Хонь
Энэ бол таны гялалзах ёстой сар. Арваннэгдүгээр сар танд үнэхээр сонирхолтой байх нь. Энэ сарын 14-18-ны хооронд хайртай хүнтэйгээ маргалдаж магадгүй. Энэ хооронд ярихаасаа өмнө бодохыг зөвлөж байна. Өөрйинхөө доторхи уян зөөлөн байдлыг ил гарга. Сарын сүүлд таны амьдрал шинэ эргэлтийг бий болгоно. Өөрөө өөртэйгөө зөрчилдөж, шинэчлэлт хийнэ. Энэ нь ч таныг илүү аз жаргалтай болгоно. Өөрийгөө хайрлаж эхэлвэл эргэн тойрныхоо дотны хүмүүсийг ч бас зөв зохистойгоор хайрлаж сурах юм. Энэ сар бүхэлдээ таны хувьд сэтгэл санаандаа анхаарал хандуулах үе байх болно. Та 11-ээс ирэх оны нэгдүгээр сар хүртэл ажилдаа нилээд их санаа тавина. Шийдэмгий байж, эрсдлээс айлгүй зоригтой хөдлөх болно. Таны замд бага зэрэг саад тулгарч магадгүй ч, эцсийн дүндээ танд их хэмжээний орлого орно.
Үхэр
Та энэ сард бага зэрэг сэтгэлээр унаж магадгүй. Ялангуяа 14-18-ны өдрүүдэд танд өөрийгөө буруутгах бодол давамгайлна. Бүү шанал. Ажлын газрын дарамт шахалт бухимдалд оруулж магадгүй. Дээр нь таны дэндүү шулуун шударга үг хэн нэгнийг гомдоож, эсвэл бухимдуулж болзошгүй тул болгоомжтой бай. 21-нээс хойш таны өөдрөг сэтгэл эргэн ирж, буцаад урагшлах болно. Хүүхэдтэй болохыг хүсч болох юм. Энэ сарын 11-нээс оргилсон сэтгэл, хүсэл тачаалын гариг. Марс таны хайр дурлалын ордонд орж ирэх 1 дүгээр сар хүртэл тэндээ байрлана. Энэ үеэр ганц бие хүмүүс шинэ дурлалтай учирч, өөрийнхөө өөр талыг нээх болно. Ажил хэргийн тал дээр багаар ажиллахыг илүүд үзээрэй. Тэгвэл илүү амжилтанд хүрнэ. Бархасбадь гариг карьерийн тал дээр таны найдвартай “ар тал” байж чадах учраас айж эмээлгүй шинэ боломжийн эрэлд гарч, хөрөнгө оруулагч, бизнесийн хамтрагчидтай уулз.
Ихэр
Энэ сард ихэрийн ордныхон найз нөхөд, хамт олноороо олон арга хэмжээнд оролцоно. Энэ халуун дулаан уур амьсгал нь хувийн амьдралд ч сайнаар нөлөөлнө. Нарны нөлөөгөөр сарын эхний 20 хоног ажлын амжилтаар дүүрэн байна. Таны хувийн зохион байгуулалт үүнд чухал үүрэгтэй. Өөрийгөө харуулж болох хэд хэдэн үйл явдлыг анзааралгүй өнгөрөөж болохгүй. Уран бүтээлийн талаас өөрийгөө олонд таниулах боломж нээгдэж байна. Арваннэгдүгээр сар бол таны хувьд хайр дурлалын тал дээр хамгийн таатай сар байх болно. Хэрэв хайртай хүнээ олсон бол, хосуудын харилцаа энэ сард улам бэхжиж, бие биенээ ойлгож хүндлэх тал дээр өсөн дэвжинэ. Ганц бие ихрүүдийн хувьд дурлалтай учрах магадлал өндөр байна.
Мэлхий
Өөрийнхөө дотор хүнийг илүү ойлгож эхэлснээр, сэтгэл санаа сайхан байх болно. Сарын дундуур буюу 14-18-ны хооронд гэр бүл, болон ажил дээр асуудал үүсч магадгүй. Жижиг сажиг зүйл дээр бууж өгч болох ч, үзэл бодол дээрээ бат зогсоорой. 28-ны үеэр ажлын газрын, эсвэл албан холбоотой хүнтэйгээ хайр сэтгэлийн харьцаа үүсгэж магадгүй. Сарын сүүлээр дэлгүүр хэсэх хэрэггүй. Үрэлгэн хандлагатай байна. Эхнэр нөхрүүд гэр бүлийн тал дээр хүлээх үүрэг хариуцлагын талаар хоорондоо ярилцана. Санхүүгийг тал дээр энэ сар тайван байна.
