Month: January 2015

Categories
мэдээ спорт

​Австралийн шигшээ баг Ази тивийн аварга боллоо

Австралчууд Азийн хэсэгт багтаж тоглодог болсноосоо хойш анх удаа манай тивийн хөлбөмбөгийн аваргын цомын тэмцээнд түрүүллээ. Тэд өөрийнхээ нутагт зохиож буй “Asian Cup-2015”-д хожигдолгүй тоглосоор финалд шалгарсан бөгөөд шигшээ тоглолтод Өмнөд Солонгосын багийг 2:1-ийн харьцаагаар буулган авч хоёр өөр тивд аваргалсан анхны баг болов. Тэд өмнө нь Далайн орнуудын цомд тоглодог байхдаа дөрвөнтээ түрүүлж байжээ.

Өмнөд Солонгос – Австрал 1:2 (0:1, 1:0, 0:1)

Нэгдүгээр сарын 31, 17.00 цагаас, «ANZ Stadium» цэнгэлдэх хүрээлэн

Гоол:

0:1 – 45 Луонго, 1:1 – 90 Сон Хын Мин, 1:2 – 105 Тройси.

Б.Хулан

Categories
мэдээ нийгэм

Монголжингийн ихэр найзууд

Монгол Улс гурван сая дахь иргэн Х.Монголжин 180 чацуутантай. Тэдний дунд ихрүүд цөөнгүй байгаа аж. Тухайлбал

Баянзүрх дүүргийн иргэн Б.Сонинбаяр, М.Цэрэндэжид нарын ихэр хүү, охин

Сонгинохайрхан дүүргийн иргэн С.Цогнэмэх, Э.Үүрцайх нарын ихэр хүү

Налайх дүүргийн иргэн Б.Баяртуулын ихэр хүү, охин

Дархан-Уул аймгийн Дархан сумын иргэн Ж.Дамдиндорж, Ж.Энхбаяр нарын ихэр хүү

АНУ-ын Сан-Франциско хотод иргэн Б.Бямбацогт, Т.Мөнгөнцэцэг нарын ихэр хүү мэндэлж, гурван сая дахь иргэний ихэр найзууд болжээ.

Categories
мэдээ спорт

ОУХМ З.Батхуяг V байр эзэлжээ

Кувейтийн эзэн хааны нэрэмжит буудлагын Гран при тэмцээнд манай улсын тамирчид анх удаагаа цэц сорилоо. Дэлхийн шилдэг тамирчид оролцдог энэхүү тэмцээнд гавьяат тамирчин О.Гүндэгмаа тэргүүтэй Л.Уранзаяа, Э.Даваахүү, З.Батхуяг, Ч.Нарантуяа, З.Намдуун, Б.Намуунзул, Д.Лхагвасүрэн, Д.Лхамсүрэн нарын тамирчин буудлаа.

Тэмцээний сүүлийн өдөр буюу өчигдөр явагдсан эмэгтэйчүүдийн 50 метрт хэвтээ байдлаас 60 сум буудах дасгалд нийт 25 тамирчин цэц мэргээ сорьсноос ОУХМ З.Батхуяг 618,3 оноогоор V, ОУХМ Ч.Нарантуяа 614.6 оноогоор IX, ОУХМ Ч.Лхамсүрэн 606.9 оноогоор XX байрт тус тус шалгарчээ.

Энэхүү тэмцээний тэмцээний эмэгтэйчүүдийн 3х20 дасгалд Хөдөлмөрийн баатар, МУГТ О.Гүндэгмаа, ОУХМ Ч.Нарантуяа нар финалдаж, О.Гүндэгмаа долоодугаар байрт, Ч.Нарантуяа зургаадугаар байрт тус тус шалгарса. Харин тэмцээний хоёр дахь өдөр 10 метрийн хийн урт бууны дасгалд буудсан манай тамирчин Ч.Нарантуяа мөнгөн медаль хүртсэн билээ. Манай бусад тамирчдын тухайд эрэгтэйчүүдийн 50 метрийн сонгомол гар бууны дасгалд ОУХМ Э.Даваахүү 32 тамирчнаас IX байрт, хийн гар бууны дасгалд XIII байр, залуучуудын 10 метрийн хийн урт бууны дасгалд Д.Лхагвасүрэн VII байр эзэлсан амжилтыг үзүүллээ.

