Жил бүр зам засварын ажлаас болж ногоон байгууламж устдаг. Энэ жил тарьсан мод, цэцэгс, бут дараа жил замын ажил эхлэнгүүт сүйтдэг. Байгаль орчин ногоон хөгжлийн яамны дэд сайд Б.Тулгын өгсөн мэдээллээр Улаанбаатар хотыг төлөвлөхдөө эхлээд бүх дэд бүтцээ шийдчихээд ногоон байгууламжаа хийх хэрэгтэй гэв. Өнөө жилийн хийсэн ажлаа дараа жил нь шинэчилж, засч сэлбэж байгаа гээд устгаж дэмий хөрөнгө мөнгө зарж байгааг Байгаль орчин, ногоон хөгжлийн яамныхан шүүмжилж байна. Тэд “Хуучин баримталж явсан зарчмаа өөрчлөөд хот барих гэж байгаа бол анхнаас нь төлөвлөе. Монгол Улсын хүн амыг гурван саяар бус 10 сая байхаар тооцож дэд бүтцээ одооноос төлөвлөж байх ёстой. Ингэснээр 2030-2080 он гэхэд Монгол Улс нэгэнт барьсан барилгаа нурааж барьдаг биш, анхнаас нь ногоонбайгууламж байгуулахад төвөг болохгүйгээр дэд бүтцээ шийдэх нь чухал юм” гэлээ.
Л.Гүндсамбуу