Арслан
Арслангууд энэ сард мөнгө санхүүгийн асуудалд нилээдгүй анхаарлаа зарцуулна. Сарын дунд хавьцаа таны бусадтай харилцах чадварыг шалгасан үйл явдал болно. Удирдах албан тушаалд оноосноор ачаалал нэмэгдэж магадгүй. Өөрийнхөө чадварыг шавхаж харуул. Сарын сүүлээр хийсэн бүхэн чинь үнэлэгдэж амралтанд явж магадгүй. Үүний хажуугаар энэ сар танд маш олон үдэшлэгийг санал болгох болно. Наргиж цэнгэхээс бүү татгалз. Гэхдээ зөн совингоо дагаж, хэрэгтэй үедээ татгалзаарай. Залуу насны эрч хүч сэргэнэ. Энэ сар танд жинхэнэ хайрыг өгөхгүй ч, хөнгөн сээтэгнэл, дур булаам эрчүүд, ямар ч үүрэг хариуцлага шаардахгүй эрх чөлөөт харилцааг бэлэглэнэ. Ажил хэргийн тал дээр жижиг зүйлд ч бүү яаравчил.
Охин
Та энэ сард амьдралыг шинэ цонхоор харах болно. Тэр цонхоор бүх юм таны төсөөлж байснаас өөр ч харагдаж мэднэ. 14-18-ны хооронд мөнгөний асуудал нэгт тавигдана. Хүүхэд, хайр хоёрын хооронд сонголт хийх шаардлага тулгарч магадгүй. Энэ сонголт ирээдүйн аз жаргалд нөлөөлөх тул ухаантай бай. Мөн сексийг хайр дурлалтай холих хэрэггүй. Хамгийн сүүлийн үеийн технологийг ажил хэрэгтээ нэвтрүүл. Сарын сүүлээр компанидаа шинэ ажилтан авч магадгүй. Энэ сард та өөртөө дүн шинжилгээ хийж, давуу талуудаа бодох болно. Өөртөө шүүмжлэнгүй хандахаа боль. Мөн бусдын өвдөлт, зовлон, асуудлыг өөр дээрээ үүрдэг зуршлаа зогсоо. Энэ бүхэн тэдний хувьд ч бас өөрийгөө нээх шинэ алхам болох болно. арваннэгдүгээр сарын 11-нээс Марс гариг Охины ордонд орж тэндээ найман сар байрлана. Үзүүлээд өгөх цаг ирлээ л гэсэн үг. Өмнөө тодорхой зорилго тавьж ухаантай байвал маш олон зүйлийг амжуулна. Бүх юм урьдынхаас илүү амьд, бас сонирхолтой санагдана.
Жинлүүр
Сарын эхээр жинлүүрийнхэн тодорхой хэмжээний дарамтанд орох боловч, 14-18-ны хооронд бүх зүйл шийдэгдэж буцаад амьдралын тайван хэмнэлдээ орно. Асуудлыг хэрхэн шийдэхээс ялалт, эсвэл ялагдал тань шийдэгдэнэ. Хайр сэтгэлийн харилцаан шинэ дэвшил гаран. Санхүүгийн тал дээр асуудалгүй байна. Хөрөнгө оруулалт, ивээн тэтгэлт, тэтгэлэгт хөтөлбөрүүдэд үзээд алдвал амжилт олж болно. Бичих, болон илтгэх чадвар тань оюун ухаан шаардсан ажлуудад таныг аварна. Олон гэнэтийн зүйл тохиолдоно. Гэнэтийн бэлгээ хүлээн авахад бэлэн байгаарай.
Хилэнц
Хайр дурлалын амьдрал тань учир нь ойлгогдохгүй, холион бантан болсон мэт санагдаж магадгүй. Сарын турш тохиолдох үйл явдлуудын ачаар хэзээ ч сонирхож байгаагүй бүхэндээ ач холбогдол өгч эхэлнэ. 14-18-ны хооронд биеэ энхрийлүүштэй. Хоолой өвдөж магадгүй учир ороолтоо өдөр бүр зүүгээрэй. Ямар нэг аялал, чухал аждыг дараа сар хүртэл хойшлуул. Өөртөө болон гэртээ цаг зав гаргаж амар. Зөв мэдрэмжээ дагаж, хүмүүстэй зөв харилцааг үүсгэ. Хайртай хүнтэйгээ өөрийн ирээдйүн зорилго, хүсэл тэмүүлэл, үзэл бодлоо хуваалцаарай. Зарим хилэнцийнхэнд эргэлзээ төрүүлж байсан харилцаа нь жинхэнэ болох мөч ойрхон байна. Бүх төрлийн мэдээллээс хоцрохгүй байснаараа одооныхоосоо илүү орлого олох боломжтой.
