Монголын залуучуудын холбоо Барилга, хот байгуулалтын яамтай хамтарч ажиллах санамж бичгийн саяхан байгуулжээ. Санамжид яамны Стратеги, бодлого төлөвлөлтийн газрын дарга У.Отгонбаяр, МЗХ-ны Орон сууцны байнгын хорооны дарга Т.Анхбаяр нар гарын үсэг зурсан байна. Санамж бичгийн хүрээнд Монгол Улсын үндсэн хууль, холбогдох хууль тогтоомжийн дагуу харилцан бие биенээ хүндэтгэж, аливаа асуудлыг зөвшилцөн хамгийн зөв үр дүнд хүрэн хамтарсан уулзалт, сургалт семинар, сургалтуудыг зохион байгуулах ба залуучуудыгаа дэмжих зорилготой юм. Энэхүү санамжид “Залуучуудын орон сууцны корпораци” / ЗОСК / үүсгэн байгуулж, залуучуудад орон сууцны хөтөлбөртэй болгохоор заажээ.