Дэлхийн алдартай шоуг монголдоо албан ёсны эрхтэйгээр “Боловсрол” телевиз хоёр дахь жилдээ хүргэж байна. Энэ удаагийн “Яг түүн шиг-2” шоуны дугаарт “Камертон” хамтлагийн дуучин Г.Мэнд-Амар, дуучин А.Хишигдалай, “Х Түц” хамтлагийн жүжигчин Г.Бархүү, “Эмоци” хамтлагийн жүжигчин Б.Ариунцэцэг, дуучин Б.Халиун, БНСУ-д уран бүтээлээ туурвидаг дуучин С.Гантогоо, төгөлдөр хуурч Алимаа буюу Ами, “Шар айраг” хамтлагийн дуучин Г.Ганхүү нар оролцлоо. Хамгийн сүүлийн найм дахь оролцогчийн нэрийг нууцалж байсан бөгөөд өчигдөр хамгийн сүүлд нууц ноёнтон нүүрээ харуулж олныг гайхашруулав. Энэ нууц эрхэм бол өмнөх жилийн шоуны шүүгч хийж байсан Г.Ганхүү байлаа. Тэрбээр Харангын Лхагваагийн дүрд хувиран дуулсан нь чамгүй адилхан болж дуугаа дуулан дуустал нь үзэгчид хэн бэ гэдгийг нь тааж чадахгүй эргэлзэж байсан юм. Тэрбээр шоунд оролцох болсон шалтгаанаа тайлбарлахдаа “Зарим залуус 60, 70 оныхон амьд юм уу гэж яриад байдаг. Тэгвэл Би 60, 70-аад оныхноо төлөөлөн оролцож байна” гэсэн юм.
Өмнөх улиралын шүүгчээр ажиллаж байсан жүжигчин Г.Онон энэ удаад дахин шүүгчдийн ширээнд суулаа. Харин түүний хамт “Яг түүн шиг-2” шоуг шүүхээр хөгжмийн зохиолч Б.Наранзун уригджээ. Тэрээр шууд л шүүгчдийн ширээнд суусангүй Б.Бадар-Ууган агсны г үзэгчидтэй уулзууллаа. Мөн тэдний хамт жүжигчин Г.Ундармаа шүүгч хоёр залуугаа чимэн ажиллахаар сонгогджээ.
Энэ удаагийн шоуны анхны ялагчаар жүжигчин Г.Бархүү шалгарч 3 сая төгрөгийн эзэн болов. Тэрээр дуучин Дэлгэрмөрөнг гайхалтай дуурайж олныг бишрүүлж чадсан юм. Хувцаслалтынхаа талаар ярихдаа “дуучнаас нь гутал, бүсийг нь авсан нь их нэмэр боллоо” хэмээж байв.
О.ӨНӨР