Дөрөвхөн настай охиноо төрсөн эцэг нь хойд эхийнх нь хамт зодож, аминд нь хүрсэн ноцтой хэрэг энэ долоо хоногт цацагдаж, олныг цочирдууллаа. Харамсалтайгаар амиа алдсан хөөрхий охины төлөө зул өргөх ёслол өнөөдөр 18.00 цагт Чингисийн талбайд боллоо. Тэнд хүүхэдтэй, дүүтэй хүн бүр очихыг “Өдрийн сонин” уриалсан. Чингэсийн талбайд зул өргөх энэхүү гашуудлын үйл ажиллагаанд олон мянган хүн сайн дураараа цуглалаа. Ирсэн хүн бүр талийгаач охины төлөө зул өргөн, гурван минут чимээгүй зогсч, эмгэнэл илэрхийлсэн юм.
“Цагаан цуглаан” нэртэй энэхүү буяны арга хэмжээг “Ээж бүхний дуу хоолой” facebook группээс санаачилсан бөгөөд 10 гаруй ТББ, клубын нэгдэл, иргэд дэмжин оролцлоо. Бурханы оронд дэндүү эрт буцсан бяцхан охинд хүндэтгэл үзүүлэх, гэр бүлийн хүчрхийлэлд өртөж байгаа хүүхдүүдийн асуудалд төр засгийн анхаарлыг хандуулах, бодит үр дүнд хүрэх зорилгоор зул өргөх ёслолыг зохион байгуулжээ.
Энэхүү ёслол өнөөдөр Чингисийн талбай, Зайсан дахь Бурхан Багшийн хөшөөний хажууд болсон бол дэлхийн өнцөг булан бүрт байгаа Монголчууд охины төлөө эмгэнэл илэрхийлж, олон нийтийн сүлжээнд мэдээлсэн байв. Өнөөдрийн арга хэмжээг иргэд сайн дураараа зохион байгуулсан гэхэд ямар ч улстөрийн жагсаал, тэмцлээс илүү олон хүнийг хамарсан байв.
“Ээж бүхний дуу хоолой” Facebook групп гэхэд 8000 гаруй гишүүнтэй бөгөөд өнөөдрийн арга хэмжээнд 1500 ээж хүрэлцэн ирсэн бол бусад төрийн бус байгууллагаас ойролцоогоор 1500-2000 хүн цугласан гэв. Түүнчлэн энд бага насны балчир хүүхдүүд ч ирсэн байсан бөгөөд гэрэлт зул барин зогсоно.
Зул өргөх ёслолд олон хүн сайн дураараа хүрэлцэн ирсэнд талийгаач охины ар гэрийнхэн, мэдээллийг анх facebook хуудаснаа оруулсан охины ээжийнх нь найз эмэгтэй талархаж байгаагаа илэрхийлжээ. Арга хэмжээг зохион байгуулагчид Нийслэлийн Засаг даргын тамгын газраас нэг цагийн эрх авсан тул 18.00 цагт эхэлсэн ёслол 19.30 цагийн үед өндөрлөлөө. Зул өргөх ёслолоос хийсэн дэлгэрэнгүй сурвалжлагыг “Өдрийн сонин”-ы даваа гаригийн дугаараас дэлгэрэнгүйгээр нь хүлээн авч уншаарай.
Аргентины Ерөнхийлөгч Кристина Де Киршнерийн хэргийг шүүх хурлаар хүчингүй болгох шийдвэр гаргасан тухай “Ройтерс” агентлаг мэдээллээ. 
Олон Улсын иргэний хамгаалалтын өдрийг угтаж Нийслэлийн Онцгой байдлын газраас Улаанбаатар хотын шуурхай удирдлагын төвд гамшгаас хамгаалах штабын дадлага сургуулийг зохион байгуулжээ. Дадлага сургуулийг Улаанбаатар хотын ерөнхий менежер бөгөөд захирагчийн ажлын албаны дарга Б.Бадрал, Нийслэлийн Онцгой байдлын газрын Гамшгийн шуурхай удирдлагын хэлтсийн дарга Онцгой байдлын хурандаа А. Дашням нар удирдан явуулсан байна. 
