Нийслэлчүүд жил бүр шинэ оноо төв талбайд угтдаг уламжлалтай болсон. Урлаг соёлын ододтой хамт нэгэн үдэш доргин хөгжилдөж, айлчлан ирж буй шинэ жилтэйгээ золгодог болсоор багагүй хугацаа өнгөрчээ. Нийслэлийн Засаг даргын Тамгын газраас зохион байгуулдаг энэхүү “Мөнгөн шөнө” цэнгүүн үнэхээр хөөр баярыг бидэнд мэдрүүлдэг юм. Төв талбайн хоёр талын автозамыг тэр чигт нь хааж, нүсэр зохион байгуулагддаг уг арга хэмжээний үеэр эмх замбараагүй байдал үүсэхээс сэргийлж иргэдийн аюулгүй байдалд цагдаагийн албан хаагчид анхаарал тавьдаг. Баярлаж, хөөрч, догдолсон хүмүүс оргилуун дарс буудуулж, бие биедээ аз жаргал хүсэн хундага тулгацгаана.
Хэдхэн цагийн энэхүү арга хэмжээний дараа Чингисийн талбай, Төрийн ордон тойроод хог новшинд дарагдсан дүр зурагтай үлддэг нь харамсалтай. Энд тэндгүй оргилуун дарсны шил, нэг удаагийн цаасан аяга, салютны хог хөглөрнө. Тайзан дээр өнгө өнгийн гэрэл гялалзаж, тэнгэрт түмэн янзын салют цацарч, газарт ганган дэгжин залуус хөгжин цэнгэлдсэн гэмээргүй орчин тойрноо гахайн оромж шиг болгож орхидог гээч. Нэг талаар хогийн сав хангалттай биш гэх байх. Гэхдээ манайхан хичнээн хогийн сав байрлуулсан ч гадуур нь хэнэг ч үгүй хаячихдаг улс шүү дээ. Тиймээс ирэх жилүүдэд олон нийтийг хамарсан энэхүү арга хэмжээг зохион байгуулахдаа хаа хаанаа бодолцох хэрэгтэй биз ээ. Их хотын залуус маань соёлтой боловсон хандахгүй бол торгуулийн арга хэмжээ авсан ч яагаад болохгүй гэж.
М.МӨНХ
Энэ 2016 оны эхний өдөр манай дэлхийн хүн ам 7.3 тэрбум болж байгаа тухай АНУ-ын Хүн амын тооллогын товчооноос мэдээлжээ. Өнгөрсөн жилийн дотор дэлхийн хүн ам 78 саяар буюу 1.08 хувиар нэмэгдсэн байна. Манай дэлхийн хамгийн олон хүн амтай орон нь БНХАУ юм. Тус улсын хүн амын тоо 1.367 тэрбум байна. Дараа нь Энэтхэг 1,252 тэрбумаар удаалж байна. АНУ, Индонези, Бразил, Пакистан, Нигери, Бангладеш улсууд эдгээрийн араас бичигдэж байгаа аж. Оросын холбооны улсын хувьд 142.423 сая хүнтэйгээр есдүгээр байрт оржээ. Харин аравдугаарт Япон улс бичигдэж байгаа юм байна.
Шинэ оны баярын өмнөх өдөр буюу өнгөрөгч
Хөрөнгө оруулалтын тухай хууль хэрэгжиж эхлээд гурван жилийг ардаа орхисон. Энэ хугацаанд Засгийн газар гурав дахь Хөрөнгө оруулалтын гэрээг “Монполимет” болон “Монцемент Билдинг Материалс” компани хооронд оны өмнөхөн байгуулсан билээ. Хөрөнгө оруулагч “Монполимет” компани Дорноговь аймгийн Өргөн сум дахь “Монцемент” төсөлд 463.4 тэрбум төгрөгийн хөрөнгө оруулалт хийгээд байгаа ажээ. Төслийн хүрээнд Дорноговь аймгийн Өргөн суманд 375 шинэ ажлын байр бий болж, 220 айлын орон сууцны хотхон, хүүхдийн цэцэрлэг, худалдааны төв барих юм байна. Жилд нэг сая тн цемент үйлдвэрлэх хүчин чадалтай тус үйлдвэр өнгөрсөн наймдугаар сард нээлтээ хийж, Ерөнхий сайд оролцсон юм. “Монцемент” үйлдвэр нь жилд нэг сая тн цемент үйлдвэрлэхээс гадна 984 мянган тонн чулуунцар, 100 мянган тонн шохой үйлдвэрлэх боломжтой. Тиймээс уг төсөлд нийт 512.2 тэрбум төгрөгийн хөрөнгө оруулалт шаардлагатай байгаа аж. Үүнээс 90 хувийг “Монполимет” компани санхүүжүүлээд байгаа бол үлдсэн 48.8 тэрбум төгрөгийн санхүүжилтийг олон улсын банк, санхүүгийн байгууллагын санхүүжилтээр шийдвэрлэх юм байна.
Манайхны өргөн дэлгэр тэмдэглэдэг баяруудын нэг бол шинэ жил. Он солигдохоос өмнө хот, хөдөөг зорьж, аав, ээж, ах, дүү, ураг садангуудтайгаа шинэ жилээ угтдаг нь бараг уламжлал болсон. Тиймээс орон нутгийн зорчих тээврийн хэрэгслийн ачаалал нэмэгдэж, хүрэлцдэггүй юм.
Залуу
Шинэ оны анхны өдөр буюу өчигдөр Эх нялхсын эрүүл мэндийн үндэсний төвд 19 хүүхэд шинээр мэндэлжээ. Тэдний 11 нь хүү, найм нь охин аж.
Дуудлагын дагуу нийслэлийн Онцгой байдлын газрын Аврах ангийн албан хаагчид ажиллажээ. Харамсалтай нь талийгаачийн биед ямар нэгэн бичиг баримт байгаагүй тул нэр, нас, гэрийн хаяг тодорхойгүй байсан гэнэ. Ямартай ч насанд хүрсэн эрэгтэй хүний цогцос байсан бөгөөд харьяа дүүргийн цагдаагийн хэлтэст хүлээлгэн өгчээ.