Увс аймгийн Улаангом суманд зургаан сартай хүүгээ эмнэлэгт орхиод алга болсон хэрэг гарчээ.
Тус сумын аравдугаар баг, Дунд хорооллын 9-21 тоотод оршин суугч иргэн 30 настай, эмэгтэй Д нь аймгийн Нэгдсэн эмнэлгийн Халдвартын тасагт хүүгээ эмчлүүлж байсан аж.
Харин тэрбээр 2015 оны долдугаар сарын 29-ний өдрийн 12:00 цагийн орчим хүүгээ орхиод сураггүй алга болсон байна.
Аймгийн Цагдаагийн газраас эрэн хайх ажиллагааг зохион байгуулсан боловч эхийг нь олоогүй байна.