Categories
мэдээ соёл-урлаг

“Монголын их хатадын туульс” бүжгэн жүжиг удахгүй тайзнаа…

ҮДБЭЧ-ын уран бүтээлчид Монголын олон зууны тэртээх түүхийн тавцанд тодорсон домог туульсын Гоо марал, Алунгоо эхээс эхлээд төрт улсын Өүлэн эх, Бөртэ-Үжин, Дөргөнө, Сорхагтани, Чимбай, Алтан ургийн хэлхээ Самар, Мандухай зэрэг 9 хатдын түүхэн амьдралыг бүжгийн жүжгийн хэлээр үзүүлж буй “МОНГОЛЫН ИХ ХАТАДЫН ТУУЛЬС” бүжгэн жүжгээ 2015оны 2 дугаар сарын 5-нд ҮДБЭЧ-ын тайзнаа тоглохоор төлөвлөөд байна.

Энэхүү бүжгэн жүжгийн Ерөнхий продюсероор Г.Цоггэрэл /ҮДБЭЧ-ын захирал/, Бүжгэн жүжгийн цомнолыг Н.Болд /ҮДБЭЧ-ын дэд захирал/, Бүжгийг дэглэн найруулсан Д.Баярбаатар /Ерөнхий бүжиг дэглээч/, Ерөнхий зураач Ц.Энхтуяа, Хөгжмийг Төрийн соёрхолт, Б.Мөнхболд, Хөгжмийн найруулга М.Бирваа /ҮДБЭЧ-ын хөгжмийн зохиолч/, Гэрлийн найруулагч: Ц.Эрдэнэбат, Тайзны машинист: Ц.Эрдэнэбилэг, Оёдлын мастер: МУУГЗ Д.Лхагваа, Б.Лхагвадулам, Туслах найруулагч Х.Отгончимэг, ҮДБЭЧуулгын маркетингийн алба ажиллаж байна. Гол дүрүүдэд:

  • Гоо марал- бүжигчин МУСТА С.Цэцгээ,
  • Алунгоо эх- бүжигчин МУСТА Г.Уянга,
  • Өүлэн эх – бүжигчин МУСТА Т.Ариунжаргал,
  • Бөртэ хатан бүжигчин МУСТА Т.Мөнхцацрал,
  • Дөргөнө- бүжигчин МУСТА Э.Номин,
  • Сорхагтан хатан – бүжигчин МУСТА М.Бямбаа,
  • Чимбай- бүжигчин Л.Энхболор,
  • Самар- бүжигчин, МУГЖ Ш.Одонтуяа,
  • Мандухай – бүжигчин МУСТА Ж.Мандухай нар болон
  • ҮДБЭЧуулгын Үндэсний хөгжмийн их найрал
  • Удирдаач Н.Буянбаатар
  • Зууны манлай бүжиг дэглээч АЖ.ТШ.Ц.Сэвжидийн нэрэмжит бүжигчид оролцоно.
Categories
мэдээ соёл-урлаг

“Хэлж зүрхлээгүй хайр” уянгын драмын жүжиг тоглогдоно

Монголын урлагийн томоохон байгууллага болох Улсын Драмын Эрдмийн театрийн уран бүтээлчид энэ улирлын тоглолтоороо үзэгчиддээ түүхэн болоод эмгэнэлт, уянгын зохиолуудаа тайзнаа амьдруулан үзэгчиддээ хүргэхийг зорьж байгаа билээ. Тухайлбал АЖ.Очирбатын найруулга, СТА Ёндоншаравын найруулга “Буруугүй буруутан” уянгын драмын жүжгээ энэ сарын 23-25-ны өдрүүдэд тоглосон бол 30, 31, 2 дугаар сарын нэгний өдрүүдэд “Тамгагүй төр” эмгэнэлт драмын жүжгээ тавьж байгаа билээ.

Харин тэдний хоёрдугаар сарын хөтөлбөрт “Гэгээн хайрын баяр”-ын өдрийг тохиолдуулан Зохиолч Сорогдогийн Жаргалсайхан, Төрийн соёрхолт Намнангийн Наранбаатарын найруулга “Хэлж зүрхлээгүй хайр” уянгын драмын жүжгийг тоглохоор болсон байна. Тоглолт:

2 дугаар сарын 13-ны өдөр 18:00, 20:00 цагт

2 дугаар сарын 14-ны өдөр 17:00, 19:00 цагт

2дугаар сарын 15-ны өдөр 17:00, 19:00 цагт тус тус тоглохоор болжээ.

