Засгийн газраас хэрэгжүүлж буй “Төрийн түрээсийн орон сууц” хөтөлбөрийн бүртгэл энэ сарын 21-нд эхэлсэн.
Орон сууц түрээслэх иргэдийг долоон бүлэгт хувааж бүртгэсэн. Өчигдөр өрх толгойлсон иргэдийг бүртгэснээр долоон бүлгийн бүртгэл дууссан юм. Харин өнөөдөр болон маргааш бүртгэлд хамрагдаж амжаагүй иргэдийг нэмэлтээр бүртгэнэ.
Энэ сарын 21-29-ны өдрүүдэд нийт 2879 иргэн түрээсийн орон сууцанд хамрагдахаар ТОСК-д хандсанаас 1333 иргэн бүртгэлд хамрагджээ.
УИХ-ын дарга З.Энхболдын Эдийн засгийн чуулганыг хааж үг хэлсэн бөгөөд бүрэн эхээр хүргэж байна. Эрхэм хүндэт зочид оо,
Энэ жилийн чуулга уулзалт дэлхийн эдийн засгийн өсөлт саарч, улс орнууд
богино хугацааны асуудалдаа түлхүү анхаарч буй цаг үед болж байна.
Дэлхийн эдийн засаг эмзэг байгаа, мөн дэлхийн томоохон орнуудын эдийн
засгийн өсөлт өмнө төсөөлж байснаас муу байгаа тухай ОУВC энэ 3 дугаар
сарын эхээр анхааруулсан. Ялангуяа, манай гол түнш БНХАУ-ын гадаад
худалдаа өмнөх жилээс буурсаар байгаа нь эдийн засагт багагүй эрсдлийг
учруулж байна.
Дэлхийн зах зээл дээр түүхий эдийн үнэ унасанд Монгол Улс буруугүй.
Харин нийт эдийн засгаа зөвхөн уул уурхайгаас хамааралтай болгож орхисон
нь Монголын төрийн, үе үеийн Улсын Их Хурал, Засгийн газруудын алдаа
юм. Бид өнөөдөр энэ алдааныхаа төлбөрийг төлж байгаа.
Дэлхийн зах зээл дээрх уул уурхайн бүтээгдэхүүний үнэ уналтад орсноос
болоод гадаадын олон хөрөнгө оруулагчид манайхаас гарч явсан. Уул
уурхайн хөрөнгө оруулалт унасан нь зөвхөн Монголд болж байгаа үйл явдал
биш гэдэгтэй энэ чуулганд оролцож байгаа гадаадын хөрөнгө оруулагчид ч
санал нэгдэх байх гэж бодож байна. Дэлхийн хаа сайгүй том том уурхайнууд
хаагдаж, олон арван жил тогтвортой ажиллаж байсан том компаниуд үүд
хаалгаа барьж, олон зуун мянгаар нь ажилтнуудаа халж байгаа.
Уул уурхайн томоохон төсөл, ялангуяа Таван толгойн төслийг Улсын Их
Хурал зогсоосон учраас өнөөдрийн манай эдийн засгийн хүндрэл үүссэн мэт
ташаа ойлголт энэ чуулганаар яригдсан байна. Дэлхийн эдийн засаг
удааширч байгаа цаг үед энэ төслийг, нэр бүхий компаниудад өгөх нь
Монголд ашиггүй гэсэн дүгнэлтийг Улсын Их Хурлын Ажлын хэсэг гаргасан.
Нүүрсний үнэ огцом унасан, зах зээлийн нөхцөл таатай биш үед тус ордын
эзэд болох 2 сая хувьцаа эзэмшигчдээс нь асуулгүйгээр уг ордыг гуравдагч
этгээдэд өгөх эрх хэнд ч байхгүй. Зүйрлэн хэлэх юм бол Рио Тинтогоос
асуулгүйгээр Оюу толгойн ашиглалтын лицензийг Шенхуа компанид 60 жилийн
хугацаагаар 2-хон хувийн роялтитайгаар өгөх шийдвэрийг Улсын Их Хурал
гаргах гэсэнтэй агаар нэг, хууль бус үйлдэл юм.
Авахыг оролдож байсан хоёр компанийн нөхцөл байдал сайнгүй байгаа.
Тухайлбал, Шенхуа компанийн удирдлагууд авилгын хэргээр шоронд орсон бол
ММС компани нь дэфолтоо зарлаад удаагүй байна. Ийм компаниудад Таван
толгойн лицензийг 60 жилийн хугацаатайгаар, 2-хон хувийн роялтитайгаар
зүгээр шахуу өгөх гэсэн Засгийн газрын үйлдлийг хууль бус гэж үзэн Улсын
Их Хурал зогсоосон нь хуулиа дээдэлсэн хэрэг мөн. Энэ бол хуулийн
засаглал. Энэ бол ардчилал юм.
