-ИРЭХ ДОЛОО ХОНОГТ ЗҮҮН АЙМГУУДЫН НУТГААР ХАЛУУН ӨДРҮҮД ҮРГЭЛЖИЛЖ, БАРУУН АЙМГУУДЫН НУТГААР СЭРҮҮСНЭ-
Өнөө маргаашдаа ихэнх нутгаар, цаашдаа нутгийн зүүн хагаст халуун өдрүүд үргэлжилнэ. Ирэх сарын 1, 2 -нд буюу маргааш нөгөөдөр баруун аймгуудын нутаг, төвийн аймгуудын хойд хэсгээр, 3-нд баруун болон төвийн аймгуудын нутаг, говийн аймгуудын зарим газраар, 4-нд ихэнх нутгаар бороо орно. Дуу цахилгаантай. Салхи 1-нд зарим газраар, 2-нд нутгийн баруун хагаст, 3-нд нутгийн төв хэсгээр, 4-нд нутгийн зүүн хагаст түр зуур секундэд 18-20 метр хүрч ширүүснэ.
Алтай, Хангай, Хөвсгөлийн уулархаг нутгаар шөнөдөө 10-15 градус, өдөртөө 23-28 градус, говийн бүс нутаг, Дорнод, Дарьгангын тал нутгаар шөнөдөө 20-25 градус, өдөртөө 35-40 градус, бусад нутгаар шөнөдөө 17-22 градус, өдөртөө 31-36 градус дулаан байна. 2-нд баруун аймгуудын нутгаар, 3, 4-нд нутгийн баруун хагаст сэрүүснэ гэж Ус цаг уурын эрдэм шинжилгээний хүрээлэнгээс мэдээллээ.