Зам тээврийн хөгжлийн сайд асан Д.Ганбатыг өчигдөр Авлигатай тэмцэх газраас 48 цагийн хугацаатайгаар саатуулсан байна. Түүнийг Зам тээврийн хөгжлийн яамны газрын дарга Д.Доржхандын хэрэгт холбоотойгоор саатуулжээ.
Зам тээвэр хөгжлийн яамны Авто замын бодлогын хэрэгжилтийг зохицуулах газрын дарга Д.Доржхандыг АТГ-аас Эрүүгийн хуулийн 22.1 дүгээр зүйл Эрх мэдэл, албан тушаалын байдлаа урвуулан ашигласан гэх зүйл ангиар буюу авто замын компаниудын дунд тендер зарлахдаа бусдад давуу эрх олгож, авлига авсан байж болзошгүй үндэслэлээр есдүгээр сарын 10-наас өнөөдрийг хүртэл цагдан хорих 461 дүгээр ангид шалгаж байгаа юм.