Нүүрсний эрэлт сар шинийн өмнө суларсантай холбоотойгоор экспорт буурчээ. Мөн нүүрсний борлуулалт төлөвлөгөөнийхөө тал хувьтай тэнцсэн байна. Ашигт малтмалын газрын мэдээллээр нэгдүгээр сард нүүрс олборлогчид 1.9 сая тонн нүүрс борлуулснаас 1.1 саяыг нь экспортод гаргажээ. Үүнийг өмнөх онтой харьцуулахад борлуулалт 3.4 хувь харин экспорт 12.5 хувиар буурсан байна. Энэ оны эхний сарын байдлаар экспортын хэмжээ төлөвлөгөөнийхөө 37.3 хувьтай тэнцэж байгаа бол дотоодын борлуулалт 95.6 хувьтай тэнцүү байна. Экспортлогч компаниудын хувьд “Эрдэнэс Таван Толгой” цанхийн баруун хэсгээс 400 мянган тонн, “МАК” компани 237 мянган тонн нүүрс экспортод гаргажээ. Мөн экспортолсон нүүрсний 80 гаруй хувь нь коксжих нүүрс байна.
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.10, Монголын хурдан морины уралдааны дүрмийн 1.1, 1.14 дэх заалтыг тус тус үндэслэн Хөвсгөл аймгийн ИТХ-ын тэргүүлэгчдийн Хурдан морины уралдаан товлон зарлах, зохион байгуулах тухай 2015 оны нэгдүгээр сарын 22-ны өдрийн 02 тоот тогтоол гарлаа. Уг тогтоолд:
-ШҮҮХ ШИЙДВЭРЭЭ ГАРГАЧИХААДБАЙХАД ШИЙДВЭР ГҮЙЦЭТГЭГЧ НАР НАДААС МӨНГӨ АВНА ГЭЭД БАЙГААГ ОЙЛГОХГҮЙ БАЙНА-
Хэдхэн хоногийн өмнө Өмнөд Солонгост буутай этгээд хардалтын улмаас гэр бүлийн гурван хүнийг хөнөөсөн харамсалтай хэрэг болсон. Энэ хэрэг намжаагүй байтал өчигдөр Өмнөд Солонгосын Кёнги аймгийн Хуасон хотын орон сууцанд зэвсэгт этгээд эхнэр, нөхөр хоёрыг буудаж хөнөөгөөд амиа егүүтгэсэн байна. Хохирогчид нь 80 орчим настай хүмүүс байсан бол зэвсэгт этгээд нөхрийнх нь дүү байжээ. Гэмт этгээд хоёр настанг хөнөөх үед бэр нь гарч зугтан цагдаад мэдэгджээ. Өмнөд Солонгост амиа хорлох тохиолдол багагүй гардаг ч долоо хоногийн дотор хоёр ч удаа хүний амь хөнөөгөөд амиа егүүтгэсэн тохиолдол гарсанд иргэдийнх нь зүгээс цочир хүлээж авч байгаа талаар Ариранг телевиз мэдээлжээ.
Монголчууд хөлнөөсөө, оросууд толгойноосоо дулаалдаг. Өвлийн тэсгим хүйтэнд орос хүүхнүүд дан шилэн тиркотой, гоёлын шаахайтай хэнэггүй алхаж явдаг. Тэгсэн атлаа уул овоо шиг том малгай өмсчихдөг шүү дээ. Харин монгол ээжүүд хүүхдүүдээ төрсөн цагаас нь л хөдсөөр хөлийг нь ороож, даарчихаагүй биз гэж ирээд л байн байн шалгадаг гээч. Тэгвэл Японы эмч нар иргэддээ “Хүүхдийг нэг сар хүртэл өөртэйгөө адилхан хувцасла, нэг сартайгаас нь хойш өөрөөсөө нэг цамцаар нимгэн хувцасла, хөлийг нь бүү бэгнэ” гэж зөвлөдөг байна. Японы эмч нар энэ тухай зөвлөхдөө хуучин цагийн туршлагаасаа хуваалцдаг аж. Японд 30 жилийн өмнө, хүүүхдийн эмчийн үүдэнд хатгаатай, хоолой нь өвдсөн хүүхдүүд дугаарладаг байсан бол одоо харшилтай хүүхдүүд л ихэвчлэн ирдэг болсон байна. Учир нь, хүүхдийг хөл нүцгэн байлгаснаар Японд ангина гэдэг өвчин байхгүй болжээ. Өөрөөр хэлбэл, хөлийг их бэгнэвэл, хүүхэд өвчлөмтгий болж, ялангуяа хоолой нь байнга өвдөж, цаашилбал ангина, үе мөч, зүрх гээд өвчилдөг гэнэ. Энэ тухай Японд олон жил