АСЕМ-ын Дээд түвшний уулзалт болон түүний дагалдах хурлуудыг зохион байгуулах сайн дурын ажилд хүүхдийн байгууллагууд, ротари клубуудын төлөөллүүд болон 20 гаруй их, дээд сургуулийн 1500 орчим оюутан, залуус бүртгүүлээд байна.
Эдгээр сайн дурын ажилтныг 50, 50-иар нь 24 багт хувааж, эхний 4 багт ажил үүргийн ерөнхий ойлголт өгөх “Үндсэн сургалт” 4 дүгээр сарын 25-нд эхэллээ. Сургалтаар АСЕМ-ын үйл ажиллагаа, сайн дурын ажлын талаар суурь мэдлэг олгож байгаагаас гадна багаар ажиллах чадвар эзэмшүүлэх практик хичээлийг тоглоомын аргад суурилан зааж байна.
Уг сургалтыг олон улсын “Teamwork & Team play” сургалтын хөтөлбөрийг хэрэгжүүлэгч “Дүдү” боловсролын сангийн мэргэшсэн багш нар удирдан явуулж байгаа юм.
Үндсэн сургалт 5 дугаар сарын 10 хүртэл үргэлжлэх бөгөөд үүний дараагаар олон улсын харилцаа, дипломат ёс, дэг жаяг, төрийн ёслол хүндэтгэлийн арга хэмжээний үеэр баримтлах зарчим, сайн дурын ажилтны ажлын байранд тавигдах шаардлага, зохион байгуулалтын талаар мэдлэг олгох “Чиглүүлэх сургалт”-ыг зохион байгуулахаар төлөвлөжээ.
“Чиглүүлэх сургалт”-ыг АСЕМ-ын Бэлтгэл ажлын албаны мэргэжилтнүүд болон ГХЯ-ны ахмад дипломатч нар удирдан явуулах бөгөөд залууст хөтөч тайлбарлагчаар ажиллахад шаардлагатай мэдлэг олгох зорилгоор нийслэлийн түүх дурсгалт газруудаар танилцах аяллыг мөн зохион байгуулах аж.
Улаанбаатарт 4 сарын 21-23-нд болж өндөрлөсөн Ази, Европын түншлэлийн 9 дүгээр уулзалтын зохион байгуулалтын ажилд АСЕМ-ын сайн дурын 50 гаруй ажилтан амжилттай оролцсон байна. Тэднийг удирдан зохион байгуулах штаб Монголын хүүхдийн ордонд байрлаж байгаа бөгөөд сургалтад хамрагдсан оюутнууд аливаа үйл ажиллагаанд оролцохдоо ялгах тэмдэг, хувцас, хэрэгслээр жигдэрч байгаа юм.
Хэнтий аймгийн Баянхутаг сумын Жаргалант 1-р баг аймгийн төвөөс зүүн урагш 30 км “Адгийн мөргөцөг” гэдэг газар энэ сарын 21-ний өдөр гарсан хээрийн түймрийг энэ сарын 22-ны 04:00 цагт бүрэн унтраажээ. Тус хээрийн түймрийн мэдээг 4 дүгээр сарын 21-ний өдрийн 13:40 цагт Аймгийн Онцгой байдлын газрын шуурхай дугаарын утсанд хүлээн авч, Онцгой байдлын газраас 4 бүлэг, 42 албан хаагч, 6 автомашин, 30 үлээгч аппарат бусад багаж зэвсэглэмжтэй, Хэрлэн сумаас 6 бүлэг, Баянхутаг сумаас 5 бүлэг гарч ажилласан байна.
Монгол Улсын Засгийн газрын 2016 оны “Төрийн үйлчилгээний нэгдсэн төвийн талаар авах зарим арга хэмжээний тухай” 141 дүгээр тогтоол, Нийслэлийн Иргэдийн Төлөөлөгчдийн Хурлын 2014 оны “Ухаалаг Улаанбаатар хөтөлбөр батлах тухай”, 2015 оны “Төрийн Үйлчилгээний нэгдсэн төв байгуулах тухай” 185 дугаар тогтоолын дагуу Нийслэлийн Үйлчилгээний нэгдсэн төвүүдийг байгуулж байна.
Монгол Улсын Сонгуулийн Ерөнхий Хороо хуралдаж, Сонгуулийн тухай хуулийн 31 дүгээр зүйлийн 31.4, 31.12 дахь хэсэгт заасны дагуу Монгол Улсын Их Хурлын болон Аймаг, нийслэлийн иргэдийн Төлөөлөгчдийн Хурлын 2016 оны ээлжит сонгуулийг зохион байгуулах Аймаг, нийслэлийн сонгуулийн хороог байгуулах тухай тогтоол гаргалаа.
Хөвсгөл аймгийн Тосонцэнгэл, Цэцэрлэг суманд өнгөрөгч баасан гаригт нэг өвчин халдварт өвчний шинжтэй хорогдсоныг дээж авч шинжлэн малын галзуу өювчин болохыг тогтоосон байна. Улмаар малын сэг зэмийг устгаж ариутган. Өвчний голомтод байсан есөн хүнд галзуугийн эсрэг вакцин хийжээ. Баянхонгор аймгийн Эрдэнэцогт сумын Жанжины багийн “Өртөмтийн урд салаа” гэдэг газар нэг нохой халдварт галзуу өвчнөөр үхсэнийг устгалд оруулж, сумын засаг даргын захирамжаар 14 хоногийн хорио цээр тогтоожээ. Өнгөрсөн амралтын өдөр буюу дөрөвдүгээр сарын 23-нд Дорнод аймгийн Гурванзагал суманд боомын арьсны хэлбэрийн хүний өвчлөлийн нэг сэжигтэй тохиолдол бүртгэгджээ. Улмаар тархвар судлал лабораторийн шинжилгээгээр боом өвчин биш болох нь тогтоогдсон хэмээн Зоонозын өвчин судлалын үндэсний төвөөс мэдээллээ.
УИХ дахь АН-ын бүлэг өнөөдрийн хуралдаанаараа Үндсэн хуулийн дунд суудлын хуралдааны 05 дугаар дүгнэлтийг хэлэлцээд дэмжсэн байна. Үндсэн хуулийн цэц дөрөвдүгээр сарын 22-нд хуралдаад иргэн Ц.Намсрай нараас ирүүлсэн УИХ-ын 76 гишүүний 28 нь намын жагсаалтаар сонгогдож байгаа нь Үндсэн хуулийн тодорхой заалтуудыг зөрчиж байна гэсэн мэдээлэл ирүүлснийг хүлээн авсан байсан юм.
Хөдөлмөр хамгаалалын аюулгүй байдал алдагдлаас болж барилга дээр удаа дараа ноцутой осол гарах болсон. Тэгвэл Японы олон улсын хамтын ажиллагааны байгууллага /Жайка/-аас Монгол Улсын БХБЯ, МХЕГ, Барилгын хөгжлийн төвтэй хамтран “Барилгын салбарын хөдөлмөрийн аюулгүй байдлын менежментийн чадавхийг бэхжүүлэх” нэгэн төслийг хэрэгжүүлэхээр болжээ.
Өнгөрсөн бямба гаригт Хойд Солонгос шумбагч онгоцноос