Categories
гадаад мэдээ

Леди Гага удахгүй хуримаа хийнэ

Америкийн хамгийн этгээд од болох Леди Гага хийхэд бэлэн болжээ. Тэрээр жүжигчин Тейлор Киннитэй хуримаа хийх гэж байгаа бөгөөд хосууд 2011 оноос хойш болзож эхэлсэн тухай томоохон хэвлэлийн агентлагуудаар цацагдаж эхэллээ.Дуучин бүсгүй хэдийгээр хуримын бэлтгэл ажилд завгүй явсаар байгаа ч одоог хүртэл Тейлортэй албан ёсоор сүй тавиагүй байгаа юм. Хэдэн долоо хоногийн дараа Тейлор сүйн бөгжөө Леди Гагад өгөх бөгөөд үүнийхээ талаар бүсгүйн ааваас ч зөвшөөрлөө авчихсан байгаа аж. Леди Гага хуримаа Малибуд хийх хүсэлтэй байгаа бөгөөд саяхан Малибуд үнэтэй харш худалдан авсан гэнэ.

Categories
мэдээ улс-төр

Төр, засгийн үйлчилгээг эрхлэх газрын “Нээлттэй хаалганы өдөрлөг” боллоо

Төр, засгийн үйлчилгээг эрхлэх газар үйл ажиллагааныхаа шинэлэг хэлбэрийг Төрийн ордонд байрлан үйл ажиллагаагаа явуулдаг төрийн удирдах дээд байгууллагуудын нийт ажиллагсдад “Нээлттэй хаалганы өдөрлөг”-өөр танилцуулах ажлыг зохион байгуулав.

Энэ удаагийн өдөрлөгийн онцлог нь эдийн засгийн хүндрэлтэй, төсөв мөнгөний хомсдолтой өнөөгийн цаг үед төрийн үйлчилгээг тасралтгүй, чанартай хүргэх үндсэн зорилтоо тус хамт олон хэрхэн зохион байгуулж байгааг харуулахад оршиж байгаа юм байна.

Үндсэн үйлчилгээнээс гадна захиалгат үйлчилгээг нэмж үйл ажиллагаандаа багтаасан нь мөн онцлог байв. Мөн харьяа байгууллагуудын үйл ажиллагаа, бүтээгдэхүүний үзэсгэлэнг гарган сурталчилсан юм.

Өнөөдрийн байдлаар тус байгууллага нь аж ахуйн тооцооны зарчим дээр үндэслэн төрийн үйлчилгээ үзүүлэх хэлбэр рүү шилжиж эхэлж байгаа онцлогийг сурталчилж, дээрх байгууллагуудтай хэрхэн хамтран ажиллах, харилцан ойлголцох, гарч байгаа давуу тал, хүндрэлтэй асуудлуудыг хэрхэн шийдвэрлэх вэ гэсэн асуудалд хүмүүсийн анхаарлыг хандуулж байна.

Үүнд:

  • Төрийн ордны барилгын бат бэхийн чанар байдал эрс муудсан,
  • Инженерийн шугам хоолой, цахилгаан хангамжийн найдвартай байдал алдагдсан,
  • Төрийн ордонд ажиллагсдын аюулгүй орчинд ажиллах нөхцөл эрсдэлтэй болсныг баримтаар танилцуулсан юм.
Categories
мэдээ соёл-урлаг

“Guys 666” хамтлагийнхан Гэгээн Валентины өдөр тоглолтоо хийнэ

Хэсэгтээ нам жим байсан “Guys 666” хамтлагийнхан уран бүтээлдээ эргэн орж шинэхэн клипүүдээ үзэгчдэд дэлгэх болсон билээ.

Тэгвэл тэд ирэх хоёрдугаар сарын 14-нд буюу Гэгээн хайрын баяраар дурлалт хосууддаа зориулан “Хайрын бүжиг” шоу тоглолтоо хийхээр болжээ. Энэхүү тоглолт нь Чингисийн өргөө “Event Hall”-д болох аж.