1990-ээд оноос өмнө Улс төрийн товчооны 9 гишүүн суугаад бүх шийдвэрийг
ард түмнээсээ асуулгүйгээр гаргадаг байсан. Энэ цаг өнгөрсөн.
Ерөнхийлөгч, Улсын Их Хурлын дарга, Ерөнхий сайд гурав сууж байгаад “тэр
толгойг түүнд өгье” гэдэг шийдвэр гаргах боломжгүй.
Өнөөдөр энэ чуулган дээр Ерөнхийлөгчийн хэлсэн үгийг би сонссон.
Ерөнхийлөгч маань Шенхуа, ММС компаниудад Таван толгойг өгөхийг хүссэн
зарим нэг хүний буруу тайлбарт итгэсэн байна. Тэр хүмүүс Ерөнхийлөгчийг
буруу мэдээллээр хангаж байсан байна. Харин Улсын Их Хурал асуудлыг
томоор харж, ард түмний эрх ашгийг дээдэлж, зөвхөн хуульд нийцүүлж
шийдвэр гаргасан.
2012 онд дэлхийн зах зээл дээр түүхий эдийн үнэ унаж эхлэх үед бид
нэгэн том сонголт хийсэн. Тэр нь түүхий эдийн үнийг дагаад, эдийн засгаа
хүчтэй унагаад, дахин үнэ өсөхийг хүлээгээд суух уу, эсвэл түүхий эдийн
үнийн цохилтыг сөрж, аж үйлдвэр, дэд бүтцээ хүчтэй хөгжүүлж, бүтээн
байгуулах замаар эдийн засгийн өсөлтөд тэмүүлэх үү гэсэн салаа замын
уулзвар байсан юм. Бид бүтээн байгуулалтыг сонгосон.
Бүтээн байгуулж, аж үйлдвэрийн хөгжлийг эрчимжүүлэх бидний бодлого
чамлахааргүй үр дүнгээ өгч байна. Ялангуяа бид аж ахуйн нэгж, иргэдээ
татварын дарамтад оруулахгүйгээр, бонд гаргаж амин чухал хөрөнгө
оруулалтаа таслалгүй, аж үйлдвэр, дэд бүтцээ тэлсэн нь цагаа олсон,
бодит ажил болсон.
Гэхдээ, манай ХАА-н салбарын зорилт нь дан ганц хөрш зэргэлдээ улсын
зах зээлээр хязгаарлагдахгүй. Бид Европын Холбоо, Япон, Өмнөд Солонгос
зэрэг өндөр хөгжилтэй орнуудад экологийн цэвэр бүтээгдэхүүн нийлүүлж,
ХАА-н салбарынхаа өрсөлдөх чадварыг нэмэгдүүлэх хэрэгтэй. Ялангуяа
Японтой байгуулсан эдийн засгийн түншлэлийн хэлэлцээрийг үр бүтээлтэй
ашиглан, нэмүү үнэ цэнэ шингэсэн бүтээгдэхүүн үйлдвэрлэх чиглэлд түлхүү
анхаарч, Японы үйлдвэрлэл, худалдааны сүлжээнд нэгдэн, баттай байр
сууриа олохыг зорих нь чухал юм. Манай хөдөө аж ахуйн чиглэлийн бизнес
эрхлэгчид тээврийн зардал багатай, чанартай, эрүүл мэнд, гоо сайхан,
биотехнологи, экологийн цэвэр бүтээгдэхүүн үйлдвэрлэж Япон болон бусад
өндөр хөгжилтэй орны зах зах зээл дээр өрсөлдөөд эхэлжээ. Эдгээр алхмууд
нь өндөр технологийг нутагшуулах, аж үйлдвэрийг амжилттай хөгжүүлэх,
монголчуудын хөдөлмөрийн бүтээмжийг нэмэгдүүлэх нэгэн шинэ замын эхлэл
мөн.
Монголын эдийн засгийн форум хоёр өдрийн турш Төрийн ордонд болж
өндөрлөлөө. Форумыг хааж УИХ-ын дарга З.Энхболд үг хэлсэн юм. Түүнийг үг
хэлэхээр гарч ирэх үед хурлын оролцогч, эдийн засагч Л.Наранбаатар босч ирэн
халдахаар завджээ. Тэрбээр “Монголын эдийн засгийг та нар дампууруулсан.
