Өмнөговь аймгийн Эрүүл мэндийн газар, Сонгинохайрхан дүүргийн Эрүүл мэндийн төвд явуулийн тусламж үйлчилгээний машин гардуулан өглөө. Тус автомашиныг Дэлхийн эрүүл мэндийн байгууллага болон БНСУ-ын засгийн газрын дэмжлэгээр хөдөө орон нутгийн замд туулах чадвар сайтаагаар тоногложээ.
Дэлхийн эрүүл мэндийн байгууллагын дэмжлэгтэйгээр Солонгосын олон улсын Эрүүл мэндийн сангийн санхүүжилтээр “Эрүүл мэндийн түвшинд мобайл технологийг нэвтрүүлэх нь” төслийг хэрэгжүүлж эхэлсэн. Энэхүү төслийн хүрээнд хийгдэж буй ажлын нэг нь энэ аж.
Мөн СХД-ийн Эрүүл мэндийн төв болон тус дүүргийн VII, XXVI дугаар хорооны өрхийн эмнэлэгт үзлэг оношлогоонд ашиглах ЭХО, ЭКГ зэрэг аппарат, таблет, даралтын аппарат зэрэг багаж, тоног төхөөрөмж, оношлуулаар хангаж, эмч мэргэжилтнүүдийг сургалтад хамруулжээ.