амьдарсан нэгэн бүсгүй ийн зөвлөлөө. “Нээрээ л ханиад, хоолойн өвчин тусахаараа Монголдоо төрсөн том хүүхэд маань, Японд төрсөн дунд хүүхэд хоёр маань газар тэнгэр шиг зөрүүтэй. Хоолойн мах нь хүртэл эх орондоо төрүүлж, хөлийг нь дулаалж, бэгнэж өсгөсөн том хүүгийнх маань дүүгийнхээсээ өвчлөмтгэй. Японд очсоныхоо дараахан нэгэн өдөр нүд маань орой дээрээ гарах шахаж билээ. Тэр өдөр цас малгайлан орж байв. Гэтэл гудамжинд нэгэн ээж 3,4-хөн сартай болов уу гэмээр хүүхдээ хөл нүцгэн тэврээд явж байв. Дараа нь би хүүгээ цэцэрлэгт оруулав. Гэтэл тэр цэцэрлэгийн 0-6 насны бүх хүүхэд цэцэрлэг дээрээ оймс өмсдөггүй нь маш хачирхалтай санагдаж байлаа. Ийм жишээ маш олныг харсан би Японд төрүүлсэн хүүгээ яг л япон маягаар хөл нүцгэн өсгөлөө. Дараа нь Монголдоо ирээд гуравдахь хүүхдээ төрүүлээд ч мөн л япон маягаар өсгөв. Гэртээ өвөл ч тэр нэг өдөр ч оймс өмсгөж үзээгүй. Бас хүүгээ унтаж байхад нь хөлийнх нь ул хэсгийг хучдаггүй. Миний зарчим бол хүүхдийн маань хөл халуу дүүгж байх юм бол айдаг. Жаахан хүйтэндүү байх юм бол хэвийн байна гэж үздэг. Мөн өөрөөсөө илүү зузаан хувцас өмсгөдөггүй. Одоо миний хүү хоёр нас хүрэх гэж байна. Хоолой нь өвдөхгүй. Би одоо болтол ханиадны эм өгч үзээгүй л байна. Жаахан ханиах гэвэл байгалийн жимсний шүүс өгөөд л болдог. Нэг удаа өрхийн эмч дүү маань “Япон, Монгол хүүхдүүд өөр. Хөлийг нь дулаан байлга” гэж хэлсэн. Би лав үүнтэй санал нийлэхгүй. Бодвол Япон улс судалж шинжлээд эмч нар нь тэгж зөвлөдөг гэж итгэж байгаа. 1970-аад онд, таван хүүхэд өсгөсөн, жирийн ажилчин миний нагац эгч маань хэлдэгсэн. Хүүхдийн цээж, хөл хоёрыг нь нимгэн байлга, харин гэдсийг нь даавуугаар ороож дулаахан байлга, ингэвэл хүүхэд бага өвдөж, ойр ойрхон шээдэггүй гэсэн. Бодвол амьдралынхаа туршлагаас л олж авсан байх даа. Дашрамд хэлэхэд, байрны маань гадаадад очиж байсан ээж нар хэлж байсан. Америк, Сингапур, Солонгос зэрэг оронд хэдхэн сартай хөл нүцгэн хүүхдээ аваад явж байсан ээж нарыг харсан гэнэ лээ. Нялх хүүхдийн физиологийн үйл ажиллагаа их эрчимтэй, томчуудаас илүү биe нь илч дулаан ихтэй тул хэт дулаалах шаардлагаг үй. Хүүхэд маань өөрөө өөрийгөө зохицуулах физиологийн чадвартай. Хэрэв хөл нь даарвал, хэсэг хугацааны дараа аяндаа халуу дүүгээд бүлээцээд ирнэ. Харин байнга дулаалдаг хөл, өөрийгөө дулаацуулах чадваргүй болдог ба цэв хүйтэн байдгаас гадна хоолой нь өвдөөд байдгийг анзаараарай. Ер нь хөл нь хүйтэндүү байхдаа гэмгүй, айх хэрэггүй гэж өөрийн амьдралын туршлагаас ээж нартаа зөвлөмөөр байна” гэжээ.
Хуванцар саванд хадгалсан сүүнд хар тугалга стандартад заасан хэмжээнээс 3-4 дахин их байдаг болохыг мэргэжлийн хяналтынхан лабораторийн шинжилгээгээр тогтоосон байна. Эдгээр хуванцар савыг монголчууд ахуйн хэрэглээнд өргөн ашиглаж байгаа. Тухайлбал, гэр хорооллын айл болгон ийм саваар усаа зөөж, хадгалж байна. Малчид гэхэд сүү таргаа мөн л хуванцар саванд хийдэг.