Month: August 2015

Сургуулийн өмнөх боловсрол буюу цэцэрлэгт 218100 хүүхэд суралцана.
Улсын хэмжээнд нийт 1225 цэцэрлэг үйл ажиллагаа явуулах бөгөөд энэ нь
өнгөрсөн жилээс 54-р өссөн үзүүлэлт юм. Ингэснээр нийт цэцэрлэгийн насны
хүүхдүүдийн 81.5 хувь нь сургуулийн өмнөх боловсрол эзэмшинэ.

Гавьяат багш Б.Цэрэндоржийн
нэрэмжит Монголын хүүхдийн урлан бүтээх төв энэ хичээлийн жилийн
элсэлтээ маргааш буюу есдүгээр сарын 1-нээс авна.

2014-2015 оны хичээлийн жилд 206,636 хүүхдэд 1,171 цэцэрлэг ноогдож
байсан бол энэ хичээлийн жилд цэцэрлэгийн насны хүүхдийн тоо 11,464-өөр
нэмэгдэж, 54 цэцэрлэг шинээр ашиглалтад оржээ. Энэ нь хамран сургалтын
хувь өнгөрсөн оныхтой харьцуулахад 5,6 хувиар өссөн үзүүлэлт юм. Өөрөөр
хэлбэл цэцэрлэгт нэмж 6000 хүүхэд хамруулах боломж бүрдсэн гэсэн үг.
Хэдийгээр цэцэрлэгийн байр хангалтгүй, маш олон хүүхэд цоожтой хаалганы
цаана үлдэж байгаа хэдий ч салбарын яамнаас сүүлийн хоёр жилд зөвхөн
цэцэрлэгийн 158 барилга барьж, ашиглалтад оруулжээ. Мөн энэ ондоо
багтаан 47 цэцэрлэг ашиглалтад оруулахаар ажиллаж байгаа юм байна.
БСШУ-ны сайд Л.Гантөмөр өнгөрсөн долоо хоногт өгсөн мэдээлэлдээ “Хүн
амын өсөлтийн хурдыг барилга барих хурд нь гүйцэхгүй байгаа. Цэцэрлэгийн
барилгыг хангалттай хэмжээнд хүргэхэд төсөв хөрөнгө, газар гээд
тодорхой асуудлууд тулгарч байна. Гэхдээ бид бүтээн байгуулалтын тоог
улам нэмж ажиллана. Мөн удахгүй “Хүүхэд харах үйлчилгээний хууль”
хэрэгжээд эхэлхээр энэ асуудал нааштайгаар шийдэгдэнэ. Ирэх намар гэхэд
цэцэрлэгийн хүрэлцээний асуудал үндсэндээ шийдэгдэнэ гэж бодож байна”
гэсэн юм.

2015 оны 8
дугаар сарын 29, 30-ны өдрүүд буюу амралтын өдрүүдэд Улаанбаатар хотын
Замын цагдаагийн газрын МШУЗХ дээр нийт 513 дуудлага мэдээ мэдээлэл
хүлээн авснаас зам тээврийн ослын 352 дуудлага бүртгэгдсэн байна.
Үүнээс ХАБАЖЭГХэрэг 20 бүртгэгдэж 30 хүн хүнд хөнгөн гэмтсэн.
Согтууруулах ундааны зүйл хэрэглэсэн үедээ зам тээврийн осолд холбогдсон
жолооч 5, явган зорчигч 3, Зам тээврийн осолд 6 хүүхэд өртжээ.
Согтуугаар тээврийн хэрэгсэл жолоодсон 222 жолоочийг илрүүлж гарч
болзошгүй осол хэргээс урьдчилан сэргийлж ажилласан байна.

Маргааш буюу
2015 оны 09 дүгээр сарын 01-ний өдөр Их дээд, ерөнхий боловсролын
сургууль, цэцэрлэгийн 2015-2016 оны хичээлийн шинэ жилийн нээлт болох
гэж байгаатай холбоотойгоор замын хөдөлгөөний ачаалал тэр дундаа явган
зорчигч, хүүхэд залуучуудын хөдөлгөөн эрс нэмэгддэг. Шинэчлэн батлагдсан
МУ-ын Замын хөдөлгөөний аюулгүй байдлын тухай хууль мөрдөгдөж эхлэх гэж
байна. Иймд замын хөдөлгөөнд оролцогч та бүхэн бие биендээ хүндэтгэлтэй
хандаж аюулгүй байдлаа сайтар хангаж, хууль дүрмийн дагуу замын
хөдөлгөөнд оролцоорой.

Ерөнхий сайдын ахлах зөвлөх асан Л.Гансүхийг шүүх хурал нөгөөдөр болно. Тэгвэл түүний өмгөөлөгч Ц.Баасандорж дөнгөж сая мэдээлэл хийлээ. Түүний өмгөөлөгч тус шүүх хурлын үйл явцыг олон нийтийн мэдээллийн хэрэгслээр шууд дамжуулах хүсэлт гаргажээ. Энэхүү хүсэлтийг ШЕЗ-ийн дарга Н.Лүндэндорж болон Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхийн шүүгч Х.Идэр нарт гаргасан байна. Учир нь түүний тайлбарласнаар бол Л.Гансүхийг шүүх хурлыг 5000 гаруй хүн үзэх хүслэтэй байгаагаа илэрхийлсэн гэнэ. Тиймээс өмгөөлөгч Ц.Баасандорж шүүх хурлыг шууд дамжуулснаар шүүх хурал ил тод шударга, үнэн зөв болно гэж ярив. Тэрээр дээрх хариугаа өнөөдөр авах хүсэлтэй гэдгээ ч хэллээ.

НҮБ-ын мандат дор хилийн чинадад үүрэг гүйцэтгэж буй манай цэнхэр дуулгатнууд есдүгээр сарын 5-нд буюу ирэх ням гаригт эх орондоо ирэх юм байна. Афганистан улсад есөн сарын турш эх орныхоо өмнө хүлээсэн үүргээ нэр төртэйгээр гүйцэтгээд ирж буй энхийг сахиулагчид уг нь наймдугаар сарын 20-нд Улаанбаатарт газардах ёстой байсан. Гэвч БНХАУ Чөлөөлөх дайны 70 жилийн ойн арга хэмжээний улмаас нислэг хойшлогдсон байна. Тодруулбал Хятад улс 17 улсын цэрэг дайчид нэг дор цугларсан эл өдрүүдэд агаарынхаа хилээр байлдааны онгоц нэвтрүүлэх хүсэлгүй байсантай холбоотой гэдгийг албан бус эх сурвалж мэдээлж байгаа юм.

Тарилгатай
халдварт өвчний тандалтын ДЭМБ-ын зорилтын хэрэгжилтийг баталгаажуулах
хорооны хурлыг өнгөрсөн баасан гарагт Шуурхай удирдлагын төвд зохион
байгууллаа.

Хурлаар
2014-2015 оны халдварт саа өвчний тархвар зүйн тандалтын үйл ажиллагааны
тайланг хэлэлцүүлж ДЭМБ-ын Номхон далайн бүсийн төвд хүргүүлэх, мөн
халдварт саагийн эсрэг 3 цэнт вакцинаас 2 цэнт вакцинд шилжих
төлөвлөгөөний төслийг гишүүдийн саналыг тусган засварлаж,
Дархлаажуулалтын зөвлөх хорооны хурлаар хэлэлцүүлэхээр тус тус
шийдвэрлэсэн байна.