Тэр хэрвээ мэнд сэрүүн байсан бол “Нэгэнт сонинд гарчихсан юмыг ном болгоод яах юм. Тийм биз дээ. Сониныхоо нэр хүнд, томилолтоор явж бичсэн зүйлс ш дээ” гэж янжуур соронгоо нүдний шилнийхээ цаана нүдээ жийхайлгаж байгаад ёжилсон ч юм шиг, ёгтолсон ч юм шиг асуух байсан. “Та өөрийн уншигчидтай сэтгүүлч. Номоо хэвлүүлбэл зүгээр дээ” гэхэд Тэр дандаа л ингэж хариулдаг байсан. Бүр болоо ч үгүй “Би өгүүллэг бичвэл танай зохиолчид ажилгүй болох байх даа” гэж үнэн голоосоо юм шиг асуугаад тэрэндээ баясан хүг хүг хийтэл инээхийг яана. “Өндөр өвөө маань Богд хааны ордны бичээч байсан гэх чинь билээ. Тэгээд манайхан Шар бичээч овог авахгүй юу” гэж хааяа хуучлах Монгол даяарын арслан сэтгэгч Жамбалын Гангаа гэж ийм л цөлх монгол байлаа. Тэр мэргэжлийн сэтгүүлч байгаагүй ч мэргэжлийн бичээчдийг ичтэл бичдэг сэтгэгч байлаа. Д.Нацагдоржийн нэрэмжит шагналт яруу найрагч Ламжавын Мягмарсүрэн түүнд зориулсан шүлэгтээ “Манай үеийн Чанчунь Бумба арш” гэж сэтгэлээ илэрхийлсэн байсан. Чанчунь Бумба гуайг тэгтлээ сайн мэдэхгүй болохоор оносон харьцуулалт мөн, эсэхийг үнэндээ мэдэх юм алга. Харин Гангаа сэтгүүлчийг хаа нэгтээ томилолтоор яваад ирэхэд бичсэнийг нь уншихсан гэж хорхойсдог уншигчид байсан нь л үнэн юмдаг.
Тэр олон уншигчийн оюуны мэлмийг гийгүүлж, сэтгэлийг яруусгах “Цагаан гэгээ…” номын нээлт өчигдөр юутай ч боллоо. Сэтгүүлч Ж.Гангаагийн энэ номыг олон хүн тэсэн ядан хүлээсэн. Бурхан зүг одсон ч түүний бичгийн ариун мөр орчлонд ингэж үлдлээ. Эл номон хөшөөг нэрт сэтгүүлчийн хань Т.Уранчимэг, охидынхоо хамт эмхэтгэж, соёлын гавьяат зүтгэлтэн зохиолч, сэтгүүлч Галсангийн Жамьян хянан тохиолдуулж, урлагийн гавьяат зүтгэлтэн, Монголын урчуудын эвлэлийн шагналт зураач Дашцэрэнгийн Гунгаа зураглан чимэглэж. Номын эхэнд Монгол Улсын Ерөнхийлөгч Цахиагийн Элбэгдорж “Жамбалын Гангаа нь Монголын сэтгүүлзүйн бахархалт түүхийг бүтээгчдийн нэг юм. Түүний бүтээлийг үе үеийн уншигчид шимтэн шимтэн уншсаар байх нь гарцаагүй. Учир нь манай Гангаа бол монгол ахуйг ер бусын билгийн нүдээр хардаг, мэдэрдэг, хайрладаг гайхалтай уран бүтээлч, сэтгүүлч байж билээ” гэж мялаалга бичиж ирүүлж. Мэргэжлийн сэтгүүлч, улсын маань Ерөнхийлөгч ийн дүгнэхээр ч том сэтгүүлч байжээ гэдгийг түүний ном баталж байна.
Ж.Гангаа агсны “Цагаан гэгээ…” хэмээх эл ном “Эх нутгаараа аялсан тэмдэглэл”, “Харьд зорчсон тэмдэглэл” гэсэн хоёр бүлгээс бүтэх агаад түүний “Хүн хүрээгүй нутаг”, “Алтайгаас Хянган хүртэл”, “Онон, Балжаас Шилийн богд хүртэл”, “Санахын зовлонгүй Сонинхангай, амьдрахын бэрхшээлгүй Ар Асгат нутаг минь”, “Дарга дагаагүй сурвалжлага”, “Монгол хоёрхон хөрштэй, хоёулаа бидний мөнхийн дайсан”, “Далд Түвдийн далласан газар”, “Араараа нартай Австрали”, “Харь Буриадын нутаг дүүрэн цагаан гунигтай”, “Баруун Монголыг Зүүн Европ гэнэ”, “Өмнөд Солонгосын Монголын үдэш” зэрэг шилдэг дөчөөд тэмдэглэлийг багтаасан бүтээлийн чуулган болжээ. Энэ сайхан номын баярыг зохиогчийн гэргий Т.Уранчимэг, тулгын гурван чулуу шиг төрсөн гурван охин Г.Сарангэрэл, Г.Сайнгэрэл, Г.Азгэрэл нартайгаа утга төгөлдөр зохион байгуулж, төрсөн нутаг Төв аймгийн Угтаалцайдам сумын Засаг дарга Гантулга, гавьяат багш Бямбажав, Д.Нацагдоржийн нэрэмжит шагналт хүүхдийн зохиолч О.Сундуй, “Болор цом”-ын тэргүүн найрагч Л.Моломжамц, Н.Гантулга, соёлын гавьяат зүтгэлтэн сэтгүүлч Т.Баасансүрэн, Б.Ганчимэг, “Мах импэкс” ХК-ийн Хиам консервын үйлдвэрийн гүйцэтгэх захирал Б.Бадмаа, Зурхай, сүнс судлалын доктор Ж.Мөнхжаргал болон “Өдрийн сонин”-ы хамт олон нь байлцаж, нэрт сэтгүүлчээ халуун дотноор дурсацгаалаа.