Нум
Таны санхүү болон хайр дурлалын амьдрал асуудал дунд байна. 14-18-ны хооронд таныг том хохиролтой сонголт хүлээж байж магадгүй. Бүх зүйл өөрөө шийдэгдэхийг хүлээж тэвчээртэй бай. Ингэвэл мөнгөө ч, зүрхээ ч аварч чадна. Хуйлрах салхи шиг хүчтэй дурлал таныг сарын сүүлээр гүн эзэмдэнэ. Сэтгэлээ барих гэж хичээх хэрэггүй. Зорилгодоо хүрэхэд тань саад болох хүчин алга. Энэ л үед зөн совиндоо итгэж, явах чигээ “түүнээр” заалгуулаарай. Арваннэгдүгээр сарын 11-нээс таныг ажил мэргэжлийн тал дээр шинэ эрин үе хүлээж байна. Карьертаа тун их анхаарал хандуулна. Марс гариг танд өрсөлдөх чадал, сэтгэл санааны хүч хайрлажээ. Та маш онцгой зүйлсийг бүтээх авч, хайхрамжгүй зан, туршлагагүй байдлаасаа болоод алдаж болзошгүй байгааг анхаар. Таны эсрэг хүйстнээ татах чадвар өндөр байна..
Матар
Эрч хүчээр дүүрэн байна. Таны дэндүү омголон байдал харилцаанд тань хүндрэл авчирч магадгүй. “Хувиа хичээгч” гэсэн үгийг хайртаасаа сонсохгүйн тулд хичээгээрэй. 22-ноос хойш бүтээлч байдал нэмэгдэнэ. Сайн төлөвлөхгүй бол ажлаа юмаа хоёр дахиа хийх хэрэгтэй болно. Амьдралыг илүү өөдрөгөөр, бас өргөн цар хүрээгээр хар. Та өөрөөсөө ихийг шаардаж, сурч боловсрох ёстой. Бүх юм таны бодож байгаагаас хамаагүй сонирхолтой. Өөрийгөө дасаагүй нөхцөл байдалд оруулж үз. Гэсэн хэдий ч та энэ сард урьд урьдынхаас илүү амгалан тайван байх болно. Үзэл бодлоо илэрхийлэх боломж олон таарна. Бархасьбадь гариг таны ордонд орж байгаа тул романтик болзоо, хөнгөн сээтэгнэл таныг ирэх зун хүртэл дагана. Найзууд хамт олноосоо тусламж авна. Гадаадад амьдрах, байраа солих талаар бодож эхэлнэ.
Хумх
Үзэл бодлоо илэрхийлэх чинь зөв. Гэхдээ хэзээ, хаана, хэнд гэдгийг л сайн бодоорой. Болгоомжтой байхгүй бол та хэлнээсээ болж асуудалд унаж магадгүй байна. Гэхдээ зарим тохиолдолд хатуугаар хэлэх нь “агаарыг цэвэршүүлэх” цорын ганц арга байдаг. Та сүүлийн хэдэн сарын турш маргааныг зөвхөн хөндлөнгийн хүний нүдээр харж ирсэн. Зарим хумхынханд гэр бүлийн тал дээр, заримд нь хайр дурлалын тал дээр жижиг проблем үүснэ. Бодит байдал шүүгдэж, ямар нэг шинэ зүйлийг авчирна. Тиймээс та санаагаа нэг их зовоолгүй тайван бай. Ерөнхийдөө 11 дүгээр сар таны хувьд таатай өнгөрнө. Дотны хүмүүстэйгээ олон арга хэмжээнд оролцож цагийг сайхан өнгөрөөнө.
