан Рагу Вира нь Монголын эрдэмтэд түүний дотор соён гэгээрүүлэгч Б.Ринчен, Ц.Дамдинсүрэн нартай дотно харилцдаг, Олон улсын монгол судлалын холбоог санаачлан байгуулагчдын нэг төдийгүй Монгол Улсыг НҮБ-д гишүүнээр элсүүлэхэд дэмжихийг Энэтхэг Улсын Ерөнхий сайд агсан Жавахарлал Неруд аминчлан захисан нэгэн гэлцдэг.
Др.Локеш Чандра эрдэмтний тэргүүлдэг Гадаад орнуудтай соёлоор харилцах Энэтхэгийн зөвлөл жил бүр 50 монгол оюутан залуусыг энэтхэгийн их дээд сургуулиудад хүлээн авч бакалавр, магистр, докторын түвшний сургалтад хамруулдаг билээ.
Др. Мансура Хайдар нь Монгол судлалд, түүний дотор Ил хаадын түүх, Энэтхэг дэх Мугал хаадын судалгаа, монголчуудын Арабын ертөнцтэй тогтоосон хэлхээ холбоог перс хэл дээрх эх сурвалжуудад тулгуурлан судалдаг, “Их засаг хууль”-ийн талаар 100 гаруй нийтлэлийг бичиж, Энэтхэгт, төдийгүй олон улсад хүлээн зөвшөөрөгдсөн томоохон эрдэмтдийн нэг юм. Тэрбээр Индира Гандигийн нэрэмжит урлагийн төвд шинжлэх ухааны зөвлөх, ахлах зөвлөхөөр ажиллахдаа Энэтхэгт 2006-2014 онд зохиогдсон Монгол судлалын олон хуралд тогтмол биечлэн оролцож дэмжиж ажилласан билээ.
Сүхбаатар дүүргийн 11 дүгээр хороонд байрлах Хангай хотхонд хотын дарга Э.Бат-Үүл, нийслэлийн Гэр хорооллийн хөгжлийн газрын дарга Ш.Ганхуяг тэргүүтэй албаны хүмүүс өнөөдөр очиж, гурван жилийн өмнө эхэлсэн гэр хорооллын дахин төлөвлөлтийн ажил хэрхэн өрнөж буй, газар дээрээ тулгамдсан ямар асуудал байна вэ гэдэгтэй танилцаж, иргэдтэй уулзалт хийх гэж байна. Энэ үйл явдлыг “UBS” телевиз 12.00 цагаас эхлэн газар дээрээс нь шууд дамжуулна.
УИХ дахь Ардчилсан намын бүлгийн хурал үдээс хойш 14.00 цаг болон хойшлогдлоо. Харин МАН-ын бүлэг хуралдаж байгаа бол МАХН-МҮАН-ын “Шударга ёс” эвслийн бүлэг хуралдах эсэх нь тодорхойгүй байна.
Амралтын өдрүүдэд Улаанбаатар
Монгол, Хятадын автозамын хилийн боомтууд өнөөдрөөс эхлэн цагийн хуваарийн дагуу ажиллаж эхэлжээ.
Уулзалтын эхэнд Япон Улсын парламентын Төлөөлөгчдийн танхимын гишүүн, эрх баригч Либерал ардчилсан намын Гадаад харилцааны газрын дарга Казүнори Танака цаг зав гарган, найрсаг дотноор хүлээн авч буйд Улсын Их Хурлын гишүүдэд талархал илэрхийлээд Хоёр орны харилцааг шинэ шатанд гаргахын төлөө өөрийн орны парламентдаа найрамдлын бүлэг ажиллуулж, идэвхи зүтгэлтэй байгаад баяртай байгаагаа онцлон тэмдэглэв. Мөн тэрээр манай хоёр орны стратегийн түншлэл, салбар бүрийн хамтын ажиллагааны цар хүрээ улам бүр нэмэгдэж байна. Өнгөрсөн онд өндөр дээд хэмжээний харилцан айлчлалууд үүний тод илрэл хэмээн үзэж байна. Цаашид энэхүү уулзалт, хэлэлцээрийн давтамжийг нэмэгдүүлж, хоёр улсын парламентын хамтын ажиллагааг шинэ шатанд гаргах нь чухал байна. Эдийн засгийн түншлэлийн хэлэлцээр амжилттай болбол манай хоёр улсын эдийн засагт олон эерэг үр дүнг үзүүлэх байх гэдэгт итгэлтэй буйгаа хэллээ.
“Max Mall” дэлгүүрийн дотор байрлах BHS хувцасны дэлгүүрийн хэсгийн тааз 13.45 минутад нурсан талаар иргэд мэдээлжээ. Энэ тухай нэгэн гэрч цахим хуудсандаа “BHS дэлгүүрийн тааз тэр чигтээ нурж хүн дарлаа, тэгэхэд энэ дэлгүүр хаалгаа барихгүй хүн оруулж юу ч болоогүй юм шиг аашилж байна. Монгол хүн уужим юм даа. Зайлуул, цав цагаан тоосонд дарагдаад уйлалдаад гарч ирж байна. Барилга байшингийн стандарт хаана байна аа” гэж тэрээр бичжээ. Ямартай ч хэдэн хүн бэртэж гэмтсэн болох нь тодорхойгүй байна.
Өнгөрсөн амралтын өдрүүдэд хотын төвийн автобусны
Палестины Рамалла хотноо Өмнөд Африкийн хүний эрхийн төлөө тэмцэгч, Ерөнхийлөгч асан Нельсон Манделагийн хүрэл хөшөөг босгожээ. Хөшөө зургаан метр өндөртэй юм байна. Нельсон Манделлагийн хөшөөг нээх ёслолд олон зуун палестин иргэн оролцсон байна.
Нийслэлийн боловсролын газраас хотын сургуулиудын зургаан настнуудыг намар бүртгэх чиглэл өгчээ. Тодруулбал, зургаан настнуудыг намар наймдугаар сарын 22-28-нд бүртгэх шийдвэр гаргасан байна.