Л.ЦЭНГЭЛ
Монгол Улсын Их Хурал, Нэгдсэн Үндэстний Байгууллагын Хөгжлийн хөтөлбөр хамтран “Иргэдийн оролцоотой хууль тогтоох ажиллагааг дэмжих нь” төслийг 2013 оны 3 дугаар сараас эхлэн хэрэгжүүлж байгаа билээ.
МАН өнөөдөр өглөө нэр дэвшигчдийнхээ бичиг баримтыг СЕХ-нд өгсөн бол Ардчилсан нам сая нэр дэвшигчдийнхээ материалыг СЕХ-нд хүлээлгэн өгсөн байна. Тус намын зарим нэр дэвшигчид тойргоо солихоор ярьж байгаа тухай мэдээллийг бид эх сурвалжаас авлаа.
Монгол Улсын Ерөнхий сайд Ч.Сайханбилэг манай оронд зочилж байгаа ОХУ-ын сансрын нисэгч, ОХУ-ын хошой баатар, нисэх хүчний хошууч генерал А.А.Леонов, ОХУ-ын сансрын нисэгч, ОХУ-ын хошой баатар, Монгол Улсын баатар, хошууч генерал В.А. Жанибеков, Унгарын анхны сансрын нисэгч, Унгар Улсын баатар, ОХУ-ын баатар, хошууч генерал Берталан Фаркаш нарыг өнөөдөр (2016.5.30) Төрийн ордонд хүндэтгэн хүлээн авч уулзлаа.
Монгол Улсын Ерөнхийлөгч зарлиг гарган, жил бүр шилдэг залуу эмч нарт нэрэмжит шагналаа гардуулдаг уламжлалтай. Монгол Улсын Ерөнхийлөгчийн нэрэмжит 2016 оны шагналыг Сэтгэцийн эрүүл мэндийн үндэсний төвийн их эмч Ланжаагийн Баттулга, Төв аймгийн Нэгдсэн эмнэлгийн Мэс заслын тасгийн их эмч Нанжидын Биханзрагчаа, Нийслэлийн “Өргөө” амаржих газрын их эмч Солонгосын Гантуяа нар хүртлээ. Шагналыг Ерөнхийлөгчийн Хүний хөгжил, нийгмийн бодлогын зөвлөх Р.Болд гардуулж, Эрүүл мэнд, спортын сайд С.Ламбаа байлцан Ерөнхийлөгчийн шагнал хүртсэн эмч нартаа баяр хүргэв.
Жин тус бүрийнхээ эхний 16-д бичигддэг дэлхийн шилдэг бөхчүүд урилгаар оролцдог “World masters” 2016 тэмцээн энэ сарын 27-29-ны өдрүүдэд болж өнгөрлөө. Мексикт болсон уг тэмцээний эмэгтэйчүүдийн 57 кг-ын жинд Д.Сумъяа аваргалж, жингийнхээ тэргүүн бөх гэдгээ баталлаа. Манай бөхийн хувьд шилдгүүдийн өрсөлддөг “Мастерс”-т гурван жил дараалан түрүүлсэн Монголын анхны жүдоч болж байгаа юм. Өмнө нь эрэгтэйчүүдийн 73 кг-д ОУХМ С.Мяарагчаа хоёр дараалан түрүүлж байсан билээ.
Энэ лхагва гаригт “Олон улсын хүүхдийн эрхийг хамгаалах өдөр” тохионо. Нийтээр тэмдэглэх баярын болон тэмдэглэлт өдрүүдийн тухай хуульд зааснаар “Хүүхдийн баяр”-ын өдөр буюу 6 дугаар сарын 1-ны өдрийг бүх нийтийн амралтын өдөр гэж заасантай холбоотойгоор тухайн өдөр дугаарын хязгаарлалт үйлчлэхгүй гэж Замын цагдаагийн газраас мэдээллээ.
Энэ онд улсын хэмжээгээр 323 мянган га-д үр тариа, үүнээс 301.5 мянган га-д улаанбуудай, 13.4 мянган га-д төмс, 7.1 мянган га-д хүнсний ногоо, 16.3 мянган га-д тэжээлийн, 25.3 мянган га-д тосны ургамал, нийтдээ 385.2 мянган га-д тариалалт хийхээр төлөвлөсөн. Энэ сарын 27 –ны байдлаар 249 мянган га-д улаанбуудай, 10.9 мянган га-д үр тарианы төрлийн бусад таримал, 8.1 мянган га-д төмс, 2.9 мянган га-д хүнсний ногоо, 1.9 мянган га-д малын тэжээл, 11 мянган га-д тосны ургамал, нийтдээ 283.8 мянган га-д тариалалт хийж 73.7 хувийн явцтай байна. 
СЕХ-ноос улстөрийн нам эсвэл, бие даан нэр дэвшигчдийн баримт бичгийг