“Улаанбаатар төмөр зам” ХНН-ийн ажилтнуудад 790 сая төгрөгийн шагнал олгосон зөрчил илрүүлжээ.
Тодруулбал, Дорноговь аймгийн Алтанширээ сум дахь Газрын тос боловсруулах үйлдвэрийн дэд бүтцийн 27 км төмөр замын ажлыг гүйцэтгэхэд сайн ажилласан гэж нэр бүхий хүмүүсийг 790 сая төгрөгөөр шагнасан байна.
Тухайлбал, ОХУ-ын гурван мэргэжилтэн, нэг монгол мэргэжилтэнг тус бүр 65 сая төгрөгөөр, бусад есөн мэргэжилтэнд тус бүр 40-50 сая төгрөгийн шагнал олгожээ.
Энэ талаар “Улаанбаатар төмөр зам” ХНН-ийн зүгээс эргүүлэн төлүүлнэ гэдгээ мэдэгдээд буй. Уг зөрчил нь тус байгууллагын дотоод аудитын шалгалтаар илэрсэн юм.