Дорнод аймгийн Халхгол сумын Ялалт хоёрдугаар багийн нутаг, Буйр нуурын эргээс дотогш 400 орчим метрийн зайд загасчилж явсан дөрвөн хүнтэй завь хөмөрч, улмаар бүгд амиа алдсан харамсалтай хэрэг өнгөрсөн долоо хоногийн ням гаригт гарсан. Тэгвэл ОБЕГ, Хилийн цэргийн 0306 дугаар ангийн алба хаагчид хамтран ажиллаж, осолдсон иргэдийн цогцсыг олсон байна. Загасчилж яваад амиа алдсан иргэд 26-42 настай байсан аж. Одоогоор эл хэргийг Дорнод аймгийн цагдаагийн газар шалгаж байгаа юм байна.