Загас
Та сонирхол татахуйц хүмүүсийн анхаарлыг татна. 14-18-ны хооронд, хэн нэгний тавьсан романтик санал таныг эвгүй нөхцөл байдалд оруулж магадгүй. Эсвэл бүр эсрэгээрээ удаан хугацааны турш шийдэж чадахгүй байсан асуудлын тань гарцыг ч гаргаж болно. Энэ бол алтан тэнцвэр. Саналын талаар сайн бод, сайн ярилц. Өөрийнхөө талаар нээлттэй шударга бай. Уурлаж болзошгүй тул хамаг тэсвэр тэвчээрээ шавхаж, тайван байхыг хичээ. Марс гариг таны хайр дурлалын ордонд ороод, тэндээ 1 дүгээр сар хүртэл байрлах тул, хосуудын харилцаа догдлонгуй, нөгөө талаар тогтворгүй байна.
Монгол Улсын Ерөнхий сайд Ч.Сайханбилэг Оросын Холбооны Улсын Засгийн газрын дарга Дмитрий Анатольевич Медведевт аравдугаар сарын 31-нд эмгэнэлийн цахилгаан утас илгээжээ.
Амралтын өдрүүдэд зам тээврийн осол, хэргийн газрыг орхиж явсан таван тохиолдол бүртгэгдсэн байна. 
Нийслэлийн засаг даргын А980 тоот захирамжийн дагуу авто худалдаа эрхлэгчдийн үйл ажиллагаа явуулж байсан долоон захыг хүчээр татан буулгаж байгаа талаар эх сурвалжууд мэдээлж байна. Өнгөрсөн амралтын өдрүүдэд вокзалын ард байрлах “Мянган машины авто худалдаа”-г УБТЗ-ын хамгаалалтын албаны цэрэгжилтийн зохион байгуулалттай алба хаагчид хүчээр буулгаж, захыг битүүмжилсэн аж. Харин ням гаригийн орой цагдаагийн албан хаагчид “Цирк”-ийн хажуу дахь автомашины бизнесс эрхлэгчдийг хүчээр тараажээ. Эдгээр авто худалдаа эрхлэгчид өнөөдөр вокзалын хойно байрлах 1000 машины зогсоолд эсэргүүцлээ илэрхийлэн жагсч эхэлжээ.
Цагдаагийн ерөнхий газрын Тусгай хэлтсийн гурван ажилтан “VENUS” бааранд нэгэн иргэнийг зодож амь насыг нь хөнөөсөн талаар мэдээлэл өнгөрсөн долоо хоногт шуугиан тарьсан. Тодруулбал, ЦЕГ-ын Тусгай хэлтсийн хоёр ахлах дэслэгч, нэг ахлагч цолтой ажилтан Зэвсэгт хүчний 150 дугаар ангид албан хаагчийг хөнөөсөн хэрэгт сэжиглэгдэн ШШГЕГ-ын харьяа цагдан хорих 461 дүгээр ангид саатуулагдаж буй. Тэгвэл уг асуудлаар ЦЕГ-ын даргын зөвлөл хуралдаж, уг хэрэгт сэжиглэгдэн шалгагдаж буй гурван албан хаагчийг ажлаас нь халжээ. Мөн тэднийг удирдан ажиллаж байсан дарга нарт ч хариуцлага тооцсон аж.
БНХАУ-ын удирдагч Ерөнхий сайд Ли Кэцян, Өмнөд Солонгосын Ерөнхийлөгч Пак Гын Хе болон Японы Ерөнхий сайд Шинзо Абэ нар өчигдөр Сөүл хотноо уулзаж гурван талын хэлэлцээр хийжээ. Албаны хүмүүсийн мэдээлснээр “Тус уулзалт 2008-2012 оны хооронд тасралтгүй зохион байгуулагдаж байсан ч улс төр, газар нутгийн маргаанаас шалтгаалан дөрвөн жил завсардсан” гэж мэдээлсэн юм.
Дорнод аймгийн Хэрлэн суманд өнгөрсөн сарын 28-нд гахай үхсэн гэх дуудлага ирсний дагуу шинжилхэд А зэрэглэлийн гахайн сонгодог мялзан гэж оношлогдсон байна. Вириусын гаралтай энэ өвчин гарсантай холбогдуулан Хэрлэн сумын Засаг даргын захирамжаар I багт хорио цээрийн дэглэм тогтоож, таван газарт хянгалтын пост гаргажээ. ХХААГ-аас уг газарт ариутгал халдваргүйжүүлэлт хийж, малтай хорооллын ойр орчмын гахай тэжээдэг өрхүүдийн гахайнуудад үзлэг хийсэн байна.
Ой тогтоолтын олон улсын
Төв