Эдийн засгийг сөхрүүлсэн та нар энэ индэр дээрээс үг хэлэх эрхгүй” гэхчлэн
дайрсан байна. Л.Наранбаатар УИХ-ын дарга руу оймс шидсэн аж. Түүнийг
З.Энхболдын хамгаалагч нар чирч гаран, тагнуулын байгууллагад өгчээ. Харин уг
үйлдэлд УИХ-ын дарга З.Энхболд “Ийм өвчтэй хүмүүсийг оруулдаг юм уу.
Сонгууль дөхөж байгаагийн шинж. Манайд өвчтэй хүмүүс их” гэлээ.
БНХАУ-ын Чянь Ань хотноо болж буй “Рио-2016” олимпийн наадмын эрх олгох Ази, Номхон далайн орнуудын боксын тэмцээнээс манай баг тамирчид эхний эрхийг авлаа.
Эрэгтэй 64 кг-д Б.Чинзориг Киргизистаны Е.Сакеновыг 3:0-оор хожиж, мөнгөн медалийн болзол ханган улмаар олимпийн эрхээ авав.
Армийн дэлхийн аварга ОУХМ Б.Чинзориг Тонга улсын Т.Файнеази, Японы Хикарү Окишима, БНАСАУ-ын Кон Таэ нарыг хожин хагас шигшээд үлдсэн юм. Тэрээр шийдвэрлэх тулаанд Киргизистаны боксчинг 3:0-оор илүүрхэн хожиж, ирэх наймдугаар сард Бразил улсад болох зуны олимпийн наадмын эрхээ авлаа.
Өнөөдөр дахин хоёр боксчин олимпийн эрхийн төлөө тоглох юм. Энэ өдөр рингэнд гарсан Г.Ган-Эрдэнэ, Н.Шинэбаяр нар өрсөлдөгч нартаа ялагдсан ч маргааш дахин олимпийн эрхийн төлөө тоглоно. Учир нь хоёр хүрэл медаль хүртсэн тамирчдын аль нэг нь РИО-г зорих юм.
Монголын “Эдийн засгийн форум-2016” Засгийн газрын ордонд хоёр дахь өдрөө боллоо. Өнөөдрийн хуралдаан “Сорилт, сургамж, шийдэл” уриатайгаар үргэлжилсэн.
Өнөөдрийн хуралдааны нээлтэд Монгол Улсын Ерөнхийлөгч Ц.Элбэгдорж үг хэлсэн. Тэрбээр “Нэгдүгээрт, өнөөдөр иргэдийн амьдрал, ихэнх хүмүүсийн амьдрал хүнд байна. Та бүхэн харж байгаа байх. Хоногийн өл залгуулахын тулд, эм тарианыхаа мөнгийг залгуулахын тулд ахмадууд маань тэтгэврийн дэвтрээ барьцаалж хэдэн төгрөг зээлж байна. Хүүхэд нь өвдсөн эх халамжийн дэвтрээ барьцаалж мөнгө зээлээд явж байгаа. Төрсний гэрчилгээг нь тавиад мөнгө зээлж байна. Иргэдийн амьдралыг харж байхад байдал сайн байна гэж хэлэх ямар ч аргагүй байна.
Хэрэв бид нар том төслүүдээ цаг хугацаанд нь хөдөлгөөд, эргэлтэд оруулж чадсан бол иргэдийн амьдрал ингэтлээ дордохгүй байсан гэж бодож байна. Би энэ тухай 4-5 жилийн өмнө хэлж л байсан. Бид энэ боломжийг ашиглах хэрэгтэй. Энэ төслүүдээ хурдан эргэлтэд оруулах хэрэгтэй…” гэж хэлсэн үгэндээ дурсан юм. Өнөөдөр эдийн засгийн байдал хүнд байгаа нь Засгийн газар, улс төрчдийн буруу гэдгийг хүлээн зөвшөөрсөн юм.
Тэгвэл 19.00 цагаас УИХ-ын дарга З.Энхболд чуулганыг хааж үг хэлэх гэж байна.Тэрбээр мэдээллийнхээ үеэр Тавантолгойн уурхайн талаар ярих юм.
Ингээд форумын эргэн тойронд өрнөсөн үйл явдлыг фото сурвалжлагаар хүргэж байна.
БНХАУ-ын дарга Си Жинпинь цөмийн аюулгүй байдлын дээд хэмжээний чуулга уулзалтад оролцохоор АНУ-д хүрэлцэн очжээ. түүний араас Румын, Габон, Украйн, Нигери зэрэг улсуудын төр засгийн тэргүүнүүд Вашингтон хотноо чуулж байна.
