Японы Мэйжигийн их сургуулийн судлаач Хоуми Мияшит нь үзүүрийг нь долооход хоолтой холбоотой бүхий л амт мэдрэх чадварыг сэргээж чаддаг гар дижитал төхөөрөмж бүтээжээ. Судлаачийн үзэж байгаагаар цахилгаанаар цэнэглэгддэг төхөөрөмжийг бага хүчдэлээр бүтээсэн бөгөөд ямар ч хор хөнөөл учруулахгүй тул санаа зовох зүйлгүй гэнэ. Мияшита “Синтезатор нь хэрэглэгчдэд бохь чихрээс эхлээд суши хүртэл амандаа ганц ч хоол оруулахгүйгээр амтыг мэдрэх боломжийг олгосон” гэжээ.
Норимаки синтезатор гэж нэрлэгддэг энэхүү “долоох дэлгэц” төхөөрөмж нь исгэлэн, чихэрлэг, гашуун, давс, умами (Япон хэлээр “амтат” гэсэн үг) гэсэн таван үндсэн амтыг хянах таван гельнд оруулсан электролитийг ашигладаг. Таван хоолойт уг төхөөрөмжинд хэлээ хүргэх үед амт мэдрэх чадварыг өдөөдөг. Гэхдээ өөр өөр цахилгаан цэнэг хэрэглэвэл зарим амт нь нэмэгдэж, зарим нь алга болдог.
“Хэл дээр хүчдэлгүй түрхэхэд хэрэглэгч таван амтыг нь бүгдийг нь амталдаг. Гэхдээ цахилгаан потенциал хэрэглэхэд гель дэх катионууд катодын тал руу шилжиж, хэлнээс хол байх тул амт нь сул амтлагддаг”гэж Мияшита тайлбарлажээ.