Тэд тав дахь бие даасан тоглолт “Хайрын бүжиг”-ээрээ үзэгч, сонсогч, дурлалт хосуудад бэлэг барих нь. Хамтлагийн гишүүдийн мэргэжил жүжигчин бөгөөд тэд тоглолтынхоо үеэр дуулж бүжиглэхээс гадна жүжиглэх гэнэ.

Categories
мэдээ нийгэм

Гал түймрийн найман дуудлага иржээ

Нийслэлд гал түймрийн 5, орон нутагт гал түймрийн 3 дуудлагатай байлаа. Үүнд:

Сонгинохайрхан дүүргийн 20 дугаар хорооны нутаг “Төр тугхуй” ХХК-ийн хашаанд ачааны автомашин шатаж байна гэсэн дуудлагыг 2015.01.30-ны өдрийн 13:55 цагт үлээн авч Аврах, гал унтраах 18 дугаар ангийн 8 албан хаагч,

Чингэлтэй дүүргийн 17 дугаар хорооны “Сурагч”-ийн 82 дугаар гудамжийн 970Б тоотод иргэн Ц-н гэр шатаж байна гэсэн дуудлагыг 2015.01.30-ны өдрийн 14:56 цагт хүлээн авч Аврах, гал унтраах 34 дүгээр ангийн 7 албан хаагч,

Баянзүрх дүүргийн 25 дугаар хорооны “Гангар инвест” ХХК-ийн барьсан 170А байрны 2 дугаар орцын хогийн сувагт хог шатаж байна гэсэн дуудлагыг 2014.01.30-ны өдрийн 19:11 цагт хүлээн авч Аврах, гал унтраах 10 дугаар ангийн 6 албан хаагч,

Хан-Уул дүүргийн 12 дугаар хорооны “Хайрхан”-ы 3 дугаар гудамжийн 2Б тоотод иргэн Г-н 5 ханатай гэр шатаж байна гэсэн дуудлагыг 2015.01.30-ны өдрийн 22:42 цагт хүлээн авч Аврах, гал унтраах 30 дугаар ангийн 8 албан хаагч,

Баянзүрх дүүргийн 20 дугаар хорооны “Хар-Усан тохой”-н задгайд иргэн Ганбатын 5 ханатай гэр, иргэн Н-н суудлын автомашин шатаж байна гэсэн дуудлагыг 2015.01.30-ны өдрийн 20:15 цагт хүлээн авч Аврах, гал унтраах 35 дугаар ангийн 8 албан хаагч,

Дархан-Уул аймгийн Дархан сумын 7 дугаар багийн “Найрамдал”-ын 3 дугаар гудамжийн 26 тоотод иргэн Э.Цэвэлдуламын малын хашаанд хураалтай өвс шатаж байна гэсэн дуудлагыг 2015.01.30-ны өдрийн 16:02 цагт хүлээн авч Аврах, гал унтраах 22 дугаар ангийн 9 албан хаагч,

Баянхонгор аймгийн Баянхонгор сумын 1 дүгээр багийн нутагт үйл ажиллагаа явуулдаг “Баян” зочид буудлын цагаан хэрэглэлийн өрөөнд эд зүйл шатаж байна гэсэн дуудлагыг 2015.01.30-ны өдрийн 18:10 цагт хүлээн авч Аврах, гал унтраах 16 дугаар ангийн 6 албан хаагч,

Дорноговь аймгийн Замын-Үүд сумын 2 дугаар багийн “Өртөө”-ний 1 дүгээр гудамжийн 41 тоотод иргэн Г-н 4 ханатай гэр шатаж байна гэсэн дуудлагыг 2015.01.30-ны өдрийн 23:06 цагт хүлээн авч Аврах, гал унтраах 17 дугаар ангийн 7 албан хаагч тус тус унтраасан.

Categories
мэдээ нийгэм

Хятадад монгол хэлээр ярьдаг робот бүтээсэн байна

Хятадын “Хуя Шинь Ли” ХХК-иас монгол хэлээр ярьдаг робот бүтээжээ. Тэд тус роботыг өнгөрөгч мягмар гаригт олон нийтэд танилцуулсан байна. Роботоо “Оюун” хэмээн нэрлэжээ. Тэрээр 57.4 см өндөртэй, Өвөрмонголын Шилийн гол, цахар аялгаар ярьдаг аж. Мөн монголоор ярихаас гадна монгол бүжиг бүжиглэдэг байна.
61832