АНУ-ын Ерөнхийлөгч Барак Обама 50 орчим улс орны удирдагчдыг угтан авч, чуулганы үеэр хэлэлцэгдэх асуудлуудыг танилцууллаа. Энэ удаагийн дээд хэмжээний уулзалтаар цөмийн зэр зэвсэг үйлдвэрлэн туршихыг хориглох, терроризмыг таслан зогсоох зэрэг олон чухал асуудал хөндөгдөх юм байна.
АНУ-ын төрийн тэргүүн экстремист бүлэглэлүүдэд зэр зэвсэг нийлүүлж байгаа эх үүсвэрийг судлан тандах ажилд анхаарлаа хандуулахыг уриалж байна. Учир нь зэвсгийн нийлүүлэлтийг нь хийж байгаа этгээдүүдээр дамжин цөмийн технологи хэт даврагчдын гарт орж магадгүй байгаа юм.
АНУ-ын Нью-Йорк хотноо дэлхийн хамгийн өндөр үнэтэй пүүзийг олон нийтэд танилцуулсан байна. Энэхүү пүүз 4 сая ам.долларын үнэтэй бөгөөд уг пүүзийг Нью-Йорк хотод байрлах тансаг хувцас загварын Bicion бренд болон гутлын загвар зохион бүтээгч Дэн Гамаше нар хамтран бүтээжээ. Олон тооны үнэт чулуу шигтгэн бүтээсэн энэхүү пүүзийг дөрвөн сая ам.долларын өртгөөр бүтээсэн бөгөөд тун удахгүй дуудлага худалдаанд оролцуулан зарах юм байна. Дуудлага худалдаанаас олсон ашгийг хөгжиж байгаа улс орнуудын ард түмэнд гутал хандивладаг Soles4Souls байгууллагад хандивлахаар болжээ. Ядууралтай тэмцэх зорилго бүхий энэхүү ашгийн бус байгууллага нь 2006 оноос эхлэн дэлхийн 100 гаруй улс оронд 26 сая хос гутал, пүүзийг хандивлаад байгаа юм байна.
Түрээсийн орон сууц хөтөлбөр орон даяар хэрэгжиж байна. Ховд аймгийн хэмжээнд 600 гаруй иргэн материалаа бүрдүүлснээс 150 иргэн шалгуур хангажээ. Харин тэдгээрийн дунд сугалаа явуулж 94 өрх айл орон сууцанд орох эрхээ авлаа.
Түрээсийн орон сууц хөтөлбөрийг хэрэгжүүлэхийн тулд барилга барих газраас эхлээд, халаалт дулаан дэд бүтцийн асуудлыг орон нутгаас цогцоор нь шийдэж өгчээ.
Электрон барааны зах зээлийн хүчтэй тоглогчдын нэг Японы “Sharp” корпорацыг зарахаар болжээ. Тус корпорацийн 66 хувийг Тайванийн электроникийн гигант “Foxconn” 3.5 тэрбум ам.доллараар худалдаж авах наймаа хийсэн аж.
Ингэснээр “Sharp” корпораци гадаадын компанид худалдаалагдсан Японы анхны электроникийн компани болж байгаа аж.
Энэ наймааны хэлэлцээ олны анхаарлыг татсан бөгөөд хоёрдугаар сард 4,4 тэрбумаар зарагдах тухай яриа гарч байсан юм. Харин багагүй хугацаанд хоёр талын санал зөрөлдсний дараа ийнхүү өмнө нь яригдаж байсан үнийн дүнг бараг нэг тэрбумаар бууруулжээ.
УДЭТ-ын Ерөнхий найруулагч Н.Наранбаатарынх бүл нэмсэн байна. Түүний гэргий Л.Гантуяа өчигдөр Нийслэлийн өргөө амаржих газарт нярайлж, хүү төрүүлжээ. Шинэ хүн нь тэдний зургаа дахь хүүхэд аж.
Ийнхүү Төрийн соёрхолт найруулагчийнх улам өнөр өтгөн болж, гэргий нь “Алдарт эх”-ийн нэгдүгээр одонгийн болзол хангаж байна. Н.Наранбаатарын гэргий 40 насны босгон дээрээ ийнхүү зургаа дахь хүүхдээ өлгийдөж байгаа юм байна.
Шинэ үеийнхэнд үлгэр дууриалал болсон өнөр гэр бүлийнхэнд баяр хүргэж, аз жаргал хүсье.